शटरस्पीड आणि ऍपरचर नियंत्रण? ही काय भानगड असते?
फोटो काढण्याच्या तंत्रावर अभिजित किंवा आजानुकर्ण यांनी एखादा लेख लिहावा अशी विनंती आहे, बाकी त्यातील "कला" ही काही शिकवून येण्यासारखी गोष्ट नाही.

रात्रीच्या वेळी नैसर्गिक प्रकाशात छायाचित्रे (?प्रकाशचित्रे?) टिपताना एक तर ऍपेर्चरचे छिद्र खूप मोठे करावे लागते (त्याने एक विवक्षित अंतर सोडून बाकी सर्व वस्तू अस्पष्ट होतात - "टाईट डेप्थ ऑफ फील्ड" - हे हवे असले तर छान, नको तर गोची), किंवा छिद्र खूप वेळ उघडे ठेवावे लागते (शटर स्पीड खूप हळू करावे लागते). १/६० सेकंदपेक्षा साधारण मनुष्य हात स्थिर ठेवू शकत नाही, त्यामुळे चित्र पुन्हा बिघडते.

कॅमेरा बसवायचा तिपाई स्टँड तसा खूप स्वस्त असतो, आणि तुमचा कॅमेरा खूप महाग असेल तर हा क्षुल्लक खर्च तुम्ही जरूर करावा! मग हात थरथरण्याचा काही फरक पडत नाही, आणि छिद्र वाटेल तेवढे लहान-मोठे करून ते वाटेल तितका वेळ उघडे ठेवले तर चालते.

नैसर्गिक प्रकाशातली चित्रे सुंदर दिसतात, म्हणून हा सगळा खटाटोप.

तुमचे बजेट किती आहे आणि त्या रेंजमध्ये सर्वोत्तम फिचर्स आणि सर्विस कोण देतो त्याच्याकडे जायचं..

माझ्या कॅमेर्‍याचा सीसीडी खराब झाला होता राजगडावर. चांगलाच फटका बसला असता. पण सुदैवाने ३ वर्ष वॉरंटी होती. सोनीची विक्रीपश्चात सेवा चांगली आहे. इलेक्ट्रॉनिक वस्तू कधी गचकतील् सांगता येत नाही त्यामुळे हाही मुद्दा महत्त्वाचा आहे.

सोनी कडून चांगला अनुभव मिळाला आहे. कॅनॉन आणि निकॉनच्या भारतातील सर्विसबद्दल माहित नाही.

अभिजित...
कोंबडी पळाली गाण्यावर नाचलं की भरपूर व्यायाम होतो.

सोनीचे एच सेरीज मधले (२, ५, ८) सर्वच कॆमेरे वर उद्घृत केलेल्या सर्व सुविधा (झाडप-गती, छिद्र-आकार, हाताच्या कंपणांना स्थिरावणे, वगैरे) पुरवत आहेत. शिवाय किंमत सुद्धा वाजवी आहे. मला माझ्या नव्य एच२ मधली चित्रिकरण व्यवस्था सुद्धा फार छान वाटली. आगामी काही काळात कॆमकॊर्डर घेणे लोकांनी बंद केल्यास नवल नव्हे.