एकाच महाराष्ट्रात कितीतरी परस्परविरोधी गोष्टी दिसतात.
असो, आपल्या लेखातील मते पटणारीच आहेत.
अजून येऊ द्या....!

अवांतर : शिर्षकाच्याबाबतीत जरा मनावर घ्या बॉ...! शिर्षक लैच लांबलचक होतं राव....!

- दिलीप बिरुटे

आपले सर्वच लेख मी नेहमी वाचतो आणि लेखातील विचार मला पटलेले आहेत.

तुमच्या विचाराकडे थयथयाट म्हणून दुर्लक्ष होतांना दिसते आहे. पण तरीही विचारातली तळमळ आणि वास्तवता पटते. ज्यांना उद्देशून तुम्ही हे लिहीता त्यांची कातडी गेंड्याची आहे. तुमच्या आमच्यातलीच काही गरीब मेंढरं मात्र या गेंड्यांकडे आशेने डोळे लाऊन बसण्यात धन्यता मानत आहेत हे दूर्देव. आपण एकसंघ महाराष्ट्राचे समर्थन करु हे मान्य पण त्यासाठी किमान पोट तरी भरलेले पाहीजे.

महाराष्ट्रात इतक्या शेतकऱ्यांच्या आत्महत्या झाल्या तरी कोणाही राजकारण्याला अथवा उद्योगपतीला तिकडे लक्ष द्यावे वाटले नाही...वाटणारही नाही कारण त्यात पैसा आणि प्रसिद्धी दोन्ही नाही...होऊ द्या तरुण विधवा शेतकऱ्यांचा पलटणी तयार...काय करणार त्या ? ह्या हरम्खोरानाकडे क्रिकेट मध्ये ओतायला हजारो कोटी रुपये आहेत पण महाराष्ट्राला पोसणाऱ्या शेतकर्यासाठी काहीही नाही...ना पैसा, ना वीज, ना पाणी...काय करायचे त्यांनी ? आणि योजनांचा लाभ हे राजकारणी शेतकरीच घेतात....गरीब उघड्यावर. उत्पादन झाले नाही कि किमती वाढतात आणि मग बोंबाबोंब सुरु होते...किमती कमी करा म्हणून...गावामध्ये शिक्षित लोक फारसे नसल्याने वृक्षतोड होते, पाऊस पडत नाही...शेतीला पाणी नाही...आणि यावर ताण कोणालाही याची काळजी वाटत नाही...आपली मात्र नुसतीच तगमग होत राहते.

श्रीमान ठणठणपाळ,

आपल्याला नेमके काय म्हणायचे आहे हे कळत नाही. तुमचा राग नक्की कोणावर आहे. मुंबईवर की महाराष्ट्रावर? आतापर्यंत मुंबईचे असे किती मुख्यमंत्री झाले? ते सोडा हो, आतापर्यंतच्या सर्व मंत्रीमंडळांमध्ये किती मुंबईचे मंत्री होते. आयपीएल सामने भरविणारे नेते कुणीकडचे आहेत? शेतकर्‍यांना आळशी म्हणणारे मुख्यमंत्री ग्रामीण महाराष्ट्राचेच होते. वॉटर पार्क्स व मल्टीप्लेक्स् महाराष्ट्रात अनेक ठिकाणी आहेत हे आपणांस माहित नाही का? उर्वरित राज्याची वीज चोरून मुंबईसाठी वापरली जाते हे विधान कशाच्या आधारावर करता? मुंबईसाठी वीजेचा दर आपणांस माहीत आहे का? मी स्वतः मुंबई व् उर्वरित महाराष्ट्र असा भेद करत् नाही. परंतु आपले लिखाण असंबद्ध असल्याने केवळ वस्तुस्थिती निदर्शनास आणीत आहे.

मुंबईवरुन आपली गाडी महाराष्ट्रावर घसरली. बेळगावात मराठी भाषिकांवर होणारा अन्याय व दडपशाही हा लोकशाहीच्या दृष्टीने गुन्हा नाहितर काय आहे? आता तुम्ही कर्नाटकी असाल तर मात्र तुमची मळमळ समजू शकतो. कृपया असंबद्ध मुद्दे मांडून बेळगावच्या विषयात कानड्यांची पाठराखण करु नका.

जय हिंद, जय महाराष्ट्र!

जयेश

भाई ठणठणपाळ
आपली मांडणी फारच आक्रस्ताळेपणाची व बटबटीत असते. तुम्ही काय 'विद्रोही' वैगेरे आहात काय? तुमची सगळी मांडणी काळे व पांढरे या स्वरूपात असते. जर सामाजिक समस्यांवर तारतम्याने विचार केला तर बरं होईल. लेखाचा आशय, मांडणी, शीर्षक, शुध्दलेखन, तार्किक सुसंगती याच्याकडे लक्ष दिले तर फार बरं होईल. बाकी बेळगाववर कशाला घसरलात?

http://mr.upakram.org/node/2235

येथे पूर्वी काही चर्चा झाली आहे.
बाकी ठणठणपाळ यांनी अभिनिवेश कमी करावा असे मलाही वाटते.

