एकाजनार्दन हा तखल्लुस संत एकनाथांनी वापरला आहे. एकनाथांचे गुरू जनार्दनस्वामी. बहुधा त्यांना मान देण्यासाठी किंवा कृतज्ञता व्यक्त करण्यासाठी एकनाथांनी असे केले असावे.

हे नाव दत्तआरतीमध्येही ऐकले आहे. "एकाजनार्दनी श्रीदत्त ध्यान".
----
काय? तुम्ही चित्रपट पाहिलेत? आणि वर फोटोही काढलेत? स्वतःला भौतिकशास्त्रज्ञ कसे म्हणवते तुम्हाला?

'ओंकार स्वरूपा' अल्बम मधील सर्व रचना एकनाथांच्या आहेत (बरोबर?) उदाहरणार्थ,
'ओंकार स्वरूपा' मध्ये 'एका जनार्दनी गुरू परब्रह्म तयाचे पैनाम सदा मुखी' असे,
'गुरू परमात्मा परेशु, ऐसा ज्याचा दृढविश्वासु' ह्या अभंगा(?)मध्ये 'एका जनार्दनी गुरुदेव, तेथे नाही बा संशय' असे, 'रूपे सुंदर सावळा गे माये' मध्ये 'एका जनार्दनी भुलवी गौळणी' असे आले आहे. त्यावरून 'एका जनार्दनी' वापरणारे संत एकनाथच असावेत.

संत एकनाथ आपल्या काव्याच्या शेवटी आपले नाव 'एका जनार्दन ' असे देत असत. जनार्दनस्वामी हे एकनाथांच्या गुरूंचे नाव. एकनाथांनी बर्‍याच वेगवेगळ्या प्रकारची काव्यरचना केली आहे. विट्ठलभक्तीपर अभंग, संतपदांबरोबर*, कृष्णभक्तीपर अभंग आणि गौळणी प्रसिद्ध आहेत. सांप्रदायिक भजनांतून म्हटल्या जाणार्‍या बहुसंख्य गौळणी एकनाथ महाराजांच्या असतात. शिवाय इतर चमत्कृतीपूर्ण काव्यरचनाही प्रचलित आहेत. उदाहरणार्थ हा अभंग.

संतपद = संतांची स्तुती करणारा अभंग. उदा. एकनाथ महाराजांचे धन्य आज दिन संत दर्शनाचा. संतपदे भजनाच्या शेवटी म्हटली जातात आणि प्रामुख्याने भैरवी रागात असतात. आणखी एक प्रसिद्ध उदाहरण म्हणजे "जे का रंजले गांजले".