बातमी एकदम चांगलीच आहे! म्हणजे जॉर्ज बूश अथवा अमेरिकेस शह बसला म्हणून नाही तर त्यातून जो संदेश मिळत आहे, विशेषतः अमेरिकन राजकारण्यांना त्यातही रिपब्लीकन पक्षाच्या.

एकूणच अमेरिकेचे परराष्ट्रधोरण म्हणजे "माय वे ऑर नो वे" असे आणि स्वतःचे वेगळेपण (पक्षी: स्वार्थ) टिकवण्यासाठी आंतर्राष्ट्रीय करारात न अडकायचे असते. त्याचे आत्तापर्यंत त्यांना सुस्पष्ट तोटे झाले नाहीत. पण हळू हळू होत आहेत. असेच दुसरे उदाहरण म्हणजे "आंतर्राष्ट्रीय सागरी कायद्या"संदर्भात. तो देखील अमेरिकेने मान्य न केल्याने, पर्यावरण बदलामुळे वितळणार्‍या उत्तर ध्रूवावरील सागरी मार्गावर आपला हक्क सांगणे त्यांना अवघड जात आहे.

तरी देखील बूश ना जिनेव्हात जाणे रद्द करायला लागणे हे अजूनच स्पष्ट संदेश आहे. आता त्यातून काय थयथयाट करतात ते उजव्या चॅनल्सवर बघायला/ऐकायला मजा येईल...

आठवते त्याप्रमाणे: असेच आरोप मला वाटते हेन्री किसिंजरवर आहेत. म्हणून त्यांना काही युरोपिअन राष्ट्रांमधे जाता येत नाही.

लायबेरियाचा चार्ल्ज़ टेलर आणि युगोस्लावियाचा स्लोबोदान मिलॉसविच ह्यांच्यावर खटले भरण्यात आले, त्यांना अटक करण्यात आली. पण महाशक्ती अमेरिकेच्या माजी राष्ट्रपती बुश ह्यांच्यावर होणे जरा कठीण वाटते. बुश ह्यांना एकटे कसे काय जबाबदार ठरविता येईल हा एक मुख्य मुद्दा आहे. अमेरिकन प्रतिनिधी सभा, सिनेट ह्यांचीही काही जबाबदारी नाही काय? असो. एक विनोद. रम्ज़फ़ेल्ड ह्यांच्या ८०० पानी आत्मचरित्रात त्यांनी अबू ग़ैरबनंतर राजीनाम द्यायला हवे होते असे म्हटले आहे म्हणे.

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

याच विषयावर हाही एक धागा आहे.
स्वित्झर्लंडचे धोरण अर्थातच चुकीचे वाटते.

कायदाप्रक्रीयेचे महत्व आहेच, पण ह्यामध्ये विकीलीक्स ला विशेष श्रेय द्यावे लागेल, व्यवस्था तर असतेच पण गुन्हा उघड होत नाही हे दुखणे असते. तरी विकीलीक्सची दखल घेऊन तसे जाहीर प्रतिपादन केल्यास स्विस कायदाप्रक्रीयेचे कौतुक करता येईल.

बुश यांना काही होईल असे वाटत नाही पण त्यांची अशी नामुष्की जगासमोर येते आहे हेच सुख आहे. ;-)

जॉर्ज बुशला पकडले जाईल, व टेलर, मिलोसोव्हिच यांच्यावर चालवला तसा खटला भरेल असे सध्या तरी वाटत नाही. पण हा प्रवास बुशला ह्या कारणामुळे रद्द करावा लागला ही नांदी आहे. यापुढे अमेरिका अथवा कोणत्याच देशाला, नेत्याला त्यांची जबाबदारी टाळता येणे कठीण आहे.