नि: शब्द.

हसावे की रडावे कळत नाहिये.

जन सामान्यांचे मन

याहून अधिक कळस तोडगे फक्त 'सनातन प्रभात' च्या अंकांत वाचले आहेत.
नतमस्तक.
सन्जोप राव

गांधींबाबत हा लेख वाचण्यासारखा आहे. त्यात या चर्चेतील काही मुद्द्यांबाबत माहिती मिळेल.

गांधींबाबत हा लेख सुद्धा वाचण्यासारखा आहे. विचार करायला लावणारा आहे.

चालु द्या.

गांधीजींचे तत्त्वज्ञान सर्व ठिकाणी लागू पडेल असे नाही. जिथे काही प्रमाणात तरी कायद्याचे राज्य आहे तिथे गांधीगिरी चा उपयोग होऊ शकतो असे वाटते. असे प्रयोग जगात इतरत्रही झाले आहेत.

लेखक म्हणतो की भारताला (समजूतदार) ब्रिटिश राज्यकर्ते लाभले, अन्य कुणी नाहीत, हे गांधींचे नशीबच म्हटले पाहिजे.

आणि देशाचेही. दगडापेक्षा वीट मऊ.

या पुस्तकाविषयी माहिती दिल्याबद्दल धन्यवाद!

गांधीजींनी ज्यूंना दिलेल्या सल्ल्याबद्दल ही चर्चा विकीवर...

'मोडा पण वाकू नका' अशा स्वरूपाचा हा (मराठी बाण्याचा) सल्ला दिसतो.

'इतिहास संशोधक' आणि 'इतिहास समिक्षक' यांच्यातली सीमा पुसट आहे.
म्हणून इतिहासावर मल्लीनाथी कोणत्याही पद्धतीने करता येते.
गांधींना चूक ठरवायचे की बरोबर? ते ठरवून इतिहासाचे लेखन फिरवता येते.

अहिंसेच्या सर्वश्रेष्ठ उपासकाने (गांधी) हिंसेच्या सर्वश्रेष्ठ उपासकाला (हिटलर) लिहिलेल्या पत्रांचा मागोवा येथे पहावा.

http://sadhanatrust.com/pdf/SW20080510.pdf या ठिकाणी पान नं २९ वर राहुल रेवले यांचा 'समाजवाद्यांनी केलेली सर्वात मोठी चुक ' हा लेख . यावर साधनाच्या संपादकांनी प्रतिक्रिया मागवल्या आहेत.
प्रकाश घाटपांडे

रोचक माहिती. इथे खालील संवाद आठवला.
पत्रकार : व्हॉट डू यू थिंक ऑफ वेस्टर्न सिव्हिलायझेशन?
गांधीजी : आय थिंक इट्स अ गुड आयडीया!

----

ऑर्कूट या संकेतस्थळावर मोहनदास करमचंद गांधी व सोनिया गांधी यांच्याबद्दल आक्षेपार्ह मजकूर प्रसिद्ध झाला, म्हणून हा मजकूरकर्ता २२ वर्षांचा तरुण राहुल कृष्णकुमार वैद्‍याला सायबर गुन्हे शाखेच्या पोलिसांनी अटक केली.

सायबर गुन्हे शाखेच्या पोलिसांचे यासाठी अभिनंदन करायला हवे. त्यांनी राहुल याला अटक करण्यासाठी हरियाणातील गुडगाव हे त्याचे गाव गाठले आणि त्याला अटक करून पुणे शहरात आणले. राहुल याला न्यायालयात हजर केल्यावर न्यायालयाने त्याला २१ मेपर्यंत कोठडी दिली. राहुल हा सुशिक्षित तरुण गुडगाव येथील एका माहिती व तंत्रज्ञान कंपनीमध्ये हार्डवेअर अभियंता म्हणून नोकरी करत आहे. अटक केल्यावर त्याने गुन्हा कबूल केला,असे पोलिसांनी म्हटले आहे. संकेतस्थळावर प्रसिद्ध करण्यात आलेला मजकूर आक्षेपार्ह आणि अश्लील आहे, असा त्याच्यावर आरोप आहे. हा मुलगा सुशिक्षित असूनही त्याला असा आक्षेप घेण्यासारखा मजकूर का, तयार करावासा वाटला, हे शोधून काढणे म्हणजे एक संशोधन पूर्ण करण्यासारखे होईल; तथापी प्रगत माहिती व तंत्रज्ञानाचा दुरुपयोग केला जाण्याची उदाहरणे मात्र कमी नाहीत. किंबहुना धर्मद्रोही, दुसर्‍यांबद्दल वैरभावना असणारे, दहशतवादी यांनी मात्र या सुविधेचा गैरफायदा घेणे सुरू ठेवले आहे !

