ॐकार,
प्रत्येक मुळाक्षरा नंतर a टंकित करणे टाळता येणार नाही का?

ज्याना (webmasters) अकारान्त हलंत नको असेल् त्याना तसा एक पर्याय द्या. म्हणजे ज्याना तुमचे पटते ते आहे ते तसे वापरतील . ज्याना पटणार नाही ते तो काढून वापरतील.

तसेही युनीकोड मधे हलंत हा नैसर्गिक नाहीच. क हा खरेतर क+अ असतो आणि हलंत साठी जास्तिचे एक अक्षर (ZWNJ- Zero width Non Joiner) जोडावे लागते असे काहिसे वाचल्याचे स्मरते पण ते कदाचित् चुकिचे असेल. हलंत येण्यासाठी ((धातू + स्वर्)+(-स्वर)) असे काहिसे युनिकोड मधे आहे, बरोबर्? क् + backspace केल्यावर क होतो हे इथे लिहून पडताळून पहा.

मुख्य मुद्दा पर्याय देण्याचा. त्याचा विचार व्हावा.

ऍ ऐवजी आपण मराठीत अ वर अर्धचंद्र देऊन लिहितो (त्या दुसर्‍या संकेतस्थळासारखे) त्याची कृपया सोय करावी. मला माहीत नसलेली काही वेगळी युक्ती असल्यास ती सांगावी. ऍ हे कॅसॅतॅरी वाटते.
- दिगम्भा

नवे बदल वापरून पहातो आणि सांगतो. a ते बरे झाले

७.०४.२१ मध्ये फाफॉ मध्ये टेक्स्टएरीआ मध्ये delete कळ दाबल्यावर पूर्णविराम येत होता. ही त्रुटी आता ७.०४.२८ मध्ये दूर केली आहे. नवे बदल इथे आहेत.
घरबसल्या वापरासाठी गमभन टंकलेखन सुविधा इथून उतरवून घ्यावी.

७.०४.३० मध्ये बरहा अथवा तत्सम इतर प्रणाली बरोबर वापरताना येणारा 'इन्फायनाइट् लूप' चा प्रश्न सोडवला आहे.
नवे बदल इथे आहेत.
घरबसल्या वापरासाठी गमभन टंकलेखन सुविधा इथून उतरवून घ्यावी.

७.०५.०१ मध्ये नुक्ता,चरण,उदात्त, अनुदात्त इ. संबंधीचे घोळ निस्तरले आहेत.
नवे बदल इथे आहेत.
घरबसल्या वापरासाठी गमभन टंकलेखन सुविधा इथून उतरवून घ्यावी.

सौरभ

ही शेवटचा 'अ' टंकित करायची सवय लावून घेताना मलाही खूप त्रास होतोय. पण मी ती सवय लावून घेतोय. आणि भाषाशास्त्र व लिपीशास्त्राचा विचार करता तीच पद्धत बरोबर आहे.

देवनागरी ही लिपी मूळ संस्कृत भाषेचीच आहे, त्यामुळे, तिची हाताळणी संस्कृतच्या नियमांनुसार होणं टाळता येणार नाही, अगदी तुम्ही म्हणता तसं संस्कृतामधे सगळ्यात कमी लेखन होत असलं तरीही.

जेव्हा जेव्हा देवनागरीने संस्कृताची कास सोडलीय तेव्हा तेव्हा तिची अधोगती झाल्याचं माझं वैयक्तिक मत आहे. सोपं करण्याच्या नावाखाली तिच्यातील सौंदर्यच हिरावून घेण्याचे प्रयत्न विशेशत: महाराष्ट्रातच घडले आहेत. त्यांवर जास्त चर्चा करण्याचं हे ठिकाण नव्हे, म्हणून ती चर्चा टाळत आहे.

मला एक सुचवावंसं वाटतंय, ज्यांना हा शेवटाचा 'अ' टाइप करायचा नाही त्यांनी तो करू नये. फार तर फार काय होईल ? तुमच्या प्रत्येक शब्दाच्या शेवटी एक हलन्त येईल. म्हणजे काहीसं असं दिसेल :
"मी काय् म्हणत् होतो, ते तुम्हाला नीट् कळलं नाहीय् बहुतेक्, म्हणुन् तुम्ही मला दोष् देताय्"
सुरुवातीला थोडं विचित्र वाटेल पण एकदा सवय होऊन गेली की काही वाटणार नाही.

तशा अपल्या आयुष्यात (आणि विशेषतः मरठी भाषेच्या बाबतीत) बर्याच अशा गोष्टी आहेत, ज्यांच्याबद्दल सुरुवातीला बरंच काही वाटूनही हळू हळू काहीही न वाटून घेण्याची आपण सवय करून घेतो, त्यातलीच ही एक, काय ? :):):)

उपक्रमावरील टंकलेखन सुविधेमध्ये श् + र आणि श् + न ही दोन्ही जोडाक्षरे सारखीच दिसत आहेत.
श् + न : प्रश्न
श् + रः श्रीमती

मात्र गमभन वर ही अक्षरे योग्य प्रकारे दिसत आहेत. या चुकीचे निरसन करण्यासाठी उपक्रमपंतांनी आवश्यक ते होमहवन व पिवळ्या रंगाचा खडा जो की गोमेद हा डाव्या हाताच्या अनामिकेत येत्या सोमवारपासून श्रावणातील शेवटच्या सोमवारपर्यंत घालणे आवश्यक आहे. नंतर हा खडा सवत्स धेनू आम्हाला दान करावा. आपोआप सर्व अडचणी दूर होतील असा ठाम विश्वास वाटतो.