विचार योग्यच आहेत. विदर्भ मराठवाड्याला वेगळे व्हायचे असेल तर माझा पाठींबा आहे/विरोध नाही. कुणा १०५ हुतात्म्यांच्या आत्म्यांसाठी आज करोडो लोकांचे नुकसान होऊ नये.

नितिन थत्ते
(आय ओवरकम "१० % पेक्षा जास्त रोमन अक्षरे" प्रॉब्लेम बाय रायटिंग धिस वे)

thanthanpal.blogspot.comबैरागी , माझी मांडणी बटबटीत असते मान्य आहे. तुम्हाला मिडीयाचा बटबटीत पणा कधी जाणवला नाही. समाजाच्या भल्याचा विचार करणाऱ्यान ३.५% लोक नेहमीच विद्रोही ठरवून स्वत:ची आत्मवंचना करून घेत असतात शुद्ध लेखन पेक्षा समाजातील विसंगती कडे लक्ष दिल्यास समाज अधिक सुखी होईल . बहुजनाला लुबाडून एशोआरामा च्या तुमच्या भ्रष्ट्र व्यवस्थेला सुरुंग लागत असल्यामुळे तुमच्या पाया खालची वाळू सरकत आहे. आणि लक्षात ठेवा जगाचा इतिहास याच विद्रोही विचारवंतानी बदललेला आहे. राहिला बेळगाव चा प्रश्न जरा उघड्या डोळ्याने पहा जे होणार नाही त्या गोष्टीच्या भूलथापा देवून COMMON MAN ची दिशाभूल केली जात आहे. प्रत्यक्ष बेळगाव ला नेहमी जात असल्या मुळे वास्तव सत्य मांडले. आपण माझे विचार तुमच्या विचारशक्तीने खोडू शकत नसल्याने मुख्य विषयाला सोडून लेखाचा आशय, मांडणी, शीर्षक, शुध्दलेखन, तार्किक सुसंगती यांना महत्व देत आहात

thanthanpal.blogspot.com

उपक्रम हे विचारांचे मुक्तपीठ असल्याने आपल्या लिखाणावर आलेले विरोधी प्रतिसादही पचवायची तयारी हवी.

माझे ही तेच मत आहे. आपण मान्य केले धन्यवाद

thanthanpal.blogspot.com
विसुनाना तुमच्या मनात जे ३.५% आहेत त्यांचा आणि मी सांगत असलेल्या ३.५% चा संबंध नाही. हे ३.५% लोक म्हणजे जे व्यवस्थेचा गेरफायदा स्वतःच्या फायदा करून घेणारा वर्ग त्यात आपण येतो का नाही हे ज्याने त्याने ठरवावे . ( लेख इथे लिहिण्यापेक्षा एखाद्या भडक प्रवृत्तीच्या वृत्तपत्रात
छापावेत ) संगणक युगात कोणाच्या विचारांवर बंदी घालणे योग्य आहे का नाही यावर मी मत दिले तर अजून वाद होईल विचारांवर बंदी द्यानावर बंदी या मुळेच भारताचे नुकसान झाले आहे.

ठणठणपाळ, तुमच्या लेखांवर विचार केला असता त्यात तथ्य असते असे अनेकांनी वर म्हटले आहे. याचबरोबर लेखांत बटबटीतपणा असतो असेही म्हटले आहे. म्हणजेच योग्य शब्दांत लिहिलेले (जसे, चपखल आणि लहान शीर्षक, लेखाला शेंडा-बुडखा वगैरे) लेख लोकांना आवडतीलच. आपल्या "टार्गेट ऑडिअन्स"ला ओळखणे लेखकाला यायला हवे. जर उपक्रमी सदस्य तुम्हाला काही सुचवत असतील तर तसा बदल लेखात करून बघा. लोकांना लेख अधिक आवडेल.

पुढील लेखनासाठी शुभेच्छा!

महाराष्ट्र हे असे राज्य आहे
जेथे खेड्यात दर १२ तासांत
तर गावांत ३ तासांत
उत्सव साजरा करतात
लाईट आली लाईट आली.
*************************
हे ३.५% को णी मोजले?
लिखाणात तथ्य असते, व ते कित्येकांना माहीत असते. पण श्री ठणठणपाळ सतत राग काढत आहेत असे वाटते,प्रत्येक लेखात त्यांना अश्या प्रकारे सुचना मिळुनही ते काहीही बदल करायला तयार नाही.ह्यात लेखकाच्या परिपक्वते विषयी संशय येईल.तसा होऊ नये म्हणुन जर उपक्रमी सदस्य तुम्हाला काही सुचवत असतील तर तसा बदल लेखात करून बघा. ही सुचना आहे.बाकी ...मर्जी आपकी.

