गडबडीत लिव्हतानी जरशीक गडबड झाली.
चर्चाप्रस्तावामधी पर्याय भाषा पडला तिथं सामाजिक राजकारण् असे बदल प्रशासनाने करावे ही इनंती

ह्याला काय वाटतं आणि त्याला काय वाटेल याचा इचार करायमधी आपून टैम नै घालीत फटकन लिहून मोकळं !

बाबूराव :)

प्रश्न असा विचारायचा हाये की लोक अशा प्रसंगाने आत्महत्या का करतात ? आता आपलं कसं व्हईन अशी निराशा येऊन आत्महत्या व्हत्यात का प्रेमापोटी आत्महत्या व्हत्यात

बाबूराव, नाडीवाल्यांकडे प्रत्येक प्रश्नाला अचूक उत्तर असते. श्रद्धा व सबुरी. अरे कुठे गेले रे सगळे नाडीवाले?

प्रश्न असा विचारायचा हाये की लोक अशा प्रसंगाने आत्महत्या का करतात ? आता आपलं कसं व्हईन अशी निराशा येऊन आत्महत्या व्हत्यात का प्रेमापोटी आत्महत्या व्हत्यात काय कळायला मार्ग नाय :(

तो एक दुजे के लिए पिच्चर आल्ता तव्हा बी प्रेमी जोडप्यांनी आत्महत्या करन्याच प्रमान लै वाढल व्हत म्हंत्यात ब्वॉ! त्या पिच्चरनी आत्महत्येला बी एक ग्लॅमर दिल्त.
प्रकाश घाटपांडे

सध्या आकडा १३३ आहे :(

मात्र यात ९४ हार्ट ऍटॅक आहेत. आणि सध्या एखाद्या व्यक्तीला हार्ट ऍटॅक आल्यावर(व त्यामुळे मृत्यू झाल्यास) तो वायएसआर गेल्यामुळेच आला असं मयताचे नातेवाईक सांगत फिरत आहेत आहेत (बहुदा संभाव्य अनुदानसाठी) अशी "मसाला न्यूज"/अफवा(?) जनसामान्यांमधे चघळली जात आहे.

तरीही उरलेल्या ह्या आत्महत्त्या आहेत आणि आजच्या जमान्यातहि एखाद्या नेत्याचा मृत्यू इतक्या जणांना आत्महत्या करायला भाग पाडतो हे खचितच विस्मयचकित करणारे आहे

ऋषिकेश
------------------
समाजातली सामाजिक जाणीवही अगदी नसल्यातच जमा आहे. सुस्त, मद्दड जनता गोळाभर अन्न गिळून, टीव्हीवरच्या मालिका बघून झोपी जात आहे - सन्जोप राव

खालील आकडेवारी मिळाल्यास मजेशीर निष्कर्ष निघू शकतील.

१. भारतात दरतासाला किती लोक दगावता? पैकी हार्ट ऍटॅक ने किती?
२. आन्ध्राच्या लोकसंखेच्या प्रमाणानुसार आन्ध्रा मध्ये किती?
३. या 'प्रसारणाचा' वेळ किती होता? किती टकके लोक टीव्ही पाहतात?
४. यावरून आलेली आन्ध्रातील टिव्ही बघताना हार्ट ऍटॅक आलेल्याची संख्या किती.

(असेच आत्महत्येबाबत. टेव्ही 'बघून' केली हाच काय तो बदल.)

तुम्ही भारतात असाल तर तुमच्या भ्रमणध्वनीवर उपक्रम चे नवे लेख एस.एम.एस. ने मिळवण्यासाठी हे पाहा.

ही बातमी वाचून 'चॅलेंज' या पत्त्यांच्या (जुन्या भाषेत इस्पिटांच्या) खेळाची आठवण झाली.
'मेरे चार गोलू' यावर पुन्हा' और चार गोलू' असे काहीसे.

कोणीतरी 'चॅलेंज' म्हणावे अशी अपेक्षा.

