४. भारतीय आणि जागतिक नेतृत्वाला हे थांबवण्यासाठी काही करता येईल का?

-मला तर असले अराजक माजवण्यात भारताचा हात असल्याचा दाट संशय येतो. तेव्हाच सगळे शेजारधर्मदक्ष गांधीवादी काँग्रेसवाले गप्प आहेत. आणि आपण थांबवायच्या फंदात पडातयचं कशाला. अलिप्त राष्ट्र संघटनेचे संस्थापक संचालक आहोत् आपण. अलिप्त राहायचं. नाहीतरी तेवढंच कश्मीरचवरचं पाकीस्तानच लक्ष कमी झालंय.

अभिजित..
ठकास महाठक ठोश्यास ठोसा -समर्थ रामदास

१. आपल्याला पाकिस्तानच्या सध्याच्या परिस्थितीबद्दल काय वाटते?
काहीच नाही.
२. वर दिलेल्या मुद्द्यांच्या समर्थनार्थ/खंडनार्थ काही माहिती तुमच्याकडे आहे का?
काहीच नाही.
३. पाकिस्तानात अराजक माजले तर काय परिणाम होतील याविषयी काही कल्पना तुम्ही करू शकता का?
काहीच नाही.
४. भारतीय आणि जागतिक नेतृत्वाला हे थांबवण्यासाठी काही करता येईल का?
काहीच नाही.

नाराज अमावस्या.
[उपक्रमवर उद्या शेवटचा दिवस]
मजकूर संपादित. इतर सदस्यांच्या नावांवर व्यक्तिगत रोखाची टिप्पणी करणारे प्रतिसाद कृपया देऊ नये ही विनंती.

१. आपल्याला पाकिस्तानच्या सध्याच्या परिस्थितीबद्दल काय वाटते?

ही परिस्थिती काही एका दिवसात झालेली नाही. भारतद्वेष हे एकमेव धोरण ठेवून केलेल्या वाटचालीचे हे फलित आहे. शिवाय तेथील राज्यकर्ते धार्मिक कट्टरतेलाही आजवर खतपाणीच घालत आले. लोकशाहीच्या नावाखाली मूठभर लोकांची ठोकशाही आणि इतर वेळी उघड उघड लष्करी हुकुमशाही यामुळे तेथे (विचारप्रवण = समंजस = थंड) मध्यमवर्ग निर्माणच झाला नाही. त्यामुळे समाज विचार करायलाच विसरला. पाकिस्तान हे राज्य नाही - अराजक आहे असे म्हणण्याची वेळ त्यामुळेच आली.

२. वर दिलेल्या मुद्द्यांच्या समर्थनार्थ/खंडनार्थ काही माहिती तुमच्याकडे आहे का?
३. पाकिस्तानात अराजक माजले तर काय परिणाम होतील याविषयी काही कल्पना तुम्ही करू शकता का?

'पाकिस्तानात अराजक माजले तर' - नव्हे ते माजलेच आहे. फक्त ज्वालामुखीचा स्फोट होणे बाकी आहे. आज ऐकू येणार्‍या कुरबुरी त्या विस्फोटाच्या पूर्वसूचना आहेत.
हा विस्फोट जेंव्हा होईल तेंव्हा अत्यंत आततायी, धर्मांध मंडळी सत्तेचा कब्जा घेतील. ज्या लष्करालाच दहशतवादी बनवले जाते त्या लष्कराकडून त्यांना विरोध होईल असे वाटत नाही. एखादा धर्मांध लष्करी अधिकारी त्याचा ताबा घेईल.
ही परिस्थिती भारताच्या दृष्टीने अत्यंत घातक आहे. एकतर भारत हा काफिरांचा देश असे त्यांचे मत, त्यात काश्मीर मिळत नाही, आणि बांग्लादेश निर्मितीचा सल यामुळे कुरापत काढून भारताला अद्दल घडवण्यासाठी ते टपूनच आहेत. त्यांच्याकडील क्षेपणास्त्रे आणि अणुध्वम हे माकडाच्या हातातले कोलीत आहे. सध्याचा हुकुमशहा अमेरिकेशी मैत्रीचे नाटक करत असल्याने उघड्यावर त्याला संभावित बनावे लागते. पण उघडपणे धर्मांधच सत्तेवर आले तर त्यांना आवरणार कोण? शेवटी नुकसान तर आपलेच होणार.
म्हणून परिणामांची कल्पना आहे पण ती न करणेच उत्तम!

