माझा प्रतिसाद आपल्याला उपरोधिक वाटला हे बघून वाईट वाटले. तसा उद्देश नव्हता.

छे. मला तुमचा प्रतिसाद उपरोधिक वाटला नाही. तुमच्या प्रतिसादातून डाव्या संघटनांबद्दल बहुधा तुमचाच गैरसमज झाल्याचे मला वाटते आहे. तो दूर करण्याचा आणि डाव्यांचा खरा चेहरा दाखवण्याचा मी माझ्यापरीने प्रयत्न केला. मला तुमचा प्रतिसाद उपरोधिक वाटल्याचे तुम्हाला वाटल्याचे बघून वाईट वाटले. तसे वाटून घेण्याचा माझा खरेच उद्देश नव्हता.

टोकाची असहमती ! या संघटनांमध्ये दोष औषधालाही नाही. सावरकरांच्या भाषेत "जे जे उत्तम, उदात्त, मंगल, महन्मधुर ते ते" या संघटनांमध्ये भरलेले आहे.

असे मला वाटत नाही. त्या डाव्यांच्या प्रॉपगॅन्ड्याला तुम्ही बळी पडलेले दिसता. अर्थातच गांधीहत्येत डाव्यांचा हात असल्यास माहीत नाही. बाबरी मशीद पाडण्याचे काम आणि गुजरातच्या दंगली डाव्यांनीच घडवल्याचे अद्याप तरी कुणी उघडकीस आणलेले नाही. २६/११ हे डाव्यांचे कारस्थान असल्याचेही कुणी सिद्ध केलेले नाही. हाफ़िज़ सईद आणि नरेंद्र मोदी हे मार्क्सिस्ट असल्याचाही कुणी पुरावा आजपावेतो दिलेला नाही.

आपण आणि यनावाला एकापेक्षा एक अश्या लेखांची आतषबाजी करत असताना आम्ही मध्येच कशाला कडमडायचे? आणि असाही तुमच्यासारख्या सूर्यांसमोर आम्हा काजव्यांचा प्रकाश पडणार का?

तुम्हीच स्वतःच स्वतःला काजवे म्हणवून घेत आहात. हे योग्य आहे का? ते इतरांवर सोडा. तुम्ही फक्त अभ्यासपूर्ण विवेचन लिहावे, ही नम्र विनंती.

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

केरळमध्ये कम्युनिस्ट् संघटना आणि संघ् यांच्यात् विळ्या-भोपळ्याचे सख्य आहे असे ऐकून् आहे. आणि या दोघांनी परस्परांचे मुडदे पाडण्यात् कोणतीच् कसर् सोडलेली नाही असे ऐकले आहे. गावाबाहेर् विळ्याची खूण् असलेला झेंडा किंवा त्रिशूळ् असलेला झेंडा पाहून् मगच् दोन्ही बाजूचे कायकर्ते गावात् शिरण्याचे धाडस् करतात् असेही ऐकले आहे.

केरळात चड्डीवाल्यांचे काही विशेष अस्तित्व नाही. ते तिथे मारच खात असतात. पण तो मुद्दा नाही. तुम्ही चड्डीवाले आणि विळा कोयत्यावाल्यांतले गँगवार आणि धार्मिक कट्टरतेमुळे होणाऱ्या हिरव्या-भगव्या दंगली ह्यात सोयीनुसार गल्लत करत आहात. असो.

धार्मिक् कट्टरता डोक्यात् न ठेवता जर हत्या केली तर ती नक्कीच् पुरोगामी वॄत्ती झाली. तरी कम्युनिस्टांना धाग्यात् वगळले हे चांगलेच् झाले नाही का

अच्छा अच्छा. कम्युनिष्टांच्या खुनशीपणावर काढा की वेगळा धागा. तुम्हाला कुणी मनाई केली आहे? आणि हुसैन ह्यांचा निधनांतर आनंद व्यक्त करणाऱ्यांनी पुरोगामीपणाबाबत टीकाटिप्पणी करणे म्हणजे वारांगंनांनी पातिव्रत्याबाबत आणि मंगळागौरीच्या व्रताबाबत बोलण्यासारखे आहे. असो.

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

"ऐकिवात आहे" असा शब्दप्रयोग करताना नावाचा उल्लेख टाळण्याचा प्रघात आहे काय?

आपण थेट नाव घेतले आहे आणि मग ऐकिवात आहे असे म्हटले आहे. काय समजावे?

अडचण समजली नाही. पेंडसे शाळेत कार्यरत असताना त्या शाळेत शिकणारे काहीजण परिचयाचे आहेत. त्यांच्याकडून ही वदंता समजली. म्हणजे ही ऐकीव माहिती आहे.

- चिंतातुर जंतू :S)
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" || ५ ||

माझे म्हणणे समजावण्याचा प्रयत्न करतो.

धार्मिक (रास्वसं, लष्कर,व्हॅटिकन वगैरे)

यांची विचारसरणी द्वेषावर आहे हे तुम्ही मानता तेव्हा ते सिद्ध करत बसत नाही.

निधर्मी (कम्युनिस्ट, माओवादी वगैरे):

यांची विचारसरणी कॅपिलिस्ट लोकांचा विरोध करते. मात्र् त्याच बरोबर प्रस्थापितांविरुद्ध द्वेष पसरवण्याचे कामही करते. जसे माओवादी आदीवासींच्या मनात इतर अ-आदीवासींबद्दल पद्धतशीरपणे द्वेष पसरवत आहेत. आदीवासींसाठी चांगली कामे करण्याचा आव आणताहेत . चांगुलपणा हे चलन वापरून सरकार, प्रस्थापितांविरूद्ध द्वेष पसरवल्याशिवाय त्यांचे उद्देश साध्य होतीलसे वाटत नाही.

राजकीय(भाजपा, काँग्रेस वगैरे)

किती राजकीय पक्ष निव्वळ स्वतःच्या विचारसरणीसाठी मते मागताना दिसतात? यांचा प्रचार म्हणजे दुसर्‍या पक्षाच्या विचारसरणीबद्दल द्वेष पसरवण्याचा प्रयत्न असतो. अर्थात येथे द्वेष पसरवणे कमी तीव्रतेने चालते याच्याशी सहमत.

हा तर्क इतर उदा.साठी वाढवता यावा..

ऋषिकेश
------------------
कधी कधी तुम्ही काय बोलताय हे तुम्हालाहि कळत नाहि, इतके तुम्ही हुशार आहात का?