मी आकडे विचारले तर तुम्ही सामाजिक बांधिलकीचं लेक्चर का देताय? नक्की किती वीज मिळते व किती न्याय्य आहे, या साध्या प्रश्नाचं उत्तर हवं होतं. ते मिळाल्याशिवाय मुळात अन्याय होतो का, व तो किती होतो हे कसं ठरवणार? सुमारे वीस टक्के लोकसंख्येला सुमारे वीस टक्के वीज मिळत असेल तर त्यात अन्याय कुठे झाला? कृपया मूळ लेख वाचा, त्यावरच्या प्रतिक्रिया वाचा...

>तुमच्या विचाराचा विस्तार केला तर श्रीमंत लोक श्रीमंत आहेत म्हणून त्यांना मताचा जास्त अधिकार द्यावा...

उगाच भलतासलता विस्तार कसले करताय, मुळात मी काय म्हणतोय ते तर वाचा! ते जर तुम्हाला कळलं नसेल तर पुढचं बोलणंच खुंटलं....

>भारतात अन्न पाण्या करता लढाया होतील.

जरा थोडं जमिनीवर राहा. अमर्त्य सेन वाचलाय का? पासष्ठ वर्षांपूर्वी दुष्काळात किती मरायचे माहिती आहे का? आता किती मरतात माहिती आहे का? उगीचच आकड्यांशिवाय भयानक चित्रं हवेत का काढताय? आणि यावर 'शेतकऱ्यांच्या आत्महत्या' वगैरे शब्द माझ्या तोंडावर फेकण्याआधी ते मृत्यू किती याचेही आकडे बघा, थोडे डोळे उघडतील.

>उपवर मुली ज्या गावात वीज,पाणी नाही तेथील योग्य मुलांशी ही लग्न करण्यास चक्क नकार देत आहेत.

हा तुमचा गंभीर सामाजिक प्रश्न! अहो प्रश्नच मांडायचा तर किती हॉस्पिटलांमध्ये वीज नसल्यामुळे किती पेशंट मेले याविषयी तरी काहीतरी लिहा. किंवा उष्माघातामुळे किती बळी पडले, निदान या परिस्थितीमुळे कामाची एफिशियन्सी कशी कमी झाली आहे, किंवा कारखान्यातले अपघात कसे वाढले आहेत... पण त्याकरता आपल्या वैयक्तिक अनुभवाची शिदोरी पुरणार नाही, व काहीतरी आकडे वगैरे तपासून बघावे लागतील बरं का.

> केवळ जाणकारच या प्रश्नाचा उत्तर देवू शकणार नाही तर जो सामाजिक बांधिलकीचा विचार करू शकतो तोच या समस्येवर विचार करू शकतो.तोडगा काढू शकतो.

साफ चूक. तोडगा जाणकार काढतात, सामाजिक बांधिलकी असलेले प्रश्न मांडतात. आणि असं काळं पांढरं तरी का करावं?जाणकारांना सामाजिक बांधिलकी नसतेच असं कोणी म्हटलंय? व सामाजिक बांधिलकी असणाऱ्यांना प्रश्नाची किमान जाणकारी नसावी का? ती शिस्त बाळगली नाही की तांत्रिक प्रश्न उगाच नैतिक प्रश्नाप्रमाणे मांडले जातात.

आणि जरा ते फॉर्मॅटिंग वगैरेचं बघा ना राव, इतक्या लोकांनी प्रेमळपणे सांगितलं. वरच्या लेखात माझे शब्द कुठचे व तुमचे कुठचे हे तरी स्पष्ट करा. काही विशेष करायला नको, साधी अवतरण चिह्नं किंवा (पुढील भाग राजेश घासकडवी यांच्या एका प्रतिसादातला आहे) असा कंससुद्धा चालेल. काहीतरी कष्ट घ्या, नुसतीच तळमळ किती दिवस सहन करायची?

राजेश

द्रौपदीचे सत्त्व माझ्या लाभु दे भाषा-शरीरा
भावनेला येउं दे गा शास्त्र-काट्याची कसोटी

हा तुमचा गंभीर सामाजिक प्रश्न! अहो प्रश्नच मांडायचा तर किती हॉस्पिटलांमध्ये वीज नसल्यामुळे किती पेशंट मेले याविषयी तरी काहीतरी लिहा. किंवा उष्माघातामुळे किती बळी पडले, निदान या परिस्थितीमुळे कामाची एफिशियन्सी कशी कमी झाली आहे, किंवा कारखान्यातले अपघात कसे वाढले आहेत... पण त्याकरता आपल्या वैयक्तिक अनुभवाची शिदोरी पुरणार नाही, व काहीतरी आकडे वगैरे तपासून बघावे लागतील बरं का.
माझ्या विचारांना विरोध करण्याच्या भरात तुम्ही वीज कपातीचे आणखी जास्त दुष्परिणाम सांगितले.पण हे आम्हाला रोजचे झाले आहे.त्यामुळे ते लिहिले नाहीत. समान वाटप हा साधा न्याय लागू करण्यास आणि मुंबईला वीज कपात करण्यास का विरोध? दिल्ही ही भारताची राजधानी असली तरी तेथे लोड शेडींग होते तर मुंबईत का नको? तेथे घण्टा भर जरी लोड शेडींग केले तरी खेड्यातील एक बल्ब असलेली ; लाखो घरे प्रकाशमान होतील.मोठ्या शहराच्या हावरटपना मुळे
ग्रामीण भाग उजाड होत आहे.माझे मुद्दे न खोडता उगीच आपण बाकी गोष्टी तावातावाने मांडत आहात . अमर्त्य सेनचे नाव घेण्या पेक्षा शेतकऱ्यांच्या आत्महत्या चा विचार करा.सामाजिक दुषपरीणामाचा विचार करा हे जाणकार कांही सांगतात हे पचोरी यांच्या हिमालयाचा बर्फ वितळणार या सिद्धांत वरून स्पष्ट झाले चूक करूनही त्यांनी पदाचा राजीनामा दिला नाही. मंदीची एक झुळूक आली तर सरकारी कृपेने उभे राहिलेले कारखानदार कामगार कपात करून मोकळे झालेत शेतकरी शेती बंद करत नाही या मुळे भारत मंदीतून सावरला हे सत्य मान्य करण्यास जिगर लागते. मी मांडलेले मुद्दे न खोडता उलट नवीन दुष्परिणाम दर्शवून माझे म्हणणे आपण एक परीने मान्यच केलेत. माझ्या भाषेवर तावातावाने दोष दाखवणार्यानी आजही मुद्दे चूक आहेत म्हणून खोडले नाहीत. तुमची भाषा मी बोलावी, लिहावी हा तुमचा अट्टहास का?

महाराष्ट्र हे असे राज्य आहे
जेथे खेड्यात दर १२ तासांत
तर गावांत ३ तासांत
उत्सव साजरा करतात
लाईट आली लाईट आली.
*************************

+१

आपण सांगतो ते त्यांना कळते आहे का?हे तपासावे.