गाण्यात कसा दिसतोय हा गुंडोपंत?
आवडला की नाही?

आपला
गुंडोपंत

तिकडे व्याकरणकार कसे (व्याकरणातले) एक एक प्रकार घेऊन चर्चीतचर्वण करत आहेत आता तुम्ही एक एक व्यायामप्रकार घेऊन शाब्दीक कवायती करा ;-) कसे?

सहभाग व प्रतिसाद एवढेच जमणारे आम्ही आमच्यापरीने जमेल ते करुच.

कोणी वैद्यकशास्त्राविशारद/मानसशास्त्रविशारद "लेखनकंड" ह्या नवीन खाजप्रकारावर प्रकाश टाकू शकेल काय्? ह. घ्या.

गुंडोपंत.. लेखमाला सुरू केल्या बद्दल आभार. तुम्ही लिहित रहा. आम्ही वाचत राहू, आणि एक दिवस कधीतरी व्यायम सुरू करू....
व्यायम हा "नियमीत" झाला पाहिजे असे आपल्याला म्हणायचे आहे असे जाणवते आहे, म्हणजे निदान व्यायामात तरी नियमाला महत्व आहे असे मानायचे का?

===========================
मराठी भाषा हा माझा प्राणवायु आहे.
===========================
गुंडोपंत छान विषय निवडलात! सुरुवातही झकास केलेत! त्यात तो विडिओही मस्तच आहे.
आता एक मात्र करा. मध्येच हा उपक्रम बंद करू नका बॉ. पुढचेही भाग येऊ देत. एकेका व्यायाम प्रकाराची माहिती,शक्य असेल तिथे छायाचित्रे/विडिओ वगैरे येऊ देत. आणि व्यायाम प्रकारही हळू हळू वाढू देत. इथल्या मंडळींना पचेल रुचेल इतपत लिखाण होऊ द्या. तुमच्या ह्या प्रकल्पाला माझ्या मनःपूर्वक सदिच्छा!

"व्यायाम सुरू करण्यापूर्वी.." विचार करताना हा प्रश्न नेहमी पडतो. व्यायाम सकाळी करावा की संध्याकाळी? दोन्हींचे काही फायदे, तोटे आहेत काय?

चांगला विषय आहे. वर दिलेल्या व्यायांमप्रकारांमध्ये योगासनांची भर घालावीशी वाटते. योगासने करण्याचे अनेक फायदे आहेत आणि विशेष म्हणजे योगासने केल्यावर अजिबात थकवा जाणवत नाही. याशिवाय नेहेमीचे व्यायाम आहेतच जसे की जोर, बैठका, जॉगिंग किंवा तयारी असेल तर असे काही.

----
L'enfer, c'est les autres -- Jean-Paul Sartre

व्यायामा बरोबर आहारसुद्धा महत्त्वाचा आहे. रोज २०० मिली दूध, १अंडे, कडधान्ये, फळे, पालेभाज्या, बदाम-खारीक ;-) वगैरे खायलाच पाहीजे .

अभिजित...
कोंबडी पळाली गाण्यावर नाचलं की भरपूर व्यायाम होतो.

या एकमेकांना पूरक गोष्टी आहेत त्यामुळे व्यायामाच्या चर्चेत आहाराचा मुद्दा घेतल्यास ते विषयांतर ठरत नाही असे वाटते.

अभिजीत यांनी सांगितलेले पदार्थ हाय प्रोटीन डाएट या प्रकारात मोडतात. हे पदार्थ शरीराला कधीही चांगले.

उपाशीपोटी आणि भरल्यापोटी व्यायाम केल्यास त्याचे दुष्परिणामच अधिक होऊ शकतात त्यामुळे संतुलीत खाऊन तासाभराने व्यायाम करावा.

असो. चालणे, पोहोणे,योगासने आणि जीममध्ये ऍब्जच्या व्यायामाची यंत्रणा हे खरेच चांगले व्यायाम म्हणायला पाहिजेत. शक्य असल्यास अर्धा तास मैदानी खेळ खेळणे हे व्यायामाला पूरक आहे.

प्रियालीताईंना हे सगळे येते परंतु गेले काही महिने 'कळतं पण वळत नाही' अशी गत होती, ती हा लेख वाचून सोडली. आजपासून नित्यनियमाने व्यायामशाळा दर्शन घेण्याचा संकल्प आहे. ;-)

परत व्यायामाला उद्युक्त केल्याबद्दल आभार.

गेले काही महिने 'कळतं पण वळत नाही' अशी गत होती, ती हा लेख वाचून सोडली. आजपासून नित्यनियमाने व्यायामशाळा दर्शन घेण्याचा संकल्प आहे. ;-)

मनातले बोललात.

गुंडोपंत,

हा लेख आणि उत्तेजना आवडली. आता फक्त किबोर्डवर टंकून बोटांचा आणि काय लिहायचे याचा विचार करत फक्त डोक्याचा व्यायाम करणार नाही!

बाकी या विषयाशी निगडीत अजून एका विषयावर लेखन करता आले तर पहा (आपल्यास किंवा अजून कोणी योग्य व्यक्ती, मी नाही!!) तो म्हणजे वेळेचे व्यवस्थापन! कारण व्यायाम न करणे, योगासन नीट न करणे याला एक सोपे कारण असते ते म्हणजे - सध्या वेळ मिळत नाही!

