मी अनेक महीन्यांपूर्वी या ब्लॉगवर जी ए कुलकर्णींचे हे वाक्य वाचले होते की "सतत ओरडून बोलणारा माणूस काय बोलतो आहे ते नीट कळत नाही." . का माहीत नाही पण त्या वाक्याची वरील फीत पाहून आठवण झाली.

उठसूठ तुम्ही जर ऍडव्होकसी (उपदेशाचे डोस) लोकांना पाजायला निघालात तर लोक तुमच्यापासून पळून जातील. कोणाला रस आहे तुमचे ऐकण्यात आणि ते सुद्धा "धर्म" या विषयाइतकी वैयक्तिक माहीती ऐकण्यात? दैनंदिन जीवनातील सहनजसुंदरताच नष्ट होईल.
मला वर उधृत केलेली चित्रफीत आवडली नाही. या "निओफॅनेटीक" लोकांना वेळीच आळा घातला पाहीजे नाहीतर आपले डोके खातील असे वाटते.

याच विषयाशी संबंधित या चर्चेतील हा धागाही येथे सुरू होणे योग्य ठरेल असे वाटते.

अल्पसंख्यांकाना दिलासा देणारा आणि एकत्र बांधून ठेवणारा हा धर्मच असतो तेव्हा वरच्या चित्रफीतीत काही वेगळे आहे असे वाटले नाही.

बायदवे, दिवाळीच्या निमित्ताने मला अमेरिकेत आणखी एक पेड हॉलिडे मिळाला तर हवा आहे. सुट्ट्या अगदीच कमी असतात.

ठीक आहे व्हिडीओ. इतरांचे गैरसमज दूर करण्याकरता आपल्याला आहे ती माहीती देण्यात काही गैर वाटत नाही.

शेवटचा भाग पाच लोकांना पाठवा हा स्पॅम प्रकार मात्र आवडला नाही. :-)

अमेरिकेतील आपल्या बांधवाना असे काही करण्याची गरज आहे असे वाटत नाही पण वेळ जात नसेल तर काय हरकत आहे, तसे पाहता हिंदू धर्माबद्दल त्यांना महाराष्ट्र मंडळ वगैरेतून माहिती होऊ शकतेच, पण अगदी वयक्तिक स्तरावर प्रचार करणे म्हणजे धर्माचा वापर सुटीसाठी करणे आपण कसे कामचुकार नाही हे सिद्ध करून देण्यासारखे आहे. (ह. घे.)

बाकी, दिवाळीवरून आठवले - (काही ऐकीव माहिती) २ वर्षापूर्वी नेदरलंड मधील रोटरदाम(किंवा तत्सम) शहरात भारतीयांनी दिवाळी-मेळा साजरा करण्याचे ठरविले असता तेथील मेयर/टाऊन हॉल ने तब्बल ६०के युरो आयोजन-प्रीत्यर्थ देऊ केले. चांगलीच दिवाळी झाली, पण नंतर स्थानिक ख्रिशन लोकांनी दुसऱ्या धर्माला सहकार्य केल्याबद्दल निषेध केला व पुढील वर्षी हा मेळा एक छोट्या शाळेतील हॉल मध्ये झाला.(आमच्या पुण्यातील शाळेचा हॉल देखील ह्यापेक्षा मोठा आहे).

अनिवासी भारतीयांना परदेशात त्यांचा असा आवाज असावा असे वाटते पण तो असा धर्मावर आधारीत असावा का?

जो पर्यंत धर्मावर बंदी नाही, जो पर्यंत लोकशाही असलेल्या देशांमधे धार्मिक स्वांतत्र्याचा नुसता आदरच केला जात नाही तर त्याला सांभाळले जाते, तो पर्यंत जे धार्मिक आहेत त्यांना स्वत:च्या धर्माविषयी इतरांच्या असलेल्या गैरसमजुती दूर करण्यासाठी जर एखादी संघटना असावी (पक्षी: तुमच्या शब्दात "आवाज असावा") असे वाटले, तर असुंदेत. अमेरिकेत तर फ्रिडम ऑफ रीलीजन हे पहील्या अमेंडमेंड मधे दिले आहे. ते अमेरिकेतच पाळले जात नाही तर अमेरिकन स्टेट डिपार्टमेंट/परराष्ट्रखाते जगात पण पाळले जाते का नाही यावर दरवर्षी अहवाल तयार करत असतात...

मूळ मुद्दा असा आहे की तुम्हाला लोकशाहीची गरज वाटते का? जर लोकशाही मान्य नसेल तर मग तुम्हाला इतरांच्या व्यक्तीस्वातंत्र्याची गरज नाही असे तुम्ही म्हणू शकता. पण जर लोकशाहीची गरज मान्य असेल तर ज्यांना त्याची गरज वाटते त्यांना वाटूंदेत, ज्यांना वाटत नाही त्यांना न वाटूंदेत. फारतर तुम्ही इतरांचे विचार पटत नाहीत असे म्हणू शकता, पण तुम्ही तसे न म्हणता त्याची गरजच नाही असे म्हणता. थोडक्यात त्यांच्या गरजा तुम्हीच ठरवायला लागलात तर लोकशाहीचा नुसता बुरखाच आहे असे म्हणावे लागेल.

सावरकरांच्या 'हिंदू' ह्या व्याखेप्रमाणे ते भारताला पितृभू मानतात का?

मला कल्पना नाही. त्यातील कुणाला भेटलो तर नक्की विचारेन. पण ते कायद्याने नक्की हिंदू आहेत आणि अर्थातच त्यांच्या धर्मश्रद्धेनुसारपण.

