गुगल आणि मराठी भाषांतर

आपणच काही केले तर काही घडेल ना?
नफ्याचे नंतर पाहता येईल, पण अनेक मराठी ब्लॉग्स वर आज गुगलच्या ऍड्स् दिसतातच ना?

आज एक गुगल सारखी संस्था इतर भाषात भाषांतराची सुवीधा देते आहे. हे सगळे फुकट आहे. हीच सुवीधा मराठीतही देवू शकेल अशी आशा आहे.
मग आपण कमीत कमी आपण मराठीसाठी काम करायला तयार आहोत अशी इच्छा तर दाखवू या...?

मागितले तर मिळेल ना...?
दे रे हरी खाटल्या वरी करत बसलो तर उपाशीच मरू...

आपला
गुंडोपंत

+१

यात पुणे विद्यापीठाचा झक मारण्याचा कसा संबंध लागतो हे गुंडोपंत यांनी माझ्यासाठी स्पष्ट करुन सांगावे अशी विनंती आहे.

सांगतो ना, अगदी सु-स्पष्ट करुन सांगतो.
अहो, झक मारण्याचाच नाही, अजून जे काय मारता येईल ते मारण्याची वेळ आली आहे या मराठीच्या विभागांची.

का बरं?
कारण मराठी भाषेची प्रगती होईल असे पाहणे, हे विद्यापीठांचे काम आहे. नवीन तंत्रज्ञानाचा उपयोग त्यांनी भाषेसाठी करून घ्यायचा आहे. त्यासाठी गुगल ला त्यांचे नाव चटकन सूचायला हवे आहे. - गुगललाच कशाला, मलाही मराठीची कोणतीही मदत लागली तर विद्यापीठाच्या संकेत स्थळावरच जावेसे वाटले पाहिजे.

कारण नवीन तंत्रज्ञान व त्याचा उपयोग करून मराठी भाषेला काही मदत करणं हे यांचे काम आहे. आपण जे काही कर सरकार ला देतो त्यातला पैसा वापरून कुलगुरु त्यांच्या वातानुकुल हपीसात टैम्स आफ इंड्या वाचत बसतात. जमेल तसे कुणाला वर आणायचे आणि कुणाला खाली दाबायचे याचे राजकारण करतात.

मग त्यांनी काय करायचे आहे?

कुलगुरूंनी खरी दिशा द्यायची आहे विद्यापीठाला.
कुलगुरूंनी विद्यापीठाचे कार्य दूरदर्शीपणे हाताळायचे आहे.
कुलगुरूंनी आपल्या विद्यापीठाचा रिसर्च जागतिक कसा होईल, हे पाहायचे आहे.
* आपले विद्यापीठ जागतिक स्पर्धेत कुठे आहे आजमावायचे आहे. त्या स्पर्धेत आपण सर्वात पुढे असुन आपला ठसा उमटेल हे पाहायचे आहे.
*सर्व कुलगुरूंनी इ.स. २०२० मध्ये महाराष्ट्रातील विद्यापीठे कमीत कमी २०% जागतिक विद्यार्थी पैसे भरून शिकायला येतील अशी वेळ आणायची आहे.
त्यासाठी धोरणीपणे निर्णय घ्यायचे आहेत. जगाला बदलत्या परिस्थितीत पुढे कोणते अभ्यासक्रम योग्य ठरतील हे पाहून ते आखुन घ्यायचे आहेत. ते आधुनिक कसे राहतील हे पाहायचे आहे.
ते अभ्यासक्रम सर्वोत्कृष्ठ दर्जानेच चालतील/चालवले जातील याची ऑडिट यंत्रणा उभारायची आहे.

इतर आंतरराष्ट्रीय विद्यापीठांशी संधान साधायचे आहे. त्यांचे विद्यार्थी आपल्या कडे मराठी शिकायला येतील हे पाहायचे आहे. त्यासाठी मराठीतले काम व त्याचा उपयोग याचा जागतिक प्रचार करायचा आहे. किती चीनी, जपानी, कोरियन, मलेशियन विद्यापीठांशी आपल्या विद्यापीठांचे उत्तम संबंध आहेत?

आज एक आंतरराष्ट्रीय विद्यार्थी अभ्यासक्रमासाठी किमान ५ लाख रुपये फी देतो. विद्यापीठात दर वर्षी ६०,००० आंतरराष्ट्रीय विद्यार्थी आले तर किती पैसा वाहील?

* त्या पैशातून अजून सुवीधा आणि मराठी समाजाला/भाषेला पुढे काय उपयुक्त राहील यांची साद घायची आहे. ते धोरण कसे पुर्ण करायचे हे पाहायचे आहे. शासनाला त्यांच्या उच्च शिक्षण धोरणात आपल्या बाजूला वळवायचे आहे.

(पण कसे करणार? साधे महाराष्ट्र शासनाचे संकेतस्थळ कसे असावे, अजून ५ वर्षांनी कसे असले पाहिजे, याचा एक प्रोजेक्टही विद्यापीठाकडे नाही. ते तर लांबचे झाले, पुणे विद्यापीठाची साईट पाहा आणि इतर कोणत्याही आंतरराष्त्रीय विद्यापीठाची साईत पाहा - लगेच जाणवेल झक का व कशी मारते आहे ते! - इतर विद्यापीठांचे नावही नको - ते अजून झोपेतच आहेत!)

यातले काही दूरवर तरी घडतांना दिसते आहे का??

