कर्णा ! जबरदस्त !! या लेखकाला माझा शिसानविवि ! :-)

कार्यक्रमाची सूत्रसंचालिका कोण असेल? (एका महान- दिवंगत- मराठी साहित्यिकाची नात असल्याचं ती आÆभमानाने सांगते- यावरून ओळखा)

याचे उत्तर मृणाल कुलकर्णी असावे असे वाटते. अर्थात यावरून च्यानल कोणता हेही कळेल.

मिलिंद गुणाजीची बायको ईटीव्हीवर रेसिप्यांचे कार्यक्रम करते. (प्रशांत दामले कुठे करतो? झी की ई?)

डोळयाला पट्ट्या आणि कानात बोळे घालणार्‍यांना हे संवाद अतिशयोक्त वाटू शकतील -

चिमुरडी - ``ओके. पण मी मम्मीला विचारून येईन, कारण सण्डेला डान्स प्रोग्रॅमची रिहर्सल आहे. क्लासच्या टीचरनी गर्ल्सना ब्लू कलरचे ड्रेसेस घालून आणि बॉइज्‌ना यलो कलरचे शर्ट घालून बोलावलंय शार्प टेन थर्टीला; ...बाय!''

प्रश्न १- हा संवाद कसा वाटतो?
(अ) काल्पनिक (आ) अतिशयोक्त (इ) सत्य घटनेवर आधारित

माझे उत्तर अ, आ,इ नाही. ईईई - "नैसर्गिक".

प्रश्न ३- या चिमुरडीला मी कोण वाटले असेन?
(अ) परग्रहावरील व्यक्ती / प्राणी (आ) अनेक वर्षे परदेशात राहून आलेली व्यक्ती (इ) डोकं फिरलेली व्यक्ती

अशा प्रकारच्या प्रश्न माझ्या दाक्षिणात्य भाचीने गेल्या महिन्यात आमचं इंग्रजीत घुसडलेले तुळू शब्द पाहून विचारला होता -

आर यू फ्रॉम डिफरन्ट कंट्री?

सध्याचा काळ हा मराठी भाषेसाठी संक्रमण काळ असावा. काही काळाने कोणी सावरकर जर जन्माला आला तर मराठीचा हा प्रवाह परत शुद्ध करेल अशी आशा वाटते. अन्यथा आपली भाषा चक्रधराच्या ळीळा सारखी दुर्बोध होत जाईल.

माझा प्रश्न : सध्या मराठी भाषा ही जास्त गढुळ कोण करत् आहे.

१. वर्तमानपत्रे २. दुरदर्शनाच्या वाहिन्या ३. मराठी माणसाची उदासिन आणि न्युनगंडाची भावना.

प्रश्नांची उत्तरेही द्यावीत असे मी आवाहन करतो.

(आवाहक) आजानुकर्ण

याचबरोबर काय आवडले काय नाही तेही कळवा.

उदा. ही वाक्ये मला फार आवडलीत. वाचल्यापासून हसतच आहे.

या पालकाच्या पानांना आधी धुवून घ्या मग या पानांना बारीक कापा.

सौंदर्याची भीती कशाला.

आपला,
(निवडक) आजानुकर्ण

या लेखाच्या लेखिका नावावरून अस्मादिकांची फार जवळची मैत्रिण (१ली ते दहावी शाळेतला शेवटचा बाक) असण्याची शक्यता वाटते. तशी एका नावाची अनेक माणसे असू शकतात पण लेखनाच्या विषयावरून आणि अमराठी नवरोबांवरून (हे ही दाक्षिणात्यच) पुष्टी मिळते असे वाटते. :-)

मेघना पूर्वी झी न्यूजची मुख्य वार्ताहर होती.

असो, इमेल करून विचारायला हवे.

'जागा ग्राहक जागा' पण असलाच एक प्रकार आहे. थोडक्यात काय तर हिंदीतला 'जागो ग्राहक जागो' पेक्षा मराठीतला ग्राहक आधीच जागा होऊन बसलेला आहे. नक्कीच आपल्याला अभिमान वाटला पाहिजे.
आता सौंदर्याची भीती कशाला ने आमचे बापूस लई चिडतात. ;-)

अजून एक किस्सा सांगतो. माझी आई ज्युनि. कालेजात राज्यशास्त्र शिकवते. पेपरात अण्वस्त्र बंदीवर टीप (की टिप?) लिहा असा प्रश्न असताना अनेकांनी अन्न वस्त्र कसे आवश्यक आहे सांगून बंदी मोडून काढण्यासाठी तावच्या ताव लिहले होते. मग शुद्धलेखनाबद्दल बोलायलाच नको, नाही का?

-सौरभ

============

'प्रत्येक प्रियकरानं आपापली प्रेयसी मारुन टाकून तिच्या कातड्याचा डफ करुन त्यावर प्रेमगीतं म्हणावी. एरव्ही नुस्तं प्रेम हे ठीक आहे.'

