मराठीचे आंतरजालावर आणखी एक पाऊल पुढे टाकणार्‍या ह्या स्थळाचे अभिनंदन.

आम्ही आता बजबजपुरीवर देखिल सदस्य झालो आहोत!

-कोलबेर

आंतरजालावरील नव्या मराठी संकेतस्थळाचे स्वागत.

रुपडे देखणे झाले आहे. कोंबडे आधी की अंडे आधी हा मतप्रस्तावही आवडला. बेरक्याचे लेखनही उत्तम. सदस्यत्त्व घेतले आहे. तिथे येऊन प्रतिसाद देतो.

नवीन साइटीबद्दल अभिनंदन आणि शुभेच्छा.
बाकीच्या गमती बघायला येऊच.
----
रंध्रात पेरीली मी, आषाढ दर्द गाणी

सध्या इतकेच. बाकी जरा वाचन केल्यावर.

या नवीन संकेतस्थळावर काही लेखांत जो खंवटपणा जाणवला, तो माझ्या आवडीपेक्षा अधिक वाटला.

तरी टवाळकी, खंवटपणा, अगदी चीरफाड करणारे व्यंग्यही साहित्यिक दृष्ट्या दर्जेदार असू शकते. पुढेमागे अशा प्रकारचा उच्च दर्जा या संकेतस्थळाला यावा, म्हणून शुभेच्छा.

खिल्ली/टिंगल-टवाळी साठी वाहिलेल्या मराठी संकेतस्थळाची कल्पना आवडली. सुरूवातीचे काही लेखही मजेशीर आहेत. संकेतस्थळाच्या पुढील वाटचालीसाठी शुभेच्छा.

मराठी असे आमुची मायबोली तिला बैसवूं वैभवाच्या शिरी |
***********************************
बजबजपुरी या नवीन मराठी संस्थळाचा प्रारंभ संक्रांती दिवशी (दि.१४.जाने.२००८) झाला. त्या स्थळाची ओळख करून देणारा एक चांगला लेख उपक्रम वर आला हे योग्यच झाले.
या नूतन संस्थळाला काही उपक्रमींनी इथे शुभेच्छा व्यक्त केल्या हेही ठीक. पण तेव्हढे सोडून जे अन्य अनेक प्रतिसाद आहेत ते इथे उपक्रमावर लिहिण्याचे कारण काय? ते बजबजपुरीवर लिहिणेच इष्ट इष्ट ठरले असते. इथे असे लिहिणे अनुचित आहे असे मला वाटते.यास्तव ते सर्व प्रदिसादलेखन बजबजपुरीवर नेऊन टाकावे अशी माझी संबंधितांना विनंती आहे.

बाकी बजबजपुरी देखणे वाटले. लेआऊट भयंकर सुटसुटीत आहे.

आमचेही संकेतस्थळ लवकरच येत आहे. त्याचा विषय आम्ही आताच देणार नाही मात्र. :-)

-सौरभ

अनेक संदर्भ काढल्याने प्रतिसादातील काही भाग संपादित केला आहे.

बजबजपुरी या नव्या संकेतस्थळास शुभेच्छा. विनोदाला वाहिलेले स्थळ ही कल्पना छान आहे.
या वर उत्तम दर्जेदार विनोदी साहित्य वाचायला मिळो.

--लिखाळ.

टीका करणारे प्रतिसाद काढल्याबद्दल धन्यवाद....आता सर्व स्वच्छ असल्याचे जाणवत आहे.

या चर्चेत आलेल्या अनेक उलट-सुलट प्रतिसादांमुळे मूळ विषयाला वेगळे वळण लागल्याचे लक्षात आल्याने चर्चेतील अनेक प्रतिसाद सरसकट संपादित करण्यात आले आहेत याची कृपया सर्व सदस्यांनी नोंद घ्यावी. यांत चर्चेशी संबंधीत प्रतिसाद चुकून अप्रकाशित होण्याची शक्यता असून त्याबद्दल उपक्रमाचे संपादन मंडळ दिलगीर आहे. या चर्चेचा त्रास झाल्याचे अनेक सदस्यांनी कळवले आहे. संदर्भादाखल श्री. यनावाला यांचा प्रतिसाद येथे ठेवला आहे.

