वा छानच आहे दृष्टांत! आवडला.
आपले कोणत्याही कार्याची नशा यावरचे विवेचनही आवडले.
एकुणच आपले लेखन गुंडोपंताना आवडते आहे! अजून येवू देत!

आपला
गुंडोपंत
(महाराष्ट्र टाईम्स ची खबर म्हणजे गुंडोपंतावरून उचलेले पात्र?!!!! मग असे करण्या आधी गुंड्याला सांगायलाहे नको?)

कशाचीही नशा वाईटच.आपले मुद्दे पटले.
पण 'इतर कशाचीही' आणि 'दारु, ग्रास,सिगारेट , विडी, तंबाखू, गांजा, एल् एस् डी, कोकेन इ.' या दोन नशाप्रकारात मोठा फरक दुसर्‍या प्रकाराने होणारे गंभीर शारीरीक परीणाम हा आहे त्यामुळे त्यातल्या त्यात निवडीत पहिल्या प्रकारच्या नशेचे पारडे जड असावे असे वाटते.

तात्पर्यः कुठलेही काम अथवा क्रिया करताना माणसाने ते मन लावून करावे (वी) पण त्याचा दुरूपयोग न होता उचीत उपयोग होण्यासाठी आणि स्वतःस त्याचा त्रास होऊ न देता "आत्मोद्धारासाठी" म्हणून त्या कार्याची "नशा चढणार नाही "याची काळजी घ्यावी.

भेदक वाक्य आहे हे... दिवसभराच्या कमाईचे स्वतःचे आणि बायकोचेही सगळे पैसे हिसकावून घेवून ते हातभट्टीच्या बाटलीमध्ये बुडवून अखंड गालिप्रदान सोहळा साजरा करणार्‍यांच्या नशेची तुलना ही कामाच्या नशेशी होत आहे हे पाहून प्रसन्न वाटले.

यावरुन आठवले या सदरातः
प्रश्नः माणूस व डुक्कर यात फरक काय आहे?
उत्तरः दारु प्यायलेले डुक्कर माणसासारखे वागत नाही.
(ह.घ्या. )

गांधीजींच्या बाबतीत असे म्हणतात की त्यांच्या गरीबीच्या साध्या गरजा पूर्ण करणे (शेळीचे दूध, फळे, खजूर वगैरे) बरेच महागडे होते. सुनीता देशपांडे यांनी शंकरराव देव आणि कर्मवीर भाऊराव पाटलांच्या खर्चिक साधेपणाचे असेच किस्से लिहिले आहेत. दारुची नशा वाईट की दारुला विरोध करण्याची नशा वाईट हे सांगणे अवघड होईल. एकंदरीत नशा वाईट यावर बाकी एकमत व्हावे!
सन्जोप राव

पुण्यातील चतु:श्रुंगी टेकडीवर आमचे ( पोलिस बिनतारी विभागाचे) एक् पुनर्प्रक्षेपण केंद्र आहे. तेथे काही वर्षांपुर्वी ची घटना. १९८६)पत्र्याच्या टपरीत आमचे स्टेशन, तेथे एक अतिरिक्त पिल्लू कुत्रा आश्रयास आला. ( विकि नावाचा एक होताच्) त्याला आम्ही शिध्यातील एक ब्रेड चा तुकडा दारुत बुडवून दिला. तो खाईना. मग बळजबरी करुन त्याला खायला घातला. नंतर नंतर तो खाउ लागला. पुढे पुढे तर तो साधा तुकडा टाकला तर खाईना . दारुत बुडवून टाकला तरच खायला लागला. मोकळ्या हवेत मस्त भेलकांडत जाउ लागला.
प्रकाश घाटपांडे ( आता स्वे,नि.)

असे थोरांचे होते तर तुम्ही आम्ही कोण लागून गेलो!

