जागतिककरण ग्लोबल जग, ग्लोबल व्हिलेज जग हे आता एक खेडे झाले आहे. सर्व जगाला जास्तीतजास्त जवळ आणण्यासाठी आणि ‘ग्लोबल व्हिलेज’चे स्वप्न प्रत्यक्षात उतरविण्यासाठी गेल्या दोन दशका पासून जगातील तमाम पाश्चिमात्य नेते जीव तोडून प्रयत्न करत होते. आता पाश्चिमात्य देश जागतिककरण करा म्हणत आहे म्हणजे ते चांगलेच असेल असा आमच्या स्वदेशी भारतीयांचा सुद्धा भ्रम झाला .परकीयांचे जे कांही चांगले ते चांगले म्हणत भारतीय नेत्यांनी ही त्यांची री ओढत भारताचे दरवाजे जागतिककरण ग्लोबल जग, ग्लोबल व्हिलेज करता खुले केले. हे मोठेमोठे शब्द विचार ऐकून माझ्या सारख्या माणसाची छाती दडपून जात असे. आता भारतीयांना जागतिक दर्जाच्या वस्तू मिळू लागल्या १००-५०० रुपयांचा पिझ्झा, बर्गर हे पाश्चिमात्य जंक अन्न खाण्यात भारतीय स्वत:ला धन्य समजू लागले. त्याच बरोबर समोर वडापाव ,थालीपीठ दिसले की नाक मुरडणे हे प्रतिष्ठेचे मानले जाऊ लागले. न्यूयॉर्क मध्ये चव घेतलेला पिझ्झा आपल्या देशात खाण्यास मिळत असल्या मुळे तर नव श्रीमंतांना स्वर्ग दोन बोटे उरला असे झाले. या जागतिककरणात वरणभात पोळी, भाजी खाणे कमीपणाचे वाटू लागले. याच वेळी IT उद्योगाची बूम असल्या मुळे सर्व स्वर्गात होते. पाँचो उंगलिया घी में और सर कढाई में अशी भारतीयांची अवस्था झाली होती. त्यातच अमेरिकेत शिकलेले मनमोहन, चिदंबरम , मोन्तेकसिंग सत्तेवर असल्या मुळे तर परदेशी कंपन्यांना रान मोकळे झाले. या मुळे या तिघांची तारीफ करण्याची परदेशियात चुरस लागली . आणि आपण आपले नेते किती हुशार आहे या स्वप्नरंजनात खुश होतो. कम्युनिस्ट , आणि कांही माझ्या सारखे भारतीयांनी आवाज उठवण्याचा प्रयत्न केला तर मागासलेले शिक्का बसला.

पण नियती नावाची जी गोष्ट असते ती हसत होती,आणि तिने मंदीचा एक तडाखा दिला.

आणि त्यात ११ सप्टेंबर २००१ वल्र्ड ट्रेड सेंटरच्या इमारती ज्या प्रमाणे पत्याच्या महाला सारख्या जमीनदोस्त झाल्या त्या प्रमाणे अमेरिकेच्या अर्थव्यवस्थे ची वाताहत झाली. बँकांना रोज टाळे लागू लागले. आणि अमेरिका जागतिककरण ग्लोबल जग च्या स्वप्नांतून जागी झाली. आणि आता त्याचे दूषपरिणाम जाणवत आहेत. राज ला संपूर्ण भारत एक आहे मुंबईचा आमच्या मुळे विकास झाला असे सुनावणे सोप्पे आहे पण पाण्यात जीव जावू लागला तर माकडीण ही पिल्लाला पाया खाली घालून जीव वाचवायचा प्रयत्न करत . त्या माकडीण सारखे आज अमेरिकेचे हाल झाले आहे. आणि अमेरिकेने अमेरिकेच्या प्रतिनिधीगृहात नुकत्याच एकमताने संमत झालेल्या दोन विधेयकांनुसार आता सर्व सदस्यांना अमेरिकेत उत्पादित झालेल्या वस्तू वापरणे बंधनकारक करण्यात आले आहे.
माझ्या मते ते चुकीचे नाही आपल्या देशातील नागरिकांना उपाशी ठेवून दुसऱ्या देशातील नागरिकांची घरे भरण्याचे कांही कारण नाही.
साहबजी देखा अमेरिके का जागतिगकरण
आता अमेरिकेतील नेतेही स्वदेशीचे पुरस्कर्ते
Thursday, September 16, 2010 AT 05:37 PM (IST)सकाळ
Tags: us, politics, international,
वॉशिंग्टन - भारतातील बहुसंख्य राजकीय नेत्यांचे वैशिष्ट्य म्हणजे त्यांचे खादीचे स्वदेशी कपडे. भारतीय राजकारण्यांच्या पावलावर पाऊल टाकत आता अमेरिकेतील राजकीय नेतेही स्वदेशीचे पुरस्कर्ते बनले आहेत. किंबहुना अमेरिकी नेते त्यात एक पाऊल पुढेच गेले असून, स्वदेशी वस्तूंचा वापर त्यांना बंधनकारक करण्यात आला आहे.
अमेरिकेच्या प्रतिनिधीगृहात नुकत्याच एकमताने संमत झालेल्या दोन विधेयकांनुसार आता सर्व सदस्यांना अमेरिकेत उत्पादित झालेल्या वस्तू वापरणे बंधनकारक करण्यात आले आहे. शिवाय डिपार्टमेंट ऑफ होमलॅंड सिक्‍युरिटी या विभागालाही स्वदेशी वस्तूच विकत घेणे अनिवार्य करण्यात आले आहे. या विधेयकामुळे अमेरिकेत नवे उद्योगधंदे तयार होण्यास चालना मिळेल. नोकरीच्या नवीन संधी उपलब्ध होऊन उत्पादन क्षेत्रही वाढीस लागेल, असे मत प्रतिनिधीगृहाच्या अध्यक्षा नॅन्सी पेलोसी यांनी व्यक्त केले waiting reply.