टिपूची राजधानी श्रीरंगपट्टण येथे होती. ल्याच्या राजवाड्याच्या जवळच श्रीरंगनाथस्वामींचे खूप पुरातन देवालय आहे. या दोन्ही वास्तू आजसुद्धा पहायला मिळतात. सैतान टिपूला काफिरांच्या या देवालयाचा विध्वंस करण्याची सैतानी इच्छा का झाली नाही?

का हो. सहा सोनेरी पानेमधला जवळ जवळ सगळाच्या सगळा उतारा तुम्ही इथे उतरवला आहे. तो काढून् टाकला तर तुमचा लेख आत्ता आहे त्याच्या १/४ सुद्धा उरणार नाही.

स्वामी विवेकानंद म्हणत "स्वातंत्र्य काय आपण एका दिवसात आणून दाखवू शकतो"
असे ते खरोखरंच म्हणाले होते का? कारण हे अगदी बालिश विधान आहे.

अहो, आत्ताचे ताजमहल म्हणजे पूर्वीचे तेजोमहल नावाचे शिव मंदिर होते
तुम्ही पु.ना. ओक यांचे लिखाण वाचता का ?

म्हणे सिकंदर हा जगज्जेता होता. अहो, ज्या माणसाला भारताचा साधा एक प्रांत टिकवता आला नाही, तो माणूस जगज्जेता कसा असू शकेल?
अगदी अगदी. यापुढे मी तुम्हाला जगज्जेता म्हणणार.

या बंडलबाजीपासून सुटका करण्यासाठी उपक्रम प्रशासन काही करेल काय?

मराठी लोकांमध्ये टिपू हे कुत्र्याचे नाव ठेवतात, इतके माहीत आहे.

मला एक प्रश्न पडतो. नरगुंदचे संस्थानिक भावे आणि त्यांच्या घरातील स्त्रियांची टिपूने विटंबना केल्यानंतर पेशवे, सरदार पटवर्धन आदी पराक्रमी लोकांनी त्याचा सूड कसा नाही घेतला? टिपूविरुद्धच्या संयुक्त मोहिमेत मराठ्यांनी निजाम आणि इंग्रजांना साह्य केले खरे, पण टिपू आणि त्याचा बाप हैदर याला आधी वेळोवेळी जिवंत राहाण्याची आणि थोडा मुलूख किंवा खंडणी घेऊन तह करण्याची संधी कुणी दिली?

एकट्या टिपूला मारले म्हणजे सूड घेतला, असे होत नाही.

टिपूने केवळ मंदिरेच लुटली नव्हती तर वैष्णव स्वामींचे मठही लुटले होते. अशाच एका मठातून त्याला पूर्ण सोन्याचा पलंग मिळाल्याचे वाचनात आले.
प्रश्न आहे तो टिपूच्या संपत्तीचा आणि त्याने बाटवलेल्या सर्वसामान्यांचा. टिपूला मारल्यानंतर त्याच्या अंगावरचे अत्यंत मौल्यवान अलंकार, पागोट्यात लपवलेले हिरे आणि रत्नजडित तलवार ईस्ट इंडिया कंपनीच्या इंग्रज सोजिरांनी लुटली होती. या मोहिमेतून मराठ्यांच्या हाती काय लागले कुणास ठाऊक?

बाटवलेल्या लोकांना स्वधर्मात घेण्याकडे आपल्या राज्यकर्त्यांनी आणि धर्मपंडितांनी लक्ष दिले असते तर तीनशे वर्षांहून अधिक काळ एकच बोंब मारत बसण्याची वेळ आपल्यावर आली नसती. पंधराव्या शतकापासून पोर्तुगीज मिशनर्‍यांनी गोवा, वसई, दीव-दमण येथे जे केले तेच आज थोड्याफार फरकाने ईशान्य भारतातील राज्यांत होत आहे.

मेस्त्री साहेब मन फार उद्विग्न होतं हो. काय उपाय असेल या स्थितीत?

जयेश मेस्त्रीसारख्या लेखकांना उपक्रमावर स्थान असावे की नाही याचा उपक्रमाने कृपया विचार करावा ही विनंती.

