रामदेवबाबांकडे पाहून आम्हाला एक खात्री मात्र पटली आहे.

डोळ्यांच्या विशिष्ट विकारावर योग आणि आयुर्वेद यांच्याकडे उपाय नाही.

बाकी त्यांनी आता राजकीय पक्षही काढला आहे. त्यामुळे कोणत्याही विषयावर बोलण्याचा अधिकार त्यांना "ऑपॉप" प्राप्त झाला आहे.

नितिन थत्ते

सुरवातीला ते वाहिन्यांवर केवळ योगासनेच करीत.

आता बाबा योगशिक्षक आहेत, भाषाशास्त्री आहेत, अर्थशास्त्री आहेत, शिक्षणतज्ज्ञ आहेत, समाजसेवक आहेत आणि यशस्वी उद्योजकही आहेत.
काही दिवसांनी राजकारणीही असू शकतील.
कारण-
सर्वे गुणा: काञ्चनम् आश्रयन्ते |

४ वर्षाखालि मी त्यांना संस्कार ह्या वाहिनीवर पहिले. बरीच योगासने त्यांनी करून दाखवली.

मी ते करायला लागलो. खासकरून मी कपालभाती दररोज करू लागलो.

मला तब्बल १ वर्ष सर्दी झाली नाही(खर सांगतोय) (मला वर्षातून कमीत कमी १०-१५ वेळा सर्दी होते)

नंतर आय-टी त लागल्यापासून ते सर्व सुटले .... असो....

जय रामदेवबाबा... (मला तर फायदाच झाला)

माझ्यासाठी रामदेवबाबा हे एक योगी आहेत. आणि काय हो एक माणूस बरच काही असू शकतो ना.. मग कशाला एका भल्या
माणसाची निंदा करताय ?

---------------------
वाद विवादात "जो शेवटचं वाक्य बोलतो / लिहीतो तो जिंकला" असा समज is = गैरसमज
-धनंजय कुलकर्णी

आपल्या व्य्वसायासाठी (उद्योगांसाठी :) ) युरोपात नवे बेट विकत घेणारे हे बाबा मुख्यतः उद्योजक आहेत असे माझे मत आहे.
बाकी, ईश आपटे यांचे मत वाचायला उत्सुक आहे

ऋषिकेश
------------------
कधी कधी तुम्ही काय बोलताय हे तुम्हालाहि कळत नाहि, इतके तुम्ही हुशार आहात का?

मला प्राणायाम शिकण्याची बरीच इच्छा होती. रामदेवबाबांची एक व्हिडिओ सीडी मी आणली व त्या वरून प्राणायाम करायला शिकलो. जर कोणाला शिकण्याची इच्छा असली तर ही सीडी बघण्यासारखी आहे. प्राणायामाचा एकूण बराच फायदा मला झाला. पुण्यातील एका दैनिकाने पुरस्कृत केलेले मेकॅनिकल इंजिनियर जर स्वत:ला डॉक्टर म्हणून घेऊ शकतात व आयुर्वेदिक औषधे विकण्याचा धंदा करू शकतात तर रामदेवबाबांनी तो का करू नये?
मध्यंतरी सरकारी विभागांनी त्यांची बरीच चौकशी केली असे ऐकिवात आहे. परंतु त्यांनी कोणतीही अवैध कृत्य केल्याचे आढळले नाही. एकंदरीत माणूस भडक माथ्याचा पण ठीकठाक वाटतो.

चन्द्रशेखर
Learning is not compulsory... neither is survival.

अर्धांगवायू पूर्ण बरा करण्याचे कुठले उपाय सध्याच्या वैद्यकशास्त्राला(अलोपेथी) माहिती आहेत हे जरा सांगावे. कॅन्सर होण्याचे जर कारणच आजच्या अलोपेथीला माहिती नाही, तर त्यावर औषधे देणे ही फसवणूक ठरत नाही काय ? परंपरेचा द्वेष करणार्‍यांनी, रोग निर्माण करणारे व्हायरसेस एखाद्याच्याच शरीरातच का शिरतात ह्याचा शोध घ्यावा व नंतर योग-आयुर्वेद्-ज्योतिष ह्यातील दोष काढत बसावे.

Wit Beyond Measure is Man's Greatest Treasure !!

रामदेव बाबा जे करत आहेत त्यात अक्षेपार्ह काय आहे ते समजत नाही. त्यांच्या सुचना /सल्ले अमलात आणणार्‍यांचा समाजाला काय त्रास.
भ्रष्ट राजकारणी आणि त्यांचे अनुयायी (ज्याना कार्यकर्ते म्हणतात्) त्यांचा समाजाला खुप त्रास् आहे. त्यांच्या बाबतची जनजागृती ज्यास्त् योग्य आहे.

"हे रामदेव नक्की कोण?
ह्या प्रश्नाचे उत्तर तुम्हीच चांगले दिले आहे. माणूस चतुरस्त्र आहे. बहूआयामी आहे. एकाच माणसामधे इतके गुण असणे हे क्रेडीटेबल आहे.
पुण्यातील अनेक ऍलोपथी डॉक्टर नेहमीच्या ऍलोपथी गोळ्ञाबरोबर आयुर्वेदीक औषधेही देतात. - त्यांनाही ऍलोपथीचे "सामर्थ्य" कळले आहे.

