अतिशय रंजकशैलीत मांडलेला माहितीपूर्ण लेख!. अजून येऊ द्यात..
हे सगळं वाचून आम्हालाही हा खेळ रसगर्भ (इंटरेस्टींग) वाटू लागला आहे :)

-ऋषिकेश

तुमचा हा लेख (आणि याचा पूर्वभाग) आवडला ....माझ्या स्वतःच्या स्कीईंगची आठवण झाली. मला आठवतेय् , मी पेनसिल्व्हेनियामधे गेलो होतो; पाळण्यात बसून वर गेलो आणि स्कीईंगची घसरगुंडी चालू केली. सुरवातीला पाय फाकवून व्यवस्थित हळूहळू जात होतो. एकदम काय आक्काबाई आठवली देव जाणे. पाय जवळ आणले आणि वेग एकदम वाढला. एकूण साधारण १५ सेकंद भीषण मजा येत होती. आणि मग....... सर्व कह्याबाहेर गेले. असा फेकला गेलो की , मी , माझे दोन्ही स्कीज् आणि दोन्ही पोल्स् एकमेकांपासून २५-३० फूटांवर ! सर्व सामग्री गोळा करून अस्मादिक खुरडत खुरडत पायथ्याशी आले :-)

पण ते १५ सेकंद ....अहाहा !

अहो मलाही लेख वाचायचा आहे. आताही वेळ नाही पण वाचून प्रतिसाद देईनच. चांगली माहिती आहे. मला हवीही आहे पण वेळेचा प्रश्न आहे. तुम्ही लेखन थांबवू नका.

पण इतरांना काही ही लेखमाला आवडलेली दिसत नाही. दुसरा एखादा विषय घेतो लिहायला.

आवडणे न आवडणे आपल्या हाती नसते! लिहावेसे वाटले तर नक्की लिहावे. आणि गेले काही दिवस लेख वाचूनही आणि आवडूनही उत्तर द्यायला वेळ होत नाही अशी परिस्थिती आहे.

आणि लेख खरोखरच आवडला. धडपडण्याचे फोटोही आवडले!
मी इथे आल्यावर दोन तीन वेळाच स्की करायला गेले आहे. न्यू हँपशायरमध्ये. गंडोला राईड हा त्यातील सर्वात आवडता अनुभव! पहिल्याने गेले तेव्हा भरपूर पडले. आणि त्यानंतर स्की करण्याचे मनसुबे जे खोक्यात जाऊन बसले ते मुलगी लहान असताना तिला शिकवायला घेऊन गेलो होतो तोवर. मागील अनुभवावरून मनाची चांगलीच तयारी झालेली होती आपटण्याची. पण निदान पडत धडपडत का होईना गोल गोल फिरण्यात यश आले. आता तुमचे लेख वाचून यंदा स्कीइंगचा परत प्रयत्न करण्याचा हुरूप आलेला आहे.

वर इतरांनी म्हणले आहे त्यात थोडे अजूनः

लेख चांगला आहे. आवडला देखील. फक्त आमच्यासारख्यांना त्यात "पण" म्हणत, उगाच पिंक टाकता येत नाही म्हणून लिहीले नाही इतकेच:-) "कम्यूनिस्ट कसे भांडवलशाही खेळ म्हणून स्कींग विरोधी आहेत, अल्पसंख्य भारतीयांनाच कसे स्किंग येते (म्हणजे धर्माने अल्पसंख्य नाही बरं का, पण लोकसंख्येच्या मानाने स्किंग येणार्‍याची संख्या), ज्य्तिष आणि स्कींग संबंध, मोदी गुजरात विकास करताना वाळवंटातपण स्किंगची व्यवस्था कशी करणार आहेत", अशी काही तरी वाक्ये टाकून पहा, प्रतिसाद् देयला स्फुर्ती चढेल :-) ही वाक्ये पीजे आहेत माझ्यासकट सर्वांनी ह.घ्या. आधीच सांगतो त्यात काही संकुचितपणा वगैरे नाही आहे!

तसे पहाल तर ९० वाचने दिसत आहेत. त्यात काही परत येणारे सदस्य लक्षात घेतले तरी निदान ७०-७५ वाचने तरी झाली असतील. आधीच्या लेखाची पण १६३ वाचने झाली आहेत.

बाकी मी दोनदा स्कीइंगला गेलो होतो. एकदा पडायचे कसे ते शिकलो आणि दुसर्‍यांदा जे आधी शिकलो ते वापरले नाही तर कसे न पडता स्कीईंग करता येते ते शिकलो!

