अडचणी आणि त्यांचे निराकरण

तुमचे निरीक्षण बरोबर आहे. बराहा आणि इतर टंकलेखन सुविधांमध्ये अकारान्त शब्दाच्या शेवटच्या अक्षरात 'अ' निराळा मिसळावा लागत नाही. इथे 'अ'कारान्त शब्दांच्या शेवटच्या अक्षरात 'अ' मिसळावा लागतो.

बराहा किंवा इतर टंकलेखन सुविधांमध्ये, अकारान्त नसलेल्या शब्दांच्या शेवटच्या अक्षरात मात्र आवश्यक त्या स्वराची कळ दाबावी लागतेच. (शब्दांच्या अखेरीस नसलेल्या अक्षरांसाठीही स्वराची कळ दाबावी लागते.) तरीही बराहामध्ये असलेली ही सोय निश्चितच उपयोगी आहे. तांत्रिकदृष्ट्या हा बदल करता येईल का याचा शोध घेत आहोत.

"ज्ञ" लिहिण्यासाठी jYa असे लिहावे. (ज्ञ = ज् + ञ् + अ)

टंकलेखनाविषयी अधिक माहिती टंकलेखन साहाय्यात आहे.

उपक्रम,
नव्या संकेतस्थळाबद्दल अभिनंदन. मोडका पाय आवडला. त्यामुळे शब्दात दोन अक्षरांमध्ये स्वर राहिला आहे हे लक्षात येते. पण प्रियालीची शेवटच्या अक्षराबद्दलची सूचनाही चांगली आहे. दोन्ही (म्हणजे मोडका पाय आणि space दिल्यावर तो पूर्ण करणे ) ठेवता येईल का ते बघा. देवनागरी आणि रोमन लिपीसाठी keyboard shortcut देता आला तर अतिउत्तम.

- ओंकार

१. उघडझाप शक्य असलेले आणि आपोआप उघडलेले प्रतिसाद या दोन्हींचे काही फायदे आणि तोटे आहेत. दोन्हीपैकी हवे ते निवडण्याचा पर्याय देता आला तर उत्तमच पण याविषयी काय करता येऊ शकेल याचा शोध घेत आहोत.
२. प्रतिसादाला प्रति-प्रतिसाद येईपर्यंत लेखकाला तो संपादित करता येतो.
३. संपादन सुविधा वापरून सुशोभिकरण (फॉरमॅटिंग) कसे करायचे याची माहिती इथे आहे. त्याशिवायही काही एचटीएममएल कोड लिहायचा असेल तर तो थेट याच खिडकीत लिहिता येईल.

लेखन हवे तसे होईपर्यंत अप्रकाशित स्वरूपात साठवण्याची सोय असावी यासाठी प्रयत्न करत आहोत.

१. हो. अंकांचे मराठीकरण कसे करायचे हे अजून समजले नाही. प्रयत्न सुरू आहेत.

२. प्रतिसादांची आणि वाचनांची संख्या १ असेल तर मराठीत दिसते पण एकापेक्षा जास्त असेल तर इंग्रजीत दिसते. ही गोष्ट पहिल्या मुद्द्याशी निगडीत आहे.

३. लेखनाचे 'लेख' आणि 'चर्चा' असे दोन प्रकार आहेत. लेखांचे विषयानुसार (भाषा, विज्ञान, इतिहास इ.) आणि प्रकारानुसार (माहिती, अनुवाद, व्यक्तिचित्र इ.) वर्गीकरण करता येते. चर्चेचेही विषयानुसार वर्गीकरण करता येते.

लेख आणि चर्चा समुदायानुसारही विभागता येतील. उदा. समजा तुम्ही "गणित" किंवा "मराठी साहित्य" या समुदायाचे सदस्य असाल तर नवा लेख किंवा चर्चाप्रस्ताव लिहिताना तो कोणत्या समुदायात समाविष्ट करायचा हे निवडण्याचा पर्याय दिसेल. किंवा त्या समुदायाच्या पानावर जाऊन तिथे "चर्चा प्रस्ताव लिहा" किंवा "लेख लिहा"हे दुवे वापरून त्या त्या समुदायासाठी लेख/चर्चाप्रस्ताव लिहिता येतील.