स्वामी विवेकानंद म्हणत "स्वातंत्र्य काय आपण एका दिवसात आणून दाखवू शकतो. पण त्यासाठी आपण तयार झालो आहोत काय? समाज जोपर्यंत त्यासाठी पूर्णतः तयार होत नाही तोपर्यंत स्वातंत्र्य अर्थहीन आहे."

विवेकानंद असे म्हणत असतील तर त्यांचे वाक्य अतिशय अर्थहीन आहे.

सिकंदर हा जगज्जेता होता.

अर्थातच. जे जग सिकंदरला माहित होते त्याचा तो जेता होता.

त्याला स्वतासाठी, देशासाठी काहीच करता आले नाही म्हणून त्याच्याच गुरुने (ऍरिस्टॉटलने) त्याला विष पाजून मारून टाकले.

अरेरे! काय ही भाकड कथा. बा ऍरिस्टॉटला जयेश मेस्त्रींना माफ कर!

आपले हिंदू तर इतके भोळे आहेत की आपल्या चित्रपटात ताजमहल हे प्रेमाचे प्रतीक आणि जोधा-अकबर या चित्रपटात तर अकबर हा चक्क हिरो (नायक) दखवला आहे. अहो, आत्ताचे ताजमहल म्हणजे पूर्वीचे तेजोमहल नावाचे शिव मंदिर होते आणि अकबर हा कुणी सज्जन नव्हता तर इतर मुस्लिम बादशहांप्रमाणे तो सुद्दा राक्षसी धर्मवेडाने आणि हिंदूद्वेषाने पछाडलेला होता.

ताजमहाल आणि अकबर यांचा कोणताही परस्परसंबंध नाही. जोधा अकबर हा अकबराच्या जीवनावरील चित्रपट असल्याने त्याचा नायक अकबर असणार. महाराणाप्रताप या चित्रपटात अकबर खलनायक असू शकतो याची नोंद लेखकाने घ्यावी.

हिंदूधर्माचा मानभंग करण्यासाठी "हिंदूराजांनी आपल्या मुली मला दिल्या पाहिजेत, माझ्या जनानखान्यात कोंबल्या पाहिजेत" अशी जाहीरपणे अत्याचारी प्रतिज्ञा करणारा खल अकबर हा आमच्या चित्रपटाचा नायक असतो.

आमच्या मुलीशी लग्न कर असे सांगत अंबेरचे राजेच गेले होते अकबराकडे. तसे करू नकोस असाच सल्ला दिला होता त्याच्या मुल्ला मौलवींनी पण अनेकवेळा लाळघोटेपणा केल्यावर अकबर लग्नाला तयार झाला आणि लग्न केल्यावर त्यातले फायदे त्याच्या नजरेला आले. यात त्याचा शहाणपणा दिसतो.

कुठे सुभेदाराच्या लावण्यवती स्त्रीला आईची उपमा देणारे, तिला साडी-चोळी देऊन तिची आदरपूर्वक पाठवणी करणारे जाणता राजा शिवाजी आणि कूथे शेकडो हिंदू स्त्रीयांचे शील भंग करणारा टिपू सैतान. अहो कुठे आमचे ते श्रीमंत योगी आणि कुठे हा भिक्कारडा भोगी.

भाकड कथा. शेवटचे वाक्य उपक्रमींना ऐकवण्याऐवजी २-३रीतल्या पोरांना ऐकवावे.

हैदरअली हा म्हैसूरच्या हिंदू राजाच्या सैन्यातील अधिकारी होता. परंतु त्याने त्या हिंदू राजाचा घात करुन राजसत्ता स्वतःच्या ताब्यात घेतली.

अजातशत्रूने आपल्या बापाचा खून केला. अशोकाने आपल्या मोठ्या आणि इतर भावांचा काटा काढला. पुश्यमित्र शुंगाने मौर्य राजाला घाताने मारून हिंदु राज्य आणले. राणा कुंभाला त्याच्या मुलांनीच मारले. राघोबादादांनी काट करून नारायणरावांना मारले. आपले राज्य आपण टिकवायचे असते. इतरांनी घात केला म्हणून ओरडण्यात अर्थ नसतो.

पुढे टिपूने मलबारमद्दे एक लक्ष हिंदूंना बाटवले

एक लक्षांना बाटवल्यावर पुढे काय झाले? टिपू कंटाळला की तेवढेच हिंदू होते?

