कलाम यांना माझाही सलाम. असा कर्मयोगी आजच्या जगात सापडणे कठीण आहे. अन्यथा राजकारण म्हटले की एकाहून एक नमुने बघायला मिळतात. अर्थात कलाम यांना राजकारणी म्हणण्यापेक्षा ऍकॅडमिक (विद्वान/पंडीत?) म्हणणे योग्य ठरेल.

----
L'enfer, c'est les autres -- Jean-Paul Sartre

आशा आहे की ह्या पुढे देखिल त्यांच्या ज्ञानाचा आणि अनुभवाचा भारताला चांगला फायदा होईल.

त्यांना लाख लाख प्रणाम, भविष्यासाठी आणी उत्तम आरोग्यासाठी परमेश्वराकडे प्रार्थना व शुभेच्छा!

आजच रिडीफ मधे वाचलेल्या बातमीप्रमाणे ते त्यांच्याबरोबर दोन सुटकेसेस आणि पुस्तके इतकेच घेऊन जाणार आहेत.

राष्ट्रपती भवन सोडताना राष्ट्रपतींनी तिथले फर्निचर देखिल नेण्याचा प्रघात आहे का? तसे असेल तर कलामांची कृती निश्चितच कौतुकास्पद आहे.

असा राष्ट्रपती आपल्याला परत कधी मिळेल कोण जाणे!

त्या निमित्त 'असा' राष्ट्रपती मिळाल्याने गेल्या चार पाच वर्षात काय काय प्रगति झाली? ह्याची 'माहिती' पुरवल्यास ह्या प्रस्तावाचे उपक्रमाच्या धोरणांनुसार माहितीपूर्ण प्रस्तावात रुपांतर होइल.
कलामांना अनेक शुभेच्छा!!

अशा भेट वस्तू घेऊन आपण आपल्यातले देवत्वाचा अंश नष्ट करत असतो.

जीएंच्या स्वामी मधील खालील आशयाचे वाक्य आठवले.

"एखाद्या गोष्टीची अभिलाषा किंवा आसक्ती बाळगणे जसे चूक तसेच एखादी गोष्ट सहज समोर आली असता तिला नाकारणे देखील एक प्रकारचा अहंकारच आहे."

- आजानुकर्ण गटणे

कलाम ही एक आदरणीय व्यक्ती आहे ह्यात तीळमात्र शंका नाही. पण आताच्या राष्ट्रपतींच्या निवडीच्या वेळी राजकारण्यांनी भरीला घातले म्हणून का होईना क्षणमात्र कलाम साहेब आपल्या तत्वापासून नक्कीच ढळले होते हेही सत्य आहे.माणूस कितीही तत्वनिष्ठ असला तरी ह्या मोहमयी दुनियेत कधी कधी त्याच्याकडून अशी चूक होऊ शकते ह्याचे हे एक उदाहरण आहे.हा एक प्रसंग सोडला तर कलामसाहेबांसारखे आदर्श सद्याच्या परिस्थितीत शोधावेच लागतील हेही तितकेच खरे.

===========================
मराठी भाषा हा माझा प्राणवायु आहे.
===========================

आजच्या काळात असे समर्पित देशभक्त दुर्मिळ आहेत. एक वैज्ञानिक, भारताच्या क्षेपणास्त्र प्रकल्पाचे जनक, विचारवंत अशी त्यांची ओळख आधी होती. राष्ट्रपती पदावर बसल्यानंतर आपल्या पदाचा उपयोग त्यांनी भारतीय जनतेच्या मनात प्रेरणेचा स्फुल्लिंग चेतवण्यासाठी केला. विशेषतः लहान मुले जी भारताचे भविष्य आहेत, त्यांच्या मनात देशप्रेमाची भावना जागृत करण्यात ते यशस्वी ठरले, त्यामुळेच लहान मुलांमध्ये ते विशेष प्रिय आहेत. त्यांच्या खुल्या आणि नवीन तंत्राविषयी स्वागतशील स्वभावामुळे भारतीय तरूण आणि उद्योजकांनाही त्यांचे आकर्षण आहे.