"नवे लेखन" या वरील-उजव्या कोपऱ्यातील दुव्यावर टिचकी मारली की स्वतःचे नवे लेखन, सगळे नवे लेखन, नवे लेख, नवे चर्चाप्रस्ताव, नवे प्रतिसाद पाहण्याची सोय आहे. "समुदाय" या दुव्यावर जाऊन सगळ्या समुदायांची यादी पाहता येईल. नवे ग्रुप समासातही दिसतील.

याशिवाय इतर माहिती साहाय्यात मिळेल.

व्यवस्थापनाला हा बदल करून देता येईल काय?

बदल केला आहे.

नवे समुदाय प्रस्ताव आधी व्यवस्थापनाच्या पडताळणीसाठी पाठवले जातात. व्यवस्थापनाकडून संमत झाल्यानंतरच समुदाय अस्तित्वात येतात. त्यामुळे सुपूर्त केल्यानंतर लगेचच आपला समुदाय यादीत दिसणार नाहीत. ही माहिती समुदाय बनवण्याच्या पानावर दिली आहे.

येण्याची नोंद केल्यानंतर कोणत्याही लेखाच्या किंवा चर्चेच्या पानावर गेल्यावर प्रतिसाद देण्याची खिडकी दिसते. फक्त समुदायाच्या स्वागताचा मजकूर असलेल्या पानावर प्रतिसाद देता येत नाही. तुम्ही "आमचा त्यांचा इतिहास" समुदायाचे सदस्य आहात, त्या समुदायाच्या स्वागताचा मजकूर असलेल्या पानावर प्रतिसादाची खिडकी दिसत नाही. पण तुम्ही जर कुठल्याही लेखाच्या किंवा चर्चेच्या पानावर गेलात उदा. "गणिती संज्ञांसाठी प्रतिशब्द"तर प्रतिसाद देण्याची खिडकी दिसायला हवी.

संपूर्ण लेख फीड्सच्या मार्फत पाठवणे तंत्रिकदृष्ट्या शक्य आहे. सध्या सारांश आणि लेखाचा दुवा (लेख एखाद्या समुदायाचा भाग असल्यास त्या समुदायाचा दुवा) ही माहिती पाठवली जाते. आपल्या समुदायामध्ये किंवा आपल्या आवडीच्या विषयावर कोणता नवा लेख आला आहे याची माहिती आपोआप मिळणे हे हेतू याने साध्य होतात. सारांशाच्या ऐवजी पूर्ण लेख पाठवल्याने सेवकावर अतिरिक्त ताण पडेल का आणि पडत असल्यास कितपत पडेल याचा अभ्यास करून याबाबतीत निर्णय घ्यावा लागेल.

स्वरचित कवितांचा वेगळा विभाग असावा का आणि असल्यास त्याचे स्वरूप कसे असावे यावर विचार करत आहोत. सध्या तरी समुदाय, लेख आणि चर्चा इतकेच स्वरूप राहील.

लेख आणि चर्चाप्रस्ताव सुपूर्त केल्यानंतर सदस्यांना त्यात बदल करता येत नाही. त्यासाठी लेख किंवा चर्चाप्रस्ताव आपल्याला हवा तसा झाल्यानंतरच सुपूर्त करावा.

जरि उद्धरणी व्यय न तिच्या हो साचा हा व्यर्थ भार विद्येचा!
याचा अर्थ कृपया संदर्भासहीत स्पष्ट करावा..

वरील ओळी स्वातंत्र्यवीर तात्याराव सावरकरांच्या 'ने मजसी ने...' या कवितेतल्या आहेत. १९०९ साली ब्रायटनच्या समुद्रकिनार्‍यावर उभे असताना तात्यारावांना ह्या ओळी सुचल्या. 'हे सागरा, मला माझ्या मायभूमीवर परत घेऊन चल' असा संवाद तात्याराव ह्या कवितेतून सागराशी साधत आहेत.

'जरी उद्धरणी व्यय न तिच्या हो साचा, हा व्यर्थ भार विद्येचा!'

तात्यारावांनी बॅरिस्टर ह्या पदवीपर्यंतची उच्च विद्या संपादन केलेली असते. ते सागराला म्हणत आहेत की, 'ही जी मी उच्च विद्या संपादन केलेली आहे, तिचा उपयोग (व्यय) जर माझ्या मातृभूमीच्या उत्कर्षाकरता (उद्धरणी) होणार नसेल तर ह्या उच्चशिक्षणाचा काहीही फायदा नसून हे माझे शिक्षण व्यर्थ आहे!. (हा व्यर्थ भार विद्येचा!)'