हाच आधार बर्‍याच दारुड्यांना ( स्वारी सोशल ड्रिंकर्स ना) दिलासा देतो. पुढे समर्थनासाठी युक्तिवाद ठरतो.
प्रकाश घाटपांडे

Too Good is Too bad अति चांगुलपणा देखिल वाईटच. उपयुक्तता मूल्य जसे आवश्यक आहे तसे प्रसंगी उपद्रवमूल्य देखिल आवश्यक आहे. दारु पिल्यावर माणूस नकळत खरे बोलतो असे म्हणतात, नार्को ऍनालिसिस याच तत्वावर आधारले आहे.
प्रकाश घाटपांडे

आमचं उर्दू तसं बेताचंच आहे, पण एक शेर आठवतो..

'लुफ्त मै क्या कहू तुझसे जाहिद,
हाय कंबख्त तुने पीही नही!'

आमचं मत विचाराल तर प्रमाणात प्यायली, केवळ् एक गंमत, मजा म्हणून प्यायली तर दारू, तंबाखू वाईट नाही. अट फक्त एकच की आपला दारूवर कंट्रोल हवा, दारुचा आपल्यावर नव्हे! :)

ज्याला हे जमत नसेल त्याने तिच्या वाटेला जाऊ नये!

पण एखाद दोन पेग पिऊन यमन किंवा पुरिया गायला जी मजा येते तशी मजा न पिता मात्र येत नाही हा माझा वैयक्तिक अनुभव आहे!

दुसरी गोष्ट म्हणजे आपल्या व्यसनापायी कुणाची लुबाडणूक, फसवणूक होता कामा नये. दारु पिऊन बायको-मुलांना मारझोड करणे, त्यांच्या आयुष्याची माती करणे हा माझ्या मते अक्षम्य गुन्हा आहे!

असो,

आपला,
(चिमुटभर सातारी तंबाखूचा आणि छानश्या विदेशी मद्याच्या दोन पेगस् चा प्रेमी!) तात्या.

व्यसनमुक्ति केंद्रात व्यसनी माणसाला आणल्या नंतर त्याला तल्लफ आल्यावर काहीच न मिळण्याची व्यवस्था असते. त्यातून दिखील एकाने मार्ग काढला तो म्हणजे कॉफी साठी आणलेली जायफळे लंपास करायचा. जेव्हा चहा कॉफी च्या हिशोबात वाढ झाली तेव्हा हे प्रकरण उघडकीला आले.

प्रकाश घाटपांडे

"पुर्वी दारु पिणार्‍या माणसाला तो कर्तृत्ववान असला तरी समाजात प्रतिष्ठा नसे . आता त्याच्या दारु पिण्यालाही प्रतिष्ठा व ग्लॅमर मिळाले आहे. वास्तू शास्त्राचेही असेच झाले आहे..........."
(ज्योतिषाकडे जाण्यापुर्वी... पुस्तकातील फेंग शुई! वास्तुशास्त्राला चिनी चॅलेंज या प्रकरणातून उद्धृत)
[अवांतर- वाजवलीच का टिमकी? काहींच्या मनातील विचार ओळ्खणारा ]
प्रकाश घाटपांडे

मद्यपानाच्या दुष्परिणामांबद्दल मुक्तांगण संस्थेतून व इतर ठिकाणी मिळालेली माहिती खाली देत आहे.

