ऍलिस इन द ब्लंडरलँड माहित नाहि मात्र ऍलिस इन् वंडरलँड नावाची एक उत्तम बालकादंबरी आहे. ज्यात ऍलिस ही बाल नायिका एका सशाच्या मागे एका अद्भूत दूनियेत जाते. तिथे असलेली पात्रे, बोलका-सतत घाईत असणारा-घसड्याळ बघणारा ससा, गायब होणारा बोका वगैरे लक्षात आहेत.

चर्चाविषय उत्तम.

आम्ही आमचे (अ)ज्ञान उघड केले आहे. आता जाणकार, जिज्ञासू, विचक्षण, व्यासंगी उपक्रमींच्या प्रतिसादाची वाट पाहतो :)

ऋषिकेश
------------------
समाजातली सामाजिक जाणीवही अगदी नसल्यातच जमा आहे. सुस्त, मद्दड जनता गोळाभर अन्न गिळून, टीव्हीवरच्या मालिका बघून झोपी जात आहे - सन्जोप राव

अरूण शौरी -

हम्प्टी डम्प्टी आणि ऍलिस इन वंडरलँड हे दोन उल्लेख लूईस कॅरल (टोपणनाव) यांच्या Through the Looking-Glass, and What Alice Found There या कादंबरीतून आलेले आहेत. ('ब्लंडरलँड' हा शब्द मुळात अरूण शौरींचा नव्हे. तो मुलाखतकार शेखर गुप्ता यांनी वापरला आणि अरूण शौरींनी अनुमोदित केला.) दोन्ही उल्लेख 'भाषेचा आपल्याला हवा तसा अर्थ काढणे' किंवा 'अर्थहीन बडबड' यावर टीका म्हणून आहेत.
'मी टारझन' (Me Tarzan - You Jane) हा उल्लेखही असाच भाषेच्या संदर्भातला टीकात्मक उल्लेख आहे. खरेतर टारझनला कोणतीही मानवी भाषा येत नसता त्याचे हे उद्गार तोच 'जेन'ला भाषा शिकवत आहे असा आभास निर्माण करतात.
या तीन उपमांचा एकत्र अर्थ या मुलाखतीच्या निमित्ताने असा की - भाजपाचे शीर्ष नेतृत्त्व अर्थहीन बडबड करत आहे, भाषेचा आपल्याला हवा तसा अर्थ काढत आहे आणि आपल्यालाच काय ते योग्य वागता/बोलता येते अशा अविर्भावात आहे असे अरूण शौरींचे मत आहे.

कटी पतंग - 'ना कोई उमंग है...' या सुप्रसिद्ध गाण्यांच्या बोलांमुळे जनसामान्यात बोलवा असलेली प्रतिमा.(मूळ चित्रपटकथेशी या दाखल्याचा संबंध नाही.) २००९सालच्या लोकसभा निवडणुकीतील पराभवामुळे दोलायमान झालेली भाजपाची अवस्था एखाद्या काटल्या गेलेल्या पतंगाप्रमाणे आहे. तो पक्ष दिशाहीनपणे भरकटत आहे असे अरूण शौरी यांचे म्हणणे.

जसवंतसिंग -

'क्लू क्लुक्स क्लॅन' हा उल्लेख संयुक्त अमेरिका गणराज्यातील दक्षिण राज्यांमधील विद्वेषाची मानसिकता बाळगणार्‍या श्वेतवर्णीय दहशतवादी गटांबाबत आहे. भाजप असाच एक विद्वेषी मानसिकता बाळगणारा पक्ष आहे असे जसवंतसिंग यांना सूचित करायचे आहे.

प्रश्नकर्ता सामान्य नाही. पण सामान्यपणे या प्रश्नांची सर्वसामान्य उत्तरे काय असू शकतील याचा हा सामान्य शोध.

ऍलिस इन द ब्लंडरलँड माहित नाहि मात्र ऍलिस इन् वंडरलँड नावाची एक उत्तम बालकादंबरी आहे. ज्यात ऍलिस ही बाल नायिका एका सशाच्या मागे एका अद्भूत दूनियेत जाते. तिथे असलेली पात्रे, बोलका-सतत घाईत असणारा-घसड्याळ बघणारा ससा, गायब होणारा बोका वगैरे लक्षात आहेत.

