साई या शब्दाचा नेमका अर्थ काय आहे? मूळ साईबाबांना कोणा सिंधी माणसाने "आओ साई" असे म्हटल्याने त्यांना सर्व साईबाबा म्हणून ओळखू लागले असे म्हटले जाते. सिंध्यांमध्ये "साईभाजी" म्हणून एक मिश्रभाजीचा प्रकार असतो.

सत्य साईबाबा तेलगु असल्याने अनेक तेलगु लोक त्यांचे भक्त असल्याचे दिसते. त्यांच्यात मुलांची आणि मुलींची नावे साई ठेवल्याचे दिसते. उदा. काहीजणांचे नाव (फर्स्टनेम) "साई" असते तर काहीजण "साई" अशी नावामागे उपाधीही लावतात उदा. "किरण साई"

कित्येक भक्तांचे असे म्हणणे आहे की सत्य साईबाबां सध्या ओलिसाचे जिणे जगत आहे. कोणाचा तरी असा डाव आहे की त्यांना मारून टाकायचे आणि मग त्यांच्या संस्थेच्या पैशावर राज्य करायचे.

सत्यसाईबाबा हे त्रिकालदर्शी पुरुष असल्याने असे होण्यात त्यांचा काही हेतू असण्याची शक्यता आहे. पण सध्यातरी हा हेतू बहुतेकांसाठी अगम्य आहे. वेळ येताच ज्याच्या त्याच्या शक्तिनुसार असे का घडते आहे याचा उलगडा होईल. येशु ख्रिस्ताला ज्यावेळी क्रुसावर चढवले त्यावेळी तिसर्‍या दिवशी परत उठण्यासाठी. कदाचित असा हेतू असेल. किंवा एखादे मूल तयार होण्याची वेळ आली असेल. आणि ती वेळ त्यांना चुकवायची नसेल. कदाचित अनेक भक्तांना गंभीर आजारातून बरे करण्याच्या शक्तिव्ययामुळे ते क्षीण झाले असतील, आणि आपल्या बलिदानातून पुढच्या दुनियेच्या उद्धार त्यांना गाठायचा असेल.

सत्यसाईबाबांना १४व्या वर्षी विंचू चावल्यानंतर आपण साईबाबा आहोत याचा साक्षात्कार झाला. वयाच्या सदतीसाव्या वर्षी (१९६३) ४ हृदयविकाराचे झटके आणि एक स्ट्रोक आल्यानंतर त्यांनी सांगितले की मी प्रेम-साईबाबा म्हणून जन्म घेणार आहे. सध्या त्यांच्या या योजनेत काही बदल झाला असल्यास माहिती नाही.

महाराष्ट्राचे एक संत श्री अनिरुद्ध बापू महाराज यांच्या बद्दल एक गोष्ट सांगणे इथे अनुचित होणार नाही. एका भक्ताने सांगितलेला हा किस्सा आहे. (मला वाटते की लोकप्रभेत हा आला होता.) मूळच्या साईबाबांनी एका माणसास आपल्याकाही वस्तु दिल्या होत्या. आणि सांगितले होते की मी त्या परत घेऊन जायला येईन. त्याप्रमाणे एकदा अनिरुद्ध बापू एकदा त्याच्या कडे आले आणि त्या वस्तू घेऊन गेले. यावरून हे स्पष्ट होते की एकाच वेळी अनेक अवतार घेण्याचे अद्भूत सामर्थ्य साईबाबांमधे असावे. सत्यसाईबाबा सर्वच बाबतीत त्यापुढे असल्याने पुढील काळात प्रेम, सवाई, भक्त इत्यादी अनेक महापुरुष आपल्याला पहायला मिळायला हरकत नसावी. कदाचित हे सर्व महापुरुष सत्यसाईबाबांनी ठेवायला दिलेल्या अंगठ्या, कंठे, बुक्के (बुक्का म्हणजे काळी पूड येथे मुष्टीचा संबंध नाही), राख, बढत्या, तिकिटे आदी सर्व परत घेतील तेव्हा कुठे अविश्वासूंचे डोळे उघडतील.

प्रमोद

इथे दिलेला फोटो पाहून २०२० साली भारत महासत्ता होणार ह्याची खात्री पटली.