मराठी असे आमुची मायबोली तिला बैसवूं वैभवाच्या शिरी |
***********************************
....."मला वाटतं ते वाक्य "तुझी प्लेट तर खाल्लीच आहे." असं असावं. बरोबरच आहे - डाएटवर आहे, काही घेतलं नाही, मग इतकी भूक लागते की काहीही न सुचून प्लेट खाल्ली जायचीच!"
....हा श्री.वेडा मुलगा यांचा उपप्रतिसाद फारच आवडला. शेवटचे कंसात टाकलेले:
"(सोपे पर्याय उपलब्ध असताना अवघड पर्याय काढू नये. असो.)"
..हे वाक्य म्हणजे तर सर्वांवर कडीच आहे.वा! छानच!! उत्तम विनोदी लेखन करण्याचे गुण श्री. वेडा मुलगा यांच्या अंगी निश्चित आहेत.
*****
प्रियाली यांना 'खाली' शब्दावरील कोटी चांगली साधली आहे." उधडणे'' हे कियापद मात्र माझ्या वाचनात आले नव्हते.

मराठी असे आमुची मायबोली तिला बैसवूं वैभवाच्या शिरी |
***********************************
श्री.आजानुकर्ण यांनी उद्धृत केलेला लेख आणि त्यावरचे (म्हणजे खालचे) एकापेक्षा एक वरचढ प्रतिसाद हे सगळे वाचनीय आहे.बर्‍याच दिवसांनी इतके उत्तम विनोदी लेखन वाचले.श्री. सौरभदा यांचे अण्वस्त्र आणि अन्नवस्त्र हे सुद्धा निखळ विनोदी आहे.
* श्री. आ'कर्ण सुचवतात :"तुम्ही असे प्रश्न लिहा" .पण हे सोपे नाही. त्या लेखिकेने लिहिले आहेत तसे प्रश्न आणि उत्तरपर्याय लिहिणे सोपे नसावे.(मी प्रयत्न करून पाहिला. पण काही चांगले सुचले नाही.) श्री.वेडा मुलगा, सौरभदा, प्रियाली ही मंडळी मनावर घेतील तर चांगले प्रश्न काढू शकतील.

खालील वाक्ये वाचा आणि काहीच करु नका. जमलं तरच प्रश्नांची उत्तरे द्या!
१) बोंबला! दुसर्‍यांदा पीसी हॅंग झाला. चल ’परत रिस्टार्ट’ कर.!
तुमचा पीसी किती वेळा हॅंग होतो? परत रिस्टार्ट करण्यावर तुमचे काय मत आहे?
२) अय्या, फंडू जीन्स आहे यार! आणि वरचा टॉप कोणत्या कलरचा घेतलास?
तुम्ही कोणत्या रंगाचा वरचा टॉप वापरता? वरचा टॉप न वापरता नुसता टॉप वापरत असाल तर तसे सांगा.
३)साधा कॉमन सेन्स नाहीये तुला?
म्हणजे नक्की काय? कॉमन सेन्स असेल तरच या प्रश्नाचे उत्तर द्या.

अभ्यासक्रमाबाहेरचे प्रश्न:
एका प्रसिद्ध वाहिनीवरच्या प्रसिद्ध गाण्याच्या कार्यक्रमातले अचाट आणि भयंकर सुंदर प्रतिक्रियांचे त्या त्या परीक्षकाला अभिप्रेत ( ह्यातलं प्रेत मला फार आवडतं) असलेले अर्थ सांगा.
१) "काय सॉल्लिड गायलायस तू"
अ- तू दगडासारखं गायलास.
ब- टिकाऊ गायलास.
क- द्रवरुप किंवा वायूरुप गायला नाहीस म्हणून सॉलिड गायलास.
२)"कीप इट अप"
अ- ते वर ठेऊन दे ;-)
ब- चालू दे तुझं रडगाणं
क- तू चालू आहेस!
३) आज तू इतकी स्वीट दिसत आहेस ना!
अ- गोडगोडुली दिसत आहेस.
ब- काही परप्रांतीय लोकांच्या दुकानात मिळणार्‍या स्वीट्स सारखी दिसत आहेस.
क- मला तुझा वीट आला आहे. सखेद, सस्मित यासारखा सवीट.
४)फुल थ्रोटेड सिंगींगच मला हवे होते.
अ- गळ्याशी आलेले गाणे
ब- बेंबीच्या देठापासूनचे गाणे
क- ग(ल्ला)ळाभरु गाणे
५)हायर नोट्स तेवढे क्लिअर लागले नाहीत.
अ- लोअर नोट्स क्लिअर लागले
ब- तुलाना 'नी' मिळणार नाही
क- तुझ्याकडे किती नोटा आहेत?

संदर्भासाठी उपरनिर्दिष्ट (व्व्वा!) कार्यक्रम सोमवारी आणि मंगळवारी रात्रौ ;-) संबंधित वाहिनीवर बघता येईल.

आणि आता एक दृक चाचणी!
खालील चित्र नीट बघा.

या हॉटेलात तुम्ही जाणार का नाही जाणार? जाणार असल्यास का आणि जाणार नसल्यास का जाणार नाही?

-(कूल डूड)सौरभदा

============

'प्रत्येक प्रियकरानं आपापली प्रेयसी मारुन टाकून तिच्या कातड्याचा डफ करुन त्यावर प्रेमगीतं म्हणावी. एरव्ही नुस्तं प्रेम हे ठीक आहे.'

मराठीत "प्लेट 'खाली' असणे" चा अर्थ "प्लेट 'रिकामी' असणे"देखील होतो असे म्हटल्यासही चूक नाही. वर्‍हाडात-विदर्भात 'रिकामा' ह्या शब्दासाठी 'खाली' हा शब्द सर्रास वापरतात.