वा वा! मस्त उपक्रम. पुढिल लेखांसाठी अनेक शुभेच्छा!

घराला विटु, चिक्की नावं आवडली :-) चिक्की काय कधीही बेष्टच् ;) चिक्की तर कोकणातल्या आमराईत आराम करायल पडवी असते ना तशी वाटली :)

-(शुभेच्छुक) ऋषिकेश

माहितीपूर्ण लेख. पुढील भागांच्या प्रतीक्षेत.
राधिका

महत्त्वाची ही गोष्ट की युरोपियनांनी आपली आखीवरेखीव गृहबांधणीची बीजे अमेरिकेत रूजवण्याआधीच स्थानिक अमेरिकन रहिवासी आपापल्या जीवनाच्या शैलीला योग्य अशी घरे स्थानिक साधनसामग्री वापरून बांधत होते आणि त्यात ते पारंगतही झाले होते.

यावरून आठवले. पुढे फ्रँक लॉईड राइट या अमेरिकन स्थापत्याच्या दिग्गजाला या तत्त्वाचे महत्त्व पटले. त्याच्या इमारतींचे आकार नेटिव्ह अमेरिकन घरांसारखे फारसे नसले, तरी तो बांधणीत स्थानिक साधनसामग्री वापरण्यास प्राधान्य देई.

चित्रे आणि माहिती दोन्ही छान आहेत. वीटूला पाहून शाळेत सातवीच्या भूगोलात इग्लूचे चित्र होते त्याची आठवण झाली. :)

----
L'enfer, c'est les autres -- Jean-Paul Sartre

लेख आणि चित्रे आवडली. माझ्या घराजवळ एकांचे (व्यवस्थित) घर आहे पण त्यांच्या बॅकयार्डात एक टीपी बांधलेली आहे. ती बघून आम्हाला आधी खूप मजा वाटायची. ती कापडाची आहे अर्थात पण दिसायला अगदी वरच्या चित्रातल्यासारखी. त्या टीपीचे ते काय करतात असा नेहमी प्रश्न पडतो आम्हाला आणि मग 'बहुधा उन्हाळ्यात त्यात जाऊन झोपत असतील' असे आम्ही स्वतःचे समाधान करून घेतो.

प्रतिक्रिया देणार्‍या सर्वांचे आभार..

वा! सुरेख लेख.
आवडला. औद्योगिक क्रांती होण्या आधीचे जग जास्त सस्टेनेबल होते असे जाणवते.
म्हणजे राहण्यालायक पृथ्वी दुसर्‍यापीढीला देण्याची क्षमता मानव राखून होता.
ती आता आपण घालवून बसलोय असे जाणवते.
ऋषीकेशने उल्लेखल्या प्रमाणेच चिक्की आवडलीच!
त्या मोठ्या घरातले एकत्रीत कुटूंबाचे जीवन कसे असेल हे ही क्षणभर डोळ्यासमोर तरळले.
बाकी स्थानीक साधनांचा उपयोग करणे योग्य आहेच पण ते दरवेळेला शक्य होतेच असे नाही असे वाटते.

त्याच वेळी स्थानीक हवामानाचा विचार करून बांधलेली घरे जास्त योग्य वाटतात.

असो,
आवांतरः मुख्य म्हणजे या लोकांना या साठी कोणतेही गृहकर्ज लागत नसे. तसेच घर बांधण्यासाठी नगरपालिकांच्या परवानग्यांची कटकटही नाहे.
त्याही पलिकडे घर बांधले तरी त्यात भावनीक गुंतवणूकीला मर्यादा होती...
म्हणजे जवळ जवळ "झेन" मध्येच राहणे!!!

वा मला कल्पना करूनहीइतके छान वाटतेय.

आपला
माशा मारत बसलेला
गुंडोपंत
---------------
आणि अरे!
काय चित्राताई इतक्यातच आभार प्रदर्शन करून गुंडाळलेत?
तेही चक्क गुंडोपंतांचा एकही प्रतिसाद नसतांना???

वेगळ्या विषयावरचा लेख छानच आहे. ह्याची एक मस्त लेखमाला होईल. लोकांनी त्यांना माहीत असलेल्या अश्या आगळ्यावेगळ्या घरांबद्दल लिहावे. तसेच आजच्या व भविष्यातील घरे पर्यंत.

