उपक्रमावरील या अगोदरचे काही स्त्री पुरुष विषयावरील लेख वाचावेत.
स्त्रियांची शा(उ)लिनता
''मराठी साहित्यातील स्त्रीवाद ''
"संस्कृतीची जपणूक"
प्रकाश घाटपांडे

हल्लीच रंगलेल्या काही चर्चा. :-) एंजॉय!!

मुलींच्या अपेक्षा
सदैव स्त्रियाच टिकेचे लक्ष्य का ???

स्रीपूरष समानतेचा विषय व्यापक आहे. त्याला पूर्वपरंपरेची सुद्धा बाजू आहे. सध्या मात्र विवाहपूर्व शारीरिक संबंधांबद्दल विषय आहे. यासंबंधी स्रियांना पूर्णतः स्वातंत्र्य असावे असे माझे मत आहे. स्वातंत्र्य म्हणजे सर्व स्रियांनी असे वागायला हवे असे नाही. पण निर्णय घेण्याचा पूर्ण अधिकार स्रियांना असावा. पूरेसे निकोप लैंगिक शिक्षण आणि जागरुकता असली तर न्यूनगंड, भीती, घृणा या भावनांचा याबाबतीत स्रियांच्या मनाचा होणारा कोंडमारा थांबेल. अर्थात ज्यांच्या मनाचा कोंडमारा होतो त्यांच्यासाठीच. बाकी लग्नाआधी प्रत्येक पुरूष शेण खातो हे मात्र शंभर टक्के खऱे नाही आणि त्याचप्रमाणे फक्त पुरूषांच्याच सगळ्या तरुण स्रियांवर तसल्या नजरा असतात हे ही अर्धसत्यच. शंभर टक्के वर्जिन मुलीशी लग्न करायला मिळेल ही अपेक्षा ठेवणे हे शहाणपणाचे नाही असे खुशबू म्हणाली होती. शंभर टक्के वर्जिन मुलाशी लग्न करायला मिळणे शक्य नाही हे सत्य मुलींनी गेल्या कित्येक वर्षांपासून समंजसतेने पचवले आहे. मग आता पुरूषांनीही मनाचा मोठेपणा दाखवायला हवा. अर्थात लौकीकअर्थाने बाहेर जरी शेण खाणारे (की पक्वान्ने) खलपात्र असले तरी त्याची निष्ठा घरच्या जेवणावरून ढळणार नाही याची काळजी मात्र संसाराच्या दोन्ही शिलेदारांनी घ्यायलाच हवी.

अर्थात लौकीकअर्थाने बाहेर जरी शेण खाणारे (की पक्वान्ने) खलपात्र असले तरी त्याची निष्ठा घरच्या जेवणावरून ढळणार नाही याची काळजी मात्र संसाराच्या दोन्ही शिलेदारांनी घ्यायलाच हवी.

हेच जर एखादी स्त्री म्हणाली तर? असा वागली तर ? असा वागावे हे माझं म्हणणं नाही...किंबहुना असे होऊच नये ...आपापल्या जोडीदाराशी लग्नाच्या अथवा live in relationship वाल्या एकनिष्ठ राहणे अवघड नाही....बाहेर खायला मिळते म्हणून खावे असे नाही...सगळेच असे वागतात असे नाही पण मी स्वतः बघितलेले आहे कि घरी लग्नाची बायको आणि बाहेर मैत्रीण अथवा sex पार्टनर, बर्याचदा हि व्यक्ती अविवाहित असते..
...आणि स्त्रिया हा पर्याय निवडतात जेंव्हा नवरा कायम कामानिमित्त घराबाहेरच असतो (त्यानाही गरजा असतातच)...पुरुषांचे असे नाही...

सामाज जीवनातील स्त्रीयांच्या दु:खाच्या अनेक छटा अनेकदा वाचायला मिळतात.
बाकी, वखवखलेल्या नजरा, शारीरिक संबंध, स्त्री- पुरुषांच्या लैंगिक भावना, आणि वगैरे यावर जरुर चर्चा व्हावी. त्याचबरोबर फक्त पुरुषच असे असतात का ? स्त्रिया जो चोरटा कटाक्ष टाकतात त्यामागील कोणती भावना असते, वगैरेही वाचण्यास उत्सूक ! :)

वखवखलेल्या नजरांवरुन आठवण झाली. 'रामायण महाभारतातील धागेदोरे' नावाचे एक पुस्तक चाळत होतो. त्यात महाभारतातील 'स्त्रीशाप' नावाचे प्रकरण होते. त्यात प्रियाराधनेत योग्य तो प्रतिसाद न मिळाल्याने दुखावलेल्या, अपमानित झालेल्या काही स्त्रीयांचे शाप होते त्याची आठवण झाली. अर्जूनाने उर्वशीकडे टक लावून पाहिले आणि तिने भलताच अर्थ घेतला. अर्जूनाच्या मनात तसे काही नव्हते. पुढे तिने त्याला शाप दिला. देवयानी ही गुरुकन्या तिने कचाकडे प्रणय भावनेने पाहिले पण कचाच्या मनात तसा काही विचार नव्हता. असो, सारांश सांगायचे असे की, पुरुषांमध्ये असे अपवाद असतात असा विचार डोकावला. :)

-दिलीप बिरुटे
[बीझी ]

तुमचा मुद्दा पटला. धर्म, रूढी, यांमध्ये स्त्रियांची शुचिता हेच पावित्र्याचं, उच्च नैतिकतेचं प्रमाण मानलेलं आहे. प्राचीन समाजात स्त्रियांना अधिकार नाही, पुरुष सर्व संपत्तीचे मालक, असं असताना स्त्रियांकडे 'आपल्या' वंशाचे दिवे काढण्याचं यंत्र म्हणून पाहिलं गेलं. त्यातून या अतिरेकी व्यवस्था निर्माण झाल्या असाव्या असं वाटतं.

आज ती परिस्थिती नाही, पण अजून पीळ गेलेला नाही.

राजेश

द्रौपदीचे सत्त्व माझ्या लाभु दे भाषा-शरीरा
भावनेला येउं दे गा शास्त्र-काट्याची कसोटी

भारतीय कायद्याप्रमाणे अनैतीक संबंध स्त्रीने केल्यास गुन्हा नाही. पण पूरुषानीं केल्यास हा गुन्हा आहे.

भारतीय दंड संविधान ( कलम ४९७ )