मी कॉफी तू चहा
मी तुला पाह्ते तू मला पहा!!!

:)

पल्लवी

तू मूर्ती मी माळ, तू नान्गर मी फाळ
तू चहा मी गाळ,तू आई मी बाळ

असे काहीही आणी कितीही लिहिता येईल..
तू चड्डी मी नाडी
तू बिडी मी काडी

तू खरूज मी नायटा
तू सिग्नल मी बावटा

तू की बोर्ड मी माऊस
तू ढग मी पाऊस

तू भात मी वरण
तू करंजी मी सारण

तू व्हिस्की मी सोडा
तू गाढव मी घोडा!
सन्जोप राव

तू बटण मी बक्कल
तू डोकं मी अक्कल

असे काहीही आणी कितीही लिहिता येईल..-सहमत.
तू मनोगत मी उपक्रम
तू तटस्थ मी चक्रम

तू पाव मी वडा
तू बकरी मी रेडा

तू तंबाखू मी चुना
तू नवथर मी जुना

तू ओवी मी शिवी
तू चॉकलेट मी काकवी

तू गुलाल मी बुक्का
तू गुडगुडी मी हुक्का

तू चिमणी मी कावळा
तू गारदी मी मावळा

तू वुडलँड मी बाटा
तू हातोडी मी वरवंटा

तू कविता मी धडा
तू सोसायटी मी वाडा

कितीही लिहिता येईल

तू उद्या मी आज
तू उद्धव मी राज

तू बंद मी चालू
तू मुलायम मी लालू

तू विनायक मी वरद :)
तू विलास मी शरद

तू भेंडी मी पावटा
तू निशाण मी बावटा

तू बर्फी मी पेडा
तू शाणी मी येडा

तू शरद मी बाळ
तू पैजण मी चाळ

तू उगाच मी शौकीन
तू युजर मी ऍडमिन

विरोपातून आलेले साहित्य, चित्रे इ. विरोपाद्वारेच मित्रमैत्रिणींना पाठवणे शक्य असल्याने इथे वेगळ्याने ते देण्याची गरज नाही. विरोपाद्वारे फिरणारे साहित्य आधीच बर्‍याच जणांनी वाचले/पाहिले असणे शक्य आहे. अश्या प्रकारचे लेखन मी मराठी या अनुदिनीवर किंवा मित्रमैत्रिणी या याहू ग्रुप वर वाचता येईल.

या संकेतस्थळाचे माहितीप्रधान लेखन आणि चर्चा असे स्वरूप असावे आणि टिकून राहावे म्हणून आणि स्वरचित कविता प्रकाशित करण्यासाठी इतर मराठी संकेतस्थळे आणि केवळ कवितांना वाहिलेली संकेतस्थळे उपलब्ध असल्याने इथे स्वरचित कवितांचा वेगळा विभाग असण्याची आवश्यकता नाही.

वेळोवेळी केलेल्या विनंत्या आणि सूचना यांची दखल घेऊन सदस्यांनी जाणीवपूर्वक त्यांचे पालन करावे अशी अपेक्षा आहे.

वेळोवेळी केलेल्या विनंत्या आणि सूचना यांची दखल घेऊन सदस्यांनी जाणीवपूर्वक त्यांचे पालन करावे अशी अपेक्षा आहे.

उपक्रमराव,

आपल्या प्रतिसादाची वाटच पहात होतो. म्हटलं एवढा छान टाईमपास चाललाय, मंडळी जरा एन्जॉय करताहेत, तरी अजून उपक्रमरावांचा नियम सांगणारा प्रतिसाद कसा आला नाही? ;)

असो, उपक्रमचा नियम मोडून मी येथे काव्यप्रकार प्रकाशित केला याबद्दल मी उपक्रमची पुन्हा एकदा हात जोडून आणि नाक घासून क्षमा मागतो. पण या निमित्ताने पुन्हा एकदा खालील काही विचार व प्रश्न मनात येतात, ते येथे कोकणी मोकळेपणानी मांडू इच्छितो!

ही एक कविता सोडा. हा फक्त शब्दांच्या आणि यमकांच्या कोलांट्या उड्या असलेला एक टाईमपास होता हे आम्हीही जाणतो. पण उत्तम कविता, उत्तम गझल या साहित्यप्रकाराला उपक्रमाचे दरवाजे बंद आहेत, या गोष्टीचे एक उपक्रमी या नात्याने मनापासून वाईट वाटते!

आणि स्वरचित कविता प्रकाशित करण्यासाठी इतर मराठी संकेतस्थळे आणि केवळ कवितांना वाहिलेली संकेतस्थळे उपलब्ध असल्याने

२) अहो ते झालंच हो! त्यात असं मोठं तुम्ही काय सांगितलंत? स्वरचित कविता प्रकाशित करणार्‍यांना बाहेरचा रस्ता मोकळा आहे, हे ओघाने आलंच!

या संकेतस्थळाचे माहितीप्रधान लेखन आणि चर्चा असे स्वरूप असावे आणि टिकून राहावे म्हणून

का हो मालक? अहो जसं कविता/गझला करणार्‍यांसाठी इतर संकेतस्थळांचा रस्ता मोकळा आहे, तसंच माहितीप्रधान लेखन आणि चर्चा करणार्‍यांसाठीही इतर संकेतस्थळांचा रस्ता मोकळा आहेच की!

उपक्रमच्या http://mr.upakram.org/node/11 या लेखात,

'आपल्या अनुभव, शिक्षण, वाचन आणि माहिती यांच्या आधारे लेखन करता यावे, विचारांची देवाणघेवाण करता यावी हे या संकेतस्थळाच्या निर्मितीमागील प्रमुख उद्दिष्ट आहे.'

असं म्हटलं आहे.

एखाद्या सभासदाला आपल्या अनुभवविश्वातून, भावविश्वातून आपले विचार प्रकट करण्यासाठी मुभा फक्त गद्यलेखनातच का असावी??

'विचारांची देवाणघेवाण करता यावी' असं आपण म्हटलं आहे. एखाद्या सभासदाला चार सहा ओळीतल्या उत्तम काव्यातून आपले विचार मांडावेसे वाटले तर त्याने ते मांडायचे नाहीत. का? तर येथे पद्यलेखनाला परवानगी नाही म्हणून! हे कितपत योग्य आहे?

असो! माझ्याकडून हा विषय संपला आहे. शेवटी आपण मालक आहात त्यामुळे, 'आपण म्हणाल तीच पूर्व!' हे ओघाने आलंच!

पुन्हा एकदा क्षमस्व!

तात्या.

एकूणच इथे शब्दांचा कीस पाडण्याशिवाय काही घडलेले नाही :) म्हणून मीही एक प्रतिसाद देऊन त्यात भर घालतो आहे. कवितांसाठी विभाग असणे नसणे कितपत व्यवहार्य आहे हे काळच ठरवेल असे दिसते.

छान आहे उत्तम..........

अरे हो हो!

किति बाचाबची चाललि आहे? ईतक्या छान साईट वर असलि भांडण नकोत.

पण खर सांगू का?? कवितांसाठि वेगळा विभाग हवाच ह्या साईट वर!!

मग?? उपक्रम राव ... kadhi ughadtay.....vegla vibhag?? आपल्या मंडळिंच्या मनातल्या कवितांसाठि??

आबा....