शैलु

एक मे महाराष्ट्राचा सुवर्ण महोत्सव .मोठ्या शहरात जोरात साजरा होत आहे. आम्ही सुद्धा आजच्या दिवसाची आतुरतेने वाट पाहत होतो. कारण सरकारी उत्सवाला साजरा करण्या करता वीज बंद केली जात नाही. पण हाय घड्याळात सकाळचे ६ वाजले आणि लाईट गेली ती ११ वाजे ला आली त्या मुळे सकाळची देशभक्तीपर गाणे मेरे देश की धरती वगेरे ऐकण्याची संधी गेली. यामुळे उत्सव आहे असे वाटलेच नाही. आजकाल कोंबड ओरडण्याची वाट पहावी लागत नाही आमचे घड्याळ वीज जाणे येणे यावरच लावली जातात.
यापुढची सत्य घटना सांगतो.मुलाचा पुण्यातील IT कंपनीत काम करणारा मित्र आई-वडिलांना भेटण्यास बऱ्याच दिवसांनी गावाकडे आला होता. सकाळी गुल झालेली लाईट ११ वाजता आली. गप्पा मरत असताना लगेच घंट्या भरात वीज गुल. घामाच्या धारा सुरु. त्याने थोडा वेळ सहन केले. नंतर माझ्या कडे तावातावाने आला. काका , आता लाईट कधी येणार मी शांतपणे सांगितले ५.३ वाजता. तो चिडला , काका तुम्ही लोक इतके शांत कसे बसू शकता, लोक धिंगाणा करत नाही का? नेत्यांना , MSEB च्या लोकांना मारत का नाही. या ४५ डिग्री तापमानात पंख्या, कुलर शिवाय कसे राहतात . आमच्या कडे लाईट जात नाही. गेली तर अधिकाऱ्यांची खेर नाही. लोक ठोकून काढतात. ४ दिवसा साठी आलेला त्याने आजच्या रात्रीचे वातानुकुल बस चे परतीचे तिकीट काढले.
यावर मी जास्त टीका टिप्पणी करू इच्छित नाही. हे काम आपल्यावरच सोपवतो. अखंड महाराष्ट्रात सर्वाना समान कायदा,सेवा सुविधा सारख्या प्रमाणात मिळाव्यात अशी मागणी केली तर तो परत बटबटीत पणा भडक पणा वाटेल .

महाराष्ट्र हे असे राज्य आहे
जेथे खेड्यात दर १२ तासांत
तर गावांत ३ तासांत
उत्सव साजरा करतात
लाईट आली लाईट आली.
*************************

नाही हे भडक वाटले नाही.आपल्या लेखन पध्दती बद्दल अनेकांच्या प्रतिक्रिया आहेत,त्या कारणाने मुख्य विषयाकडे दुर्लक्ष होते आहे का? हे आपण पहावे.आपण स्वतः अवलोकन करु शकाल.धन्यवाद.

शैलु.

'ट्‌वेंटी-20 क्रिकेटची पंढरी' असा लौकिक अल्पावधीत निर्माण केलेल्या डी. वाय. पाटील स्टेडियमवर प्रकाशझोतातील सामने, निओ क्रिकेटवर थेट प्रक्षेपण, बक्षीस रक्कमेत घसघशीत वाढ, अशा वैशिष्ट्यांसह दुसऱ्या महाराष्ट्र प्रीमिअर लीगला (एमपीएल) 17 मे पासून प्रारंभ होत आहे. उपांत्य सामने आणि अंतिम लढत विद्युतझोतात होणार असल्याने या स्पर्धेला वेगळी झळाळी प्राप्त होणार आ
27 मे - पहिली उपांत्य लढत (दुपारी 4-00, डी. वाय. पाटील स्टेडियम), दुसरी उपांत्य लढत (सायंकाळी 7-30, डी. वाय. पाटील स्टेडियम)
28 मे - विश्रांतीचा दिवस
29 मे - अंतिम लढत (सायंकाळी 6-30, डी. वाय. पाटील स्टेडियम).

विजे अभावी उभा महाराष्ट्र संकटात सापडला असताना रात्रीच्या प्रकाश झोतात क्रिकेट सामने घेणे हा मूर्खपणा आहे ग्रामीण भागातील जनतेच्या जखमेवर तिखट मीठ चोळण्या सारखे आहे. शासन झोपले आहे का? जनतेने या लाईटच्या प्रकाश झोतात सामने घेण्यास विरोध करावा वेळ प्रसंगी कोर्टाने हस्तक्षेप करून हा सामना रद्द करावा. उभा महाराष्ट्र उन्हात जळत असताना हे सामने कसे भरवले जातात . विजेची अशी उधळ पट्टी केली जाते याचा अर्थ वीज टंचाई कृत्रिम आहे. जनतेला मूर्ख बनवले जात आहे. विजेचा असा दुरुपयोग त्वरित थांबवावा सामाजिक जबाबदारीचे भान जाणीवपूर्वक बाळगणाऱ्या सकाळने तरी सामने लाईट च्या प्रकाशात घेण्यास विरोध करून विजेची नासाडी टाळावी.