पण यामुळे त्यांनी आपल्या पदाच्या जबाबदारीवर काही परिणाम होऊ दिला नाही हे विशेष. तिन्ही सेनांचा प्रमुख या पदाला न्याय देणारे ते बहुतेक एकमेव राष्ट्राध्यक्ष असावेत. जगातील सर्वात उंच आणि खडतर युद्धभूमी सियाचिनला भेट देणे असो किंवा सुखोई या अतिवेगवान विमानात बसणे असो किंवा पाणबुडीतून प्रवास करणे असो.

झाले बहु होतील बहु पण यासम हाच! इतकेच आपण म्हणू शकतो. कलाम यांना त्यांच्या भावी उपक्रमांसाठी मनःपूर्वक शुभेच्छा!

आपला
(कलामप्रेमी) वासुदेव

~ नासतो विद्यते भावो नाभावो विद्यते सत: । ~

राष्ट्रपती पदावर बसल्यानंतर आपल्या पदाचा उपयोग त्यांनी भारतीय जनतेच्या मनात प्रेरणेचा स्फुल्लिंग चेतवण्यासाठी केला. विशेषतः लहान मुले जी भारताचे भविष्य आहेत, त्यांच्या मनात देशप्रेमाची भावना जागृत करण्यात ते यशस्वी ठरले.

वासुदेव यांच्या वरील विधानाशी मी १०० टक्के सहमत आहे. राजकारण करत बसण्यापेक्षा लिखाणाद्वारे, भाषणांच्या माध्यमातून आणि शालेय विद्यार्थ्यांच्या प्रत्यक्ष भेटीतून् र्डॉ. कलामांनी सकारात्मक विचारांची प्रेरणा जागवली आहे. राष्ट्रपती म्हणून जरी त्यांचे अधिकार् मर्यादित होते, तरी राष्ट्रप्रमुख या नात्याने त्यांनी भविष्यातील महासत्तेचे वैचारिक नेतृत्व नक्किच केले आहे आणि तेच त्यांचे सर्वात मोठे योगदान आहे.
आज समाजात वातानुकुलीत महागड्या गाड्यांमधून फिरणारे अनेक तथाकथित संत, महंत आणि भोंदुबाबा, लोकांना मोहमायेपासून दूर राहण्याचा उपदेश करीत असतात. कलाम यांनी प्रत्यक्ष कृतीतून आदर्श घालून दिला आहे.

माणूस कितीही तत्वनिष्ठ असला तरी ह्या मोहमयी दुनियेत कधी कधी त्याच्याकडून अशी चूक होऊ शकते ह्याचे हे एक उदाहरण आहे.

मला वाटतं सदर घटना मोठ्या परिप्रेक्ष्यामध्ये पाहण्याची गरज आहे. त्यांनी आधी निवृत्त व्हायचे ठरवले होते. परंतु जर नंतर विचार बदलला म्हणजे मोह झाला असे म्हणता येणार नाही. ते काही कसलेले राजकारणी नाहित. मतांचा घोडेबाजार आणि गोळा बेरजेचे राजकारण त्यांना मान्य नसावे, म्हणूनच बहुमत असले तरच पुन्हा उमेदवारी दाखल करेन असे सांगितले. बरं जरी ते पुन्हा निवडुन आले असते तरी त्यांनी या पदाचा उपयोग त्यांच्या मिशनसाठीच केला असता यात तिळमात्र शंका नाही.
एक छोटेसे उदाहरणः या लोकशाही देशातील राष्ट्रपतींसाठी अजूनही ब्रिटीश पध्दतीप्रमाणे पायात मोजे व बूट घालण्यासाठी राष्ट्रपती भवनात एक नोकर असतो. आतापर्यंतच्या सर्व महामहीम राष्ट्रपतींनी या सेवेचा लाभ घेतला आहे. कलाम जेंव्हा राष्ट्रपती भवनात राहण्यास गेले आणि जेंव्हा तो कर्मचारी प्रथेप्रमाणे त्यांचे मोजे व बूट घालण्यास गेला, तेंव्हा त्यांनी त्याला नम्रपणे नकार दिला. त्यांची अशी अनेक आदर्श उदाहरणे आपल्याला वाचावयास मिळतील.
माझा त्यांना केवळ सलामच नव्हे तर दंडवत सुध्दा!
-जयेश

