स्टार प्रवाह या वाहिनीवर सुरू झालेली ही सिरिअल असून वरील व्हिडिओमध्ये त्याचे शीर्षक गीत दाखवले आहे असे वाटते. बाकी अर्थ,संदर्भ वाचायला मलाही आवडेल.

अवांतर: मी मागे मुंबईला फोन करून तुम्ही ही सिरिअल पाहता का असे विचारले त्यावेळेस ही मालिका पाहणे "असंभव" ;-) आहे असे उत्तर मिळाले.

कवि भुषण यांचे हे "शिवराज भुषण" काव्य आहे इथपर्यंत कळाले. पुर्ण काव्य इंटरनेट वर दिसत नाही, कुणाकडे आहे का?

भुषण यांनी हे राज्यअभिषेकावेलळी रचलेले आहे! मिळवलेच पाहिजे असे दिसते. (असे असेल तर अवघड नाही :) )

नुसतीच अप्रतिम नाही तर अभूतपूर्व आहे. शहाजीच्या सुरुवातीच्या काळापासून मालिकेची सुरुवात आहे. शहाजीची धावपळ, या सलतनीकडून त्या सलतनीच्या नोकर्‍या करत करत सैन्य उभारणी कशी केली. अगदी छोट्या बाळशिवाजीला कसे घडवले आणि त्यानंतर शिवाजीला सल्ला देणारी एकापेक्षा एक चांगली माणसे शिवाजीकडे पाठवून त्याच्या स्वराज्याच्या उभारणीला बंगळुरात राहूनही जे जे शक्य होईल ते कसे केले ते अतिशय समर्थपणे दाखवले आहे. शहाजीच शिवाजीचा खरा गुरू हे ही मालिका पाहून पटते.
आता शिवाजी मोठा झाला आहे, आणि गेल्या सातआठ दिवसापासून ज्याची तपशीलवार आखणी चालू होती ते काम, म्हणजे अफ़झलखानाचा वध एक दोन दिवसात होईल असे वाटते.
इतकी चांगली मालिका किंवा शिवाजीवर इतका चांगला चित्रपट वा इतके चांगले नाटक अजूनपर्यंत झालेले नाही. पूर्वी , हिंदीत चाणक्य नावाची एक उत्कृष्ट मालिका होती, तिच्यापेक्षा ही सरस आहे.
माझ्या ओळखीचे कुणीही ही मालिका पाहत नाही. कारण, ज्या स्टार वाहिनीवर ही येते, ती अनेकांना माहीत नसते. शिवाजीवर अनेक सिनेमे होऊन गेले आहे, परत परत काय पहायचे असे म्हणणारे काही जण आहेत. या छत्रपती शिवाजी मालिकेतले शिवचरित्रातले प्रसंग लोकांना माहीत नसतात. तसेच शिवाजीच्या आयुष्यात आलेली बरीच, तथाकथित अल्पपरिचित माणसे यांची नावेही लोकांना आठवत नसतात. त्यामुळे ही मालिका, मधूनच पाहिली तर अनेकांना समजत नाही. ज्यांनी बाबासाहेब पुरंदरे शब्दश: वाचले आहेत, त्यांना मात्र पुन:प्रत्ययाचा आनंद मिळतो.
आणखी एक म्हणजे, नेमक्या या मालिकेच्याच वेळी भुताटकी आणि पुनर्जन्मावर आधारलेली असंभव ही मालिका दुसर्‍या एका वाहिनीवर असते, ती लोकांना सोडवत नाही, हेही एक कारण आहे. (असंभव या मालिकेतल्या संवादात वापरलेले मराठी अत्यंत शुद्ध आणि उच्च दर्जाचे असते. केवळ यासाठी ही मालिका ऐकावी असे आमच्या परिचयाच्या एका शुद्धलेखनतज्‍ज्ञाचे मत आहे!) --वाचक्‍नवी

मी रोज न चुकता पाहतो.