१. काही ज्योतिष्यांची काही भाकिते संख्याशास्त्रीय शक्यतेपेक्षा जास्त खरी होतात हे आपल्याला मान्य आहे का?
२. अश्या भाकितांबद्दल काकतालीय न्यायाशिवाय अन्य काही स्पष्टीकरण आपल्याजवळ आहे काय?
३. अंधश्रद्धा निर्मूलन समितीचे लोक जसे हातातून लिंबे, उदी काढून दाखवून ती हातचलाखी असल्याचे दाखवून भोंदू साधूंचा पर्दाफाश करतात तसा फलज्योतिषचिकित्सक फलज्योतिष्यांचा करतात का?
४. संख्याशास्त्रीय शक्यतेपलिकडे नक्की किती टक्के भाकिते खरी झाली म्हणजे फलज्योतिष हे शास्त्र होते? (एक उदाहरण म्हणून)३५% खरी झाली तर शास्त्र आणि २५% झाली तर थोतांड हे कोणी ठरवले?माझ्या समजुतीप्रमाणे अगदी एका ज्योतिषाचे एक भाकित जरी खरे ठरले तरी त्यावर अधिक संशोधन करणे आवश्यक होते.
५. खर्‍या होणार्‍या भाकितांबद्दल अधिक संशोधन करण्याची गरज आहे असे आपल्याला वाटते का?
६. नसेल तर आतापर्यंत झालेल्या संशोधनानुसार तर या भाकितांचे स्पष्टीकरण देता येणे शक्य आहे का?
७. हे शास्त्र थोतांड आहे इतकेच नव्हे तर सामान्य अडाणी जनतेला फसवण्यासाठी ब्राह्मणांनी तयार केले आहे असे एका थोर महात्म्याचे विचार आपण एका संकेतस्थळावर दिले होते त्याच्याशी आपण सहमत आहात का? महात्म्यांच्या विचारात शास्त्रीय विचार किती आणि ब्राह्मणद्वेष किती याचा सारासार विचार न करता केवळ फलज्योतिषविरोधी आहे इतक्याच भांडवलावर आपण त्याला उचलून धरलेत असा आक्षेप कोणी घेतला तर आपले काय उत्तर आहे?

कृपया "माझा हा लेख वाचा आणि तो लेख वाचा" असली मोघम उत्तरे न देता स्पष्ट अणि थोडक्यात उत्तरे इथेच द्यावीत ही विनंती.

विनायक

ओक साहेब उत्तरे किंवा प्रतिप्रश्न (किंवा अन्य दुवा देणे) करतीलच.

तरी घाटपांडेसाहेब यातील कोणती उत्तरे १९९६ पासून आजवर मिळाली व कोणते प्रश्न अजुन अनुत्तरीत?

स्वाईन फ्लूची साथ येणार आहे आणि पुण्यात ३२ बळी जाणार आहेत आणि त्यानिमित्ताने उपक्रमावर पुणेकरांची घाऊक टवाळी होणार आहे याचा फलज्योतिष्यांना, किंवा नाडीपरिक्षकांना काही सुगावा लागला होता काय?

लेख वाचून माझ्या मनातलेच प्रश्न तुम्ही विचारले आहेत असे वाटते. मला आश्चर्य एकाच गोष्टीचे नेहमीच वाटत आलेले आहे. असल्या खुळचट आणि अशास्त्रीय मानसिक अडगळींच्या(यांना विषय म्हणणे सुद्धा शक्य नाही.) मागे, शिकले सवरलेले लोक कसे काय लागतात? त्यांची सारासार विवेक बुद्धी लोप पावते का?
चन्द्रशेखर

चिकित्सेच्या दृष्टिकोनातून.

