शिल्पाजी आपण दिलेली माहिती जर खरोखरच वस्तुस्थिती म्हणून असेल तर फार छान झाले असे म्हणता येईल. पण मी अशीही माळकरी माणसे बघितली आहेत की जी दारु पिण्याच्या प्रसंगी माळ बाजूला काढून ठेवतात. तसेच दारु पिऊन वर धिंड काढली गेली तरी लाज-लज्जा न वाटणारीही बरीच मंडळी बघितलेत.त्यामुळे ही परिस्थिती किती दिवस टिकेल ह्याबाबत मी साशंक आहे. अवांतर: अशाच एका प्रसंगावर सुप्रसिद्ध लेखक द.मा. मिरासदार ह्यांची ’धिंड’ ही गोष्ट वाचण्यासारखी आहे.

===========================
मराठी भाषा हा माझा प्राणवायु आहे.
===========================

हा लेख वाचून आनंद झाला. डांगरेघरच्या समस्त रहिवाशांचे अभिनंदन.

तसेच त्यांची मिरवणूक काढायला सुरवात केली.
मिरवणूक म्हणू नका - धिंड म्हणा- यावर शंकर पाटलांची 'धिंड' कथा आठवली

’धिंड’ ही शंकर पाटील ह्यांचीच कथा आहे.
ती ’दमां’ ची आहे असे मी चूकून म्हणालो.त्याबद्दल क्षमस्व!
विसूनानांनी चूक सुधारल्याबद्दल त्यांचे आभार!
===========================
मराठी भाषा हा माझा प्राणवायु आहे.
===========================

नमस्कार शिल्पाजी,

मी दारुबंदी विषयक आपल्या एखाद्या नवीन लेखाची मी वाटच पाहात होतो, तेवढ्यात आपला लेख आलाच! मध्यंतरीचे आपले लागोपाठ दोन लेख दारुबंदीवरचे नव्हते त्यामुळे खूपच सुनंसुनं वाटत होतं!

हा लेख बाकी सुरेखच आहे हो. अहो वाचताना डोळ्यातले आनंदाश्रू काही केल्या थांबतच नव्हते! :)

दारुबंदीवरील पुढील लेखाला मनःपूर्वक शुभेच्छा..

तात्या.

शिल्पाजी,
लेख आवडला.

"डांगरेघर' हे सातारा जिल्ह्यातील जावळी तालुक्‍यातील सह्याद्रीच्या कुशीत वसलेले छोटेसे गाव. हे वाचल्याबरोबर मनात आले या लेखाचा समारोप या गावाची दारु सुटल्याशिवाय होणारच नाही.सेव्हन वंडर्स पेक्षाही, तुम्हाला या गावोगावीच्या दारु सुटल्याच्या बातम्या मिळतात कुठुन याचेच आम्हाला वंडर वाटत असते.

एखादा माणूस पिऊन आलेला दिसला, की या महिलांनी त्यांच्या अंगावर गुलाल टाकून त्याचा "सत्कार' करायला सुरवात केली. तसेच त्यांची मिरवणूक काढायला सुरवात केली. या महिलांचा हुरूप पाहून डांगरेघरची ग्रामपंचायतही मागे हटली नाही. दारू पिणाऱ्या लोकांना पकडून ग्रामपंचायतीत कोंडून 50 ते 100 रुपये दंड वसूल केला जाऊ लागला.

अवांतर :-) आपण काही डांगरेघर या गावी जाणार नाही.दंडाच्या रकमेचे काही नाही हो,हा लेख वाचल्यापासून त्या गावात तात्या,गुंड्याभाऊ,आणि त्यांच्यामागोमाग मलाही मिरवत आहेत असेच स्वप्न पडते आहे ;)