टिपू सुलतानला महाराजांची उपमा देऊ नका. कारण टिपू सुलतान नव्हता तर टिपू सैतान होता.

टीपूने अनेक अत्याचार केले असावेत. शक्य आहे. धार्मिक धोरणांबाबत त्याची आणि महाराजांची तुलना करूच नये. किंबहुना, कोणी केली बरे? याचा खुलासा लेखात होतच नाही.

असो.

अशा लेखांना उपक्रमावर प्रकाशित करू नये अशी विनंती. उगीच वेळ वाया जातो सर्वांचा.

भस्मसात झाले. पण बाटून मुसलमान झाले नाहीत. केवढा हा स्वधर्माचा अभिमान?... एके दिवशी तर टिपूने २४ तासांच्या आत ५० सहस्त्र हिंदू बाटवले.

स्वधर्माचा अभिमान नसलेल्या पन्नास हजार - सॉरी - सहस्र हिंदूंचा कडक निषेध!

हिंदू समाज इतका रसातळाला जात असताना (तो इतका रसातळाला गेला की शेवटी नेमाड्यांना त्या नावाची एक कादंबरी लिहावी लागली! त्याने तर तो अधिकच रसातळाला गेला, असे म्हणतात! असो.) 'स्मार्टबॉय' मेस्त्रींसारख्या ( असे मी म्हणत नाही, ते स्वतःच त्यांच्या ई-मेलच्या पत्त्यात म्हणतात. बर्‍याचशा गोष्टी मेस्त्री स्वतःच म्हणत असतात!) हिंदू एकजुटीसाठी तळहातावर शिरकमल घेण्याची तयारी असलेल्या आणि अश्रू अनावर झालेल्या नरपुंगवाची संभावना केवळ व्यंग आणि विनोद या टवाळ अस्त्रांनी केली जाते, हे बघून योगप्रभूंसारखे माझे मनही उद्विग्न झाले. या जगात शहाण्यांची कुणाला कदर नाही हेच खरे. मेस्त्री, हताश होऊ नका. हत्तीने आपल्या चालेने चालावे. जोवर तुमच्यासारख्यांचे रक्त हिंदुत्वाच्या कडव्या (की कडवट? राज ठाकरेंना विचारले पाहिजे!) गर्जना करत हिंदुस्थानच्या कोट्यवधी हिंदुंच्या नसांतून, धमन्यांतून आणि केशवाहिन्यांतून उसळ्या, धडका मारत आहे, तोवर अखंड हिंदुस्थाचे स्वप्न साकार करण्याच्या स्वप्नापासून आपल्याला कुणीही रोखू शकणार नाही. जय भवानी! जय शिवाजी!
सन्जोप राव
आह को चाहिये, इक उम्र असर होने तक
कौन जीता है, तिरे जुल्फ के सर होने तक

श्री. धागाकर्ते यांना सहस्रवेळा धन्स!!
या सप्ताहांती कोणता सिनेमा पाहावा याचा विचार करत होतो. पण लेखकमहोदयांनी अजून २ दिवस पुरेल एवढा टाईमपास उपलब्ध करून दिल्याबद्दल धन्स!!

ता. क.: लेख वाचत असताना लेखकाच्या नावाने अनेक ९६कुळी शब्द ओठांवर आले पण बोटांवर आले नाहीत. उपक्रम त्याची परवानगी देईल काय? फक्त एकदाच!! प्रॉमिस! ;-)

||वाछितो विजयी होईबा||

"जयेश मेस्त्री आगे बढो| हम तुम्हारे साथ है|", "संगठनमें शक्ती है|"
स्वा. सावरकरांनाही ज्या ऐतिहासिक गोष्टींचा 'शोध' लागला नव्हता त्या गोष्टी खणून काढून येथे प्रस्तुत केल्याबद्दल आपले अभिनंदन.
'ऐतिहासिक सत्य' असे काही नसतेच नाहीतरी.
***
अवांतर -
आपल्याला झालेली भगवी कावीळ लवकर बरी होवो ही आई जगदंबेचरणी प्रार्थना.

