उपक्रमाला दुसरे पारितोषिक विभागून मिळाल्याचे कळते. उपक्रमींचे अभिनंदन!

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

पारितोषिकाबरोबरच खालील गोष्टींचा विशेष आनंद झाला.
१) उपक्रम प्रशासनाने ह्या स्पर्धेविषयी उदासिनता न दाखवता प्रवेश अर्ज भरला.
२) निवडकर्त्यांनी 'मजकूराचा दर्जा' हा 'बाह्यांगापेक्षा' महत्त्वाचा मानला.
३) शासकीय असूनही निकाल वेळेत घोषित झाले आणि नि:पक्षपाती सुद्धा वाटतायत.

उपक्रमावरील मजकूराचा दर्जा उत्तम आहेच पण तरीसुद्धा थोडे आत्म-परीक्षण् ह्या निमित्ताने व्हायला हरकत नसावी. संकेतस्थळाचे 'बाह्यांग' हेही तितकेच महत्त्वाचे आहे. मल खटकणार्‍या दोन प्रमुख गोष्टी म्हणजे अ) मुखपृष्ठावर नविन काही न दिसणे ब) 'गमभन' ची जुनीच आवृत्ती ज्यात एक अधिक 'अ' टंकावा लागणे.

उपक्रम प्रशासन आणि उपक्रमींचे पुन्हा एकदा अभिनंदन...

आनंददायी बातमी. हार्दिक अभिनंदन.

आनंद देणारी बातमी.

-दिलीप बिरुटे

उपक्रमाचे अभिनंदन. उपक्रम मालक,चालक वगैरे मंडळींनी ह्या निमित्ताने उपक्रमात काही बदल घडवून आणले तर दुधात साखर पडेल. (विशेषतः मुखपृष्ठ अद्ययावत करणे)

वसुलि
वसंत सुधाकर लिमये

म्हणतो. हार्दिक अभिनंदन.

---
सम पीपल आर भलाचंगा, सम आर भिकमंगा
कॅनॉट जज एनीबडी, सरीफ ऑर लफंगा

मराठी असे आमुची मायबोली तिला बैसवूं वैभवाच्या शिरी |
***********************************
"राज्य मराठी विकास संस्थेतर्फे आयोजित मराठी संकेतस्थळांच्या स्पर्धेत उपक्रमाला दुसरे पारितोषिक"

हे वृत्त आनंददायी आहे. मात्र ते वृत्तपत्रात प्रसिद्ध झाल्याचे वाचनात आले नाही.
उपक्रमला हे यश अल्प कालावधीत मिळाले आहे.इथल्या वैचारिक लेखनाचा स्तर तसा उच्च आहेच. पण आपली सदस्यसंख्या अगदी कमी वाटते. सदस्यत्व मिळविण्याची पद्धत आहे त्याहून सोपी असायला हवी का? ती अधिक सुलभ करता येईल का? सदस्यसंख्या वाढण्यासाठी उपक्रमींनी कांही सांघिक प्रयत्न करायला हवेत का? या विषयी कोणी पुढाकार घेतल्यास सर्व सदस्य सहकार्य करतीलच.

अभिनंदन.

उपक्रमाची अशीच प्रगती होवो ही सदिच्छा.

*तेवढं ते ऍ चं काहीतरी करा हो.*

नितिन थत्ते
(आय ओवरकम "१० % पेक्षा जास्त रोमन अक्षरे" प्रॉब्लेम बाय रायटिंग धिस वे)

असो खुपच ऊशिरा आठवण आली राव्.... ;)

आम्ही आमचे अभिष्ठ चिंतन येथे केले आहे... !

सकाळीच.. खुप उपक्रमवासी तिकडे आले व गेले पण कोणालाच येथे लिहावे असे वाटले नाही हे पाहून् नवल वाटले होते व त्यामुळेच लॉगईन केले होते व माझी कामना नव्हती की तोच लेख मी येथे पण् टाकू.. असो.

