बादशहा विचारतो, "बिरबल इन्सान को सबसे प्यारा क्या होता है?" बिरबल म्हणतो, "अपनी जान". मग ती माकडीणीची गोष्ट आहे ज्यात ती नाका पर्यंत पाणी आल्यावर डोक्यावर ठेवलेल्या पिल्लाला टाकून देते आणि स्वतःचा जीव वाचवते वगैरे.

माकडीण बिचारी खरेच असे करेल का ते माहीत नाही पण माणसे आणि त्यातही राजकारणी नक्कीच तसे असतात. (काही महीन्यांपुर्वी गोठलेल्या थंडीत स्वतःच्या पिल्ल्लाला वाचवणार्‍या माकडीणीचा सकाळ की म.टा. मधे फोटो आला होता).

मुशारफच्या बाबतीतही तेच आहे. या लोकांना आत्ता पर्यंत सांभाळले त्यांची जडण-(बि)घडण केली. त्यांचे इस्लामाबादेतील उद्योग काही नवीन नाहीत. पण आता सर्वत्र स्वतः विषयी जेंव्हा दंगली होवू लागल्या तेंव्हा लोकांचे लक्ष वळवायला ह्या भस्मासुराचा उपयोग होतो आहे.

बाकी इंदीरा गांधीच्या बाबतीत शिख चळवळीला प्रोत्साहन दिल्याचा आरोप होतो. पुढे मात्र त्यांनी मुशारफप्रमाणे नाही पण स्वतःची चूक सुधारण्याचा प्रयत्न ऑपरेशन ब्ल्यू स्टारच्या वेळेस केला. नंतर त्यांचा परीणाम त्यांना भोगावा लागला पण त्याला त्यांची तयारी होती. त्यांच्या हत्ये नंतर जेंव्हा माजी पंतप्रधान मोरारजी देसाईंना प्रतिक्रीया विचारली, तेंव्हा ते म्हणाल्याचे आले होते की, "बुरे काम का बुरा नतीजा". मोरारजींच्या या प्रतिक्रीयेत तुमच्या इतर प्रश्नांची उत्तरे आहेत.

सकाळ मधे खालील माहीतीपूर्ण नकाशा दिला आहे:

वासुदेव राव, चांगला विषय सुरू केलात. तसा हा विषय प्रतिक्रियेसाठी फारच विचित्र वाटतो आहे.
१. मुश यांची अवस्था इकडे आड तिकडे विहीर अशी नक्किच झाली आहे. ती आज ना उद्या होणारच होती. या प्रसंगी त्यांनी वर वर दाखवायला पाकिस्तानचे हित दाखवले आहे. पण नक्कि काय गौडबंगाल आहे हे मुश-बुश यांनाच माहित.
२. कट्टर मुस्लिम आता डोइजड झाले आहेत हे सत्य असले तरी अल कायदा (मुस्लिम अतिरेकी) आणि पाकिस्तान यांचे संबंध जग जाहिर आहे. प्रसिद्धी माध्यमांना जे काही दाखवले जाते हि निव्वळ धुळफेक आहे असे माझे वैयक्तिक मत आहे.
३. मुश आणि बुश यांना अतिरेक्यांबद्दल कारवाइचा इतका पुळका आहे तर आंतरराष्ट्रीय दहशतवादी-गुन्हेगार दाउद पाक मध्ये का राहू शकतो? त्यावेळी जागतिक दहशत वाद कुठे जातो?
४. हे जे काही झाले ते मुश नी आपली प्रतिमा सुधारण्यासाठी केले आणि बुशने पाठ थोपटण्यासाठी. बुश आता एकटे पडले आहेत. टोनी ने साथ सोडली आहे अन नव्या दमाचा आणि कट्टर मुस्लिम आणि दहशतवादी राष्ट्रावर पकड असलेला साथिदार बुश कशा सोडेल? हि बातमी वाचा. त्यामुळे हि तर निव्वळ धुळफेक आहे असे मला वाटते.
५. अशा नेत्यांचा शेवट काय होतो हे जग जाहिर आहे. त्यामुळे राजकारणात हे घडत राहतेच. पाक मध्ये दुसरा मुश बुश ने आधीच हेरुन ठेवला असेल त्यामुळे मुशचे काहीही झाले तरी नवा मुश तयार असेलच.

मुश आणि बुश यांना अतिरेक्यांबद्दल कारवाइचा इतका पुळका आहे तर आंतरराष्ट्रीय दहशतवादी-गुन्हेगार दाउद पाक मध्ये का राहू शकतो? त्यावेळी जागतिक दहशत वाद कुठे जातो?

