माहीत नव्हती कथा.
प्रकाश घाटपांडे

कथा माहिती नव्हती. आभार्.....!

-दिलीप बिरुटे

नाही तर शरदबुवांच्या थापांकडे त्यांचे लक्ष नक्कीच गेले असते.

शरदबुवा थापा इतक्या बेमालूम मारतात की जे काही मिळत नाही ते स्कंद पुराणात असते यावर आम्ही सर्व डोळे झाकून विश्वास ठेवत आहोत. ;-) असो. ही गोष्ट देखील अपूर्ण आहे आणि यावरून आमचे पूर्वज महान होते हे सिद्ध होत नाही. ते सिद्ध करण्यासाठी खालील भाग पहा.

व्यास पुढे सांगतात -

ठीक आहे, तुम्ही सर्वांनी मृत्युलोकात जन्म घ्या. तेथे इतरांना असह्य असा पराक्रम करून हजारो लोकांना यमसदनी पाठवा व नंतर परत इंद्रलोकी या. ही स्वर्गलक्ष्मी तेथे तुम्हा सर्वांची पत्नी होईल." तर ते पाच इंद्र पांडव म्हणून जन्माला आले आहेत व द्रौपदी ही स्वर्गलक्ष्मी आहे.

शंकराच्या या आज्ञेला साक्षात नारायणानेही अनुमोदन दिले. त्यानंतर त्याने आपल्या डोक्यावरचे दोन केस काढले. एक पांढरा आणि एक काळा (आता सांगा देव अमर होते तर त्यांचे केस पांढरे कसे झाले?) हे केस गेले रोहिणी आणि देवकीच्या गर्भात. (वसुदेव नेमका काय करत होता? आणि नारायणाच्या केवळ केसा पासून श्रीकृष्ण जन्मला तर त्याला अवतार म्हणता यावे का? आणि बलरामाचे काय? दुसरीकडे कोठेतरी बलराम हा शेषनाग होता अशी गोष्ट मिळते. अरेरे! व्यास अजबच होते.) आणि जन्मले बलराम आणि कृष्ण.

आता हेच व्यास चैत्ररथपर्वात युधिष्ठिराला वेगळीच गोष्ट सांगतात. त्यात म्हणे -

एका ऋषीकन्येला तिच्या पूर्वजन्मांतील पापांमुळे या जन्मी दुर्दैव प्राप्त झाले होते. तिला कोणी नवरा मिळत नव्हता. त्यावर उपाय म्हणून तिने कडक तप आचरले. तिच्या तपावर शंकर प्रसन्न झाला आणि म्हणाला की हवा तो वर माग. या कन्येने आनंदाने "मला एक सुयोग्य वर हवा." अशी मागणी पुन्हा पुन्हा केली. त्यावर शंकराने वर दिला की भारतवर्षातील पाच सुयोग्य राजपुत्र तुझे पती होतील. कन्या म्हणाली, "मी फक्त एकच वर (पक्षी: नवरा) मागितला होता. हे पाच वर नकोत." शंकर म्हणाले, "तू वर (पक्षी: बून) पाच वेळा मागितलास. तेव्हा या जन्मी नसेल तर पुढील जन्मी तरी तुला पाचांची पत्नी व्हावेच लागेल." आणि अशा प्रकारे द्रौपदीला पाच पती मिळाले.

संदर्भ: येथे आहे.
आता बघा की आमचे पूर्वज महान का होते.

द्रौपदीला पाचांची पत्नी बनवण्याचा हेतू साध्य करण्यासाठी व्यासांनी जो मुत्सद्दीपणा दाखवला तो आजही वाखाणण्यासारखा आहे. ;-) खरे नाही, खोटे नाही जे काही मनाला येईल त्याला पूर्वजन्माचे नाव देऊन दिले ठोकून. (आजही अनेकजण पूर्वजन्माच्या संचितावर लोकांच्या "नाड्या" आवळतात म्हणे) ज्यांच्याशी आपण हा प्रकार करतो आहोत ते आपला नातू आहे आणि पुढे द्रुपद-युधिष्ठीर सासरा-जावई होणार आहेत याचा विचार न करता बेमालूमपणे व्यासांनी ज्या थापा ठोकल्या आणि "दुनिया पागल है| पागल बनानेवाला चाहिये" या तत्वाचा वापर केला तो आजही कोणा मुत्सद्द्याला करता यावा. किंबहुना, ते करत असावेतच.

अवांतरः वरील प्रतिसादाकडे गंमत म्हणून पहावे. गांभीर्याने दिलेले मत येथे आहेच.

आधीच्या जन्मात शंकराला, पाच वेळा "पती दे" असे म्हणल्याने द्रौपदीस पाच पती मिळाल्याचे वाचले होते. महाभारत मालीकेत त्याला जरा शर्करावेष्ठीत करत पाच गूण असलेला पती मागितला, पण असे गूण एकात असणे शक्य नव्हते तेंव्हा तुला पाच पती मिळाले असे श्रीकृष्ण द्रौपदीस सांगतो अशी मला वाटते अधुनिक हरदासी कथा घेतली आहे.

मात्र वर शरद यांनी सांगितलेली कथा नवीनच आहे. त्यातील एक भाग कळला नाही, "एक दैदीप्यमान, लावण्यवती स्त्री", स्वर्गलक्ष्मी आहे इतके कळले, पण "ती अश्रु ढळत" का बसली होती? हे समजले नाही.

--------------
मी या आणि इतर संकेतस्थळावर केवळ "विकास" याच नावाने वावरतो. त्याच्या मागेपुढे उभ्या (||) आडव्या (=), तिरप्या (\\ //) आदी कुठल्याच प्रकाराच्या रेषा नसतात. त्या अर्थाने माझी कुठेही शाखा नाही. :-)

स्वर्गलक्ष्मीने अश्रु ढाळू नयेत तर काय करावे ? जर हिमालयातला एक भणंग जोगी जरा राग आला म्हणून तुमच्या एक,दोन, नाही तर चार नवर्‍यांना (चार पूर्वेंद्र) गर्तेत ढकलून देत असेल तर बिचारी दुसरे काय करू शकते ?
एका प्रश्नाचे उत्तर तर दिले. पण बुवांच्या प्रश्नाचे काय ? अमेरिकेत वाती वळतांना काय चर्चा चालते ?
शरद (अमेरिका नकाशातच पहाणारा)