१. मद्यपानामुळे केवळ मद्यपीच नव्हे तर समाजातील इतरांना धोका उत्पन्न होऊ शकतो. मद्यपान करुन वाहने चालवणे, मद्यपानानंतर तोल सुटलेल्या अवस्थेत मारहाण करणे, गोंधळ घालणे, हिंसात्मक वर्तन होऊ शकते.
व्यावसायिक:
अ. कार्यालयामध्ये अनुपस्थिती: निर्व्यसनी माणसापेक्षा मद्यपी हे आजारपणाच्या रजा घेण्याची शक्यता जास्त असते.
ब. कामाच्या ठिकाणी अपघातः मद्यपी काम करत असलेल्या ठिकाणी अपघात होण्याची शक्यता २५ टक्क्याहून अधिक. त्यापैकी ६० टक्के अपघात हे प्राणघातक.
क. कार्यक्षमता: मद्यपींच्या कार्यक्षमतेमध्ये मोठ्या प्रमाणावर घट होते. सहकार्‍यांबरोबरचे त्यांचे वर्तन हे मित्रत्त्वाचे राहत नाही. आपल्यासोबत "बसणार्‍या" मित्रांच्या संगतीत रमण्याकडे कल उत्पन्न होतो.
कौटुंबिकः
अ. मद्यपींची आपल्या जोडीदाराशी, कुटुंबीयांशी आणि मुलाबाळांशी असलेली वर्तणूक ही अतिशय वाईट असते.
ब. गर्भवती स्त्रीने मद्यपान केल्यास http://en.wikipedia.org/wiki/FASD हा रोग नवजात अर्भकाला होण्याची शक्यता असते.
क. बालकाच्या व कुटुंबाच्या सामाजिक, आर्थिक व मानसिक आरोग्यावर परिणाम होतो. कुटुंबातील सदस्यांमध्ये भीती, उदासीनता, नैराश्य यासारख्या भावना वाढीस लागतात.
ड. घराबाहेर दारु पिण्याची सवय असल्यास कुटुंबीयांना पुरेसा वेळ देणे शक्य होत नाही.

अशा प्रकारे मद्यपींच्या आर्थिक, कौटुंबिक, सामाजिक, मानसिक आरोग्यावर परिणाम होतो.

याविषयी अधिक माहिती जागतिक आरोग्य संघटनेच्या माहितीपत्रकांमध्ये मिळेल.
दुवा १.

दुवा २.

दुवा ३.

कुठल्याही लेखात नुसता दारू हा शब्द दिसला की उपक्रमींचे झिंगलेले प्रतिसाद सुरू होतात. एखाद्या टीटोटलरलासुद्धा हे प्रतिसाद वाचून झिंगायला होईल. --वाचक्‍नवी

दारूच्या संदर्भात आमच्या रावसाहेबांनी सांगितलेली एक कथा आठवते.

एक अत्यंत भला मनुष्य असतो. अगदी निर्व्यसनी, कधीही तंबाखुला, दारुला स्पर्श न केलेला. त्याची तब्येतदेखील अगदी उत्तम असते. त्याचे सर्व नातेवाईक, मित्रमंडळी मिळून त्याच्या घरी जमून त्याची साठी साजरी करत असतात. मोठा दिमाखदार सोहळा सुरू असतो. सरतेशेवटी त्याला त्याच्या ६० वर्षांच्या निकोप व उतम तब्येतीचं गुपित विचारण्यात येतं.

उत्तरादाखल तो भाषण करण्याकरता उभा राहतो आणि बोलू लागतो.

"मंडळी, मी कधीही तंबाखू खाल्ला नाही, दारू प्यायलो नाही, हेच माझ्या उत्तम तब्येतीचं गुपित आहे."

तेवढ्यात बाजुच्या खोलीतून जोरजोरात आरडाओरड आणि बोंबाबोंब ऐकू येते. अत्यंत स्पष्ट आणि कानठळ्या बसणारं ओरडणं वगैरे ऐकू येऊ लागतं. त्यामुळे सगळी लोकं चपापतात आणि गोंधळतात.

हे पाहून तो मनुष्य हसून म्हणतो, "अहो विशेष काही नाही मंडळी. माझे नव्वद वर्षांचे वडील बाजुच्या खोलीत दारू पिऊन तमाशा करताहेत. हे त्यांचे नित्याचेच आहे! आपण काळजी करू नका..

"हां तर काय सांगत होतो मी? हां, तर माझ्या सुंदर तब्येतीचं गुपित!"

:)

तात्या.