कोल्हापुरांत होणारा विश्वशान्ति यज्ञ रद्द केला जावा या प्रस्तावाला माझा पाठिंबा आहे.

+१
कोल्हापुरांत होणारा विश्वशान्ति यज्ञ दिलेल्या कारणास्तव रद्द केला जावा या प्रस्तावाला माझा पाठिंबा आहे.
मात्र जर यज्ञहि रद्द होणार असेल आणि यज्ञ रद्द झाल्याने माल(धान्य+पैसा) फक्त आयोजकांच्या घरात (घशात) जाणार असेल तर यज्ञ परवडला असे म्हणायची पाळी येऊ नये.

ऋषिकेश
------------------
जगात १० प्रकारचे लोक असतात द्विमान पद्धती समजणारे आणि न समजणारे

हा यज्ञ कोण करत आहे? आयोजक-प्रायोजक कोण? लाखोंचे तूप आणि तीळ हे जरा अतिशयोक्त वाटले. तूप आणि तिळासह इतर सामग्रीही लागत असावी. यज्ञाच्या निमित्ताने ब्राह्मण(?)भोजनही असावे. इतका सर्व पैसा ज्या लोकांकडे देणगी म्हणून मागितला जाईल त्या लोकांनी ना करावी की अर्धा प्रश्न तिथेच मिटला.

असो, जरा अधिक खुलासेवार आणि जमल्यास संदर्भासह माहिती दिल्यास बातमी विश्वासार्ह वाटावी.

पण त्याच बरोबर अमिताभ बरा व्हावा म्हणून केले जाणारे यज्ञ पण कोणीतरी थांबवाल का?

उदंड प्रतिसादाबद्दल धन्यवाद.
या यज्ञाचे मुख्य संयोजक - चित्रकूट येथील रामकुंडल शुक्ल महाराज.
स्थानिक संयोजक - शरद मुनिश्वर, रवी घाटगे, सुशील कोरडे,
कालावधी - २ ते १३ नोव्हेंबर २००८
स्थळ - म.गांधी मैदान, वरूणतीर्थ वेस, शिवाजी पेठ, कोल्हापूर.
हवनासाठी लागणारे इतर मुख्य पदार्थ - तूप, तीळ, जव, तांदूळ, बेलपत्र, कमलपुष्प

अधिक माहितीसाठी सोमवार दि.६ ऑक्टोबर २००८ च्या दै.सकाळ (कोल्हापूर) च्या टुडे पुरवणीतील १ व २ क्रमांकाची पाने वाचावीत. ती स्कॅन केलेली आहेत. इच्छुकांना इ-मेलद्वारे पाठवता येतील.
स्थानिक वृत्तवाहिनी व वृत्तपत्रांनी या विषयाची नोंद घेण्यास सुरवात केली आहे.

या निमित्ताने गोळा केलेली सामग्री (जर गोळा केलीच असेल तर) संबंधितांच्या घशात जाण्यापेक्षा गोरगरीब, गरजू विद्यार्थी, वृद्धाश्रमातील वृद्ध यांच्या मुखात जाऊ शकते.

या विषयाला ब्राह्मण भोजन वगैरे वेगळे फाटे फोडू नयेत ही कळकळीची विनंती. खाद्यपदार्थांचा नाश, मग तो कोणीही केला असो, तितकाच निंदनीय आहे, असावा.

चर्चा पुढे सुरू ठेवावी.
धन्यवाद

कोल्हापूरात असाच धनधान्य संकलन उपक्रम करा.

ह्यावरून आठवले, बोरीवलीला मंडपेश्वर गुंफेत व कल्याणला दुर्गाडी किल्ल्यावर दर त्रिपुरारी पौर्णिमेला पणत्यांची सुंदर आरास केली जाते. त्यासाठी स्वयंसेवक / स्वयंसेविका १५ दिवस आधीपासून घरोघरी हिंडून वाटी वाटी तेल गोळा करतात. ह्यामुळे नागरिकांना सुद्धा हे उत्सव आपले वाटतात. सध्याच्या उत्सवासाठी खंडणी मागण्याच्या काळात हे नवल विशेषच.

एव्हढेच नव्हे तर मा. एकनाथजी रानडे ह्यांनी घरटी रु. १ गोळा करून कन्याकुमारीला विवेकानंद स्मारक बांधले.

श्रीयुत चाणक्य ह्यांच्या म्हणण्यात तथ्य आहे. देणार्‍याचे हात हजारो, दुबळी माझी झोळी...