असो! तात्याराव सावरकर हे खूप मोठे कवीही होते. माझी 'कविता' ह्या साहित्यप्रकाराची समज तशी नगण्यच आहे. तरीही मी वरील अर्थ सांगण्याचा प्रयत्न केला आहे. ह्या क्षेत्रातली तद्न्य मंडळी वरील ओळींचा अधिक चांगल्या प्रकारे अर्थ स्पष्ट करू शकतील असा माझा विश्वास आहे!

आपला,
(सावरकरभक्त!) तात्या अभ्यंकर.

आपला
अडाणी आभ्या (तात्या तुमची ष्टाईल उचलली..)

अभिजितराव, ही मूळ ष्टाईल आमची नव्हे बरं का! 'मनोगत' ह्या संकेतस्थळावर 'प्रवासी' ह्या नांवाने वावरणारे एक सद्गृहस्थ होते, त्यांची ही ष्टाईल आहे. आम्ही ही ष्टाईल त्यांच्याकडूनच उचलली. त्यांचं माहीत नाही, पण आम्ही मात्र त्यांना आमचे मित्र मानायचो, त्यांच्याशी भांडायचो, परंतु त्यांचा आदरही करायचो!

गेल्या अनेक दिवसात त्यांच्याशी काही गाठभेट नाही, की त्यांची काही खबरही नाही. पुन्हा कधी भेटतील, न भेटतील हे सांगता येत नाही!

असो..!

'दोन ओंडक्यांची होते सागरात भेट,
एक लाट तोडी दोघा, पुन्हा नाही गाठ,
क्षणिक तेवी आहे बाळा, मेळ माणसांचा,
पराधीन आहे जगती, पुत्र मानवाचा, दोष ना कुणाचा!

आपला,
(प्रवासीप्रेमी!) तात्या.

धन्यवाद! आपले म्हणणे बरोबर आहे. एके ठिकाणी ही चूक राहून गेली होती. आता दुरुस्त केली आहे.

मात्र 'यशस्वीरित्या' आणि 'यशस्वीरीत्या' यातील अधिक योग्य शब्द कोणता? शोध घेतला असता दोन्ही शब्द वापरले जातात आणि 'यशस्वीरित्या' अधिक वापरला जात असावा असे आढळून आले. याबाबत खात्रीशीर माहिती असल्यास कळवावी.

नव्या लेखनातील 'लेख' आणि 'चर्चा' या विभागातील क्रम 'शेवटच्या लेखना'नुसार आहे. त्यामुळे 'सगळे नवे लेखन' या विभागातील क्रम 'प्रकाशना'च्या वेळेनुसार ठेवला आहे. हे वेगवेगळे पर्याय आयतेच उपलब्ध असल्याने सदस्यांना क्रमवारी बदलण्याची गरज पडणार नाही या उद्देशाने अशी मांडणी केली आहे.

त्या संदेशाचे मराठीकरण केले आहे. ध्यानात आणून दिल्याबद्दल धन्यवाद!

बरेचदा प्रतिसाद देताना किंवा पुनःसंपादीत करताना सुशोभीकरणाचे पर्याय दिसेनासे होतात.

म्हणजे 'ठळक अक्षरे' 'तिरकी अक्षरे' वगैरे बटने दिसेनाशी होतात का? असे होण्याचे काही कारण दिसत नाही.

सदस्यांची नावे किंवा समासातील काही दुवे कधीकधी दोनदा दिसतात ही माहीत असलेली त्रुटी (known bug) आहे. स्वभाषीकरणाची यंत्रणा (localization module) जोडल्यानंतर ही त्रुटी उत्पन्न होते असा कयास आहे.

कोणत्याही समुदायातील लेखन वाचणे आणि त्यावर प्रतिसाद देणे सर्वांना शक्य व्हावे अशीच समुदायांची रचना केलेली आहे. कोणत्याही समुदायासाठी लेख आणि चर्चाप्रस्ताव लिहिण्यासाठी मात्र त्या समुदायाचे सदस्य असणे आवश्यक आहे.