४. भारतीय आणि जागतिक नेतृत्वाला हे थांबवण्यासाठी काही करता येईल का?
यु.स्टे. ऑ. अमेरिकाच काही करू शकते. त्यांनीच दबाव आणून पाकिस्तानच्या सर्व आण्विक सुविधांवर ( Atomic facilities) जागतिक निरिक्षक आणि पहारेकरी नेमणे गरजेचे आहे. सध्याच्या लष्करशाहीला 'सुसरबाई, तुझीच पाठ मऊ' म्हणून तिच्यावर स्वार झाले पाहिजे.
चीन तर भारताला मदत करण्यासाठी काहीच करणार नाही. ही सारी पाकी अण्वस्त्रे आणि क्षेपणास्त्रे त्यांचीच कृपा ! आपला जानी दोस्त रशिया अजून स्वतःचाच घोळ निस्तारत आहे. भारतातील सामाजिक आणि आर्थिक स्थैर्याचा अमेरिकेतील बहुराष्ट्रीय कंपन्यांना आणि पर्यायाने अमेरिकेच्या अर्थव्यवस्थेला फायदा आहे. त्यामुळे तेच या प्रश्नात लक्ष घालतील असे वाटते. बाकीची सं.रा. सुरक्षा समितीतली राष्ट्रे (यु.के., जर्मनी, फ्रान्स् इ.) या प्रश्नी अमेरिकेचीच री ओढतील असे वाटते...

भारतीय नेतृत्वाला पाकिस्तान जुमानेल असे मुळीच वाटत नाही. पण भारताच्या थंड शासकांनी याबाबत निदान जगभर शंख तरी करायला हवा.

१. आपल्याला पाकिस्तानच्या सध्याच्या परिस्थितीबद्दल काय वाटते?
काळजी!
२. वर दिलेल्या मुद्द्यांच्या समर्थनार्थ/खंडनार्थ काही माहिती तुमच्याकडे आहे का?
नाही.
३. पाकिस्तानात अराजक माजले तर काय परिणाम होतील याविषयी काही कल्पना तुम्ही करू शकता का?
हो. थोडीफार. भारतावर हल्ले, क्षेपणास्त्रांचा वापर व निर्वासितांचे लोंढे!
४. भारतीय आणि जागतिक नेतृत्वाला हे थांबवण्यासाठी काही करता येईल का?
हो. पाकिस्तानी अर्थव्यवस्था पूर्णपणे परदेशी मदतीवर चालते आहे. तेव्हा मदतशील देशांना नक्कीच काही करता येईल. भारताला (स्वतःचे लष्करी बळ वाढवून मग) पाकिस्तानातील बेरोजगारी कमी करण्यासाठी औद्योगिक मदत देऊ करता येईल. सर्वसामान्य जनतेच्या मनात भारताविषयी, भारतीयांविषयी प्रेम निर्माण केल्यास जमेल असे वाटते.

बहुमताने निवडून येऊन मुशर्रफ यांनी पुन्हा राष्ट्राध्यक्ष पदावर आपला दावा सांगितला आहे. अर्थात याला न्यायालयाची परवानगी आवश्यक आहे पण ती मिळेल(च) असे दिसते आहे. बेनझीर भुट्टो यांच्याशी केलेला गुप्त करार, नवाझ शरीफ यांना पुन्हा हद्दपार करणे, अमेरिका आणि अमेरिकेच्या साथीदारांविषयी वाढता असंतोष आणि बर्‍याच मोठ्या प्रमाणावर सुरू असलेली अघोषित यादवी या सर्वांमुळे पाकिस्तानातील परिस्थिती अधिकच क्लिष्ट आणि बेभरवश्याची बनली आहे.
राष्ट्राध्यक्ष बनल्यास लष्करप्रमुख हे आपले पद सोडण्याची तयारी त्यांनी दाखवली आहे. यामुळे मुशर्रफांची दुसरी कारकीर्द कितपत टिकेल आणि त्यांचे पाकिस्तानावर खरोखरीचे नियंत्रण कितपत असेल याविषयी शंकाच आहे.
आपला
(वार्ताहर) वासुदेव

~ नासतो विद्यते भावो नाभावो विद्यते सत: । ~
"असत्याला अस्तित्व नाही आणि सत्याचा अभाव नाही"

भारताची भूमिका मोठ्या भावाची असली पाहिजे.

सर्वात महत्वाचे म्हणजे पाकिस्तान्, नेपाळ, बांगला देश, श्रीलंका या देशातील गुणवंत आणि प्रतिभाशाली तरुणांना नौकरीसाठी संधी दिली पाहिजे. ( अमेरिका देते तशी).

औद्योगिक वसाहतीत अशी संधी दिली तर ५ वर्षात आमुलाग्र बदल झालेला दिसेल.