आजच्या छापील लोकसत्तामधेतरी श्री. रविंद्र पिंगे यांची बातमी मुख्यपृष्ठावर आहे.. जालावर अजून पाहिले नाहि.
असो दोघांनाहि माझी नम्र श्रद्धांजली

ऋषिकेश
------------------
जगात १० प्रकारचे लोक असतात द्विमान पद्धती समजणारे आणि न समजणारे

आजच्या(१८/१०/२००८) मटामध्ये रविंद्र पिंगे ह्यांच्या निधनाची बातमी मुखपृष्ठावर आहे. मात्र शामराव कांबळे ह्यांच्या निधनाची बातमी कोणत्याही पानावर दिलेली दिसत नाहीये जे खरेच आश्चर्यजनक आणि तितकेच शोचनीय आहे.

मराठी भाषा हा माझा प्राणवायू आहे

अमिताभसाठी रेखाचं देवाशी भांडण अशा बातम्या मुखपृष्ठावर छापणार्‍या वर्तमानपत्राकडून अधिक अपेक्षा करणे रास्त नसावे. :)

काळ बदलला आहे आणि बदलत्या काळानुसार म.टा.चा दर्जा घसरला आहे हे उमजून घेणे अधिक योग्य वाटते.

बाकी, महाराष्ट्रातील दोन रत्ने निखळल्याचे वाईट वाटले.

लेखात व्यक्त केलेल्या भावनांशी सहमत आहे. वाचकांना कायम चटपटीतच वाचायला हवे असते, असा समज करून घेऊन बातम्या देणे हे नवीन धोरण वृत्तपत्रांनी स्वीकारले आहे, हे उघड आहे. ह्या गोष्टीशी असहमत असणारा वाचकवर्ग बहुमतात आहे की नाही ते माहीत नाही पण निदान तो सरसकट दुर्लक्ष करता येईल इतकाही लहान नसावा. या भावना संपादक/चालक-मालकवर्गापर्यंत परिणामकारकपणे पोचवायच्या असतील तर त्यासाठी काय करावे लागेल, याचाही विचार व्हायला हवा. वाचकांच्या पत्रव्यवहारातून काही फार साध्य होईल का?

नंदन
मराठी साहित्यविषयक अनुदिनी

रवींद्र पिंगे यांच्या निधनाची बातमी मटाने त्याच रात्री दिली होती. हा त्याचा दुवा.

काळ बदलला आहे आणि बदलत्या काळानुसार म.टा.चा दर्जा घसरला आहे हे उमजून घेणे अधिक योग्य वाटते.
हेच खरे आहे. सर्वच मराठी वर्तमानपत्रांची वाटचाल याच दिशेने सुरु आहे. इथे मटाची भलामण करण्याचा प्रयत्न नाही, परंतु एकूणच माध्यमांतील प्रवाहाबाबत मी बोलतोय. आज मटा ज्या दिशेने जात आहे त्याच मार्गावरून अन्य वर्तमानपत्रे जाणार आहेत, हे मी सहा वर्षे भाषिक वर्तमानपत्रांमध्ये घालविली असल्याने सांगू शकतो. एका मोठ्या वर्तमानपत्रात कामाला लागताना तुम्ही मराठीत कुशल असाला, मात्र भविष्याच्या दृष्टीने इंग्रजीचा सराव करा. कारण पंचवीस वर्षांनंतर मराठी वर्तमानपत्रे नसतील असे वर्तमानपत्राच्या मालकाने सांगितले होते.
वाचकांची पत्रे जागा भरण्यापलिकडे कोणत्याही कामाची नसतात, असा अनुभव आहे. सध्या वर्तमानपत्रे वाचकांऐवजी ग्राहकांना महत्त्व देतात. त्यामुळे त्यांचा आणि जाहिरातदारांचा दबावगट निर्माण होणे, हाच त्यावर उपाय आहे.

अर्थात वेगवेगळ्या नावांचा हाच प्रकार काही मराठी संकेतस्थळांवरही दिसतो. (आणि सामान्य जनतेला त्यात तथ्यही वाटते.)

भले शाब्बास !

पण चेंबुरचे शरद भागवत, फोर्टचे ज्ञानेश्वर गावडे, चारकोपची माया भाटकर आणि माझे बोरिवलीकर मित्र श्री. विश्वनाथ कांबळी, रंगनाथ दीक्षित ही माणसे सिंहाप्रमाणे चांगले विचार लोकांकडे पोहोचावेत म्हणून नित्यनेमाने वाचकांच्या पत्रव्यवहारात लिहित असतात.
_______________________________________________
सुन्दरी च सरला च मधुरा च एषा भाषा, आगच्छन्तु, आगच्छन्तु, आस्वादयन्तु ।

तित्तित्तारा, तित्तित्तारा, तित्तित्तारा, तित्तित्तारा, तित्तित्तारा, तित्तित्तारा, तित्तित्तारा, तोम् ।।

काही मजकूर संपादित. सदस्यांवर चिखलफेक करण्यासाठी उपक्रम हे साधन नाही याची नोंद घ्यावी. - संपादन मंडळ

काही दिवसांपूर्वीच धारपांचे निधन झाले. सकाळच्या पहिल्या पानावर एक छोटीशी बातमी होती. पण त्यानंतर त्यांच्या (निधनानंतर का होईना) एकूण कारकीर्दीचा आढावा घेणारा एखादा लेख वाचायला मिळेल अशी आशा होती. पण असा लेख वाचायला मिळाला नाही. (अशावेळीच आपल्या आवडत्या लेखकाच्या जीवनाबद्दल माहिती मिळते हे दुर्दैव)
त्यानंतरच काही दिवसात गंगाधर गाडगीळांचे निधन झाले. गाडगीळांचे योगदान लक्षात घेता त्यांच्या इतर लेखकांनी सांगितलेल्या आठवणी, जीवनचरित्र असे विविध लेख छापून आले.
धारपांबद्दलही असा एखादा लेख वाचण्याची इच्छा होती. दोन्ही लेखकांचं थोडेफार वाचन मी केलं आहे आणि त्या त्या विषयात दोघेही त्याच ताकदीचे लेखक आहेत. तरीही असा दुजाभाव व्हावा याचे वाईट वाटले. निदान निधनावेळी तरी अशा गोष्टी होऊ नयेत असे वाटते. प्रदीप यांनी म्हटल्याप्रमाणे त्या त्या लेखकाशी संबंधित व्यक्ती, नातेवाईक, चाहते अशांना हा अनुभव व्यथित करणारा ठरु शकतो.

-सौरभदा

म. टा. ची पातळी अत्यंत घसरलेली आहे हे कोणालाही मान्य व्हावे..

दोघांनाही आदरांजली. रविंद्र पिंग्यांची लिहीण्याची शैली आवडत असे. मोजके पण सहजपणे एखाद्याचे गुणवर्णन करणारे असे छोटेखानी लेख ते लिहीत. पु. ल. आणि सुनीताबाईंबद्दलचा एक लेख अजून चांगलाच स्मरणात आहे.

श्यामराव कांबळे यांच्याबद्दल मात्र आधीपासून कसलीच माहिती नसल्याचे वाईट वाटले.

१. सकाळ २. लोकसत्ता ३. सामना ४. पुढारी ........१००००००००००००००००००. मटा

मागे शरद कोर्डेंनी वृत्तपत्र दर्जा मतचाचणी घेतली होती त्या मी दिलेला प्रतिसाद. सकाळ-लोकसत्ता एकसारखे आहेत. एक राष्ट्रवादी आणि एक राष्ट्रीय.

अभिजित...
ता. कर्‍हाड जि. सातारा.