ऑर्कूट सारखे हत्यार कसे वापरावे ?याचे शिक्षण दिले पाहिजे. सुरी ही भाजी कापायला पण वापरतात तशी खून करायला पण!

वा काय बोललात म्हणजे लिहिलात...!
अगदी योग्य...

आता या बातमी मुळे लगेच बंदी वगैरे हा खेळ होईलच...

आपला
गुंडोपंत

ऑरकूट हे तर दळणवळणाचे साधन आहे. हत्यार म्हणा हव तरं? ही साधन जेवढी वाढतील तेवढि असुरक्षितता वाढेल. गुन्हा ही मानसिकता आहे. त्याची सार्वत्रिक व्याख्या करता आली नाही. संकल्पनेच्या आधारेच विवेचन करावे लागते. बरेचसे गुन्हे हे परिचितांकडूनच होतात आणि परिचय हा कोणत्याही प्रकारच्या दळणवळणाच्या माध्यमातून होत असतो.

हे भाष्य अत्यंत मार्मिक वाटले.
तुलनेदाखल ब्रिटिशांनी आणलेल्या रेल्वेमुळे देशाचा सत्यानाश झाला हे जुने मत आठवले.
पूर्वीच्या काळी गावे स्वयंपूर्ण व स्वयंशासित असत. मोठे गुन्हेगारही वाळीत टाकण्याच्या शस्त्राला वचकून असत आणि या शिक्षेच्या भीतीने सुतासारखे सरळ होत असत असे वाचले आहे, कारण गाव सोडून ते सहजासहजी कुठेही जाऊ शकत नसत. नंतर रेल्वे आल्यामुळे गुन्हेगारांवर गावाचा ताबा राहिला नाही. काहीही करून पळून जायचे व अन्य गावाला जाऊन तिथे नव्याने सुरुवात करायची हे रेल्वेमुळे सहज शक्य झाले. त्यात भर कोर्टाची. या दोन्हीमुळे गावाचे सत्तासामर्थ्य डळमळीत झाले. अशी दळणवळणाची साधने वाढल्यामुळे असुरक्षितता वाढली.
पण शेवटी असे होणे चांगले की वाईट हे निश्चितपणे समजत नाही. परिचय, ज्ञान वाढल्यामुळे गुन्हे वाढतील का? की कमी होतील?

- दिगम्भा

मराठी पालकांनी आपल्या मुलांना ऑर्कुट ऐवजी मनोगत/उपक्रमावर पाठवावे, हा सल्ला द्यावासा वाटतो.

एकदम बरोबर!

मराठी पालकांनी आपल्या मुलांना ऑर्कुट ऐवजी मनोगत/उपक्रमावर पाठवावे, हा सल्ला द्यावासा वाटतो.

सहमत आहे.

परंतु उपक्रम व ऑर्कुटची धोरणे वेगवेगळी आहेत. उपक्रम हा केवळ गप्पांचा अड्डा नाही.

मात्र उपक्रमाची सदस्यसंख्या वाढवण्यासाठी आवश्यक असलेले मार्केटिंग करण्यासाठी काय करता येईल?

आम्ही यथाशक्ती मार्केटिंग करतच आहोत. उदा. आजानुकर्णोक्तीवर उपक्रमाचा दुवा देणे. देसीपंडितवर उपक्रमावरील व मनोगतावरील लेख देणे. इ.
मात्र काही मराठी दैनिकांमध्ये उपक्रमाचा एक माहितीपूर्ण लेख प्रत्येक सप्ताहात छापणे. व (फ्रॉम उपक्रम) असे तिथे दुवा देऊन कटाक्षाने लिहिणे यामुळे थोडे मार्केटिंग होईल.

इतर सदस्यांना काय वाटते?

अगदी! एखादा सरळ दिसला/ली, सोज्वळ भासला/ली, ज्ञानी दिसला/ली म्हणून त्यावर विश्वास टाकण्यात अर्थ नसतो मग ऑर्कुट असो की मनोगत/ उपक्रम ;-)

आपण या दुर्घटनेवरून योग्य शब्दात मतितार्थ सांगीतला...

अगदी! एखादा सरळ दिसला/ली, सोज्वळ भासला/ली, ज्ञानी दिसला/ली म्हणून त्यावर विश्वास टाकण्यात अर्थ नसतो मग ऑर्कुट असो की मनोगत/ उपक्रम ;-)

जागदी बरोबर हो. त्यामुळेच शंका रहू नये म्हणून आम्ही कसे आहोत् याचा एक फ्प्टो ही लावून टाकला आहे खरडवहीत... हे असे आहोत तुम्हाला 'जमत असेल' तरच पुढे या! ;)

आपला
गुंडोपंत

अगदी! एखादा सरळ दिसला/ली, सोज्वळ भासला/ली, ज्ञानी दिसला/ली म्हणून त्यावर विश्वास टाकण्यात अर्थ नसतो मग ऑर्कुट असो की मनोगत/ उपक्रम ;-)