@शुची: "सतत ओरडून बोलणारा माणूस काय बोलतो आहे ते नीट कळत नाही."
कसं बोललात! अगदी अशीच अवस्था येथे अंधश्रद्धानिर्मूलन / नास्तिकतेच्या संदर्भात होत आहे असे वाटते. :-)

@नितिन थत्ते: परदेशी लोकांना दिवाळीचे काय महत्त्व सांगणार? दिवाळीचे तसे महत्त्व तरी काय?
तुम्हाला नसेल कदाचीत पण ज्यांना असते त्यांना असते. उ.दा. अमेरिकन सिनेटला ते आहे. शिवाय ते एक व्यक्तीस्वातंत्र्य आहे. तुम्हाला ते स्वातंत्र्य म्हणून मान्य नसेल तर गोष्ट वेगळी... शिवाय गुजारात मधे ते नववर्ष देखील असते हे माहीत असेलच आपल्याला. त्यांना माहीत असते. आम्हाला दिवाळीच्या शुभेच्छा देखील दिल्या जातात आणि व्हाईट हाऊस मधे देखील दिवाळी निमित्त मेजवानी दिली जाते. तो अल्पसंख्य असले तरी अमेरिकन रहीवाशांचा सण आहे आणि त्याचा देखील योग्य तो आदर राखला जातो. जगभरातील दिवाळी

@नितिन थत्ते: स्वस्तिकाचे महत्त्व सांगणे म्हणजे स्वतःला नाझी घोषित करून घेण्याचा धोका
तो धोका वाटावा म्हणजे काय आपण घाबरून रहायचे का? त्याच्या ऐवजी लोकशिक्षणाने समजून येते की याचा नाझींनी गैरवापर केला असला तरी वास्तवात ती हिंदूंची एक धर्मखूण आहे म्हणून. माझ्या अनेक ज्यू मित्र-मैत्रिणींना आता ते माहीत आहे आणि त्यांना जर ती आमच्या घरात दिसली तर काहीच गैर वाटत नाही...

@प्रियाली: बाकी, इतिहासाच्या पुस्तकात खरेच हिंदुइजम कंसिडर्ड विमेन इन्फिरिअर टू मेन असे लिहिले आहे पण ते काही खोटे नाही
सहमत आहे. कुठल्या इयत्तेत कसे शिकवले जाते याला येथील नियमांप्रमाणे महत्व आहे. त्यामुळे जर इतर धर्मांबद्दल शिकवताना त्याच वयातील मुलांना केवळ चांगले शिकवले जात असेल आणि हिंदू धर्माबद्दल शिकवताना मात्र केवळ नकारात्मक तर ते एकूण शैक्षणिक गाईडलाईन्स मधे बसत नाही. वरील चित्रफितीत ते कुठल्या संदर्भात आहे ते माहीत नाही.

@शुची: एकमेकांना बांधून ठेवण्याच्या मर्यादा ओलांडून स्वतःच्या बॉसला , शेजार्‍यांना, इतरांना (पक्षी परदेशी लोकांना) दिवाळी, स्वस्तिकाचे महत्व पटवा आदिवर भर दिला आहे ते वेगळं वाटत नाही का?
वर स्वस्तिकावरून नितिनना सांगितले आहेच. पण आपल्या सणांचे त्यांना देखील कुतुहल असते आणि त्यांना देखील त्याचा आनंद लुटायला आवडते असा अनुभव आहे. त्यात काही "गर्वसे कहो" हा आविर्भाव नाही आहे. आम्ही घरी जसे दिवाळीला बोलावतो तसेच थँक्सगिव्हींगलाही बोलवतो अथवा कुणाकडे जातो, तेच ख्रिसमस, हनुका, क्वांझा आणि इद संदर्भात. उलटे विशेष करून ख्रिश्चनांना दिवाळीला येताना आनंदच होतो. कारण घरी बनवलेले भारतीय जेवण खायला मिळते आणि प्रत्येकाला गिफ्ट देण्याची सक्ती नाही... आम्हाला मात्र ख्रिसमसला जाताना त्यांच्या पद्धतीप्रमाणे सर्वांना आहेर घेऊन जावा लागतो. :( ;)

@सहजः शेवटचा भाग पाच लोकांना पाठवा हा स्पॅम प्रकार मात्र आवडला नाही.
अंशतः सहमत. त्या व्हिडीओचा उद्देशच त्याच्या नावाप्रमाणे ऍडव्होकसी आहे. त्यामुळे तुम्हा-आम्हाला पटो अथवा न पटोत, ते तसेच म्हणणार. जो पर्यंत पाच जणांना पाठवले नाहीतर अमूक होईल आणि पाठवल्यास तमुक होईल असे म्हणत नाहीत तो पर्यंत काही फरक पडत नाही.

@आजूनकोणमी: पण नंतर स्थानिक ख्रिशन लोकांनी दुसऱ्या धर्माला सहकार्य केल्याबद्दल निषेध केला व पुढील वर्षी हा मेळा एक छोट्या शाळेतील हॉल मध्ये झाला.
शक्य आहे. कारण करदात्याचे पैसे वापरून दिवाळीला देणे चुकीचेच होते. येथे देखील बर्‍याचदा "हॉलीडे पार्टी" इतकेच म्हणत एकत्रित साजरी करतात. (एकत्रीत म्हणजे साधारण एकाच वेळेस ख्रिसमस, क्वांझा आणि हनुका येतात). त्यातही करदात्याचे पैसे उडवले जातील असे वागले जात नाही. (अपवाद नक्कीच असेल, पण माहीत नाही.)