"सर्व प्रश्नांना उत्तरे देतील असे 'हाडांचे ज्योतिषी' आपली सेवा करण्यास उत्सूक आहेत!"

सही आहे!

हा 'पुर्व' ग्रह दिसतोय!?

हा! हा! हा!

आपला
अण्णा

श्री. अण्णासाहेबांच्या शेरेबाजीला आम्ही उत्तर देत नाही. कारण ज्योतिष हा विषय टवाळकीचा नसून गांभिर्याने पहाण्याचा आहे.

श्री. गुंडोपंतांनी उपस्थित केलेल्या प्रश्नांची उत्तरे अशी --

१) होय. साडेसातीमध्ये अशा अनेक घटना घडतात की ज्यामुळे माणूस "जमिनीवर" येतो. ह्याचा प्रत्यय प्रत्येकाला आयुष्यात येतोच येतो. त्याला साडेसाती म्हणण्यापेक्षा, पाश्चात्यांच्या अंधानुकरणामुळे "बॅड पॅच" असा शब्द रूढ झाला आहे.

२) पारंपारिक ज्योतिषात शनी स्वराशीत, स्वराशीच्या व्ययात आणि धनात असता साडेसाती आणतो असे मानले आहे. सध्या शनी वक्र गतीने सिंहेतून कर्केत आला आहे. त्यामुळे मिथुन, कर्क आणि सिंहेला सध्या साडेसाती सुरू आहे.

३) ग्रह वक्री असतांना त्याची फले स्वराशीत किंवा उच्चराशीत असल्याप्रमाणे तीव्र होतात. तो जर पापग्रह असेल तर फळांची तीव्रता अतिदाहक असते.

४) शनीची साडेसाती एखाद्या राशीच्या प्रत्येकाला असली तरी त्या फळामध्ये भावापरत्वे फरक पडतो. त्यामुळे ती रास वैयक्तिक कुंडलीत ज्या स्थानात असेल त्यानुसार साडेसातीचे फलादेश मिळतात.

५) साडेसातीत जन्मचंद्रावरून् शनीचे भ्रमण होत असलेने चंद्राचे कारकत्व तो विस्कटून् टाकतो. चंद्र हा मनाचा कारक असलेने साडेसातीत मानसिक क्लेष घडतात. मनाचे संतुलन माणूस हरवून बसतो.

६) शनीची दृष्टी ही घातक मानली गेली आहे. त्यामुळे तो जिथे नजर टाकतो त्या गोष्टीची तो हानी करतो असे म्हटले आहे. शनीच्या देवळातही आपण् पाहिले असेल की शनीदेवाच्या मूर्तीचे तोंड हे दर्शन घेणार्‍याच्या समोर नसून वेगळ्या दिशेला असते.

शनी जेव्हा राशीतून् पुढे जातो तेव्हा त्याची दृष्टी त्या राशीवर पडत नाही. त्यामुळे तो राशीतून निघून गेल्यावर चांगले फलादेश मिळतात असे मानले जाते.

७) वर सांगितल्याप्रमाणे कर्क रास कोणत्या स्थानात आहे त्या प्रमाणे फळे मिळतील. जर का ती त्रिकस्थानात असेल तर फळे फारच वाईट अनुभवास येतील.

आमच्या स्वतःच्या कुंडलीत आमची जन्मरास कर्क असून ती षष्ठस्थानात म्हणजे त्रिकस्थानात आहे. त्यामुळे गेली पाच वर्षे आम्हाला फारच त्रास झाला आहे.

तेथे षष्ठात रवी-चंद्र युती म्हणजे अमावास्या योग आहे. हा योग प्रकृतीला घातक आहे. षष्ठस्थान हे रोगस्थान असलेने तेथील जन्मचंद्रावरील शनी भ्रमणामुळे आम्हाला प्रकृतीचा खूप त्रास या साडेसातीत झाला. भावपरत्वे आणि राशीपरत्वे फल मिळाले. मानसिकता ढासळली. उच्चरक्तदाबाचा विकार जडला.