'महाजाला'वर न वावरता देखिल 'मोहजाला'त अडकणारी माणस आहेत च की? आभासी जगातील प्रत्येक मुखवट्या(आयडी) मागे एक् चेहरा (व्यक्ती) लपलेला असतोच. तो चेहरा व मुखवटा यात सुरक्षित अंतर राखण्याची स्किझोफ्रेनिक कसरत प्रत्येक करत असतो. कोषात आणी कोषाबाहेर असे त्याचे व्यक्तिमत्व दुभंगले जाते. कोषात आले कि सुरक्षित वाटते, पण नंतर नंतर जीव घुसमटतो कि तो कोषा बाहेर येतो. थोड मोकळ वाटलं कि असुरक्षिततेच्या भया पोटी परत कोषात. विश्वास हि सतत तपासली जाणारी प्रक्रिया आहे. आणि चिकित्सेशिवाय ठेवलेला विश्वास म्हणजे श्रद्धा.प्रत्येक श्रध्दा ही अंधच आस्ते. अंधश्रद्धा म्हणणे म्हणजे पिवळा पितांबर म्हट्ल्यासरखे आहे. विश्वासघातकि माणसे आपला कार्यभाग साधल्यावर विश्वास पानिपतात मेला असे म्हणतात. एका बाजूला विश्वासघातकी असणारी माणसे दुसर्‍या बाजूला विश्वासार्ह असू शकतात. आपण वाहवत जाउ या भीती पोटी काठावर बसलेली माणसे प्रवाहाचा आनंद कसा घेणार? असुरिक्षिततेच्या भयगंडापोटी यांचा स्वतःवरचा विश्वास देखिल उडतो.
" आयुष्यावर बोलू काही " हा संदीप खरे व सलील कुलकर्णी यांचा गेय कवितांचा कार्यक्रम याच मुळे मनाला भावतो. उपक्रमावरील सर्वांनी तो बघितला असेलच.
प्रकाश घाटपांडे

या सर्वाचा ऑर्कुटशी फार कमी संबंध आहे असे वाटत नाही का? ऑर्कुट येथे फक्त निमित्तमात्र वाटते.

ऑर्कुटवरील संधयित मिस्टिरियस एन्जेलची चौकशी पोलिसांनी थांबवली आहे असे कळते. आरोपी गेमींग झोन मध्ये भेटले होते अशीही बातमी आहे.

वा छान प्रतिसाद दिलास!
आवडला बरं का!

गुंड्या

असेच माझे देखील मत आहे, ऑर्कुटमुळे मला जास्त नाही पण खुप फायदा झाला आहे आपले काळाच्या ओघात हरवलेले मित्र परत सापडले काही नवीन व्यवसायिक समीकरणे देखील ऑर्कुटमुळे अस्तीत्वात आली !

मी जसा व्यक्तिगत जिवनामध्ये आहे तसाच महाजालावरील जिवनात नसेन.
साधे सोपे उदाहरण एक चित्रपट आहे तसा लहान मुलांसाठी आहे पण ह्या चित्रपटामध्ये जे दाखवले आहे त्यावरुन लक्षात येते की जो मनुष्य तुम्हाला महाजालावर कणखर वाटत असेल तो आपल्या साधारण जिवनामध्ये एकदमच ठिसूळ असू शकतो अथवा जो महाजालावर शुरवीर नावाने वावरतो तो शक्यतो घाबरट देखील असु शकतो ! चित्रपटाचे नाव आहे "Spy Kid - Game Over 3D"

राज जैन
*********
स्वाक्षरी लिहण्यात काही मजा नाई बा !

सुंदर प्रतिसाद.

त्यापेक्षा मुला-मुलींना बरं-वाईट काय आहे ह्याचे संस्कार दिलेले बरे... नाही का?

पहिला बाजीराव म्हणतो तसं झाडाच्या फांद्या छाटत बसण्यापेक्षा मुळावरच घाव घालायचा.

अभिजित...
ह्याला काय वाटतं आणि त्याला काय वाटेल याचा विचार करण्यात आपण तो क्षण जगत नाही.

त्यापेक्षा मुला-मुलींना बरं-वाईट काय आहे ह्याचे संस्कार दिलेले बरे... नाही का?

चिपलूनकरसाहेब, तुम्ही (प्रश्नाच्या) मुळावरच घाव घालताहात. आपले विचार एकदम पटले. पण काय आहे आईवडीलांचे मुलांशी बोलणेच नसते तर बाकीच्या संस्काराचे काय घ्या! १६-१७ वर्षाचा मुलगा जर रात्री क्लब्समधे गाणि ऐकायला जात असेल आणि पालकांना त्यात काही गैर वाटत नसेल तर तशीही ती चिंताच आहे...