पोलिसांची इच्छाशक्‍ती !
मोहनदास करमचंद गांधी व सोनिया गांधी यांच्याबद्दल आक्षेपार्ह मजकूर जगभर पोहोचला जाणे, ही बाब त्यांच्या निष्ठावंतांना सहन होणे शक्य नाही. पुण्यातील काँग्रेसच्या एका कार्यकर्त्याने ऑर्कूटवरील या मजकुराविषयी आर्थिक व सायबर गुन्हे शाखेकडे तक्रार केली आणि त्या तक्रारीची दखल पोलिसांनी ताबडतोब घेतली. राहुल याने एक वर्षापूर्वी `मी सोनिया गांधी यांचा द्वेष करतो' या मथळयाखाली चर्चा करणारा गट निर्माण केला. या गटातील इतरांनी जो मजकूर तयार केला त्यावर आधारित अश्लील मजकूर तयार करण्यापर्यत त्यांची मजल गेली. ऑर्कुट हे संकेतस्थळ अश्लील मजकूर प्रसिद्ध करण्याविषयी कुप्रसिद्ध आहे, हे पोलिसांना माहीत आहे कि नाही, हे सांगता येत नाही, तथापी हिंदूंना मात्र त्याची जाणीव आहे. या संकेतस्थळावर देवतांची अश्लील चित्रे प्रसिद्ध झाली, तेव्हा पुण्यासह संपूर्ण महाराष्ट्रात हिंदूंच्या संघटनांनी त्याविरुद्ध आंदोलन
उभारले व पोलिसांत तक्रारही दाखल केली. त्या वेळी या संकेतस्थळावर कोणतीही कारवाई झाली नाही आणि हिंदूंना मोठा अपमान सहन करावा लागला. गुन्हेगाराला शोधून काढण्याविषयी सगळे पाणी येथेच मुरत आहे. राजकीय नेत्यांविषयीचा आक्षेपार्ह मजकूर कोणी प्रसिद्ध केला, हे शोधून काढण्यासाठी पुणे येथील पोलिसांनी जे कष्ट घेतले, ते हिंदंूच्या धार्मिक भावना दुखावल्याची तक्रार पोलिसांकडे पोहोचूनही घेतले गेले नाहीत. येथे मोहनदास करमचंद गांधी व सोनिया गांधी यांच्या बदनामीचा मुद्दा धसास लावण्यात आला आणि सारे जग धारण करण्याचे सामर्थ्य असलेल्या हिंदु धर्माच्या अपमानाचा मुद्दा बाजूला पडला, हे दुर्दैव आहे. `गुगल' या प्रसिद्ध संकेतस्थळाच्या साहाय्याने पोलिसांनी राहुलच्या मजकुराविषयी सविस्तर माहिती मिळवली व त्या माहितीच्या आधारावर पोलीस हरियाणा राज्यात पोहोचले. येथे पोलिसांची इच्छाशक्‍ती महत्त्वाची ठरली व त्यामध्ये ते यशस्वी झाले.

शिवाजी महाराजांविषयी आक्षेपार्ह मजकूर ऑर्कुटवर आला होता तो याच पोलिसांनी कार्यक्षम रीतीने हाताळला होता याचा सोयीस्कर विसर तुम्हाला पडलेला दिसतो आहे. तुमची गाडी नेहमीप्रमाणे गांधीद्वेष आणि हिंदूंच्या भावना वगैरे रडगाण्यावर घसरली. असो. पोलिसांच्या कार्यक्षमतेचे आम्हाला कौतुकच आहे!

>> हा मुलगा सुशिक्षित असूनही त्याला असा आक्षेप घेण्यासारखा मजकूर का, तयार करावासा वाटला, हे शोधून काढणे म्हणजे एक संशोधन पूर्ण करण्यासारखे होईल

यात काही आश्चर्य नाही. असे सुशिक्षित वाटणारे लोक आक्षेपार्ह मजकूर लिहिताना सर्रास दिसतात. नाही का?

या तथाकथित हिंदुत्ववाद्यांच्या कुरापतींनी सर्वसामान्य हिंदूना लाजिरवाणे प्रसंग पाहावे लागत आहेत. अश्याने हे अधिकाधिक तिरस्काराला पात्र होतील यात शंका नाही.

--------------------------------------------------------------------------------
तटस्थ मराठी संकेतस्थळांचा वापर प्रचारवादी आणि द्वेषमूलक लिखाणासाठी होऊ नये याचे मी समर्थन करतो.