पतंजलीचे च्यवनप्राश उत्तम असते. लहान मुलेही आवडीने खातात. रात्री उष्ण दुधाबरोबर घेतले की, ओमेझ <> घेण्याची गरज राहत नाही.

बाकी काय बुद्धीजीवींना कशातही चांगले दिसत नाही- उणीवा काढल्या की, आपल्याला ह्यातले काहीतरी जास्त कळले आहे असा आव आणता येतो.

ईश आपटे यांच्या प्रतिसादावरून त्यांचा बराच वैचारिक गोंधळ उडाला असावा असे वाटते. मी डॉक्टर नाही किंवा मायक्रोबायॉलॉजिस्ट नाही परंतु सामान्य ज्ञानाने त्यांनी उपस्थित केलेल्या मुद्यांना उत्तर देता येते का? याचा प्रयत्न करतो.
1.रोग निर्माण करणारे व्हायरसेस एखाद्याच्याच शरीरातच का शिरतात
भाविक लोक जसे मानतात की ईश्वर सगळीकडे आहे त्याच धर्तीवर असे म्हणता येईल की सर्व प्रकारचे व्हायरस सगळीकडे असतातच. मग एखादाच माणूस या व्हायरसचा का शिकार होतो? याला दोन कारणे आहेत. एकतर त्या माणसाची त्या व्हायरसबद्दलची प्रतिकारशक्ती मंद असते. त्यामुळे शरीरातील रोग नष्ट करणार्‍या पेशी या व्हायरसचा समूळ नायनाट करू शकत नाहीत. दुसरे महत्वाचे कारण म्हणजे हे व्हायरस शरीराच्या एका विशिष्ट अवयवातच आपला प्रभाव दाखवू शकतात. उदाहरणार्थ सर्दीचा व्हायरस श्वसन संस्थेत शिरला तरच सर्दी होते. तो तळाहातावर असला तर सर्दी होत नाही. तुम्ही हाताने सारखे नाक खाजवत असलात तर सर्दी होण्याची शक्यता जास्त असते.
2. कॅन्सर होण्याचे जर कारणच आजच्या अलोपेथीला माहिती नाही, तर त्यावर औषधे देणे ही फसवणूक ठरत नाही काय ?
कॅ न्सर होणे म्हणजे शरीरातील एखाद्या अवयवातील पेशींनी अनियंत्रित पणे स्वत:ची प्रत बनवणे सुरू करणे. गर्भावस्थेपासून प्रत्येक मानवी जीवपेशी हे करत असते. शरीराची वाढ एकदा पूर्ण झाली की हे कार्य थांबते. कॅन्सर झालेल्या व्यक्तीच्या एखाद्या अवयवातच असे का होते हे अलोपाथी काय पण कोणत्याच चिकित्सा पद्धतीला समजलेले नाही. मात्र काही औषधे एका विशिष्ट कॅन्सरवर प्रभावी ठरतात. उदाहरणार्थ सरव्हायकल कॅन्सर किंवा ल्युकेमिया यावर प्रभावी औषधे मिळाली आहेत. ही औषधे घेणे यात फसवणूक काय आहे?

3.अर्धांगवायू पूर्ण बरा करण्याचे कुठले उपाय सध्याच्या वैद्यकशास्त्राला(अलोपेथी) माहिती आहेत हे जरा सांगावे.
मेंदूतील काही पेशींना होणारा रक्त पुरवठा व पर्यायाने होणारा प्राणवायूचा पुरवठा जर काही कारणाने खंडित झाला ( रक्त वाहिनी फुटणे किंवा त्यात गाठ निर्माण होणे) तर अर्धांगवायूचा झटका येतो. यात मेंदूतील काही पेशी निकामी होतात. या पेशी पूर्ण निकामी किंवा मृत होण्याच्या आधी (झटका आल्याच्या काही तासात) जर एक विशिष्ट औषध रोग्याला दिले गेले तर तो पूर्णपणे बरा होऊ शकतो. औषध देण्यात दिरंगाई झाली तर मात्र या पेशी निकामी होतातच. अशा वेळी मेंदूच्या इतर पेशी या मृत पेशींचे कार्य पुढे चालवू शकतात. मात्र यासाठी रोग्याचे वय कमी व बराच काल (2/3 वर्षे) लागू शकतात
कोणत्याही रोगावर जी औषध योजना परिणामकारक ठरते ती वापरली पाहिजे. अलोपाथी, प्रयोगाने केलेले निरिक्षण, यावर आधारित असल्याने ती जास्त शास्त्रीय आहे. होमिओपथी किंवा आयुर्वेद हे केवळ अनुभव सिद्ध आहेत. त्यामुळे त्या तितक्याशा शास्त्रीय नसल्या तरी काही रोगांवर अतिशय रामबाण ठरू शकतात हे मला मान्य आहे.
चन्द्रशेखर
Learning is not compulsory... neither is survival.