नामस्मरण सप्ताहाने आख्खे गावच्या गाव व्यसनमुक्त झाले हे वाचून अंगावर रोमांच उभे राहिले. (शेवटी खिडकी बंद केली तेंव्हा जरा बरे वाटले.) तरुण पिढीच्या व्यसनाधीनतेवर हा रामबाण (पहा, इथेही राम आहेच!) उपाय ठरेल असे मनात येऊन गेले. दारु पिऊन ऐश्वर्याच्या ( आता सौ. ऐश्वर्या म्हणायला पाहिजे नाही का?) घरासमोर धिंगाणा घालणार्‍या सलमान खानला गुरुचरित्राचा सप्ताह करायला सांगावा असे मनात आले. (दोन्ही खांद्यांवर पदर घेऊन समईत तेल घालायला आलेल्या कतरीना कैफचे चित्र डोळ्यासमोर येऊन डोळे पाणावले!) कोकेन प्रकरणात अडकलेला फरदीन खान सोवळे नेसून लघुरुद्र करतो आहे , संजय दत्त नरसोबाच्या वाडीला टेंबेस्वामींच्या उत्सवात पंगतीत पाणी वाढतो आहे, राहुल महाजन हातात एकतारी घेऊन 'साहावळे रूप इटोबाचे...' म्हणत दिंडीत सहभागी झाला आहे आणि मागून आख्खी अल्कोहोलिक ऍनानिमसची पलटण चालते आहे, अनिल अवचटांनी 'मुक्तांगण' बंद करुन तेथे दारुच्या कारखान्यात काम करणार्‍या महिलांच्या बाळांसाठी पाळणाघर काढले आहे...अशी चित्रे दिसू लागली. त्या धुंदीत शेजारुन चालणार्‍याला किंचित धक्का लागला आणि तो तरबत्तर होऊन 'अबे, पियेला है क्या..' असे काहीसे म्हणाला ते आमच्या लक्षातही आले नाही!
सन्जोप राव

शिल्पाताई,

डांगरेघर ग्रामस्थांचे विशेषतः तिथल्या महिलांचे हे अनुकरणीय कार्य आमच्यापर्यंत पोहोचवल्याबद्दल धन्यवाद! खेड्यापाड्यातील लोक पापभीरू असतात, देवाधर्मावर त्यांची भोळीभाबडी का असेना पण श्रद्धा असते त्यामुळे हरिनामाच्या मार्गाने व्यसनमुक्ती हा खरेच योग्य उपाय आहे.

व्यसनांचे उदात्तीकरण करण्याची किंवा व्यसनमुक्तीवाल्यांची टवाळी करण्याची प्रवृत्ती बरेचदा दिसून येते. पण शहरात राहणार्‍या आणि एका मर्यादेत राहून व्यसनांच्या आहारी जाणार्‍या लोकांची तुलना अल्पशिक्षित ग्रामस्थांशी करता येणार नाही. खेड्यातील एखाद्या माणसाचे व्यसन त्याच्या संपूर्ण कुटुंबाला देशोधडीला लावू शकते याची जाणीव ठेऊन सर्वांनी व्यसनमुक्तीला पाठिंबा दिला पाहिजे.

आपला
(आवाहक) वासुदेव

First they ignore you, then they laugh at you, then they fight you, then you win. - मोहनदास गांधी

दारुमुळे व्यसन लागते असा मग दारूच्या बाटलीवर शिक्काच का असु नये?

आपला
गुंडोपंत

उपक्रमी मित्रांनो,
प्रतिसाद द्यायला मलाही आवड्ते. परंतु आत्तापर्यंतच्या प्रतिसादांचा रोख लक्षात घेता, त्यामुळे वादच निर्माण होऊ शकतो, असे वाटते. अन् विनाकारण वाद घालून वेळ दवडायला मला आवडत नाही. कारण यातील काही प्रतिसाद केवळ् स्त्रित्वाचा अपमान होईल असे आहेत. समाजातील वेगळ्या विषयावरची माहिती द्यावी हा माझा शुध्द हेतू आहे. आपल्याला भारतीय समाजात चाललेले वेगळे आणि चांगले प्रयोग वाचायला आवडत नसतील तर इथून पुढे मी येथे लिहिणार् नाही.

मी माघार घेत नाही, चांगल्या गोष्टींची कदर करणारेही आहेत, ते माझे लिखाण यापुढे याठिकाणी वाचू शकता.

माझे उपक्रमावरील खाते त्यावरील् लेख् व प्रतिसादांसह बंद करावे अशी उपक्रमाच्या प्रशासकांना विनंती करते.

आपल्याला केवळ उथळ लिखाण आवडत असेल तर इथून पुढे तसा स्पष्ट उल्लेख करावा, म्हणजे नविन सदस्यांना समस्या येणार नाही.