मराठी असे आमुची मायबोली तिला बैसवूं वैभवाच्या शिरी |
***********************************
श्री. गुंडोपंत म्हणतातः "आणि तुम्ही म्हणत असलात त्यांना जोतिषी तर सांगा मग त्यांची पदवी आणि कुठे घेतले त्यांनी शिक्षण?!"

**वि. दांडेकर यांनी साप्ताहिक सकाळ मधे लिहिले ""शंभर मतिमंद मुलांच्या कुंडल्या व शंभर सर्वसामान्य मुलांच्या कुंडल्या घेतल्या, तर त्यात फलज्योतिषाच्या काही योगांचा तरी फ़रक दिसावयास हवा.तसेच शंभर घटस्फोटितांच्या पत्रिकांमधे काही योग प्रामुख्याने दिसावयास हवेत. पण माझ्या जवळ ज्या कुंडल्या गोळा झाल्या आहेत त्यांवरून तरी हा फ़रक दिसून येत नाही."
.....यावरून अनुमान निघते की ते ज्योतिषाचे चिकित्सक अभ्यासक होते. नसते तर अशा पत्रिका गोळा करते ना.ज्योतिषविषयक ज्ञान नसते तर "फलज्योतिषाच्या काही योगांचा तरी फरक दिसावयास हवा" असे विधान करते ना. इथे त्यांची विधाने मी सत्य धरली आहेत. असत्य लिहिण्यात काही हेतू असतो.दांडेकरांचा काही हेतू असणे संभवतच नाही. इथे त्यांचे कोणतेही हितसंबंध नाहीत. एक आदरणीय विचारवंत अशी त्यांची प्रतिमा आहे.
...रा. ज. गोखले हे ज्योतिषी होते असे कोणी म्हटलेले नाही. ते बुद्धिप्रामाण्यवादी होते. ग्रंथप्रामाण्य मानणारे नव्हते.ज्योतिषी भाकिते वर्तवितात त्यांत काही तथ्य असते की नाही हे त्यांना पडताळायचे होते.भूगोलशिक्षकाने ते पडताळूंनये असे मुळीच नाही. त्यासाठी ज्योतिषाच्या ज्ञानाची काही आवश्यकता नाही.त्यांनी ज्योतिषांना भाकिते सांगण्याचे आवाहन केले होते. समजा त्या काळच्या एका प्रसिद्ध व्यक्तीचे आठ दिवसांत निधन होईल असे भाकित कोणी वर्तवले. तर सत्यासत्यता ठरवण्यासाठी ज्योतिषाचा अभ्यास नको.

सहमत

कुणी काढेल का?
ही बातमी तशीच्या तशी येथे चिकटवण्यात आली आहे.

अर्रर!
पण मग याच न्यायाने वरचा चर्चा प्रस्तावही काढावा लागेल!
;))
आपला
गुंडोपंत
(लेखक "सूक्ष्म लेखन" करत असतील तर प्रतिसाद पण 'सूक्ष्म' द्यायला काय हरकत आहे?)

हा प्रतिसाद काढून टाकण्याच्या प्रकार खोडसाळ पणाचा आहे आणि मी त्याचा निषेध करतो.

"मी त्यांना म्हणालो कि ज्यांचे मनातल्या मनात घटस्फोट झाले आहेत पण व्यवहारात पतिपत्नी असल्याच भासवतात असे अनेक जोडपी आहेत त्यांचे काय?"

आधुनिक ज्योतिषात अशा जोड्प्यांचा विचार करता येतो. तसेच नव्हे तर अनेक नातेसंबंधांचा विचार करता येतो. उदा. मित्र-मित्र, मालक-नोकर, दोन सहकारी किंवा भागीदार. त्याला 'सिनास्ट्री' असे इंग्लिश मध्ये म्हणतात. घाटपांड्याना समग्र ग्रंथ वाचायची सवय नसलेल्यामुळे एखाद्या विषयाचा सर्वसमावेशक आढावा घेऊन मग भाष्य करायचे ही वैज्ञानिक शिस्त त्यांना परिचयाची नसावी.

वा छानच सांगितलेत आपण.
प्रतिसाद आवडला.

त्यावेळी संगणकाच्या व संख्याशास्त्राच्या मदतीने आता या विषयाचा एकदा काय तो निकाल लागला जाईल असे त्यांचे मत होते.

असं कधीच होणार नाही. हा प्रश्न कधीही न संपणार्‍यातला आहे.

मी त्यांना म्हणालो कि ज्यांचे मनातल्या मनात घटस्फोट झाले आहेत पण व्यवहारात पतिपत्नी असल्याच भासवतात असे अनेक जोडपी आहेत त्यांचे काय? (लिव्हिंग सेपरेशनशिप हा शब्द त्यावेळी सुचणे शक्य नव्हते. ) सुखाने नव्हे तर नाईलाजाने एकत्र राहणार्‍या जोडप्यांचा प्रश्न कसा हाताळणार?