एकूण काय जसे पडले तरी स्कींग करत राहायचे तसेच प्रतिसाद आले नाहीत तरी लेखन करत राहायचे. वाचणारे वाचत असतात जरी प्रत्येक वेळेस प्रतिसाद दिले नाहीतरी!

आम्हाला काही हे शक्य नाही... त्यामुळे वाचूनच आनंद घेतो!

बर्फात जावून तर आता बराच काळ झाला. कुलूला केले होते असे 'काहीतरी'... पण काय गर्दी हो! एक भली मोठी पंजाबी बाई तर (तीची तीचीच येवून!) आपटली पण माझ्यावर!
मग आमच्या सौं. ची जी काय शाबदीक घसरगुंडी सुरू झाली ती काही थांबेना!
तेंव्हा पासून धसकाच घेतला.

शिवाय आयुष्यात सुरू राहीलेली घसरगुंडीची मजा अजूनही अनूभवतोच आहे...
ती संपंल्यावर कधी वर गेलोच, तर आवडेलच असे खेळ खेळायलाही!

पण तोवर...

आपला
मार्गावरून घसरून गेलेला
गुंडोपंत

सकाळी पाहिले तर केवळ एक प्रतिसाद अन संध्याकाळ पर्यंत ११ नवे प्रतिसाद! कमालच आहे! टग्याराव म्हणतात तसे प्रतिसाद न येण्याचे अनेक कारणे असू शकतात. पण त्यानंतर आपण सर्वांनी दिलेल्या प्रोत्साहनाबद्दल आभार!

पुढचा भाग नक्की लिहीन.

आपला,
(कृतज्ञ) भास्कर
आम्ही येथे वसतो.

भास्करराव, आम्ही ह्ये समद हिंदि पिच्चर मधे पघितलं हाय. पण तेच्या मागचं शास्र तुम्ही सांगितल पघा. आन ते स्कीईंग च्या अदुगर स्केटींग यायला पाहिजेल का? म्हजे मोटरसायकल चालवायच्या आदुगर सायकल यायला पाहिजे ना? या हिशेबात म्हन्तोय मी. तसं म्हन्ल तर ज्याला सायकल येत नाही तो डायरेक कार बी हाकतुय. "बर्फाव घसरन्याची प्रीती आन आयुष्यात घसरन्याची भीती" ह्ये गनित काय सुटना पघा. यकदा त्ये स्केटींगच्या चाकावाल्या पादुका घालून पघितल्या. आन काय सांगायच राव! चालाया गेलो आन ....वर आपाट्लो ना? तव्हापासून भ्या वाटत पघा!
( मनातल्या मनात स्कीईंग करुन बघणारा)
प्रकाश घाटपांडे

सचित्र लेखमाला आवडली. स्कीइंगला जायची इच्छा होती पण योग येत नव्हता, आता प्रयत्न केला पाहिजे. (गेल्यावेळेस एका मैत्रिणीने काय पडलो माहित्ये? दोन दिवस अंग दुखत होतं सांगितल्याने आम्ही प्रयोग टाळला होता.)

स्केटींग किंवा रोलर स्केटींग हे जमिनीवर, रस्त्यावर बुटाला चाके लावून आणि आईस स्केटींग हे बुटाला रोलर ब्लेड्स लावून केले जाते. आमच्या कन्येला दोन्ही बर्‍यापैकी येते त्यामुळे अनुभवाने दोहोंत साम्य केवळ तोल सांभाळायचे असते आणि भास्कर यांनी सांगितलेलं इंग्रजी वी चे अक्षर अत्यंत उपयोगी. यानंतर आईस स्केटींगमध्ये गिरक्या घेणे, फिशेस काढणे (मत्स्याकारात स्केट करणे) वगैरे वगैरे वेगवेगळे प्रकार असतात.

भास्करराव,
अरे तुमचा घसरगुंडीचा लेख आम्हाला तरी माहितीपूर्ण वाटला आणि आवडला. आता तुम्हीच सांगा आपला मराठवाडा हे असा, जीथे पाणीच नाही तर बर्फ वगैरे फार दूरची गोष्ट :) चित्रपटात पाहतांना बरं वाटतं, आईस स्केटींग,स्कीज, पोल, ते बूट, ही सर्व माहिती आमच्यासाठी अद्भूत आहे. तेव्हा पहिला वाचक असतांनाही प्रतिक्रिया देऊ शकलो नाही. बरे आवडले, मस्त, लै भारी, हे शब्द वापरून वापरुन त्याचा पार चोथा झालाय. त्या शब्दातला भावही लेखकापर्यंत पोहचत नाही. आणि प्रतिक्रिया आल्या नाहीत, येत नाहीत म्हणुन आपल्या लेखनाला मुरड घालू नये असे वाटते. आपण लिहित राहा !!!