सहा सोनेरी पानांमधील वाक्य योग्य नामनिर्देशाशिवाय जशीच्या तशी लिहिली आहेत. इतक्या प्रसिद्ध पुस्तकातील मजकूर कॉपी करताना तरी नामनिर्देश करायचात :प्

बाकी याच टिपूसुलतानाने शेकडो हिंदूना बाटवले मात्र त्यांना पुन्हा हिंदू व्हायचे असताना त्यांच्या पुनर्प्रवेशासाठी अटकेपार गेलेल्याच काय पण इतरही एकाही हिंदू राजाने पुढाकार घेतला नाही हे खरं का?

ऋषिकेश
------------------
कधी कधी तुम्ही काय बोलताय हे तुम्हालाहि कळत नाहि, इतके तुम्ही हुशार आहात का?

भारतवर्षावर परकीयांनीच आक्रमणे केली का? का केली?( गांधारादि प्रांत एकेकाळी भारतवर्षाचा हिस्सा होते का?) भारतवर्षातील राजे-महाराजे सतत पराभूत का झाले? त्यांना केवळ परकीयांशी लढावे लागे की ते आपापसातही लढत असत? भारतवर्ष ज्ञात इतिहासापैकी किती काळ एकछत्री होता? भारतवर्षात धर्मांतरे कधीपासून सुरू झाली? तेव्हापासूनच का? शेकडो-हजारो-लाखो लोक अचानक/एकाएकी का बाटले? तेव्हढेच का बाटले? इतर अब्जावधी का बाटले नाहीत?त्यामागे तात्कालिक किंवा सार्वकालिक असे काही फायदे होते का? भारतवर्षाचा आधी र्‍हास आणि नंतर पाडाव की आधी फॉल् आणि मग डीक्लाइन्? आधी अधोगती झाली असेल तर तशी ती का झाली? आधी विनाश झाला असेल तर उन्नतीच्या शिखरावर असताना तो का झाला? इ. इ.
इति ब्रह्मजिज्ञासा....

परकियांनी लिहिलेल्या इतिहासाबद्दल आम्हाला (हिंदूंना) पराकोटीचा आदर वाटतो.
कारण या परकियांनी लिहीलेल्या इतिहासातून इथल्या इतिहासकारांच्या अनेक लांडयालबाडया उघडकीस आल्या आहेत.
छत्रपति शिवाजी महाराज हे हिंदूंचं दैवत.
या दैवताच्या पूजारीपदावर बैठक जमवण्याचा धंदा कृपया कोणी करु नये.

शिवाजी महाराजांना मानवंदना देण्यासाठी टिपू सुलतानचा अत्याचारी, रक्तरंजित इतिहास तुम्हा वाचकांसमोर ठेवण्याचा प्रामाणिक प्रयत्न करीत आहे.
पोटापाण्यासाठी जे केले जाते ते सर्व प्रामाणिकच असते.

टिपूला ब्राम्हणांचा अधिक राग होता. कारण ब्राम्हण वर्ग हिंदूसमाजात स्वत्वाचा आणि हिंदूत्वाचा ज्वलंत अभिमान संचारण्याचे कार्य करीत असत.
हा ही पोटापाण्याचाच धंदा होता.
एकूण टिपू सुलतान अत्याचारी असेलही पण त्याच्या अत्याचाराचा पाढा वाचतांना शिवाजी महाराजांचा आधार घेण्याचा नेमका उद्देश काय?
लोकांना भडकवायचे ठरवल्यावर उठसुठ लिंबूलोणच्या सारखे शिवाजी तोंडी लावायला फक्त घ्यायचे. बाकी सगळे काय ते महाराष्ट्र जाणतो.

टिपूचे खरे नाव टिपू नाही हे खरेच आहे. जुन्या काळच्या शालेय पुस्तकांतून सुद्धा फतेह् अली हेच मूळ नाव म्हणून दिलेले असे. आपण म्हटल्याप्रमाणे टिपू हे गौरवार्थी लाडके नाव असावे. आपण दिलेला दुवा माहितीपूर्ण आहे. पाकिस्तानी विद्वानांच्या लिखाणामधे इंडोआर्यन् रूट्स् नाकारण्याची एक प्रवृत्ती अधेमधे डोके वर काढताना दिसते. तेव्हा पडताळणी करणेच योग्य दिसते. टिपू या शब्दाला कन्नडमधे काही अर्थ आहे किंवा कसे हेही पडताळण्यायोग्य.