निनाद, असे विषय इथे येणे गरजेचे आहे. लेख अती त्रोटक आहे हे खरे. पण या विषयाचा आवाका पण खुप मोठा आहे. यात कोणी तज्ञ असतील तर त्यांनी लेखन करावे हि विनंती. उत्पादन जीवनचक्र व्यवस्थापन हा सुद्धा असाच एक विषय आहे. लिहायचे आहे. पण जमणे अवघड वाटते आहे.

---

---

मराठीत लिहा. वापरा.

लेख चांगला उतरला नाहीये असे दिसते आहे. घाईघाईमध्ये लिहिण्याचा परिणाम... :(

असो,

हा विषय मोठा आहे. यावर खरं एक लेख माला होवू शकते. पण जसे जमेल तसे. शिवाय दर वेळी पॉवर पॉईंट मध्ये स्लाईड बनवा मग ती फ्लिकर वर टाका हा भागही आहेच. त्यात मला रेसोर्स साठी मराठी शब्द सापडत नाहीये. मागच्यावेळी इतिवृत्त हा शब्द सुचवणार्‍या नारदाचा पत्ता नाहीये कुठे! असं खरं अनेकच शब्दांचं झालं. खुपदा इंग्रजी शब्द वापरायचा मोह टाळला आहे, पण हे लेखन जर वाचह्ण्यायोग्यच नसेल तर ईंग्रजी शब्द योजनाच करणे योग्य राहील. पण आपले सगळ्यांचे मत यावर महत्वाचे वाटते आहे मला.

लेखन माहितीयोग्य आहे असे वाटत असेल तरच पुढचा भाग लिहितो.

पुढचा भाग 'बरा लिहायचा' प्रयत्न करेन हे आश्वासन देतो.

-निनाद

पण हे लेखन जर वाचह्ण्यायोग्यच नसेल तर ईंग्रजी शब्द योजनाच करणे योग्य राहील

सहमत. अशक्य असेल तर इंग्रजी शब्द वापरा. कोणत्याही गोष्टीचा अतिरेक नको. ;) अजून माहिती वाचायला आवडेल.

खालील पुस्तक ईआरपी-एमआरपी साठी अतिशय उत्तम आहे.

- ईआरपीकर्ण

---

शुद्धलेखनाच्या नियमांचे पालन केलेली आजानुकर्ण यांची माहितीपूर्ण अनुदिनी आता नवीन आकर्षक स्वरुपात. एकदा भेट देऊन शुद्धलेखनाची खात्री करा.

चांगले जमले आहे. बर्‍यापैकी माहिती कळली. 'लेखा विभाग' म्हणजे 'अकाउंट विभाग' का 'डॉक्युमेंटेशन टीम' याबाबत जरा मनाचा गोंधळ झाला.
लेख चांगला आहे पण विस्तार हवा. भाग २, ३ इ.इ. येणार आहेत ना?

आधी एक तुम्ही नक्की कशावर लिहिता आहात यावर एक प्रिअँबल लिहा... म्हणजे माझ्यासारख्या माठांच्या डोक्यात काही तरी शिरेल.

मला फक्त इतकेच कळले की,
आधी वेगवेगळी डिपार्टमेंट होती त्यांची वेगवेगळी माहीती एकाच छपराखाली आणली. त्यामुळे ती कुणालाही कुठेही पाहता यायला लागली... बरोबर?

म्हणजे आधी लोटस वन् टू थ्रि होते, वर्ड स्टार ७ होते शिवाय मोठी नावे लिहायला बॅनर नावाचा एक प्रोग्राम होता. कुणाला आठवते आहे का हे? २८६ चा काळ!!! .२५ रॅम म्हणजे मोठी गोष्ट होती राजा तो काळ आहे हा!
असो, मा.सॉ. ऑफीस मध्ये ते सगळे एकत्र मिळाले तसेच तुमच्या इआरपी मध्ये सगळे डिपार्टमेंट एकत्र असेच ना? पण मग यात बर्‍याच भानगडी असणार हो! इतके काही सोपे नसणार...

मी माझे काम कशाला पाहु देईन इतरांना? आणी माझ्या खालच्यांना पण??
छट!! तुम्हीच ठेवा तुमची नवीन सिस्टीम! कोण शिव्या खाईल? आणी सगळ्यांना कळणार गुंडोपंताला काही काम येत नाही ते ;)

आपला
काम चुकार
गुंडोपंत

निनादराव, अश्या आधुनिक विषयाविषयी माहिती देण्याचा आपला उपक्रम कौतुकास्पद आहे. यावर अधिक विस्ताराने लिहावे अशी विनंती.
आपला
(वाचक) वासुदेव

~ नासतो विद्यते भावो नाभावो विद्यते सत: । ~
"असत्याला अस्तित्व नाही आणि सत्याचा अभाव नाही"

लेखा विभागाच्या कामाच्या पध्द्ती,संगणकाच्या प्रणाली बद्दल,की व्यवस्थापनाबद्दल चर्चा आहे,
काहीच कळले नाही.पण या विषयातले जाणकार म्हणताहेत लिहा,तर लिहा !

निनाद,

चांगला लेख आहे जरी आपणच म्हणल्याप्रमाणे त्रोटक असला तरी. अशी माहीती मराठीत संकलीत होणे आवश्यक वाटते.

लेख आवडला. त्रोटक असला तरी तो योग्य लांबीचा आहे असे वाटले. लेखाचे पुढील भाग लिहावे परंतु लांबी हीच ठेवावी (किंवा थोडीफार जास्त), जेणेकरून लोकांना ते किचकट वाटणार नाहीत. मराठी चित्रांनी लेखाची शोभा वाढवली.

आता एक फुकटची सूचना:

लेख मराठीत असल्याने मराठी शब्द वापरणे योग्यच आहे परंतु रोजच्या जीवनात लेखा विभाग यासारखे शब्द वापरत नसल्याने वाचकाची सुई अशा शब्दांवर अडकून राहणे साहजिक वाटते. असे झाल्यास लेखातील मुख्य आशय हरवतो. अर्थात, म्हणून लेखात सरळसरळ इंग्रजी शब्दांचा भडिमारही योग्य नव्हे. यावर सुवर्णमध्य म्हणून लेखा विभाग (अकाउंट्स डिपार्टमेंट) असे कंसात इंग्रजी शब्द टाकल्यास वाचकांच्या मनात शंका उरणार नाही असे वाटते.