श्री. घाटपांडे सर,

आपले प्रश्न रास्त आहेत, परंतु काही लिहिणेपूर्वी एक प्रश्न असा विचारावासा वाटतो की आपणांस ह्या प्रश्नांची उत्तरे सिद्ध ('रेडिमेड्') हवी आहेत काय? चिकित्सकाच्या दृष्टीने पाहू जाता अशी सिद्ध उत्तरे चिकित्सेस योग्य असतात काय? दुसर्‍याने दिलेल्या उत्तरांवर विसंबून अशी चिकित्सापूर्ति होते काय? पुन्हा, एखाद्याने दिलेल्या उत्तरांवर आपला विश्वास बसेल की न बसेल हे कसे सांगणार? न्यायशास्त्राच्या नियमांनुसार पहावयाचे झाल्यास, एखाद्या गोष्टीचे अस्तित्त्व आपणांस मान्य नसल्यास 'ती तशी अस्तित्त्वात नाही' असे सिद्ध करणे हे आपले उत्तरदायित्त्व ठरते. 'अस्तित्त्व दाखवा' असे आपण म्हणाल, तर ती मंडळी अस्तित्त्व दाखविण्यास सिद्ध आहेतच. परंतु मग ती चिकित्सा कशी होणार?

आपण आपल्या लेखात नाडिशास्त्र हा शुद्ध भंपकपणा आहे असे मांडले आहे खरे, परंतु आपल्याच लेखात अनेक मुद्दे अस्पष्ट आहेत.
उदा:

1. लेखाच्या आरंभीच आपण "आम्ही नाडीज्योतिषाकडे विचारणा केली असता त्याला काहीही सांगता आले नाही" असे म्हणता, परंतु नाडिवाचकाला उत्तर का देता येत नाही ह्याची कारणे आपण शोधली काय हे कळत नाही. एखाद्या नाडिवाचकास एका विशिष्ट वेळी आपल्या प्रश्नाचे उत्तर देता आले नाही तर इतर कोणाही नाडिवाचकास त्या विचारणेचे उत्तर कधीच देता येणार नाही असे आम्हाला वाटत नाही. पुढे आपण ह्याबाबतीत इतर काही शोध घेतला का हे कळावयास मार्ग नाही.
2. "नाडिवाचक पट्टीवरील भाकीत वाचण्याचे नाटक करतो" असे आपण म्हणता, परंतु त्या पट्टीवर खरोखरीच काही लिहिले असते काय, लेखन केले असल्यास ते कोणत्या लिपीमध्ये कोणत्या भाषेमध्ये असते, त्या भाषेस काही व्याकरण आहे काय, व्याकरण असल्यास त्यावरून त्या लेखनाचा साधारण काल कोणता असावा; लेखनामध्ये खरोखरच भविष्यकथन केलेले असते काय, ह्या अशा साध्या प्रश्नांचा आपण स्वतः काही शोध घेतला का हे कळावयास मार्ग नाही. तसेच इतर कुणाचे सहाय्य घेऊन तरी आपण ह्या आणि अशा प्रश्नांचा शोध घेतला काय हेही कळावयास मार्ग नाही. आणि तरीही आपण "नाडिवाचक पट्टीवरील भाकीत वाचण्याचे नाटक करतो" असे म्हणत असाल तर एखाद्याने आपले म्हणणे काय म्हणून मान्य करावे?
3. कूटतमिळलिपीचा अडथळा येतो तेंव्हा आपण मराठी लोकांना काय कळणार! त्यामुळे नाडीवाले जे काय सांगतात ते प्रमाण समजून चालावे लागते असे म्हणून चक्कन् मोकळे होता. शास्त्रीय दृष्टिकोनातून विचार करता एका चिकित्सकाने असे हतबलतापूर्ण प्रतिपादन करणे योग्य वाटत नाही. वास्तविक पाहता आपणांस देवनागरीइतकी शास्त्रशुद्ध लिपी येते, तेंव्हा आपणांस कूटतमिळलिपी येण्यास काहीच प्रत्यवाय नाही. आपण कूटतमिळलिपी अथवा तमिळलिपी शिकावयाचा प्रयत्न केलात काय हे कळावयास मार्ग नाही. आपणांस स्वतःस एवढे कष्ट नको असल्यास, कूटतमिळलिपी जाणणार्‍या - जे आपल्या कार्यास हातभार लावू शकतात अशा लोकांचा शोध आपण घेतला काय हेही कळावयास मार्ग नाही.

नाडिशास्त्रावरील आपले सिद्धांत कसे एकांगी आहेत हे एवढ्यावरूनच कळावे. ह्यापुढील संपूर्ण लेख हा अशा ठिसूळ पायावर आधारलेला असल्यामुळे मी विचारात घेत नाही.