राज जैन
*********
"हज़ारों ख्वाहिशें ऐसी की हर ख्वाहिश पे दम निकले,
बहुत निकले मेरे अरमान लेकिन फिर भी कम निकले । "

उपक्रमी लेखक व चालकांचे अभिनंदन
अन्य बक्षीस विजेत्यांची नावे कळतील काय?
नैधृव कश्यप

उपक्रमावरचं लेखन, प्रतिसाद, चर्चा वाचतानाच हे काही वेगळंच पाणी आहे हे दिसून येतं. प्रगल्भ व रसरशीत वैचारिक लेखन ही उपक्रमाची खूण आहे. याची सरकारी परीक्षकांनी दखल घेतली हे वाचून आनंद झाला.

उपक्रमांच्या चालकांचं, लेखकांचं, वाचकांचं, प्रतिसाद देणाऱ्यांचं व परीक्षकांचंही अभिनंदन.

राजेश

द्रौपदीचे सत्त्व माझ्या लाभु दे भाषा-शरीरा
भावनेला येउं दे गा शास्त्र-काट्याची कसोटी

उपक्रमाचे, उपक्रमचालकांचे आणि उपक्रमींचे अभिनंदन!

खूप अभिनंदन्!! आनंद झाला.
(बाकी काही नाही, निदान् अ ची कटकट् मिटावी, बाकी सगळं मस्त्! )

बातमी वाचून आनंद झाला. उपक्रमाचे अभिनंदन.
उपक्रमावर वाचणे, लिहिणे यामुळे मला मोठा आनंद मिळाला आहे. उपक्रमाच्या प्रशासकीय कोरडेपणाबाबत, रटाळपणाबाबत आणि बाह्य रुपाबाबत बरेच लिहिले गेले आहे. अर्थात प्रशासकीय कोरडेपणा हा एकच निष्कर्ष धरला तर उपक्रमाला पहिले पारितोषिक मिळण्याची सुतराम शक्यता नाही! पण ते असो. उपक्रमाची भूमिका ही नेहमी तटस्थ राहिली आहे, आणि या बाबतीत उपक्रमाचे मालक, चालक आणि संपादक यांचे अभिनंदन करणे गरजेचे आहे. कोणताही आवेश घेऊन 'तू, तुझा बाप' असली भूमिका उपक्रमाने कधीही घेतली नाही. मराठी संकेतस्थळ म्हणून मला उपक्रमाचे हे विशेष वाटते.

सन्जोप राव
उफक पर खडी है सहर
अंधेरा है दिलमें इधर
वही रोज का सिलसिला

हा प्रतिसाद उघडण्याचे कष्ट घ्यावे लागू नयेत म्हणून शीर्षकातच eom लिहिले होते.

अभिनंदन अभिनंदन अभिनंदन! त्रिवार अभिनंदन! इतकी आनंददायक बातमी क्वचितच मिळते. उपक्रमाचा सदस्य असल्याने मला तर माझाच दुसरा नंबर आल्यासारखे वाटत आहे.

बाकी आहे असे उपक्रम आपल्याला आवडते. काही सूचना वर सदस्यांनी सांगितलेल्या आहेतच पण त्यामुळे उपक्रमावरचे प्रेम कमी होत नाही.

थीम बदलताना आम्हाला सांगा. आमच्या प्रिय उपक्रमाचे आधीच स्क्रीन शॉट घेऊन ठेवतो.

==================

+

माझ्यासारख्या वाचकाला उपक्रम म्हणजे ज्ञानाचे भांडार मिळाल्यासारखेच झाले.
मागील काही महीन्यांपासून उपक्रम हे माझ्यासाठी, अभ्यासाचे मुख्य स्त्रोत राहीले आहे.

धन्यवाद, उपक्रम.

उपक्रमाचे अभिनंदन,
हे जसे आहे तसेच मला आवडते!

आपला
गुंडोपंत

निवडकर्त्यांनी 'मजकूराचा दर्जा' हा 'बाह्यांगापेक्षा' महत्त्वाचा मानला. हे वाचक यांचे मत अगदी खरे आहे. दर्जेदार मजकूर हीच उपक्रमाची सर्वात मोठी जमेची बाजू आहे. म्हणूनच खरंतरं हे अभिनंदन जसे उपक्रमचालकांचे आहे तसेच इथे व्यासंगी लेखन करणार्‍या सदस्यांचे सुद्धा आहे.

बाकी 'स्थितप्रज्ञ' मुखपृष्ठाच्या समस्येशी सहमत आहे. सदस्यांच्या विनंतीचा विचार करुन त्यावर उपाय करण्यास हरकत नसावी.