खड्याची किंमत ७५० रुपये प्रति कॅरेट. मात्र आमच्याकडे विशेष योजनेद्वारे हाच खडा ७४९ रुपये प्रति कॅरेट या दराने मिळेल. खडा प्रभारित करण्यासाठी आवश्यक ते मंत्रोपचार व संस्कार खड्यावर मोफत केले जातील.

योगेश गुरुजी!

मराठी टंकलेखनासाठी वापरा.

गमभनच्या या नव्या आवृत्तीमध्ये पुढील बदल केले आहेत -

१) फाफॉ + विंडोज् / लिनक्स यात .h तसेच .n वापरल्यावर अनुक्रमे हलन्त आणि अनुस्वार उमटत नसे. आता ही त्रुटी दूर केली आहे.
२) gamabhanaphoneticmaps.js या पुस्तिकेचे आकारमान १६.८ कि.बा. वरून ३.२३ कि.बा. करण्यात यश मिळाले आहे.
३) क़ ख़ ग़ ज़ फ़ ड़ ढ़ य़ या वर्णांचा बाराखडीमध्ये समावेश केला आहे.
४) नुक्ता वापरण्याकरता .q ची सोय केली आहे.

नवे बदल इथे आहेत.
घरबसल्या वापरकारता बदल इथून उतरवून घ्यावेत.

गमभनची चाचणी करताना आणि मदत वाचनाना एक सुधारणा असयला हवी हे जाणवले. सुधारणा कळफलकाच्या मदतीमध्ये करणे गरजेचे आहे.

rha आणि Rha यांच्या वापरा बद्दल गफलत झाली आहे असे वाटते. हा बद्दल उपक्रमावर सध्या सोदाहारण दाखवता येत नाही. पण नवीन गमभनची मदत वाचुन rha टंकित करून पहावे वा Rha टंकित करून पहावे.

गमभन टंकलेखन सुविधेच्या विकासाचा गेल्या वर्षभराचा आढावा इथे उपलब्ध आहे.

ॐकार,अभिनंदन आणि पुढील प्रगतीसाठी शुभेच्छा. तुझ्यात असलेली हि क्षमता उत्तरोत्तर वाढत राहो. शक्य तेथे आमचा खारीचा वाटा द्यायला आम्ही आहोतच. तुझ्या प्रयोगांना व्यावसायिकतेची जोड भविष्यात यावी अशी आशा व्यक्त करतो...

गमभनची नवी आवृत्ती ०७.०६.२० आता उपलब्ध आहे. हिंदीतील हूँ, क्यूँ सारखे वर्ण आणि alt कळसंचात सुधारणा केल्या आहेत. फा.फॉ. मधला डिलिट ची त्रुटी सुधारली आहे. आँकारयुक्त वर्ण उदा. फाँ चा युनिकोड सुधारला आहे.
ड्रुपलकरता जावापुस्तिका आणि पीएचपी मधल्या सुधारणांसकट नमुना पुस्तिका चढवल्या आहेत.

गमभनमध्ये टकलू श ऐवजी शेंडीफोड्या श देता येईल का? तसेच ट, ठ, ड, ढ, ह या अक्षरांना जोडण्यासाठी पाऊण य हवा. गमभन मधले ट्य वगैरे कसेसेच दिसतात. तसेच ट्ट न्न क्क क्त वगैरे जोडाक्षरे टंकण्यासाठी एकापेक्षा अधिक पर्याय हवेत. र्‍हस्व इकारासाठी वेगवेगळ्या रुंदीच्या वेलांट्या हव्यात. वेलांटी जोडाक्षराच्या शेवटच्या अक्षरापासून पहिल्या कान्यापर्यंत पोहोचली पाहिजे. मला वाटते राजहंस या मराठी फॉन्टवर ही सोय आहे. स्ट्यि लिहिताना वेलांटी फार अपुरी पडते. ती य च्या उभ्या रेघेपर्यंत यायला हवी होती. खमरेखाली खंजीर खुपसणारा ख बघवत नाही. वच्या पेकाटात मागच्या पायाने दुगाणी झाडणारा र असे त्याचे स्वरूप असते. जुना संस्कृत ख चा पर्याय मिळावा. गमभनमध्ये टंकलेल्या ख्रिस्तमध्ये आहे तसा. --वाचक्नवी

गमभनची नवी आवृत्ती ०७.०७.२१ आता उपलब्ध आहे. उर्दू भाषेकरता लिपीचा अंतर्भाव केला आहे. नेहमी पडणारे प्रश्न ( नेपप्र - FAQs) साठी नवे पान जोडले आहे. उर्दू भाषेकरत असलेली सोय सद्ध्या चाचणीस्वरुपात आहे. नवे बदल लेखाच्या सुरुवातीला दिलेल्या दुव्यावर उपलब्ध आहेत.

