मायाबाईंनी भारतातल्या भल्याभल्या राजकारण्यांना नव्या-नव्या क्लृप्त्यांसह डाव टाकून चकीत करण्याचा धडाकाच लावला आहे. आश्चर्य म्हणजे त्यांना त्यात यशही येत आहे. त्यांच्या या तोडीवर तर त्यांचे सगळेच विरोधक निरुत्तर होतील असे दिसते. आठवले-कवाडे-प्र.आंबेडकर तसेच काँग्रेसी वगैरेंनी आता अशा पुरस्कारांची शर्यत लावल्यास आश्चर्य नको. पण त्यामुळे बिचार्‍या साहित्यिकांची दिवाळी होत असेल तर चांगलेच आहे.

मायावती व नरेंद्र मोदी या मुख्यमंत्र्यांनी एका मागून एक नवनवीन निर्णय घेत बाकीच्यांना नवा रस्ता दाखवायला सुरुवात केली आहे हे मात्र खरे.

आपला,
(बघ्या) भास्कर
आम्ही येथे वसतो.

हा पुरस्कार सुरु करून मायवतींनी एक नवा पायंडा पाडला आहे हे खरं पण त्याचा उपयोग कसा होतो यावर हे पाऊल योग्य आहे की नाहि ठरेल.

जर पुरस्काराची रक्कम खरोखरच उत्तम लेखन करणार्‍या साहित्यिकेस मिळाली तर आनंद आहे, आणि इतर शासनांनी अनुकरण करण्यायोग्य आहे. परंतू केवळ जात/वोटबँक आदी गोष्टी डोळ्यांसमोर ठेऊन हा पुरस्कार दिला जाऊ लागला तर मात्र हा नकारात्मक आणि अनुचित पायंडा पडेल.
(सावध स्वागत करणारा) ऋषिकेश

शिवाय हा पुरस्कार केवळ लेखिकांनाच मिळणार आहे, ही मात्र अनूकरणीय बाब आहे. काय?

शासनाचे पुरस्कार हे विवादास्पद असणारच ना? तसेच रक्कम लगेच हातात पडतील याची खात्री काय? शिवाय कॅश च्या ऐवजी विकासपत्रे, किंवा असे काहीसे मिळेल जे वटवायला अजुन वेळ. :-)

एका व्यक्तिला पुरस्कार मिळाल्याने जनमत, पक्षबांधणी होइल जरा अवघड वाटते...

असो काही हरकत नाही. कोणाला तरी "नॅनो" घेणे सोपे होईल :-)

घोषणा नक्कीच चांगली आहे पण कृती होते की नाही आणि सातत्य राहणार कि नाही? हा औत्सुक्याचा विषय आहे. मायावती फक्त घोषणा करण्यासाठी जास्त प्रसिद्ध आहे. जर कोणी राजकारणी प्रांतिय अस्मिता आणि देशाचे राजकारण याचा समतोल राखत असेल तर चांगलेच आहे. पण ते टिकते किती? हे पाहणे जास्त योग्य ठरेल.

मायावती यांनी सर्वप्रथम उत्तर प्रदेश मधून महाराष्ट्रात येणार्‍या लोंढ्यांना रोखावे व स्वतःच्या राज्याकडे लक्ष धावे .मगच महाराष्टात पुरस्कार द्यावेत.
आपला
कॉ.विकि

ग्रामपंचायतीत निवडून आलेल्या स्त्रीचा नवराच आडून कारभार पहात असल्याची उदाहरणे आहेत. मायावतींनी हे पारितोषिक राजकीय हेतूने ठरावीक समाजातील लेखिकांकरता ठेवले नसावे असे वाटते. पण तसे असेल तर लेखिकेच्या प्रकाशित नावाखाली नवर्‍याकडून, किंवा एखाद्या प्रथितयश लेखक-लेखिकेकडून बक्षिसाच्या वाट्याच्या आशेने लिखाण करवून घेणे शक्य आहे. मायावती बक्षीस देण्यापूर्वी खातरजमा करून घेतीलच. पण एकंदरीत मायावतींची चाल अभूतपूर्व आहे.--वाचक्‍नवी