जयेश

पारितोषिक मिळाले म्हणून संस्थळ आहे तसेच ठेवायचे असे शक्यतो होऊ नये ही प्रशासनाकडून अपेक्षा. उपक्रमाचा सुंदर वैचारिक गाभा सोडला तर इतर काही गोष्टींत बदल केल्यास ते निश्चितच स्वागतार्ह ठरतील असे वाटते. विशेषतः उपक्रमाचे बाह्य रंगरूप आणि टंकनप्रणाली यांत बदल झाल्यास उत्तम. दुसर्‍या एका धाग्यावर राज जैन यांनी केलेल्या सूचना या संदर्भात योग्य वाटतात.

-- येडा बांटू

माहितीचे आदानप्रदान मराठीतून करण्यासाठी निर्माण झालेले संकेतस्थळ नावारूपाला येत असल्याचे पाहून आनंद झाला.
सर्व संबंधितांचे अभिनंदन.

पारितोषिकाबद्दल उपक्रमचे अनेक अभिनंदन!!

'निवडकर्त्यांनी 'मजकूराचा दर्जा' हा 'बाह्यांगापेक्षा' महत्त्वाचा मानला.'
या मताशी सहमत. उपक्रमाला मी माझ्या ज्ञानाच्या महत्त्वाच्या स्त्रोतांपैकी एक मानते. खरं तर येते वाचण्यासारखं एवढं असतं की 'बाह्यांग' कधी फारसे खटकलेच नाही. परंतु त्यात सुधारणा झालीच तर दुधात साखर! :-)

चांगल्या प्रसंगी कान खेचण्याची प्रथा आहेच. उपक्रमावरील एक जुनी सदस्या या नात्याने मी उपक्रमपंतांचेच कान खेचते.

वर लोकांनी उपक्रमामध्ये सुधारणा आणावी असे आवाहन केलेले आहे. अशी आवाहने आतापर्यंत खूप झाली. बर्‍याच सदस्यांनी उपक्रम साधेसुधे असावे त्यात खूप सुधारणांचा भरणा करून संकेतस्थळ हळू किंवा भडक करू नये असेच सांगितले परंतु काही बेसिक अडचणी सोडवणे शक्य आहे असे वाटते. उपक्रमपंत दर चर्चेत हजर होऊन अशा सुधारणा करण्याची आश्वासनेही देतात परंतु पुढे काहीच होत नाही.

प्रत्येक माणसाला आपले खाजगी आयुष्य आहे आणि उपक्रमपंत कामांत गुंतलेले असतील हे खरेच. त्यांनी दर दिवशी किंवा दर आठवड्याला मुखपृष्ठ बदलावे, रंगसंगती बदलावी वगैरे अपेक्षा येथे कोणी ठेवत असेल असे वाटत नाही. परंतु आता दोन-तीन वर्षांनी जर त्यांना स्वतःला शक्य नसेल तर त्यांनी काही मोजक्या सदस्यांवर विश्वास टाकून त्यांच्या हाती थोडीफार सूत्रे देण्यास हरकत नसावी. अशा सुधारणा करून देण्यात रस असलेल्या सदस्यांची एखादी समिती स्थापन करता येईल आणि संकेतस्थळ अधिक आकर्षक करता येईल असे वाटते.

कृपया, विचार व्हावा आणि इम्प्लिमेंटेशनही.

महाराष्ट्र हे असे राज्य आहे
जेथे खेड्यात दर १२ तासांत
तर गावांत ३ तासांत
उत्सव साजरा करतात
लाईट आली लाईट आली.
*************************

अभिनंदन , सर्व उपक्रमींचे आणि विशेष करुन व्यवस्थापकांचे ,एक उपक्रमी म्हणून स्वतःचे व इतर सगळ्या संबंधितांचे हार्दिक अभिनंदन.अशीच प्रगती होवो ही सदिच्छा.

परिक्षकांचेही अभिनंदन.

शैलु...

येथे अनेकजण मुखपृष्ठा बद्दल लिहित आहेत. ते कसे असावे याची चर्चा व्हावी असे वाटते. जेणे करुन पंतांना थोडी तयार माहिती मिळेल. :)

उपक्रमाचे, उपक्रमींचे, मालकांचे, चालकांचे मन:पूर्वक अभिनंदन!

-राजीव.