नवीन संकेतस्थळाच्या उपक्रमांबद्दल, धोरणांबद्दल नव्याने एकदा चर्चा सुरु करण्यास प्रत्यवाय नाही परंतु चर्चा वैयक्तिक अंगाने जाऊ नये हे उपक्रमाचे धोरण पाळले जाईल याची काळजी सर्व सदस्यांनी घ्यावी. चर्चेत पुन्हा आक्षेपार्ह प्रतिसाद आढळले तर चर्चा वाचनमात्र केली जाईल. इतर संकेतस्थळांवरील वाद येथे आणून सोडवण्याबद्दलही सदस्यांच्या तक्रारी आल्या आहेत. माहितीप्रधान लेखन, चर्चा आणि समुदाय हे उपक्रमचे स्वरूप टिकून राहावे आणि उपक्रमच्या लेखनविषयक उद्दिष्टांशी सुसंगत असेच लेखन इथे असावे असे संपादन मंडळाला वाटते. एकमेकांवर व्यक्तिगत वार, तेढ वाढवणे, एखाद्याचे वैयक्तिक प्रश्न सोडवणे हे उपक्रमाचे उद्दिष्ट नाही. उपक्रमाच्या धोरणांविषयी अधिक माहिती येथे मिळेल.

सर्व सदस्यांनी सहकार्य करावे ही कळकळीची विनंती. - संपादन मंडळ.

कारवाईबद्दल संपादकमंडळाचे आभार.

अवांतर : सद्यस्थितीमध्ये या लेखाची वाचने १७९७ आहेत. इतका मोठा आकडा पहिल्यांदाच पाहिला.
----
रंध्रात पेरीली मी, आषाढ दर्द गाणी

वा विनोदासाठी खास स्थळ!? वा क्या बात है!
इथे विनोदीपणा खरंच आला तर आवडेल.
बजबजपुरी ला मनापासून शुभेच्छा!

अशीच मराठी स्थळांची संख्या वाढती राहो. त्याबरोबर सदस्यही वाढोत.

आवांतरः
बरेच झाले!
ही भानगड पाहून मी दोन चार दिवस 'आतच ' आलो नाही. बजबजपुरी ही का ती?, असं वाटायला लागलं.
जो उठतो तो एकमेकांच्या धोतराच्या निर्‍यांना (आणि प्रसंगी कासोट्यांना) हात घालत होता.
बरं झालं उपक्रमाने लंगोट्याच आवळून टाकल्या, आणि प्रसंगी काढून घेण्याचीही बंदी केली ते.
;))
आपला
कोणत्याही भानगडीपासून सध्या जरा दूरच!
गुंडोपंत

नविन संकेतस्थळाला शुभेच्छा.

बजबजपुरीचे गजबजपुरीत रुपांतर व्हावे हीच सदिच्छा.

मराठीचे अनेक सांस्कृतिक अंगे आजही दुर्लक्षित आहेत. त्यांना बजबजपुरीत स्थान मिळावे ही इच्छा. ( विनोद, शृंगार, भय कथा इत्यादी)

सर्वात आधी मी बजबजपुरीतर्फे उपक्रमावरील सर्व शुभचिंतकांचे आभार मानतो. ह्या संकेतस्थळावर बजबजपुरी.कॉम ह्या अस्मादिकांनी विकसित केलेल्या संकेतस्थळाबद्दल काही गैरसमज पसरले आहेत किंवा पसरविले जात आहेत असे दिसते. गोंधळ जरा शांत झाल्यावर ह्यावर थोडे लिहावे असे मनात होतेच. म्हणून हा प्रपंच.

कुठल्याही संकेतस्थळाला उत्तर म्हणून बजबजपुरी हे संकेतस्थळ सुरू केलेले नाही. माझे मित्र उपक्रमकार शशांक जोशी, गमभनकार ओंकार जोशी ह्या जोशीद्वयांसोबत आणि इतर काही स्नेह्यांसोबत केवळ हास्यविनोदाला वाहून घेतलेले संकेतस्थळ सुरू करण्याबाबत २००७ सालीच चर्चा केली होती. (ही चर्चा जीमेलवर जतन झालेली आहे. कुणाला हवी असल्यास देता येईल) काही आराखडेही तयार केले होते. कंपूबाजी.कॉम हे डोमेननेमसुद्धा तेव्हा विकत घेण्यात आले होते. (तारखेची खातरजमा करण्यासाठी कुणाला कंपूबाजीची पावती पाहिजे असल्यास देता येईल.) पण अनेक कारणांमुळे असे संकेतस्थळ उघडण्यासाठी २००९ सालाची संक्रांत उजाडावी लागली. असो.

सुरेशभट.कॉम, मराठीअभ्यासपरिषद.कॉम आणि बजबजपुरी.कॉम ह्या आम्ही उभारलेल्या संकेतस्थळांचा आम्हाला अभिमान आहे. पुन्हा एकदा सांगावेसे वाटते की, बजबजपुरीची स्थापना कुठल्याही संकेतस्थळाशी स्पर्धा करण्यासाठी झालेली नाही. बजबजपुरीची उद्दिष्ट्ये इतर संकेतस्थळांपेक्षा अत्यंत वेगळी आहेत. इतर संकेतस्थळे आमच्यासाठी प्रेरणास्रोतच आहेत. त्यांची भरभराट बजबजपुरीच्या हिताचीच आहे.

पूर्णविराम!

चित्तरंजन भट