'यजन' संकल्पना सर्व लोकांनी एकत्र येऊन भरपूर खावे, 'प्यावे'(सोमरस), आनंद करावा, (शिवाय यज्ञवेदीजवळ उघडपणे युवाकृत्य करावे) या वेदपूर्वकालीन आदिम जमातीच्या प्रारंभीच्या कल्पनातून निर्माण झाली आहे.
पुढे पौराणिक कालात याच संकल्पनेत दानाची भर पडून राजाने अथवा धनिकाने आपल्याकडील सर्व स्थावर-जंगमाचे सामान्य लोकांना दान करावे ही कल्पना आली. ब्राह्मण जेव्हा खरोखरीच ब्राह्मण भिक्षू होते (ते केवळ ज्ञानदानाचे कार्य करीत आणि केवळ गुरुदक्षिणा आणि भिक्षा यांवर गुजार करीत त्यावेळी_) त्यांना या दानधर्मात अग्रक्रम मिळावा अशी योजना होती. परंतु या प्रथेचा अनिष्ट फायदा घेऊन त्यांनी समाजाचे ब्रेनवॉशिंग केले आणि ब्राह्मणाला केलेले दानच फक्त पुण्यप्रद असते अशा खुळचट कल्पना धर्मग्रंथांच्या तपशीलात घुसडल्या. सर्वसामान्यपणे याचा प्रचंड आर्थिक फायदा ब्राह्मणांना झाला, तोटा निम्नज्ञातीयांना झाला आणि समाजात जातीभेदाबरोबरच वर्गभेदही निर्माण झाला.

आजच्या काळात यज्ञाचे स्वरूप पूर्णपणे बदलून जमा केलेल्या धनराशीचा (एखादा ट्रस्ट करून) गरीब जनतेसाठी विनियोग झाला तर खरोखर विश्वशांती, समाजशांती, व्यक्तीशांती,समष्टीशांती इ.इ. होईल.
अशाप्रकारचे ज्ञानयज्ञ, वनस्पतीयज्ञ, शुद्धीयज्ञ, रथयज्ञ इ.इ. यज्ञ अनुक्रमे शिष्यवृत्ती, वनसंवर्धन, ग्रामस्वच्छता,रस्तेबांधणी यांसाठी निधी उभारण्यासाठी करता येतील.

नाहीतर विश्वशांती यज्ञात जाळण्यासाठी समिधा, तूप, हवि, तीळ कशाला हवेत? सरळ नोटाच जाळाव्यात!!! नाहीतरी आर्थिक मंदी आल्यावर त्यांची किंमत सरपणाइतकीच राहणार आहे.

(कोणत्याही जातीवर टीका करण्याचा हेतू नाही. जे सत्य आहे तेच लिहिले आहे.)

चर्चेचा मूळ मुद्दा हा आहे की, दोन कोटी रुपयांचे बजेट असलेल्या विश्वशांती यज्ञातील लाखो रूपयांच्या खाद्यपदार्थांना अग्निसमर्पित करणे हे सर्वथा चुकीचे व अनैतिक आहे.
यज्ञ व इतर धार्मिक कृत्यांचा वैज्ञानिक दृष्टीने उहापोह करणे हा महत्त्वाचा परंतु वेगळा व व्यापक विषय आहे. दोन्हींची गल्लत कळत नकळत केली जाते व चर्चेला वेगळे वळण लागते किंवा लावले जाते.
मूळ मुद्द्याला दिलेल्या पाठींब्याबद्दल सर्वांचे आभार. असाच लोभ रहावा.
आर्य चाणक्य यांनी म्हटले आहे की,

-१- चर्चा प्रसिद्धीसाठी जास्त वाटते.

माझे उत्तर - लाखो रूपयांचे मौल्यवान खाद्यपदार्थ जाळून टाकले जाणे व त्याचे विश्वशांती वगैरे उदात्तीकरण करणे या ढोंगाची प्रसिद्धी होणे व त्याद्वारे जनजागृती होणे गरजेचे आहे. कोणीही सुसंस्कृत माणूस याला विरोधच करेल. आर्य चाणक्य यांनी या मूळ मुद्याला का विरोध केला नाही?

-२- असा विरोध करण्या ऐवजी कोल्हापूरात असाच धनधान्य संकलन उपक्रम करा. खास गरीबांसाठी. त्यासाठी चर्चा का नाही सुरु केलीत? दानशूर नागरिक यज्ञापेक्षा या कारणासाठी नक्कीच दान करतील.

माझे उत्तर - ज्या व्यक्तींना अन्नदान वगैरे प्रकारचा दानधर्म करायचा असतो, ते व्यक्तीगत पातळीवर करतात. किंवा अनेक सामाजिक संस्था कायमस्वरूपी असे कार्य करीत असतात. वृत्तपत्रांचे रिलिफ फंडही संकटकाळात समाजकार्य करीत असतात. त्यांच्यामार्फतही आपले व्यक्तीगत योगदान देता येते. त्यात नवीन काही नाही.