लाभाच्या पदासंबंधीचं विधेयक त्यांनी संसदेकडे पुनर्विचारार्थ पाठवले होते. आपल्या अधिकारकक्षेत राहून त्यांनी बर्‍याच अशा गोष्टी केल्या.
सलग बारा तास उभे राहून काढलेले विमानाचे ड्रॉईंगवगैरे घटना अभियंते लोकांना नक्कीच जवळच्या वाटतात.
आपण नेहमी बोंब मारतो की आजकाल आदर्श घ्यावा असं कुणी शिल्लक नाही. पण कलाम नक्कीच प्रेरणादायी आहेत.

अभिजित...
उनके देखे से जो आ जाती है मुंहपर रौनक़ |
वो समझते हैं कि बीमार का हाल अच्छा है |

कलाम ही प्रथम एक व्यक्ती आहे, नंतर राष्ट्रपती, वैज्ञानिक वगैरे... हे एकदा मान्य केले कि विचार व भावना यांची रस्सीखेच यांचा अन्वयार्थ लागतो. व्यक्तिपूजेचा अतिरेक झाला आणि काही अपेक्षाभंग झाला कि मग कलाम तुम्ही सुद्धा .. असे म्हणण्याची वेळ येते, कलाम ही आदरणिय व्यक्ती आहे याबद्द्ल दुमत नसावे. साधेपणाचा आग्रह विशेष भावला. जयेश यांची टिप्पणी पटली,

प्रकाश घाटपांडे

त्यांनी तेथील कुलगुरूंना विनंती करून तिथेचे (एकाच खोलीत) राहायचे ठरवले आहे. त्यांना देऊ केलेला बंगला त्यांनी नाकारला आणि जेंव्हा ते तिथे पोअचतील तेंव्हा कुठलाही गाजावाजा करणारा स्वागत समारंभ ने करण्याची विनंती केली आहे.

सकाळ मध्ये कालच आलेली बातमी पहा -

डॉ. कलाम अजूनही निवासस्थानांच्या शोधात

नवी दिल्ली, ता. ११ - माजी राष्ट्रपती डॉ. ए. पी. जे. अब्दुल कलाम यांच्या अधिकृत सरकारी निवासस्थानांचा अजूनही पत्ता नाही. देशातील सर्वोच्च स्थान भूषविलेले डॉ. कलाम सध्या एका साध्या अतिथिगृहात राहत आहेत.
कलाम यांना मध्य दिल्ली, १०, राजाजी मार्ग हे निवासस्थान देण्यात आले आहे; मात्र अजूनही त्याला नूतनीकरणाचा मुहूर्त सापडलेला नाही. सुरक्षेला धोका असणाऱ्या अधिकाऱ्यांसाठी दिल्ली कॅन्टोन्मेंटमध्ये तयार करण्यात आलेल्या अतिथिगृहात सध्या कलाम राहत आहेत. राष्ट्रपतिपदाचा कार्यकाल संपल्यानंतर लष्करप्रमुख मेजर जनरल जे. जे. सिंग यांनी कलाम यांना या तात्पुरत्या निवासस्थानाचा प्रस्ताव दिला होता. कलाम यांनी तो तत्काळ मान्य केला. त्यांना मिळालेल्या बंगल्याचे नूतनीकरण लवकरात लवकर करावे, अशी मागणी त्यांचे कार्यालय सार्वजनिक बांधकाम विभागाकडे वारंवार करत आहे. कलाम यांना "लष्करे तैयबा'सहित अनेक अतिरेकी संघटनांकडून धोका आहे. त्यामुळे कलाम यांच्या निवासस्थानामध्ये सुरक्षा संस्थांनाही विविध सुरक्षाविषयक उपकरणे बसवायची आहेत; मात्र निवासस्थानच तयार नसल्याने त्यांनाही काही हालचाली करता येत नाहीत, अशी स्थिती आहे. या बंगल्यात सध्या केवळ वाळू आणि इतर बांधकाम साहित्याचे ढिगारे आहेत.
--------------------------------------------------------------------------------------------------
ह्याचा अर्थ काय??