राज्याराज्यातील लोकांच्या मानसिकतेमध्ये इतका फरक असतो हे पाहून आश्चर्य वाटले. उद्या महाराष्ट्राचा एखादा लाडका नेता गेला तर एकही हार्ट अटॅक होणार नाही याची जवळजवळ खात्री वाटते.
याचेच दुसरे उदाहरण म्हणजे काही वर्षांपूर्वी मणिपूरमध्ये पोलीसांच्या अंदाधुंदी कारभाराचा निषेध म्हणून काही महीलांनी विवस्त्र मोर्चा काढला होता. असेही दुसर्‍या राज्यात होणे अशक्य वाटते.
----
"मेरा कंपिटीशन यहां के डायरेक्टरोंसे नही है, हॉलीवूड से है. स्पिलबर्ग, कपोला..."

जर माध्यमांनी दिलेली एकूण आकडेवारी खरी आहे किंवा नाही यापैकी काहीही गृहीत धरले तरी
१. एकूण भारतीय माणूस इतरांपेक्षा (म्हणजे कुणापेक्षा?) अधिक भावनाप्रधान आहे, असा यातून निष्कर्ष निघतो काय?
२. एखाद्या नेत्याच्या निधनानंतर चक्क आत्मघात करुन घेणे हे अपरिपक्व मानसिकतेचे - काहीशा उथळ आदर्शवादाचेच लक्षण आहे काय? (दक्षिणेतला एकंदरच उथळ/ भडकपणा ध्यानात घेता)
३. भारतीयांमधले हृदयविकाराचे प्रमाण वाढते आहे, हे तर आता उघडच झाले आहे ( मधुमेह, हृदयविकार आणि कर्करोग - तरुण पिढीच्या अकाली मृत्यूसाठीचे तीन प्रमुख घटक). टीव्हीवरील बातमी - अगदी ती प्रिय नेत्याच्या निधनाची का असेना- बघून हृदयविकाराचा झटका यावा इतके मरण स्वस्त झाले आहे काय?
४. एखादा नेता गेला म्हणजे सगळे संपले, त्याच्यामागे आपले हाल कुत्रे खाणार नाही असे लोकांना वाटावे इतकी आंध्र प्रदेशातील स्थिती दयनीय झाली आहे काय?

सन्जोप राव
ये सारा जिस्म बोझ से झुककर दोहरा हुवा है
मैं सजदे में नही था, आपको धोखा हुवा है

तरी नशीब रेड्डी यांचे जलचरांकरता काही भरीव कार्य नव्हते नाहीतर व्हेल व डॉल्फीन प्राण्यांनी देखील आंध्रच्या किनार्‍यावर जीव दिला असता.

एखादा जवळचा व्यक्ती गेल्या नंतर मानसिक धक्का बसणे व त्या आवेगात आत्महत्येला प्रव्रुत्त होणे हे स्वाभाविक आहे. आत्महत्येसारखा अविवेकि मार्ग अवलंबिणे हे गैर असले तरि त्यातुन त्याची भावनिक जवळिक दुर्लक्षित करुन चालणार नाहि. यामागे त्या नेत्यानी आपल्या कार्याद्वारे खरोखरच तशी जवळिक निर्माण केली असावी. राजकारणी हे आजकाल आपली तुंबडी भरण्याच्या मागे असलेले आपल्याला दिसतात म्हणुनच एखादा राजकारणी गेल्यानंतर असा परिणाम होत असावा यावर आपला विश्वास बसत नाही. पण प्रत्येक गोषटीला अपवाद असतात तसा हा अपवाद असणे गैर नाही. ईतर राजकारण्यांनी यावर जरुर विचार करावा आणि त्याचा आदर्श समोर टेवुन थोडे तरी सुधारावे हिच ईश्वर चरणी प्रार्थना.

विश्वास कल्याणकर

अफवाप्रिय.