असो. एक फलज्योतिषचिकित्सक तथा अभ्यासक ह्या नात्याने नाडिज्योतिष हा विषय आपल्याला वर्ज्य नाही आणि आपण अनेक प्रश्न अनुत्तरित असूनदेखील आपण चिकित्सेसाठी खुले आहात हा आपला मोठेपणाच मानावा लागेल. तरी मी पूर्वी सुचविल्याप्रमाणे आपण अथवा आपल्यासारखे विचार असणारे इतर जे त्यांच्याकडून नाडिशास्त्राच्या सत्यासत्यतेविषयक एक ’परिक्षणयोजना’ करण्यात यावी आणि तिचा अहवाल सादर करण्यात यावा. आपण स्वत: अथवा आपल्या मार्गदर्शनाखाली इतर कोणी प्रातिनिधिक पुढाकार घ्यावा; श्री. ओक सर आणि त्यांच्याप्रमाणे मते बाळगणारी इतर मंडळी ह्यांस नाडिकेंद्रात घेऊन जावे आणि नाडिज्योतिषाचे खरे स्वरूप उघड करून ह्या मंडळींची सर्वांची दिशाभूल झाली असल्याचे प्रत्यक्ष पुराव्यानिशी सिद्ध करावे. इतरही कोणा व्यक्ति अथवा संस्थेस नाडिज्योतिषाच्या सत्यासत्यतेबद्दल शंकाकुशंका असतील तर त्यांनी ते श्री. घाटपांडे सरांचेकडे सादर करावेत. असे केल्याने ह्या कार्यास एक सामुहिक प्रतिनिधित्व प्राप्त होईल.

शक्य असल्यास पुढील कार्यक्रम ठरवावा.

-

हैयो हैयैयो!

ही नाडीपरीक्षा तर चक्क थोतांड दिसते आहे. आम्ही चुकून इथे आलो. नाडीवैद्य करतात ती नाडीपरीक्षा असा आमचा समज झाला होता. असो.

बाकी प्रकाशराव, तुमच्या चिकित्सक चिकाटीची किंवा चिकाटीच्या चिकित्सेची दाद द्यायलाच हवी. चालू द्या. शुभेच्छा!

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

घाटपांडेसाहेब,
भृगू संहितेत भृगू महर्षींनी ढोबळ ५ लाख पत्रिका दिल्या आहेत. त्याबद्दल काही शास्त्रीय/ वैज्ञानिक संशोधन झाले आहे काय?(बालपणी मराठीतून भृगू संहिता पाहिल्याचे आठवते. एका भागात पत्रिका तर दुसर्‍या भागात भविष्य असे काहीतरी त्याचे स्वरूप होते.)
५ लाख हा 'स्टॅटिस्टिकली सिग्नीफिकंट' आकडा आहे असे वाटते. इतका मोठा विदा उपलब्ध असताना (पत्रिका => भविष्य) १००-२०० पत्रिकांपुरते संशोधन कशाला करावे? भृगू संहितेतील पत्रिका ज्यांच्या पत्रिकांशी जुळतात अशा दहा हजार प्रौढ (> ५० वर्षे) व्यक्तींची भृगू भविष्ये आणि जीवने ताडून पाहता येतील.
असा विचार पूर्वी कधी झाला होता काय?

आणखी अवांतर -
पृथ्वीतलावरील समस्त जिवंत मानवांच्या नाडीपट्ट्या अतित्वात आहेत असे गृहित धरू.
प्रत्येकाची नाडीपट्टी वेगेवेगळी असली पाहिजे (असे पूर्वीच्या वाचलेल्या माहितीवरून वाटते. चूक असेल तर कृपया दुरुस्त करावी.)
कारण व्यक्तीचे 'नाव', अपत्ये, जन्मवेळ आणि जन्मठिकाण कोणत्याही दोन व्यक्तींबाबत तंतोतंत जुळणे अशक्य वाटते. त्यामुळे / तसेच जीवनातील घटना नेहमीच वेगवेगळ्या असाव्यात.
म्हणजे एकूण अंदाजे ६,९३,९४,७५,००० (आणि वाढत आहे...७ अब्ज म्हणू) नाडीपट्टया आजमितीस उपलब्ध असणे गरजेचे आहे.
एका नाडीपट्टीचे घनफळ १०सेमी *२ सेमी *३ सेमी = ६०सेमी^३ असावे असे वाटते. (नसेल तर नक्की किती असते?)
सर्व नाडीपट्टया संग्रहित करण्यास ६०घनसेमी *७ अब्ज = ४२ घनकिमी आकारमान लागेल.
कमीतकमी ४० घन किमी तरी लागेलच. (२ किमी*२किमी*१० किमी)