मनःपूर्वक धन्यवाद. म्हणजे भाजपात बालिशपणा चालला आहे आणि भाजपा बालिशांचा पक्ष आहे असे त्यांना सुचवायचे आहे का? इथे ससा कोण बोका कोण, ससा घाईत का, बोका गायब का होतो हेदेखील सांगावे. तसेच हम्टी डम्टी बद्दल जाणून घ्यावेसे वाटते आहे. शाळेत असताना बोस्टन टी पार्टीबद्दल वाचले होते. त्यातल्या टी सारखाच हा टी आहे काय?

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

विसुनानांनी थोडक्यात माहिती दिली आहेच परंतु आपल्या देशातील नेतृत्वाला पंचतंत्रापासून महाभारतापर्यंत धडे देण्याची गरज दिसते. कटी पतंग वगळता सर्व उपमा परदेशी!!

अरेरे!! ;-)

त्यांना उपक्रमावर बोलवून महाभारतावरील आणि पौराणिक लेख वाचण्याची शिक्षा द्यावी काय? - ह. घ्या.

कदाचित थोडे अवांतर असेल पण तुम्ही दिलेल्या यादीत कालचे 'सुदर्शन चक्र' दिसले नाही म्हणून हा प्रतिसाद देण्याचा मोह झाला ;)

छान धागा सुरू केलात. 'क्लू क्लक्स क्लॅन' मलाही माहिती नव्हते. सकाळी विकीवर शोधले.

१) कू क्लक्स् क्लॅन् - खूप वर्षांपूर्वी वाचनात आलेल्या माहितीनुसार "कू क्लक्स् क्लॅन् " ही अमेरिकेतली कृष्णवर्णीयांविरोधात हिंसक कारवाया करणारी संघटना होती.

२) ऍलिस् इन् ब्लंडरलँड् - माझी माहितीही ऋषिकेश यांनी दिलेल्या माहिती सारखीच आहे. अवांतर - प्रियांका गांधींनी जेव्हा राजकारणात नव्यानी प्रवेश केला तेव्हा तत्कलीन काँग्रेस पक्षात त्यांची अवस्था वर्णन करणारा जो अग्रलेख टाइम्स् ऑफ् इंडियाने लिहिला होता त्याचं शीर्षक 'ऍलिस् इन् ब्लंडरलँड्' असं होतं.

३) हम्प्टी-डम्प्टी - शब्दकोषात या शब्दाचा अर्थ "गिड्डा गरगरीत वाटोळा मनुष्य" असा दिला आहे. हम्प्टी-डम्प्टी विषयी लहान मुलांची एक कविता प्रसिद्ध आहे ती अशी :
हम्प्टी-डम्प्टी सॅट् ऑन् अ वॉल्
हम्प्टी-डम्प्टी हॅड् अ ग्रेट् फॉल्
ऑल् किंग्ज् हॉर्सेस् अँड् ऑल् किंग्ज् मेन्
कुड् नॉट् पुट् हम्प्टी-डम्प्टी टुगेदर् अगेन्

सुदर्शन चक्र एकदा हातातून सुटले की ते ज्याचा बीमोड करायचा तो झाल्याशिवाय परत येत नाही. फक्त वाट बघा. सर्व गोष्टी स्पष्ट होतील. राजकारणी, मग ते भाजपाचे असले तरी बाष्कळ बडबड कधीच करत नाहीत. देअर इज ऑलवेज अ मेथड इन देअर मॅडनेस
चन्द्रशेखर

फारच मनोरंजन आणि उद्बोधक चर्चा.
केकेके हे नाव बंदूक लोड करताना येणार्‍या आवाजावरुन घेतले आहे असे होम्सच्या 'फाईव्ह ऑरेंज पिप्स' या कथेत वाचले आहे.
सन्जोप राव
ये सारा जिस्म बोझ से झुककर दोहरा हुवा है
मैं सजदे में नही था, आपको धोखा हुवा है

पक्षाची अवस्था 'बुडत्याचा पाय खोलात' अशी दिवसेंदिवस होत आहे.

आधी जीना, आता कंदहार अडवाणी यांच्यावर चहुबाजूने प्रहार

टारझन बद्दल कोणीच लिहित नसल्याने मिळालेली माहिती देतो. टारझन हे आंतरजालावरील एक सुप्रसिद्ध व्यक्तीमत्त्व आहे. येत्या ३० तारखेला टारझनचा वाढदिवस असतो. इथे त्याला (आगाऊ) शुभेच्छा देण्यात येत आहेत. ;)

ऋषिकेश
------------------
समाजातली सामाजिक जाणीवही अगदी नसल्यातच जमा आहे. सुस्त, मद्दड जनता गोळाभर अन्न गिळून, टीव्हीवरच्या मालिका बघून झोपी जात आहे - सन्जोप राव