लष्करात भ्रष्टाचार नाही असे आपल्याला कशावरून वाटते?

तुम्ही भारतात असाल तर तुमच्या भ्रमणध्वनीवर उपक्रम चे नवे लेख एस.एम.एस. ने मिळवण्यासाठी हे पाहा.

चिथावणी देणारे लेखन उडवावे.

(वटवटफार) नितिन थत्ते

भारताची ढासळलेली राजकीय परिस्थिती.... पाहता हा संपूर्ण देशच लष्कराच्या जवानांच्या ताब्यात सर्व सुधारणेसाठी... द्यावा असे माझे मत झाले आहे.

हे मत श्री. ठणठणपाळ यांचे आहे, की त्यांनी वाचलेल्या बातमीतले?

(शिवाय हा लेख उलट्या अर्थाने घ्यायचा आहे, की सुलट्या अर्थाने घ्यायचा आहे? हे माझ्यासाठी हवे तितके स्पष्ट होत नाही, क्षमस्व.)

धनंजयशी सहमत. सुलट्या अर्थाने घेऊन खालील प्रश्न येतो.
देश लष्कराच्या ताब्यात द्यायचा म्हणजे काय करायचं ते कळलं नाही. ११० कोटी लोकांचा देश चालवण्यासाठी जी यंत्रणा लागते ती विस्थापून तिथे सैन्यातले लोक टाकणे असा अर्थ असेल तर त्यासाठी पंधरा लाख लोक पुरेसे नाहीत. कित्येक कोटी हवेत. त्यात त्या विशिष्ट क्षेत्रातलं ज्ञान, अनुभव नसल्यामुळे सावळा गोंधळ होईल तो वेगळाच.
मला वाटतं तुम्हाला असं म्हणायचं आहे की लष्कराशी जी शिस्त व एफिशियन्सी आपण जोडतो त्या पद्धतीने सर्वच कामं युद्धपातळीवर व्हायला हवी. त्याबद्दल दुमत नसावं. पण एक लक्षात घ्यायला हवं की लष्कराला जवानांचे प्राण बाजीला लावण्याचे अधिकार असतात. तसं सरकार ऐकायला छान वाटतं, पण प्रत्यक्षात अत्यंत छळवादी होऊ शकतं. दुसरं असं की लष्कराची शिस्त व कार्यक्षमता ही लष्कराने निर्माण केलेली प्रतिमा आहे. यात जो अनागोंदी कारभार होतो तो सोयीस्करपणे प्रतिमा डागाळू नये म्हणून राष्ट्रीय सुरक्षेच्या नावाखाली झाकला जातो. सध्या निदान तो दिसतो तरी, व लोकांच्या आवाज उठवण्यातून सुधारण्याचा तरी प्रयत्न होतो.

राजेश

द्रौपदीचे सत्त्व माझ्या लाभु दे भाषा-शरीरा
भावनेला येउं दे गा शास्त्र-काट्याची कसोटी

भारतीय सैन्याचा इतिहास हा सत्ता हातात घेण्याचा...आपल्या विचारांचे स्वागत आहे.

ह्याचा काय अर्थ होतो ओ ? आणि हे तुम्हास शिर्षकास योग्य का वाटते ?

---------------------
वाद विवादात "जो शेवटचं वाक्य बोलतो / लिहीतो तो जिंकला" असा समज is = गैरसमज
-धनंजय कुलकर्णी

आपल्या विचारांशी अजिबात सहमत नाही

ऋषिकेश
------------------
कधी कधी तुम्ही काय बोलताय हे तुम्हालाहि कळत नाहि, इतके तुम्ही हुशार आहात का?

१९७५-७७च्या एमर्जन्सीच्या काळातील सैनिकी शिस्तीचा अनुभव अनेकांच्या स्मरणात असेलच. त्या काळी गाड्या वेळेवर धावण्याचा व इंदिरा गांधींचा वीस कलमी कार्यक्रम राबवण्यासाठी सगळी शासन यंत्रणा राबत असल्याचा भास निर्माण केला होता. गरीबी हटवण्याच्या घोषणा हवेतच विरून गेल्या व अजूनही गरिबी हटतच आहे.
सैन्याने त्यांना नेमून दिलेली कामे नीटपणे, प्रामाणिकपणे, वेळेवर, व कुठलाही भ्रष्टाचार न करता केले तरी पुरेसे आहे. त्यांची यापेक्षा जास्त लुडबुड नको. वादळ, महापूर यासारख्या आपत्कालीन परिस्थितीत प्रशासनाला मदत करणे हे त्यांचे कर्तव्य आहे व ते अनेक वर्षे करतही आहेत.
आफ्रिकन देशातील मिलिटरी सत्तेचा काळाकुट्ट इतिहास समोर असताना असले विचार सुचतातच कसे? शेजारच्या पाकिस्तानची, म्यानमारची जिवंत उदाहरणसुद्धा आपल्यासमोर आहेत.
शहाण्यास जास्त सांगण्याची गरज नाही.