बाबा आणि डॉ. अब्दुल कलाम् यांचा एकत्रित् फोटो देण्यामागे काही आचरट हेतू असावा.

>> बर स्वतः साईबाबांनी ते इसवीसन २०२२ पर्यंत जगतील असे स्वतःबद्दल सांगितले आहे. हे सारे स्पष्ट असताना त्यांना उपचाराची गरज काय?

उपचार करणार नाही असे नव्हते सांगीतले ना. उप्चार करून २०२२ पर्यन्त जगू अस त्याना म्हणायच होतं

>>अशा चमत्कारी बाबांची तब्येत कशी काय बिघडू शकते? ह्याचे उत्तर कोणाकडे आहे काय? बाबा एवढे चमत्कारी असताना त्यांना इस्पितळे
काढण्याची गरज काय होती बरे? ते आपल्या असामान्य चमत्कारी शक्तीने लोकांना आणि स्वतःला बिनाऑपरेशन शर्तिया टकाटक बरे करू शकत
नाहीत का?

नक्की माहित नाही पण असे आइकले होते की चमत्कार स्वतावर करून घेत येत् नाही वगैरे (म्हणजे स्वता:ची तब्येत वगैरे नीट करायला नाही वापरता येत.)
थोडक्यात सांगायचे म्हणजे इन्ग्रजीचा शिक्षक असला म्हणजे त्याला सगळे इन्ग्रजी शब्द पाठ नसतात :), तशातलाच प्रकार हा.

---------------------
-धनंजय कुलकर्णी

कलामांना जोकर म्हणावं की म्हणू नये याविषयी पुरेसं ठाम मत व्यक्त करण्याइतका अभ्यास नाही, पण एक किस्सा इथे आठवतो:
कलाम राष्ट्रपती असताना एका वर्षी राष्ट्रीय चित्रपट पुरस्कार वितरण समारंभाच्या प्रसंगी उपस्थित लहानथोरांना उद्देशून त्यांनी जे भाषण केलं होतं ते एकदा चुकून पाहिलं गेलं. माझी स्मृती दगा देत नसेल, तर त्या वर्षी मृणाल सेन यांना दादासाहेब फाळके पुरस्कार प्रदान केला गेला होता आणि आनंद पटवर्धन यांच्या 'वॉर अँड पीस' या माहितीपटाला पुरस्कार होता. (त्यात भारताच्या अणुस्फोटांवर, एकंदर अणुधोरणावर आणि त्यांबाबतच्या जनतेच्या प्रतिक्रियेवर प्रखर टीका आहे.) चित्रपटविषयक खूप जाण असल्यासारखं दाखवणारं, पण आशयहीन आणि निर्बुद्ध म्हणता येईल असं कलामांचं भाषण या पार्श्वभूमीवर तेव्हा खूप विनोदी वाटलं होतं. अशा पदावरच्या व्यक्तींना वाटेल त्या विषयावर भाषणं ठोकायला लागतात आणि ती कुणीतरी लिहून देतात, त्यामुळे सर्वस्वी दोष त्यांचाच असावा असं ठामपणे म्हणता येत नाही. प्रतिभा पाटलांचं याच सोहळ्यातलं काही वर्षांनंतरचं असं लिहून दिलेलं भाषणदेखील ऐकलं होतं. त्यातही आशय किंवा प्रज्ञा यांचा अभावच होता, पण 'मला खूप काहीतरी आशयगर्भ आणि अनोखं सांगायचंय' असा आवही नव्हता. कलामांच्या भाषणातला तो आव खास त्यांचा असावा असं तेव्हा वाटलं होतं. अवांतराबद्दल क्षमस्व.

- चिंतातुर जंतू :S)
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" || ५ ||

सत्यसाईच्या पुट्टपार्थीच्या कंपनीचे नवे सीईओ कोण हा इन्फोसिसच्या मालकी धोरणापेक्षा जागतिक अर्थव्यवस्थेवर जास्त परिणाम करणारा प्रश्न असल्याने खरं तर हा विषय गुलाबी पेपरांच्या मुखपृष्ठावर हवा. हो की नाही?

ऋषिकेश
------------------
कधी कधी तुम्ही काय बोलताय हे तुम्हालाहि कळत नाहि, इतके तुम्ही हुशार आहात का?