वा! अतिशय योग्य प्रश्न आहे हा.
पण काही वेळा मात्र हे सहजतेने उघड होते. एकदा मी (सप्तमात/शी शनी, राहु व मंगळाचे प्रताप पाहून) एका बाईंना त्यांच्या विवाह संबंध फारसे आनंदी नसल्या बद्दल सुचकपणे विचारले होते. तर त्या रडायलाच लागल्या हो एकदम! माझीच मोठी पंचाईत झाली. राहुने प्रतापी पणे भरपुर फसवाफसवी केली होती त्यांच्या लग्न संबंधात. संसारिक संबंध संपल्यात जमा असले तरी पण रहात होते मात्र नवरा बायको म्हणून.

त्या नंतर पुढचे विचारतांना/सांगतांना मात्र मी अगदी जपूनच... :)

आपण म्हणता तसे, खरं तर असे अनेक प्रश्न आहेत.

एकुणच कायद्याला फसवणं फार सोपं असतं, पण जर पत्रिका योग्य असेल तर ज्योतिषाला फसवणं कठीण असे माझे एक मित्र म्हणत, ते मला पटते!

(ते पुढे खरेच झाले)

आपण ज्योतिषी आहात या विषयी गुंडोपंतांना तीळमात्रही शंका नाही! ;))

आपला
गुंडोपंत

*त्याकरिता त्यांनी शंभर मतिमंद मुलांच्या आणि शंभर सर्वसाधारण मुलांच्या पत्रिका गोळा केल्या.
* मतिमंद मुलांच्या शंभर पत्रिकांत कोणताही सामाईक घटक दिसून आला नाही.
*शंभर सर्वसामान्य मुलांच्या पत्रिकाही अभ्यासल्या.
* या दोन प्रकारच्या पत्रिकांत उठून दिसेल असा कोणताही भेद आढळला नाही.
* वि.म.दांडेकर यांनी शंभर घटस्फ़ोटितांच्या पत्रिकाही प्रयत्न पूर्वक गोळा केल्या.
* या पत्रिकांतही त्यांना कोणताही सामाईक घटक(commona factor) आढळला नाही.
----------------------
हे दांडेकरांचे संशोधन प्रसिद्ध झाले आहे का? आणि गोळा केलेली माहिती पुनर्तपासणीसाठी उपलब्ध आहे का?
वास्तविक दांडेकरांच्या संशोधनाचा दाखला दिल्यावर अनेक प्रश्न उपस्थित होतात. प्रचलित ज्योतिषातील कॊणती टेक्निक्स त्यांनी वापरली. बहूतेक सर्व टेक्निक्स वापरुन त्यांनी हा निष्कर्ष काढला असेल तर त्यात थोडेफार तथ्य आहे असे मानावे लागले. तरी पण "शंभर" ही संख्या मोठ्ठे प्रश्न चिन्ह निर्माण करते.

आता गमतीची गोष्ट अशी की, जन्मजात मंतिमंदता ही गर्भावस्थेत निर्माण होत असेल तर जन्मानंतरची कुंडली चाचणीसाठी वापरणे हे बुद्धिभ्रंशाचे लक्षण आहे.

हीच गोष्ट कोणत्याही वैशिष्ट्यपुर्ण असलेल्या गोष्टीसाठी लागु आहे. शिवाय सिझेरियन कुंडली बाबत काय? ज्योतिषांना दुसरी कुठली वेळ देता येणार आहे ? कुंडली बनवण्यासाठी. सिझेरिन ची वेळ ही काहि दिवस अलिकडे घेता येते. मग कुंडलीसाठी जन्मवेळ बदलणे डॉक्टरच्या हातात आले ना. त्याच्या आता जवळपास बालकाचा पहिला श्वास हीच जन्मवेळ मानावी असे ज्योतिषात बहुसंमत आहे. ८० ते ९० च्या दशकात हा प्रश्न् ज्योतिष वर्तुळात बहुचर्चित होता.
स्त्री पुरुष फलबीजन ही वेळ आधुनिक वैद्यकातही सांगता येत नाही. ज्योतिषात मात्र संकल्पनात्मक का होईना आधान लग्न कुंडली यावर आधारित आहे. जन्म कुंडली सरळ नउ महिने नउ दिवस मागे सरकवतात. प्रत्यक्षात ती कधी वापरत नाही.
काही ज्योतिषी पण चलाख आहेत. ते याला विद्या म्हणतात शास्त्र म्हणण्याच्या फंदात पडत नाहीत.
प्रकाश घाटपांडे

आता गमतीची गोष्ट अशी की, जन्मजात मंतिमंदता ही गर्भावस्थेत निर्माण होत असेल तर जन्मानंतरची कुंडली चाचणीसाठी वापरणे हे बुद्धिभ्रंशाचे लक्षण आहे. जन्मजात मंतिमंदता, गर्भ मातेच्या शरीराचाच एक भाग असताना (नऊ महिन्यांच्या कालावधीत) निर्माण झाल्यामुळे मातेची कुंडली (आणि पित्याची पण) बघणे आवश्यक आहे.