हे स्थान अर्थत्रिकोणातील असल्यामुळे आर्थिक बाबतीत मोठे अपयश आले.

षष्ठावरुन मामा मावशींचा विचार केला जातो. या साडेसातीत आमच्या मामांचे निधन झाले.

आपला,
(विस्तृत) धोंडोपंत

आम्हाला येथे भेट द्या http://dhondopant.blogspot.com

ग्रह म्हणजे दगड,माती ,वायू यांचे निर्जीव, निर्बुद्ध गोळे आहेत.वैश्विक गुरुत्वाकर्षणाच्या नियमानुसार ते आपापल्या कक्षेत भ्रमण करीत असतात. ती कक्षा बदलण्याचे सामर्थ्य त्यांच्या ठायी नाही.हे निर्विवाद वैज्ञानिक सत्य आहे.
इथून(पृथ्वीवरून) नुसत्या डोळ्यांनी शनीचा ठिपका दिसू शकतो. पण शनीवरून पृथ्वी तशी दिसणारही नाही. असे असता येथील भारत देशातील मुंबई नगरीत दादर भागात रहाणार्‍या एका विशिष्ट व्यक्तीकडे वक्रदृष्टी करून शनी त्याला पीडा देतो असे मानणे हास्यास्पद आहे.
'शनी माहात्म्या'तील कथा खरी मानायची तर "चल रे भोपळ्रया टुणुक टुणुक " मधील म्हातारी भोपळ्यात बसून गेली हे सत्य मानावे लागेल.

यनावाला व अण्णा,

चुकी च्या ठिकाणी प्रतिसाद दिला आहे.

या साठी आधीची चर्चा पाहावी.

आपला
गुंडोपंत

महर्षी धोंडपंत.
शनी ची साडेसाती च का.
साडेसातच का आठ का नाही.किंवा सात का नाही.आणि दुसरे असे की शनी च्या मंदिरात शनी चे तोंड भ़क्ताकडे नसते.मात्र शणी शिंगणापुर येथील शणी देवाचे तर सर्व् भक्तांकडे लक्ष असते.मग शनी देवाचा आशिर्वाद कसा असेल.तो एकासाठी चांगला आणि एकासाठी त्रासदायक कसा असेल.शनी पासून् देव् ही सुटले नाही. आणि दानव् ही.मग शनी पासुन सुटण्याचा मार्ग् लोक् का शोधत असतात.

शनी ला थोडा डचकलेला.

प्रा. डॉ. दिलीप बिरूटे यांसी,

सस्नेह आदरयुक्त नमस्कार,

साडेसात वर्षे एवढ्यासाठी की शनी साधारणपणे एका राशीत अडीच वर्षे राहतो. वर उल्लेख केल्याप्रमाणे, स्वरास(जिथे जन्मकुंडलीत चंद्र आहे ती) त्याच्या व्ययात म्हणजे आधीच्या स्थानात आणि धनात म्हणजे द्वितीयात म्हणजे पुढील स्थानात या तीन ठिकाणी प्रत्येकी अडीच वर्षे वास्तव्याची साडेसात वर्षे होतात.

हा शनी वास्तव्याच्या साधारण काळ आहे. म्हणून ती साडेसाती. पण साडेसाती म्हणजे मोजून साडेसात वर्षे नव्हेत. कारण जेव्हा शनी वक्री असतो (retrograde) होतो, तेव्हा त्याची गती कमी होते आणि त्यावेळेस तो मागे सरकत जातो आहे असे भासते.

यामुळे जे अंश तो मागे सरकतो, ते पुन्हा मार्गी झाल्यावर भरून काढून त्यानंतर पुढील वाटचाल सुरु होते. त्यामुळे साडेसातीचा कालावधी वाढतो.

