कदाचीत अवांतर होईल पण "दिसतं तसं नसतं" अर्थात पृथ्वी ही गोल आहे, ती सूर्याभोवती फिरते (उलटे नाही) हे त्याने सांगायचा प्रयत्न केला आणि पोपच्या तावडीतून तो गेल्या दशकात म्हणजे ४-५०० वर्षांनी सुटला. त्याची चूक अशी होती की जे तो पटवायचा प्रयत्न करत होता ते दृश्य स्वरूपात दिसत नव्हते. सूर्य दरोज पुर्वेकडून पश्चिमेकडे जाणार तर मग तो नाही का पृथ्वीभोवत् फिरत? उगाच भलतेसलते काय? !

असो. तरी देखील आजही अशी प्रामाणिक मते आहेत ज्यांची फ्लॅट अर्थ सोसायटी आहे. ते आजही सप्रमाण सिद्ध करत आहेत की पृथ्वी सपाट आहे. Earth is Flat NOT World is Flat!

मराठी असे आमुची मायबोली तिला बैसवूं वैभवाच्या शिरी |
***********************************
विश्वसनीय ज्ञानसंचय
जेव्हा एखाद्या विधानाची सत्यासत्यता पडताळणे आपल्याला शक्य नसते (उदा.पुंजवाद) तेव्हा तञ्ज्ञांचे मत स्वीकारावे.ज्ञानाच्या क्षेत्रातील तञ्ज्ञ म्हणजे वैज्ञानिक.येथून कोट्यवधी कि.मि.दूर अंतरावर ताशी लक्षावधी कि.मि. वेगाने भ्रमण करणारे उपग्रह अंतरिक्षात पाठवून माणूस त्यांचे पृथ्वीवरून नियंत्रण करू शकतो.यावरून विज्ञानप्रणित ज्ञान किती विश्वसनीय आहे हे समजते.
हजारो वैज्ञानिकांनी कित्येक शतकांच्या एकत्रित परिश्रमाने हे ज्ञान मिळविले आहे.सर्व मानवजातीच्या विश्वासार्ह ज्ञानाचा हा संचय आहे.त्यावर कोणाचा एकाधिकार नाही.तसेच ते श्रद्धेवर आधारलेले नाही. त्यातील विधानांची सत्यता पडताळण्याचा अधिकार सर्वांना आहे."संशयात्मा विनश्यति" असा दंडक इथे नाही. यास्तव विज्ञानाची कास धरावी."शरीरशास्त्राच्या कोणत्याही अधिकृत पुस्तकात आत्म्याचा उल्लेख नाही. म्हणून आत्मा नाही" असे विधान केले त्याचे कारण हे.
सर्व इंद्रिये एकसमयावच्छेदे करून कार्यरत झाल्याने शरीरात जे चैतन्य निर्माण झाल्यासारखे दिसते त्याला आत्मा म्हणत असतील तर ते मान्य आहे. मात्र त्याचे अधिष्ठान शरीर आहे.अशरीरी आत्मा म्हणजे काय ते मला समजत नाही.जसे अमूर्त मनाचे अधिष्ठान मेंदूत आहे. मेंदू बंद पडला की मन संपते तद्वतच शरीर कार्य बंद पडले की आत्मा उरत नाही.