पण बातमी ची लिंक लागली नाही

प्रकाश घाटपांडे

इतिहास पुनरावृत्त होतो - हे घासून गुळ्गुळीत झालेले वाक्य.
इंदिराजींचे काय झाले हे सर्वांना माहित आहे.
मुशीबाबांनी जपून रहावे. अराजकाच्या वाटेवर पाकिस्तान या चर्चेत -
'पाकिस्तानात अराजक माजले तर' - नव्हे ते माजलेच आहे. फक्त ज्वालामुखीचा स्फोट होणे बाकी आहे. आज ऐकू येणार्‍या कुरबुरी त्या विस्फोटाच्या पूर्वसूचना आहेत. हा विस्फोट जेंव्हा होईल तेंव्हा अत्यंत आततायी, धर्मांध मंडळी सत्तेचा कब्जा घेतील. ज्या लष्करालाच दहशतवादी बनवले जाते त्या लष्कराकडून त्यांना विरोध होईल असे वाटत नाही. एखादा धर्मांध लष्करी अधिकारी त्याचा ताबा घेईल.
असे मी म्हटले होते. या लष्करी कारवाईनंतर मुशर्रफ साहेबांना मोठा धोका आहे.
आणि काही बरेवाईट (बरे कसले वाईटच-) झाले तर भारताला फार तोटा होईल.

चर्चेत सहभागी लोकांना आणि वाचकांना धन्यवाद! विकासराव, तुम्ही परिस्थितीवर मार्मिक भाष्य केले आहे. छायाचित्र इथे दिल्याबद्दलही धन्यवाद! चाणक्य आणि विसुनानांचेही प्रतिसादही परिस्थितीवर यथार्थ भाष्य करणारे आहेत.

या कारवाईनंतर उठलेली धूळ शमल्यानंतर आता बरेच नवे मुद्दे दिसू लागले आहेत. अमेरिका, चीन यांनी सुरूवातीला मुशर्रफांचे गोडवे गायल्यानंतर अतिरेक्यांच्या आणि जनमानसाच्या संभाव्य प्रतिहल्ल्याची भीती वाटून सावध प्रतिक्रिया व्यक्त केल्या आहेत आणि पाकिस्तानात राहणार्‍या आपापल्या नागरिकांना सावध राहण्याचे सल्ले दिले आहेत. (पाकिस्तानात काही चिनी कामगारांना ठार मारण्यात आल्याचे वृत्त आहे.)
या घटनेनंतर अल-कायदाचा एक प्रभावी नेता जवाहिरी याने मुशर्रफ आणि पाकिस्तान सरकारवर उघड टीका करून प्रतिशोधाची भाषा केली आहे. त्याला अनुसरूनच पाकिस्तानी सैन्यावरील आत्मघाती हल्ले वाढून काही सैनिकांचा बळी गेल्याचे वृत्त आले आहे.
वेळ जाईल तशी परिस्थिती चिघळेल की शांत होईल याविषयी तज्ज्ञ लोकांत दुमत दिसून येत आहे.

आपला
(वार्ताहर) वासुदेव

~ नासतो विद्यते भावो नाभावो विद्यते सत: । ~

बीबीसी या वृत्तवाहिनीवर "हॅव युअर से" नावाचा चर्चात्मक कार्यक्रम चालतो त्यात नुकताच हा विषय चर्चिला गेला. जगभरातील, विविध देशांतील लोकांचे दृष्टिकोन समजणे हा या कार्यक्रमाचा एक प्रमुख लाभ आहे.
या ठिकाणी काही प्रतिक्रिया पाहा.
http://newsforums.bbc.co.uk/nol/thread.jspa?sortBy=1&threadID=6883&start...

आपला
(आंतरराष्ट्रीय) वासुदेव

~ नासतो विद्यते भावो नाभावो विद्यते सत: । ~

अमेरिकेचे मानले नाही तर अमेरिकेचे लष्कर पाकिस्तानात उतरेल. तसेच अमेरिकेने जी दहशतवादी राष्ट्राची यादी केली आहे.त्यात पाक आहेच.पण पाकिस्तानाचे प्रमुख अतिरेक्यांवर कारवाइ करते आहे,हा एक नाटकाचा भाग.आणि अजून तरी पाक लष्करांतील आजी-माजी अधिका-यांचे उद्योग-व्यवसायात जे हजारो अब्ज गुंतलेले आहेत.त्यात कट्टर पंथीय ही आहेत.त्यांचे हितसंबंध धोक्यात जर आले तर त्याचा परिणाम तिथे होणार आणि त्याच्यात परवेझ काय किंवा आणखी कोणी काय ? पाक मधे अराजक होईल असे आमचे मत आहे.

अवांतर : )लाल मशीदीपासून तीन कि.मि. अंतरावर परवेझ राहतात.त्यांना मशीदीत काय चालते हे पूर्णपणे ठाऊक आहे.आणि एक दिवस परवेझ संपणार आहे.पण ती गोळी कोणाची असेल.एक तर कट्टर धर्मियांची किंवा लष्करातील एखाद्या अधिका-याची.ती गोळी अमेरिकेची कधीच असणार नाही.यात शंकाच नाही.आणि याच्यातून त्यांच्यासमोर एकच मार्ग आहे,आणि तो म्हणजे भारताच्या कुरापती काढणे.आणि आम्ही फारतर सिमेपर्यंत सेना घेऊन जाऊ अन परत घेऊन येऊ.

शरीफ साहेब पाकिस्तानात पोहोचले आणि परत निघाले एक प्रश्न पडतो जिंकणार कोण ?
पाकिस्तानी जनता की मीया मुशर्रफ ? का कोणीच नाही ?