अहो, नास्तिकांनाही (किंवा अँटी ऍथेइस्टांनाही) "श्रद्धां"जलीच का शेवटी? ;-) आदरांजली असे अधिक सयुक्तिक ठरले असते.

असो. विडिओ बघून उर्वरित मत प्रकट करेन.

गेल्या वर्षी टोरांटोमध्ये हिचेन्स आणि (अलीकडेच कॅथॉलिसिझमचा स्वीकार केलेले) टोनी ब्लेअर ह्यांच्यामध्ये Is Religion A Force For Good In The World? ह्या विषयावर श्रोत्यांसमोर खुला वाद झाला होता. त्याचा १ तास ४८ मिनिटांचा पूर्ण विडीओ येथे बघता येईल. वादाच्या शेवटी झालेल्या मतदानात ६८% मते विरुद्ध आणि ३२% बाजूने पडली.

हिचेन्स आणि रब्बाय् बोटीऍक ह्यांच्यामधील ईश्वराच्या अस्तित्वाविषयीची खुली चर्चा (१ तास ३४ मिनिटे) येथे पहाता येईल.

वॉटरबोर्डिंगचा प्रत्यक्ष अनुभव घेऊन हिचेन्स ह्यांनी वॅनिटी फेअर मध्ये लिहिलेला लेखहि मी वाचला होता.

'गॉड इज़ नॉट ग्रेट'वाला हिचिन्ज़ टर्मिनल कॅन्सरने आजारी होता हे माहीत असूनही त्याचे निधन झाले आहे ह्यावर विश्वास बसत नाही. पुन्हा एकदा हिचिन्जचे यूट्यूबवरील काही विडियो बघितले. . एखाद्याचा (बहुधा आस्तिकांचा) थंडपणे उत्तम अपमान, तेजोभंग कसा करायचा हे कुणी (बहुधा नास्तिकांनी) त्याच्याकडून शिकावे. त्याला आदरांजली.

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

अरेरे! मृत्यूची बातमी माहित नव्हती
वाईट वाटले! प्रो-थेईस्ट (इश्वर एकच सत्य) ते ऍंटीथेईस्ट(इश्वरविरोधी) या वर्णपटलातील ईन्फ्ररेड रंग हरवल्यासारखे वाटावे इतका खंदा लढवैय्या गेला!

ऋषिकेश
------------------
एक प्रसिद्ध हायकू:
कमल घर
बघ कमल घर
कमल बघ

कॅन्सर घातक आहे, हे निश्चित कळल्यानंतर "आफ्टरलाइफ"बाबत केलेली भाषणे ऐकण्यासारखी आहेत. त्याची थोडी झलक वरच्या चित्रफितीतही दिसते.

जगबुडीच्या चार घोडेस्वारांमध्ये मला ते सर्वाधिक बोचरे वाटत.

मराठी असे आमुची मायबोली तिला बैसवूं वैभवाच्या शिरी |
***********************************
क्रिस्तोफर हिचेन्स हे प्रभावी वाक्पटु होते.त्यांचे शब्दसामर्थ्य अफाट होते.विषयाला समर्पक असे अनेक वाङ्मयीन संदर्भ त्यांच्या जिव्हाग्रावर असत.प्रतिपक्षाच्या मुद्द्यांचे खंडण करण्याची त्यांची हातोटी विलक्षण होती.त्यांच्याशी वादविवाद करताना प्रतिपक्षी हतप्रभ होत असे वाचले आहे.हिचेन्स यांच्या निधनाने जागतिक नास्तिकवादी आंदोलनाची मोठी हानी झाली आहे.
..
क्रिस्तोफर हिचेन्स यांचे कांही विचार:
*मदर तेरेसांना गरीब माणसे आवडत नसत. त्यांना गरिबी आवडत असे."दु:खभोग ही देवाची देणगी असते." असे त्या म्हणत.स्त्रियांना सक्षम आणि सबल करणे, सक्तीच्या प्रजोत्पत्तीसाठी स्त्रियांची सध्या जी पाळीव जनावरासारखी स्थिती आहे त्यातून त्यांची मुक्तता करणे,हा त्यांची गरिबी दूर करण्याचा जो खरा उपाय आहे त्याला मदर तेरेसा यांनी आयुष्यभर विरोध केला.
..
*"टेक्सास राज्याचे गव्हर्नरपद मिळाले म्हणून जॉर्ज डब्ल्यु बुश भाग्यवान आहेत असे म्हणायचे. अभूतपूर्व अजिज्ञासू वृत्ती, असामान्य निर्बुद्धपणा, आश्चर्यकारक वक्तृत्वहीनता, विस्मयकारक असंस्कृतपणा,अतिविलक्षण अशिक्षितता अशा गुणांनी युक्त असलेल्या जॉर्ज बुश यांना आपल्या या "गुणांचा" अभिमान वाटतो !"
.
*श्रद्धा म्हणजे मनाची शरणागती.बुद्धीची शरणागती.ज्या गोष्टीमुळे आपण जनावरांहून भिन्न आहोत त्या गोष्टींची शरणागती.कुणावरतरी अथवा कशावरतरी पूर्ण श्रद्धा ठेवून त्याच्या पायाशी आपल्या बुद्धीसह आपली शंका विचारण्याची स्वाभाविक वृत्ती गहाण ठेवणे हे मला अत्यंत मानहानीकारक वाटते.धार्मिकांनी श्रद्धेला गुण मानून तिचे अवास्तव स्तोम माजवून ठेवले आहे.
.
*श्वानधनींना हे समजलेच असेल की जर तुम्ही कुत्र्यांना आश्रय दिला, चांगले खाणे-पिणे दिले,प्रेम दिले तर तुम्ही देव आहात असे त्या कुत्र्यांना वाटते.तसेच मार्जारस्वामींना हे अपरिहार्यपणे कळून चुकले असेल की तुम्ही जर मांजरांना आश्रय दिला,चांगले खायला-प्यायला दिले,प्रेम दिले तर आपणच देव आहोत असा निष्कर्ष ती मांजरे काढतात.
[क्रिस्तोफर यांनी हे कोणत्या संदर्भात म्हटले आहे ते मात्र ठाऊक नाही....यनावाला]

*श्वानधनींना हे समजलेच असेल की जर तुम्ही कुत्र्यांना आश्रय दिला, चांगले खाणे-पिणे दिले,प्रेम दिले तर तुम्ही देव आहात असे त्या कुत्र्यांना वाटते.तसेच मार्जारस्वामींना हे अपरिहार्यपणे कळून चुकले असेल की तुम्ही जर मांजरांना आश्रय दिला,चांगले खायला-प्यायला दिले,प्रेम दिले तर आपणच देव आहोत असा निष्कर्ष ती मांजरे काढतात.
[क्रिस्तोफर यांनी हे कोणत्या संदर्भात म्हटले आहे ते मात्र ठाऊक नाही....यनावाला]

ह्या अभ्युपगमात पालकाच्या अस्तित्वाबद्दल शंका व्यक्त केलेली दिसत नाहिये, बहुदा मार्जार आणि श्वान ह्यांच्या कृतज्ञते/कृतघ्नतेबद्दल ते भाष्य आहे.