समजा एका ठिकाणी ४ मिटर * ४ मिटर * ४ मिटर = ६४ घनमिटर जागेत (खोलीत) नाडीपट्ट्या साठवल्या आहेत. तर अंदाजे साडेसहा लाख खोल्या सर्व नाडीपट्ट्या साठवण्यास लागतील.(ही संख्या भविष्यात वाढणार्‍या लोकसंख्येस गृहित धरले तर आणखी वाढेल.)

'असे नव्हे', 'असे नसते', 'हे गृहितक चूक आहे' अशा कोणत्याही आक्षेपांचे स्वागत आहे. कृपया चुका दाखवून द्याव्यात.

माझ्या आधीच्या प्रतिसादांवरून माझी नाडीपट्टीबद्दलची मते जग(!)जाहिर आहेत. त्यामुळे अधिक लिहित नाहि. मात्र २ प्रश्न तर्कदुष्ट वाटले:

७) अंतर्ज्ञानाने असेल तर कुंडली पट्टीत कशासाठी असते?

जरी (जर) पट्ट्या अंतर्ज्ञानाने असल्या तरी पडताळणीसाठी पट्टीमधे कुंडल्या असणे गैर वाटत नाही नव्हे ते आवश्यक वाटते. कारण ज्योतिषाचे (मतभेदांसकट का होईना) काहि नियम आहेत. तेव्हा हा रेफरंस पडताळणीसाठी पट्टीवाल्यांनी वापरल्यास नवल ते काय?

१०) आजमितीस भारताची लोकसंख्या १०० कोटींचे वर आहे. प्रत्येक व्यक्तीची पट्टी महर्षींनी लिहिली आहे काय?

गरज नाहि. पट्टीवाल्या महर्षींना (अंतर्ज्ञानाने) माहित असेलच की किती लोक पट्ट्या बघायला येणार आहेत, त्यांच्याच पट्ट्या बनविल्या की काम झाले.

अर्थात बाकी (मला) वैध वाटलेल्या प्रश्नांची उत्तरे मिळणार नाहित, कारण ती उत्तरे देताच येणार नाहित / त्या प्रश्नांची उत्तरे अस्तित्वातच नसावीत / असल्यास ती देऊन स्वतःचा व्यवसाय हे पट्टीवाले कमी करणार नाहित याबद्दल माझी खात्री पटु लागली आहे.

जाता जाता: अश्या प्रश्नांमुळे / जाहिर विरोधी भुमिकेमुळे-पुराव्यांमुळे या फलज्योतिष/नाडी वगैरे विष्यांपासून किती लोक दुरावतात व कीती लोक (उलट मिळालेलेल्या अनायसे) प्रसिद्धीमुळे / निर्माण झालेल्या कुतुहलामुळे त्यात गुंतत जाता हा विदा रोचक ठरावा.

ऋषिकेश
------------------
समाजातली सामाजिक जाणीवही अगदी नसल्यातच जमा आहे. सुस्त, मद्दड जनता गोळाभर अन्न गिळून, टीव्हीवरच्या मालिका बघून झोपी जात आहे - सन्जोप राव

मी इथ नविनच आलेय् आणि आल्यापसुन हा विषय पाहते आहे...... वाचण्यात इन्ट्रेस्ट् आला आहे. हैहैयो साहेबान्नि मांडलेल्या प्रश्नांना काही उत्तरे अहेत का ओ विरोधि... का उगिचच संशोधन म्हणुन् धुळफेक् कराय्चिय

सौ. बक्कुबाई बिलंदर

प्रतिसाद संपादित.