मराठी टंकन करण्याची इच्छा असणाऱ्याना ही सुविधा सहजपणे उपलब्ध होणे अत्यंत आवश्यक आहे असे वाटते. गूगलने नुकतीच एक अशीच नवीन सुविधा देऊ केली आहे.

http://google.com/transliterate/indic/

हिंदी भाषेबरोबरच मराठी भाषेतही शब्द सुधारणा शक्य आहे असे दिसते. अर्थात स्वयंसुधारणा अद्याप उपलब्ध नसली तरी गूगलबाबा लवकरच तेही करेल असे वाटते.
गूगलचे अभिनंदन

धन्यवाद या माहीती बद्दल.

गुगलचा आजचा (१५ ऑगस्टचा) ब्लॉग पहा: Namaste India!

शंतनू सेठ,
माहिती दिल्याबद्दल धन्यवाद.

गमभन ची होणारी सातत्याने प्रगती पाहून खूप आनंद होतो.

माझे मत आहे की, जो पर्यंत काही नवीन सोय करता येत नाही किंवा होत नाही तो पर्यंत संगणकावर टंकलेखन ही तारेवरील कसरत रहणार आहे. मला फक्त दोन गोष्टी सुचतात
१. ऑनलाईन व ऑफलाईन लेखन यांची अदलाबदल करता आली पाहिजे. ऑफलाईन लेखन् विंडोजच्या कोठल्यही अप्लिकेशन मध्ये करुन इंटर्नेट एक्प्लोरर मध्ये वाचता व सुधारता आले पाहिजे. तसेच त्याच्या उलटही करता आले पाहिजे.
२. हे करण्याकरता स्वराकरता एकच चिन्ह वापरावे व सीडॅकच्या पद्धतीने कीबोर्ड लेऑट बनवावा
असे काही करता येईल का पहा. केले तर समस्त देवनागरी वापर कर्त्याव मोठे उपकार होतील

मी लिहताना रोमनच लिहित आहे.
याचा अर्थ मला जर 'क' लिहायचे असेल तर मी 'के' दाबुन नंतर 'ए' हे बटण दाबतो. याला कारण कीबोर्ड रोमन अक्षराकरता बनवला आहे. रोमन ५२ अक्षरे आहेत तर देवनागरी लिपीत ५६ अक्षरे अधिक प्रत्येक स्वराकरता दोन दोन चिन्हे आहेत. त्या मुळे कीबोर्ड वरची बटणे कमी पडतात व सर्व स्वर लिहण्याकरता दोन किंवा जास्त बटणे वापरावी लागतात. त्या मुळे लिहण्याकरता दुप्पट किंवा जास्त वेळ लागतो. प्रत्येक स्वराचे दोन ऐवजी एकच चिन्ह केले तर देवनागरीलिपी सुद्धा ५२ बटणावर बसवणे शक्य आहे. त्यामुळे लेखनाचा वेग खूप वाढेल.

कीबोर्ड
रोमन कीबोर्ड वरील बटणांचा लेआऊट इंग्रजी भाषेत वापरल्या जाणार्‍या अक्षरांच्या हिशेबाने ठेवला आहे. जास्त वापरात येणारी अक्षरे मध्यावर आहेत. मराठी करता आता मी वापरत असलेला कीबोर्ड वेळखाऊ आहे. सीडॅकने जिस्ट नावाखाली जी संगणकप्रणाली बनवली आहे त्या मध्ये 'इनस्क्रिप्ट' कीबोर्ड लेआऊट वापरला आहे. तो लेआऊट मराठीकरता उत्तम आहे. (इंग्रजीत सुद्धा शिफ्ट की वापरुन कॅपिटल अक्षरे त्याच बटणावर बसवली आहेत.) सीडॅकने 'डी' बटणावर् जोडाक्षरांची सोय केली आहे. एक व्यंजन टंकलेखीत करुन 'डी' बटण दाबुन दुसरे व्यंजन लिहले की दोन्ही व्यंजनाचे जोडाक्षर तयार होते.

माझे मत आहे की, जो पर्यंत अशी सोय करता येत नाही किंवा होत नाही तो पर्यंत संगणकावर टंकलेखन ही तारेवरील कसरत रहणार आहे. मला फक्त दोन गोष्टी सुचवाव्याशा वाटतात.
१. ऑनलाईन व ऑफलाईन लेखन यांची अदलाबदल करता आली पाहिजे. ऑफलाईन लेखन विंडोजच्या कोठल्यही अप्लिकेशन मध्ये करुन इंटर्नेट एक्प्लोरर मध्ये वाचता व सुधारता आले पाहिजे. तसेच त्याच्या उलटही करता आले पाहिजे.
२. हे करण्याकरता स्वराकरता एकच चिन्ह वापरावे व सीडॅकच्या पद्धतीने कीबोर्ड लेऑऊट बनवावा
असे काही करता येईल का पहा. केले तर समस्त देवनागरी वापर कर्त्यावर मोठे उपकार होतील.