कंटेन्ट म्यानेजमेंट सॉफ्टवेअरमध्ये वर्डप्रेसाधारित संस्थळांवर "पोस्ट स्लग" म्हणजे लेखनाचा दुवा कोणत्या अक्षरांचा असावा हे लेखकाला ठरवता येते. द्रुपलमध्ये ती सोय नसावी. त्यामुळे शुद्धलेखनासाठी केलेल्या लेखनासाठी node/1234 असे दुव्यामध्ये येते. त्याऐवजी node/shuddhalekhan असे आले तर गूगलसारख्या साईट्सना shuddhalekhan असे सर्च केले तर ते लगेच सापडेल.
सर्च अल्गोरिदममध्ये तुमच्या एखाद्या लेखाची लिंक काय आहे खूप महत्त्वाचे असते. सर्च इंजिन ऑप्टिमायझेशन मध्ये सर्वात महत्त्वाचे म्हणजे तुमच्या लेखाची लिंक.

याशिवाय देवनागरीऐवजी इंग्रजी रोमन शब्द टाकून सर्चिंग होत राहणारच आहे. कारण ते अधिक सोयीचे आहे. सर्च इंजिनसाठी शुद्ध व प्रमाणभाषेचे महत्त्व खूप जास्त आहे. मराठीत सूचना हा शब्द सुचना किंवा सुचणा असा कसाही लिहिला तरी आमचेच कसे योग्य हे सांगण्यासाठी मारामारी होते किंवा स्वतःच्या सोयीने शुद्धलेखन वाचा असे सांगितले जाते. त्याऐवजी जगात १०० पैकी ८० लोक तरी instruction असाच शब्द वापरतील त्यामुळे गूगलमध्ये चु़कीचा शब्द टंकला तरी गूगल योग्य तो शब्द सुचवून त्यानुसार माहिती देईल.

मला तुमचा नक्की हेतू कळला नाही. कारण गुगलवर मराठी लिहिल्यावर् जी संकेतस्थळे दिसतात ती सगळी मराठीशीच निगडित आहेत की. का तुम्हाला असे म्हणायचे आहे तुमच्या आवडीची स्थळे पहिल्या पानावर दिसत नाही आहेत याचे तुम्हाला दु:ख आहे? या दोन्ही पूर्ण् भिन्न गोष्टी आहेत.
गूगल एखाद्या संकेतस्थळाला किती महत्व देते याचे वेगवेगळे निकष आहेत आणि ते शोधून काढण्यासाठी (किंवा योग्य तो परिणाम साधण्यासाठी) लोक खूप पैसे खर्च करतात. SEM हा एक नवीन व्यवसायच त्यावर निघाला आहे.
गुगलवर तात्पुरते वरचे स्थान् मिळवता येईलही. पण शेवटी संकेतस्थळावरचा मजकूर् आणि ते किती जुने आहे यावर् ते ठरणार आहे. कारण काळाच्या ओघात किती स्थळे टिकून रहातात हे ही पहायला हवे. पहिल्या पानावर येणारी स्थळे अशा कसोटीला टीकून उरली आहेत.

मला कुठले स्थळ चांगले आणि वाईट ते म्हणायचे नाही. हे ज्याचे त्याने स्वतःपुरते ठरवायचे आहे. पण तुम्हाला हवे असलेले स्थळ आले नाही म्हणून ती शोध प्रक्रीया योग्य नाही असे नाही.

विकि पहिले दिसले तर दिसू देत! काहीच हरकत नाही.

पण 'मराठी' असे सर्च केल्यावर कुठेतरी का होईना पण उपक्रमही यावे, ही अपेक्षा रास्त आहे असे मला वाटते.

आपला
गुंडोपंत

गूगलची विकीपीडिया कडे असलेली कृपादृष्टी पाहता विकीपीडियाची पाने प्रथम दिसतील असे त्यांनी मुद्दाम केले असावे असे वाटते.

असे सर्किट यांनी मागे सांगितल्याचे आठवते पण मराठी गूगलचे मराठी विकिपीडियाशी संधान नाही. मराठी विकिवर बरेच लेख आहेत पण सर्च इंजिनमार्फत शोधले असता शोध दिसत नाही.

मनोगताची पाने गूगल सर्चवर सापडतात. मला मनोगताचा शोध अशा सर्च मधूनच लागला होता. (काही कविता शोधताना) उपक्रमाची पानेही दिसून येतात पण इथे ब्लॉगपोस्टशी गूगलचे संधान आहे का असा प्रश्न पडला कारण ब्लॉग्जची जंत्री सर्वप्रथम येते.

'मराठी संकेतस्थळ' असा शोध घेतला तर उपक्रम-मनोगत पहिल्या पानावर आणि मिसळपाव दुसर्‍या पानावर आढळले.---

अहो अगदी बरोबर आहे! शेवटी मनोगत, उपक्रम ही मराठीतली थोर संकेतस्थळं आहेत तेव्हा त्यांचा मान हा पहिल्याच पानावर असायला हवा!

अहो आमची मिसळपाव म्हणजे साधी एक मराठमोळी टपरी! तिला दुसर्‍या पानावर स्थान मिळाले हेसुद्धा खरं तर आश्चर्यच आहे! आमच्या मिसळपावचे नांव दुसर्‍याच काय परंतु कुठल्याच पानावर नसले तरी मिसळपावला काहीच फरक पडत नाही!

आपला,
(मिसळप्रेमी!) तात्या अभ्यंकर.

'मराठी संकेतस्थळ'
हा वाक्प्रचार मला या स्थळांवर आल्या नंतर कळला!
त्या आधी मी आपले नुसतेच 'मराठी' असे शोधत असे.
कदाचीत इतर सदस्यही सर्वसाधारण शोध असाच घेत असणार असे वाटले.

म्हणून फक्त मराठी हे 'जेनेरीक टर्म' वापरली.
मराठीचे जालावरचे मुख्य दिपस्तंभ म्हणून ही स्थळे आधी दिसावीत असे वाटते.

आपला
गुंडोपंत

मराठी बातम्या हॅलो मराठी वरही मिळतात. इथे आर. एस. एस. चालते हे विशेष.