उरले मराठी चे विभाग आणि त्यांचे प्रमुख- यांनी तर जीवच द्यावा चमचाभर पाण्यात.
कोणत्या विद्यापीठाच्या मराठी विभागाने आजवर मराठी भाषेच्या संगणकीकरणात आपला हातभार लावला आहे?
* किती डॉक्टरेट चे रिसर्च थेसिस मराठी भाषा आणि संगणकीकरण यावर आले आहेत? युनिकोड व मराठी भाषा यावर कधी काम केले पाहिजे, हा साधा विचारही आला नाही.

किती प्राध्यापकांना मराठी संकेतस्थळे माहिती आहेत हा फार मोठा प्रश्न आहे. - ज्यांना आजचे मराठी भाषेचे स्वरूपच काही माहिती नाही ते उद्याचे भविष्याच्या काय योजना बनवणार?

* गेल्या ५ वर्षात मराठी भाषेच्या संदर्भात किती रिसर्च पेपर्स आंतरराष्ट्रीय स्तरावर प्रसिद्ध झाले आहेत?
* मराठी भाषा व इतर भाषांचे आक्रमण कसे थोपवता येईल आणि सहकार्य कसे वाढीस लागेल यावर काय काम झाले आहे?
* मराठी इतर भाषिकांना सुलभतेने शिकता यावी यासाठी किती विभांगांनी काय प्रयत्न केले आहेत? हे त्यांचे काम नाही का?
* मराठीच्या चांगल्या प्रसिद्धीसाठी मराठी विभागांनी काय धोरण राबवले आहे?
* इंजिनियरींगच्या विद्यार्थ्यांना भाषिक गोडी लावण्यासाठी काय करता येईल ही पाहिले का कधी? - आजवर जे काही मराठी भाषेच्या संगणक प्रगति विषयक घडले आहे, त्यात संगणक शाखेच्या विद्यार्थ्यांचाच सहभाग आहे ही गोष्ट जाहिर आहे. त्याचा योग्य उपयोग नको करून घ्यायला?
* मराठी शाळांचे भविष्य सुखरूप कसे राहील यावर काही काम? - (कसे करणार? यांचीच मुले सेंट झेवियर्स ला शिकतात हो!)

हे सोडा!
* पुणे, शिवाजी, उत्तर महाराष्ट्र आणि दिल्ली या विद्यापीठांतील मराठी विभागांचे, पुढील १० वर्षात मराठीसाठी काय करणार याचे काही धोरण तरी जागेवर आहे का?

वरील सर्व मुद्द्यांवर काम करणे हे या मंडळींचे कर्तव्य नाही का?
सरकार आणि पर्यायाने आपणही त्यांना विभागिय राजकारण करण्यसाठी पैसा पुरवतो का?

जर जे आवश्यक आहे ते कामच करत नाहीत तर कशाला हवेत ही लोकं समाजाला?

असे ते दिव्य एचओडी, प्राध्यापक आणि त्यांचे संत साहित्या वरचे थेसिस - इंद्रायणीत बुडा आणि बुडवा त्यांना!

सौरभदा,
आता मला सांगा, यातले काही घडते आहे का? नाही काहीच दिसत नाही, कधे ऐकलेही नाही!
का? कारण आम्ही झक मारतो आहोत!

आता कळले ?

आपला
संतापलेला
गुंडोपंत

मराठी विकिवर २२०००+ लेख आहेत.
यासोबतच आता आपला विकि ५७व्या स्थानावर पोचला आहे हे ही लक्षात घ्या!

ही संख्या अगदी वाईट नाही.

आपला
गुंडोपंत

+१
गुंडोपंतांनी म्हटल्याप्रमाणे प्रतिक्रिया दिली आहे

ऋषिकेश
------------------
आयुष्य हे चुलीवरल्या कढईतले कांदेपोऽहे

हो अगदी बरोबर आहे. पण जास्त विचारणा व्हाव्यात या साठी काय करता येईल?
आपला
गुंडोपंत

अगदी मदत नाही केली तरी येथे मागणी नोंदवणे महत्त्वाचे आहे ताई...
तेंव्हा नाव नोंदवा हो!

आपला
गुंडोपंत

काही माहिती द्या ना.
कुणाला आणि कसे पाठवू या?

तुम्ही लोकसत्ता अथवा सकाळ पेपर ला देवू शकता का हे?
(म्हणजे योग्य ते संपादन करून हो!)
आपला
गुंडोपंत

लाखाचे बोललात्. १००% सहमत

माझ्या मुळ प्रस्तावात मी महाराष्ट्रातल्या मराठीसाठी काम करणार्‍या प्रमुख संस्था म्हणून पुणे विद्यापीठावर उगाच राग काढतो आहे असे वाटले की काय?
त्याचा तपशील येथे आहेच.
http://mr.upakram.org/node/1618#comment-26772
त्यांचे काम नाही का हे? त्यांनी पण दिशा द्यावी ना प्रकल्पांना?
हे मुख्य आधारस्तंभ आहेत. या विद्यापीठाकडे जगातले मराठीचे प्रमुख माहितीचे खजिने आहेत. हे बसलेत त्यांना रद्दीत दाबून! राज्य मराठी संस्थाही काही करू शकली नाही तेथे गुगल शिवाय कुणी येतंय का सांगा? असा प्रकल्प करावा हे ही सुचत नाही त्यांना???

ओपन लायसंसचे तुम्ही म्हणता ते १००% पटतंय!

पण मराठी भाषेचा स्वार्थ कसा साधावा? जो कुणी काही भाषेसाठी करतांना दिसेल त्याला प्रोत्साहन देणे याशिवाय काय सुचते?

आपला
गुंडोपंत