संक्रातीच्या वेळेस या वेळेस अमेरिकेत सूर्य नमस्कार यज्ञाचेे आयोजन हिंदू स्वयंसेवक संघाने केले होते. पंधरा दिवसात १० लाख सूर्य नमस्काराचा संकल्प होता. त्यात बर्‍याच भारतीय - अभारतीय संस्थांनी भाग घेतला होता. प्रकल्प अर्थातच धार्मीक नव्हता. दरोज जरी सूर्य नमस्कार घालत होतो तरी एक दिवशी तासा भरात एकदम ९० का १०० सूर्यनम्स्कार घातले आणि दोन दिवस "अंग ठणकणे" म्हणजे काय याचा अनुभव घेतला....

करायचा का? "मी व्यायाम न करण्यामागची कारणे".

व्यायाम न करणार्‍याने पण ज्याला करायची इच्छा आहे त्याने आपली कारणे लिहायची व इतर लोकांनी त्यांना सडेतोड उत्तरे देऊन निरुत्तर करायचे व जा करा व्यायाम म्हणायचे. ;-)

आहे की नाही विन-विन चर्चाप्रस्ताव. व्यायाम न करणारा/री व्यायाम करायला लागेल व इतर लोकांना टंकून डंखायचे सुख मिळेल, कसे?

:-)

गुंडोपंत,
फार चांगला लेख आणि लेखमालेची कल्पना.

सूर्यनमस्कार हा माझा आवडता व्यायामप्रकार आहे.

पुढील लेख वाचण्यास उत्सुक,
--(हुप्पा..हुय्या ) लिखाळ.

मला फ्लोरिष्टाच्या शॉपामधल्या मुलिगत होयाचे हे ! (ती फुलराणी-पुल)

व्यायाम ही इतरांनी करण्याची गोष्ट आहे, असे आजवर आम्हाला वाटत होते.
गौतमाला व्यायाम करणारे लोक दिसले असते, तर बौद्ध धर्म स्थापन झाला नसता.
परंतु त्याला व्यायामाअभावी शारीरिक कष्ट सहन करणारे लोक दिसले.
आणि पुढे इतिहास घडला.

- तथागत

--
|| बुद्धं सरणं गच्छामि ||

व्यायामाप्रमाणेच आपले (भारतीय) "खाणे" या विषयावरपण लेखन होणे गरजेचे वाटते. जी पक्वान्ने आणि चटमटीत जेवण हे अगदी आपल्या (निदान आमच्या ;) ) लहानपणीही फक्त सणासुदीला आणि विशेष लग्नसमारंभात खाल्ली जात, जेव्हढे शारीरीक कष्ट आपल्यास पडत त्याचे सगळे गणितच आता चुकले आहे. अमेरिकेत तर खूपच चुकते. वीकएन्ड म्हणत जर एकमेकांकडे जाणे झाले तर हमखास गोडधोड खाणे, बर्‍याचदा चटमटीत/पंजाबी खाणे होते. आता आम्ही ते थोडे बदलायचा प्रयत्न करतोय, मराठी साधे जेवण/पालेभाज्या पण लोकांना इतर गोष्टींचे अजिर्ण झाल्यामुळे "स्पेशल" वाटू लागतात...

एकदा एक डॉ. प्रकाश आमट्यांनी त्यांच्या भाषणात सांगीतलेला किस्सा (कोणीतरी ऐकवलेला सांगतो): त्यांच्या म्हणण्याप्रमाणे गल्लोगल्ली डॉक्टर, त्याच्या बाजूला (कधी कधी ) त्याच्याच नात्यातल्याचे/माहीतल्याचे केमिस्टचे दुकान, त्याच्याच जवळपास हलवायाचे दुकान... म्हणजे आपण लोकांना नक्की नकळत काय "मेसेज" देतो?

गुंडोपंत,
अजून एक मुद्द आठवला.
बाल वयात अथवा तरुण वयात शरीर बळकट करण्यासाठी व्यायाम करतात. तर मध्यम वयानंतर शरीर तरतरित ठेवण्यासाठी, त्याची काळजी म्हणून आणि म्हातारपण योग्य शारीरिक स्थितीमध्ये (अगदीच ह्या ! असे नको) म्हणून व्यायाम करतात असा सर्वसामान्य होरा असतो.

पण काही वेळेला मध्यम वयापासून ते उतार वयाला लागलेले लोक तरुणपणातला स्वतःचा व्यायाम आणि शारीरिक तंदुरुस्ती स्मरुन, तसाचा व्यायाम करायच्या मागे असतात. शरीराक्डून ते पूर्वीच्याच ताकतीच्या आपेक्षा करतात आणि सारखे निराश होतात आणि क्षमतेपेक्षा जास्त व्यायाम करुन आपली ताकत वाढेल या खुळ्या आपेक्षेने व्यायाम करुन थकत असतात असेही मी पाहिले आहे.

त्यासाठी 'रेट ऑफ ऍनबोलिझम आणि कॅटेबोलिझम' हे वेगवेगळ्या वयात वेगळे असतात (लहानवयात अऍनबोलिझम हा जास्त म्हणजे झीज भरुन येण्याची गती जास्त त्यामुळे शरीराची वाढ होते आणि उतारवयात कॅटॅबोलिझम जास्त त्यामुळे झीज जास्त होते.) हे लक्षात घेणे गरजेचे असते आणि त्यानुसारच आपला व्यायाम, शरीराकडून ठेवायच्या आपेक्षा माणसाने ठरवाव्यात असे मला वाटते. त्यमुळे कोणी कोणत्या वयात किती व्यायाम करावा ते समजणे गरजेचे आहे मला वाटते. याबाबत आपण तज्ञ असल्याने आपण आपल्या लेख मालेत याविषयी जरुर सांगा अशी विनंती.

-- लिखाळ.

आज आमचा श्रावण एक महिन्याचा झाला ! आज सायंकाळी त्याच्या वाढदिवसानिमित्त 'तीर्थ-प्रसाद' आहे :)