सध्या शनी सिंहेतून वक्री होऊन कर्केत आला आहे. आता तो १५ एप्रिल रोजी स्तंभी होईल आणि १८ एप्रिल पासून मार्गी होईल. त्याला कर्क रास पुन्हा पार करायला, जुलै उजाडेल. त्यामुळे कर्क आणि सिंह राशीची साडेसाती लांबली आणि मिथुन ची पुन्हा सुरु झाली. ती शनी सिंहेत गेल्यावर जुलै मध्ये संपेल.

आपला,
(विस्तृत) धोंडोपंत

आम्हाला येथे भेट द्या http://dhondopant.blogspot.com

धोंडोपंत महाराज,

आपण फार सुंदर पद्धतीने या सगळ्या प्रश्नांची उत्तरे देताय. शिवाय यनावाला यांच्या प्रतिसादला दिलेला यांना दिलेला प्रतिसाद छानच आहे.

आम्ही तुमच्या मतस्वातंत्र्याचा आणि मतांचा आदर करतो. तुम्ही कशावर विश्वास ठेवायचा हा तुमचा प्रश्न आहे आम्ही कशावर ठेवायचा हा आमचा.

(हे तर विशेष आवडले!)

आपला

गुंडोपंत

ज्योतिष्या चा मी अधिकारी नाही.
ज्या विषयाचा आपला अभ्यास नाही त्यावर मत व्यक्त करणे योग्य वाटत नाही,
त्यामुळे वाचन करतो आहे.

प्रतिसाददेण्यामागे मने दुखवण्याच हेतू नव्हता.
परंतु, कोटी करण्याचा मोह आवरला नाही.

आपला
अण्णा

प्रकाश घाटपांडे
आत्मस्तुतीचा दोष
फ़लज्योतिष
ज्योतिषाकडे जाण्यापूर्वी.... प्रश्नोत्तरातून सुसंवाद ले. प्रकाश घाटपांडे
हे पुस्तक मनोविकास प्रकाशनाने नव्याने प्रकाशित केले आहे. या पुस्तकाचे
प्रा. जयंत नारळीकरांनी १३ एप्रिल २००३ मध्ये लोकसत्ताच्या लोकरंग पुरवणीत
परीक्षण लिहिले आहे. ते www.faljyotishachikitsa.blogspot.com वर उपलब्ध आहे.
हे पुस्तक सर्वसामान्यांनी चिकित्सकाच्या चष्म्यातून , चिकित्सकांनी
सर्वसामान्यांच्या चष्म्यातून आणी ज्योतिषांनी अंतर्मुख होवून वाचावे असे
आहे. अधिक संपर्कासाठी ९९२३१७०६२५ प्रकाश घाटपांडे

धोंडोपंत आणि इतर लोकहो,

माझे अहोभाग्य कि या मस्त जागेचा शोध लागला. प्रतिक्रिया आणि उत्तरे वाचताना मनःपूत हसलो. धन्यवाद्. ज्या सगळ्यांचे हातभार हे स्थान निर्माण करण्यात लागले आहेत त्याना आभार.

मला काही प्रश्न पडलेत त्यांची उत्तरे मिळाल्यास कृपा होईल,
सिंह राशीची साडेसाती कधी संपेल आणि कुंभेची कधी सुरु होईल ?
याचे काही टेबल आहे का? म्हणजे एका दृष्टिक्षेपात सगळ्या राशींची पूर्वीची आणि येणारी साडेसाती कळेल?

-कुम्पणस्थ

माजे नाव अर्चना जयसिंग वाघ आहे माजे जल्म दिवस 22/03/86 असून मजा जल्म सकळे 5.30 वाजता पुणे शहरात madhe झाला आहए माजी रास कर्क आहे तर तू मी सागू सकाल का मला साडे सती चालू आहे का ??? आणि ती काढे संपणार आहे ?

माझा एमिल archanawagh9819@gmail.com