हाहाहा! जबरदस्त! मग माता-पित्यांची कुंडली बघताना ते गर्भात असताना झालेल्या परिणामांबद्दल त्यांच्या आई-वडीलांची आणि त्यांच्या आई-वडिलांच्या आई-वडिलांची, त्यांच्या आई-वडिलांच्या आई-वडिलांच्या आई-वडिलांची .... अश्या सगळ्याच कुंडल्या पाहिल्या पाहिजेत.

पुन्हा मूल गर्भात असताना त्यांच्यावर ग्रहांचा बरावाइट परिणाम होत असलाच पाहिजे. मग गर्भधारणा झालेली वेळ ही खरी जन्मवेळ मानली पाहिजे. ही वेळ कशी सांगता येईल?

मतिमंदत्व हे पूर्वजन्मातील दुष्कर्मामुळे असेल तर? पूर्वजन्मात सदर व्यक्ती कोण होती हे ओळखून तिचीही कुंडली पाहायला हवी. पूर्वजन्म मनुष्येतर प्राण्याचा असेल तर जन्मवेळ कोणाला विचारणार?

थोडक्यात काय असंख्य पळवाटा. ज्योतिष्यांच्या भविष्याबद्दल सांगता येणार नाही पण कल्पनाशक्ती मात्र अचाट आहे. देशी हॅरी पॉटरच जणू ;)

"नव्या पिढीतल्या लोकांना या गोष्टी पचणे अवघडच आहे."

नशीब जेव्हा आयुष्यात दगा देते तेव्हा पिढी नवी असो वा जुनी सगळे पचवायला लागते

आपण माझ्या मूळ मुद्द्याला बगल द्यायचा प्रयत्न करत आहात. (भारत इतिहास संशोधक मंड्ळातील सभेत दाभोळरांनी पण हेच केले). माता-पित्यांच्या कुंड्ल्या या अभ्यासासाठी आपण उपलब्ध का केल्या नाही?

कदाचित मूळ मुद्द्याला बगल देणे ही सर्वश्रेष्ठ विज्ञाननिष्टा असेल...

आता काय आहे तुमचा मूळ मुद्दा? अशी असंबद्ध आणि निराधार विधाने करून तुम्ही आपली उरलीसुरली विश्वासार्हता गमवून बसाल बाकी काही नाही. यू आर ट्राइंग टू बी स्मार्ट बट द इफेक्ट इज क्वाइट् द काँट्ररी! असो.

ज्योतिषांनी या कुंडल्या आपणहून का मागितल्या नाहित? ह्या कुंडल्यांचा अभ्यास माता पित्याच्या कुंडल्यांशिवाय करता येणार नाहि असे एका तरी ज्योतिषने का ठणकावले नाही???

ऋषिकेश
------------------
जगात १० प्रकारचे लोक असतात द्विमान पद्धती समजणरे आणि न समजणारे

एखाद्या बालकाच्या भविष्यावर त्याच्या समस्त पितरांचा परिणाम होणार असेल तर पत्रिका शोधत आफ्रिकेत जावे लागेल. किंवा बिग बँगपर्यंत? की त्यामागे होऊन गेलेल्या (!!!!??) विश्वांमध्ये? की त्याच्या मागील चौर्‍यांशी लक्ष जन्ममरणाच्या फेर्‍यां‍मध्ये?

सहमत आहे. "एक पायरी मागे जाणे" हे इन्फायनाइट लूप सारखे आहे.

ही अनवस्था की झाकली मूठ? छे! छे! हे तर चाचणी होण्याआधीच 'ज्योतिष हे थोतांड आहे' हे मान्य करण्यासारखे झाले.
कृपया ज्यांना पूर्ण होराशास्त्र / कुंडलीशास्त्र / विद्या इ. माहित आहे अशा लोकांनी याबद्दल स्पष्टीकरण करावे.

याचे तर्कसंगत स्पष्टीकरण मिळणे आवश्यक आहे.

{एक शंका - कोणालाही दुखवण्याचा हेतू नाही. क्षमस्व! (हिरोशिमा आणि नागासाकी या दोन ठिकाणी झालेल्या अणूहल्ल्यात किंवा परवाच चीनमध्ये झालेल्या भूकंपामुळे) ठार झालेल्या अनेक निष्पाप माणसांच्या कुंडलीत अकाली मृत्यूयोग होता काय? असल्यास का?}

याचेही तर्कसंगत स्पष्टीकरण मिळायला हवे.

या प्रश्नाचे उत्तर देण्यास आवश्यक माहिती उपलब्ध नाही.

यापूर्वीच्या प्रतिसादात टंकलेले एक वाक्य मी विचाराअंती गाळले होते. ते आपोआप समजावे ही अपेक्षा होती.
ठीक!
ते वाक्य असे-
जर मातापित्याच्या कुंडल्या हव्याच असे विधान असेल तर मग फक्त त्यांच्याच का? त्यांचाही जन्म काही 'अयोनी' नाही. (जसे जैवविज्ञानात गुणसुत्रे- पुढचे समजेल अशी आशा आहे.)
स्वगत-आता यावरून गुणसुत्रे आणि कुंडली यांच्यातील साम्यावर चर्चा घसरू नये. साम्य असलेच तर ते येथेच संपते याची जाणीव मला तरी आहे बुवा!.