अमेरिकेत वादळात सापडुन भुईसपाट झालेली घरे पाहून, ह्यांची घरे चांगली पक्की का नसतात हा विचार येतो. कोणी सांगू शकेल? टीपी व चक्की ज्या भागात होती तेथे ह्या वादळांचा धोका नव्हता का?

टॉयलेटची काय व्यवस्था होती हा प्रश्र खूपच त्रास देतोय. :-)

इतक्या लवकर आभार प्रदर्शन आटोपलेत?
बघा, लवकर प्रतिसाद = फ्लिपंट वाचक हे समीकरण रुढ झाल्यापासुन जरा निवांतपणे हो :-)...

गुंडोपंत - मोठं रम्य स्वप्न आहे हो तुमचं! आवडलं.
>>मोठ्या घरातले एकत्रीत कुटूंबाचे जीवन कसे असेल हे ही क्षणभर डोळ्यासमोर तरळले.
मलाही हेच वाटले. एकत्र रहायच्या दृष्टीने बांधलेली ही घरे आणि आत्ताचे अमेरिकन वास्तव यात जमीन अस्मानाचा फरक आहे. तो संस्कृतींमधलाही फरक आहे.

>>लॉरी आणि राइट व त्यांची स्ट्रक्चर्स यावर काही लिहिल्यास वाचायला आवडेल.
लिहीन, पुढेमागे कधीतरी:-)

>कोणतेही गृहकर्ज लागत नसे. तसेच घर बांधण्यासाठी नगरपालिकांच्या >परवानग्यांची कटकटही नाहे.
>त्याही पलिकडे घर बांधले तरी त्यात भावनीक गुंतवणूकीला मर्यादा होती...

हे मस्त. मी याचा विचार नव्हता केलेला!

>>बाकी स्थानीक साधनांचा उपयोग करणे योग्य आहेच पण ते दरवेळेला शक्य होतेच असे नाही असे वाटते.
हे बरोबर आहे.

>>इतक्या लवकर आभार प्रदर्शन आटोपलेत?
>काय चित्राताई इतक्यातच आभार प्रदर्शन करून गुंडाळलेत?
>तेही चक्क गुंडोपंतांचा एकही प्रतिसाद नसतांना???

१५ प्रतिसाद आले (त्यातले काही माझेच), म्हटले - चला' डोक्यावरून पाणी.. असो. लेख आवडला हे बरे झाले.

सहजराव -
वादळात सापडून भुईसपाट झालेली घरे - हा तुम्ही मोठा विषय काढला आहे. यावर खरे तर घरे सगळीकडे लाकडाचीच का यापासून सुरूवात करायला लागेल. त्यामुळे वार्‍याच्या विशिष्ट वेगानंतर/ दाबानंतर कितीही काळजीपूर्वक बांधलेली घरे ही काही प्रमाणात व्हल्नरेबल ठरतात. याबद्दल नंतर कधीतरी.

टीपी असलेल्या प्रदेशांतही वादळाचा धोका असणारच, पण त्यामुळे होणारी जिवितहानी कमी कारण वापरलेली सामग्री हलकी. -शिवाय तुलनात्मक घरेही सध्याच्या मानाने फारच छोटी. ती अंगावर पडून दुखापत व्हायची शक्यता कमी. आणि विंचवाच्या पाठीवरचा संसार असल्याने नुकसानही कमी.

आता घरे मोठी, त्यातील वस्तू अधिक म्हणून नुकसानाची शक्यताही जास्त.

उलट उदाहरण द्यायचे झाले तर भुकंपप्रवण भागातील दगडी घरांपासून जिवितहानी/मालमत्ताहानी यांचा धोका अधिक - लातूरप्रमाणे. (भूकंप आणि वारे साधारण सारख्याच दिशेने (वर-खाली नाही, तर आडव्या किंवा लॅटरल दिशेने) अधिक परिणाम करतात - घरे कोलमडून पडतात म्हणून ही तुलना).

त्यामुळे नुसती स्थानिक सामग्री असून चालत नाही, तर त्यापासून घरे कशा प्रकारे उभारायची ह्यालाही महत्त्व असते.

लेख आणि चित्रे आवडली. पुढील भाग लवकर येऊ द्या !

वेगळ्या विषयावरील हा लेख आवडला. पुढील भागांच्या प्रतीक्षेत.

अशी लेखमालाच आली तरी आवडेल.
या निमित्ताने जगातील इतर भागाअतील घ्रांचा उहापोह व्हायला हरकत नाही.
पुढील भागासाठी उत्सुक आहे.