>>अखेर युवक काँग्रेसच्या गुंड मुलांनी श्रीराम सेनेच्या प्रमोद मुतालिकच्या तोंडाला काळे फासले.

युवक काँग्रेसमधे गुंड आहेत याला काही आधार आहेत का ? तसे असेल तर संदर्भ द्यावेत. नसेल तर विधान बदलावे असे वाटते.

>>प्रमोद मुतालिकला काळे फासणे योग्य की अयोग्य?
अयोग्य आहे. विचारांचा विरोध विचारांनी केला पाहिजे. शारिरीक बळाचा आणि अपमानास्पद वागणूक देणे हा त्यावरील उपाय नाही. अशी वागणूक देणार्‍यांचा आपण निषेध केला पाहिजे.

>>हिंसेचा विरोध हिंसेनेच करायला हवा काय?
नाही. क्रांती केवळ तलवारीनेच होते असे नाही, तर विचारांनी डोके बदलणे म्हणजे क्रांती होऊ शकते. तेव्हा विचारंनी समूहमाणसाची मानसिकता बदलली पाहिजे. हिंसा त्याचे उत्तर होऊच शकत नाही.

>>पेढे वाटणाऱ्यांच्या मानसिकतेपेक्षा वेगळी आहे काय?
पेढे वाटणार्‍यांच्या मानसिकतेबद्दल काय बोलायचे ? कोणत्या गोष्टीचे कोण कसे समर्थन करेल आणि कोणत्या गोष्टीचा कोणाला आनंद होईल याचा काही नेम नाही. तेव्हा त्याबद्दल बोलण्याचे धाडस आमच्यात तरी नाही.

-दिलीप बिरुटे

प्रमोद मुतालिक हे मूळचे मराठी असून, गांधी 'वध' करणार्‍या नथुराम गोडसेंचे निस्सीम चाहते आहेत असे कळते. त्यांचा जन्म १९६३ चा असल्याने हत्येनंतर पेढे वाटण्यात त्यांचा सहभाग नसला तरी नथुरामांच्या पुण्यतिथीला पुण्यात दरवर्षी ते हजर असतात.

प्रमोद मुतालिकला काळे फासणे योग्य की अयोग्य?

अयोग्य. त्यापेक्षा त्याच्याच घरासमोर आर्चिज शॉप चालु करणे / खास व्हॅलेंटाईन डेचा कार्यक्रम आखणे जास्त सयुकीक झाले असते.

हिंसेचा विरोध हिंसेनेच करायला हवा काय?

ह्याचे उत्तर परिस्थितीनूसार आहे. हिंसा हा अपवाद हवा. नियम नव्हे.

मुतालिकसारख्यांना धडा शिकवण्यासाठी आक्रमक होणे गरजेचे आहे काय?

होय. परंतू आक्रमण हे अहिंसक पद्धतीनेही करता येते. अहिंसेचा अर्थ अनाक्रमण / प्रतिकार न करणे नव्हे!

येत्या काळात अशा चकमकी वाढतील असेही तुम्हाला वाटते काय?

दुर्दैवाने होय

ऋषिकेश
------------------
भ्रष्टाचार संपविण्याचा सर्वोत्तम आणि सर्वात सोपा(?) उपाय म्हणजे त्यात स्वतः सहभागी न होणे