उत्तरेत जशी नेतेमंडळी मेली की रडायला मूल्य मोजून माणसे बोलाविली जातात, तसे दक्षिणेत नेतेमंडळी मेली की मूल्य मोजून अशा खर्‍या-खर्‍या बातम्या छापल्या-दाखविल्या जातात. तो नेता किती मोठा हे त्या बातम्यांवरून ठरते. ज्याला खरे मानायचे त्याने ते मानावे. पत्रकारितेतील दाक्षिणात्य लोक ओळखीची असतील तर अवश्य खात्री करून घ्या.

उठसूठ कोणत्याही बातमीवर विश्वास ठेवणे हा अफवाप्रिय लोकांचा स्थायी गुण असतो. महाराष्ट्रांत तर विकतच्या अफवांवर विश्वास ठेवून चर्चाही झडतात (मानसिकता इत्यादी!) हे पाहून सखेद आश्चर्य होते!

--
तमिळ्नाट्लेर्न्दु डैर्रक्टा मराट्टिदेडत्तुक्कु वंदु सेट्लान ओरु चिन्नमनिदनिन एळुत्तु यिदु!

हैयो हैयैयो!

तसं बी दक्षीनेत लोकप्रिय नेत्याच्या मागे आत्महत्या व्हायला इतिहास बी हाये म्हणत्यात ?

कोणे एके काळी भावनाप्रधान लोकं देशासाठी प्राण द्यायची. तमाम जनता त्यांच्या आठवणींनी दु:खी होत असे.

ह्यावरून सहज एक कविता आठवली...

स्वातंत्र्याचा सण, दारात रांगोळी,
श्रृंगारली आळी, झगमगे ||
तोरणे, पताका, सांगती डोलून,
स्वातंत्र्याचा दिन, उगवला ||
स्वातंत्र्यासाठी या, आम्ही काय केले?
पूर्वज श्रमले, तयासाठी ||
वृक्ष लावणारे, निघोनिया जाती,
तळी विसावती, सानथोर ||
विचारी गुंतत, हिंडलो बाजारी,
पेठेत केवढी, गजबज ||
केवढी धांदल, केवढा उल्हास,
केवढी आरास, भोवताली ||
मात्र एका दारी, दिसे कोणी माता,
दीप ओवाळीता, छायाचित्रा ||
ओल्या नेत्रकडा, हळूच टिपून,
खाली निरांजन, ठेवीत ती ||
हुतात्म्याचे घर, सांगे कुणी कानी,
चित्त थरारोनी, ऐकतसे ||
होते लखाखत, पेठेतले दीप,
आकाशी अमूप, तारा होत्या ||
चित्तापुढे माझ्या, एक दीप होता,
एक अश्रु होता, माऊलीचा ||
कवी - वि. म. कुलकर्णी

दक्षिणेमधल्या आवडत्या नेत्याच्या मृत्यूनंतर इतकेजण आत्महत्या करतात, कारण नुसतीच भावनिक जवळीक की लोकांची कमकुवत मने? महाराष्ट्रात असे कधीच का होऊ शकणार नाही? हिंदूंच्या हृदयांवर सत्ता गाजवणारा एखादा मराठी नेता अगदी वृद्धापकाळामुळे नैसर्गिकरीत्या मरण पावला तर लोक काय करतील? फक्त संप, हरताळ, बहिष्कार, लुटालूट, जाळपोळ करतील आणि बंद पाळतील. सकाळीच समजले तर लोक सुट्टी घेऊन बाहेरगांवी जातील किंवा घरीच सीडी लावून सिनेमा बघतील. कारण उघड आहे. महाराष्ट्रात ज्याच्यावर भक्ती करावी असा नेता लोकमान्य टिळकांनन्तर कोणी झालाच माही. या विषयावर आजच्या विवात आलेला ऐशा 'आत्महत्या' करण्यासी तैसे नेतेच जन्मले नाहीत... हा लेख जरूर वाचावा.--वाचक्‍नवी

आजच्या टाईम्स ऑफ इंडिया हैदराबाद आवृत्ती मधला मथळा पहा.

"जगनभजन" सुरू आहे.