अंक आवडला. जमेल तसे वाचतो आहे.
मराठी आंतरजालाच्या संदर्भातली एक गमतीशीर गोष्ट.

हे वरील उदाहरण म्हणजे "अमुक अमुक गोष्ट केल्या जाईल" या (मराठवाड्याकडच्या ?) वाक्प्रयोगाच्या बरोबर उलट आहे असे धरायचे काय ?

अंक चाळला. सविस्तर नंतर वाचेन. आमच्या प्रिय मैत्रिणीचा चुटकुला वाचला. मागे तिने जय मराठी हा लेख लिहिला होता.

शक्य असल्यास बाईंना प्रोत्साहित करा ही विनंती. त्यांना लेखनाचे अंग आहे.

बायदवे, आम्हीही वाटपच म्हणतो. वाटण नाही. असो.

हा अंक प्रकाशित होऊन त्याचे 'वाटप' झाले आहे का? मला अंकाची कडकप्रत मिळाली नाही.

पानपूरके आवडली..
उज्ज्वला रेगे यांचे लेखन आवडले. लीळाचरित्रातील मराठी कशी असेल ते वाचण्याची उत्सुकता लागून राहिली आहे..

चित्तरंजन,

अंक वाचून अभिप्राय/टिपणी/मत द्या असं म्हटलंय खरं! पण मत मांडयचं कुठे? हे आपण सांगितले नाही.
त्या अंकातील 'प्रतिसाद' या दुव्यावर टिचकी दिली तरी लेखनासाठीची खिडकी उघडत नाही आहे.
या कारणास्तव माझे मत मी येथेच मांडत आहे.
लेखः वर्ण आणि अक्षर लेखकः दिवाकर मोहनी
या लेखात वर्ण व व्यंजन यावर काही मते मांडलेली आहेत. त्यातील गाभा या विधानावर आधारलेला आहे.-"आपल्या नागरी लिपीत ज्याचा उच्चार होऊ शकत नाही असे काहीही लिहिता येत नाही. केवल व्यंजनांचा उच्चार कोणालाही करता येत नाही. "
या विधानावर मला सांगावेसे वाटते कि व्यंजनाचा उच्चार करता येतो. अक्शराचा
(अक्शर=क्शर+स्वर) उच्चार करताना जी पद्धती आपण स्विकारतो त्याच्या अगदि उलट व्यंजनाचा उच्चार करताना स्विकारायची. म्हणजे
(क्शर= स्वर+अक्शर) {इथे क्शर म्हणजे 'व्यंजन'}
उदा.:
क् = अ+क
म् = अ+म
न् = अ+न

इत्यादी.

लहानपणापासून असे शिकवले जायला हवे.

आता हा प्रतिसाद श्री. दिवाकर मोहनी पर्यँत तुम्ही पोहचवावा, हि विनंती!

अतिशय सुंदर अंक.
लेख थोडे अधिक विस्त्रुत(!) असते तर अंक आणखीन आवडला असता.