सध्याच्या लोकशाही सरकार ऐवजी लष्कराच्या हाती राजकीय सत्ता सोपवणे नामंजूर!

सिमेचे संरक्षण, अंतर्गत कायदा व सुव्यवस्था राखण्यास गरज असेल तेव्हा मदत व नैसर्गीक आपत्तीत सहाय्य हे लष्कराचे काम आहे व ते त्यापुरतेच मर्यादित रहावे. सैन्याधिकार्‍यांना नागरी प्रशासन चालविण्याचा अनुभव नसतो व त्यांना ते जमेलच असे नाही आणि त्यात एखादा अधिकारी हुकुमशहा होण्याची शक्यता जास्त आहे, हे म्हणजे रोगा ऐवजी ईलाज जीवघेणा असे होईल.

जर तुम्हाला सैन्याधिकार्‍यांच्या प्रशासन कौशल्या विषयी जाणून घ्यायचे असेल तर कॅन्टोनमेंट मधे राहणार्‍यांशी एकदा बोलून पहा. पुण्याजवळ तीन (देहुरोड, खडकी व पुणे) व नाशीकजवळ एक (देवळाली) कॅन्टोनमेंट आहेत. येथील रहिवासी सैन्याधिकार्‍यांवर का खुष नाहित? ज्यांना शक्य होते व परवडते ते जवळच्या नगरपालिकांच्या हद्दीत स्थलांतर का करताहेत? कार्यक्षम व प्रामाणिक अधिकारी असूनसुद्धा रस्ते, फुटपाथ्, गटारे, शाळा, रुग्णालये, व ईतर सार्वजनीक बांधकामांचा दर्जा उत्तम का नाही? याची उत्तरे शोधा म्हणजे तुमच्या लक्षात येईल की लष्करशाही का नकोय ते.

- शिपाईगडी

लष्करशहा असो की लोकशाहीने निवडलेले लोकप्रतिनिधी, सत्तेच्या खुर्चीची उब मिळताच सारे एकसारखेच वागू लागतील ही काळ्या दगडावरची रेघ आहे. आपल्या देशातील जनतेच्या मनाची बांधणी मुळापासून नव्याने करण्याची गरज आहे. भ्रष्ट आचार हा आपल्या अंगात इतका मुरलाय की आपण भ्रष्ट आचार करतोय हे आपल्या ध्यानातही येत नाही.

मला येथेही भेट द्या.
http://rajdharma.wordpress.com

आगीतून फुफाट्यात

मी सैन्यात अधिकरी आहे.
मला वाटते प्रत्येकाने आपले काम करावे. सैन्याचे काम शत्रुशी लढण्याचे आहे. तो जर राज्य करु लागला तर सैन्यातला (ब-यापैकी कमी असलेला भ्रष्टाचार वाढेल). राज्य करण्याची कोर कॉम्पिटन्सी नसण्याने त्याना ते जमणार नाही (तसे पाहीले तर पंत प्रधान होउ पहाणारे राहुल गांधीं कडेही कोर कॉम्पिटंसी नाही - हा विषय वेगळा आहे).

आदर्श सोसायटी च्या घोटाळ्यावर भरपुर सध्या लिहुन येत आहे. आज पर्यंत मला स्वतःला आभिमान होता की सैन्य हे सरकारी लाचखोर व पैसाचोरी ह्या पासुन ब-यापैकी दुर आहे. आज तो कमी झाला. जर शासन करते झाले तर काय होईल ह्याची जाणिव यावी ह्यावरुन.

एकदाका सत्तेची चटक लागली की मग जाणार नाही व सैन्याचे जे प्रथम काम (शत्रंशी लढण्याचे) ते पण करण्याच्या परिस्थीतीत राहणार नाही.

http://bolghevda.blogspot.com (मराठी ब्लॉग)
http://rashtravrat.blogspot.com
http://rashtrarpan.blogspot.com