-३- कोल्हापुरात इतर अनेक प्रश्न आहेत.

माझे उत्तर - नक्कीच आहेत. सर्वच शहरांप्रमाणे कोल्हापुरातही अनेक समस्या आहेत. पण त्यामुळे या विश्वशांती यज्ञ थोतांडाचे गांभीर्य कमी होत नाही. इथे म्हातारी मेल्याचे दुःख आहेच. पण कर्मकांडरूपी काळ अधिक सोकावतो व तो अनेकांच्या विवेकबुद्धीचा बळी घेतो. या विरूद्ध जनजागृती होणे आवश्यकच आहे.

तात्पर्य, मूळ मुद्दा सोडून चर्चा भलतीकडे भरकटवू नये. ते सर्वांच्या लक्षात येतेच.

आर्य चाणक्य यांच्या काही मुद्यांशी मी सहमत आहे.
माझा विरोध यज्ञाला आहेच पण विशेषतः या यज्ञाला जास्त आहे कारण त्यामध्ये होणारा खाद्यपदार्थांचा प्रचंड नाश. याबाबतीत माझा वैचारिक गोंधळ अजिबात नाही.
आर्य चाणक्य यांनी यज्ञाचे समर्थन केले नसेल पण विरोधही केलेला नाही. इतर मुद्दे मांडून ते दिशाभूल करू इच्छितात.

उदाहरणार्थ -
मधल्या काही दशकांमध्ये जेवढ्या निवडणुका झाल्या, त्यावर झालेला पैसा किती? तो पैसा विधायक कार्यासाठी / विकास कामासाठी वापरता आला नसता काय?
कोल्हापूरातल्या सहकारराज मध्ये जेवढा पैसा वाहतो आणि मुरतो, तो सामाजिक विकासासाठी का वापरला जात नाही?
महालक्ष्मी मंदिरावर जेवढा खर्च केला जातो तो योग्य आहे का?
रंकाळ्याचे सुशोभीकरण गरजेचे होते काय?
वगैरे, वगैरे, वगैरे......

या सर्व मुद्द्यांवर स्वतंत्र चर्चा होऊ शकते. पण मूळ मुद्द्याचे उत्तर जसे बाकीच्यांनी ठाम प्रतिपादन केले व विरोध केला तसे आर्य चाणक्य यांनी केलेले नाही.

आता वरील मुद्द्यांबाबत.

१. निवडणुका कोणी लादल्या, कोणी कोणाचा पाठींबा काढून घेतला, कोणी धार्मिक भावना भडकावल्या वगैरे राजकीय चिखलफेकीत मला यावेळी अजिबात रस नाही.

२. सहकारातला मुरलेला पैसाच दिसतो. त्याने झालेली विकासकामे दिसत नाहीत हा दृष्टीदोष अनेकांना आहे. असो. साधे उदाहरण - कोल्हापुरात (दक्षिण महाराष्ट्रात) दूधव्यवसायामुळे असंख्य संसार जगवले गेले. महिला बचतगटांनी असंख्य भगिनींना स्वक्षमतेची जाणीव करून दिली. इथे शेतकरी आत्महत्येचे प्रमाण नगण्य आहे. हे श्रेय सहकाराचेच आहे. अपप्रवृत्ती इतर क्षेत्रांप्रमाणे यातही आहेत. पुण्याची सुवर्ण सहकारी बँक, साताऱ्याची युनायटेड वेस्टर्न बँक, कोल्हापुरातील मानिनी व भुदरगड पतसंस्था "कोणी" बुडवल्या हे सर्वांनाच ठाऊक आहे. असो. चटणी भाकरी खाणाऱ्यांनी उभारायचे आणि श्रीखंडपुरी खाणाऱ्यांनी बुडवायचे हे महाराष्ट्राला नवीन नाही.

३. महालक्ष्मी (अंबाबाई) मंदिरावरील खर्चातील अनावश्यक बाबींचा तपशील आर्य चाणक्य देतील काय? याबाबत त्यांनी प.महाराष्ट्र देवस्थान कमिटीशी काही संवाद साधला आहे काय? की व्यासपीठ मिळाले म्हणून उगाचच भलती आरोळी ठोकत आहेत?

४. रंकाळ्याचे सुशोभीकरण काही प्रमाणात आवश्यक होते. पर्यावरणाला बाधा आणणाऱ्या गोष्टींबद्दल पर्यावरणप्रेमी संघटना व इतर लोक संघर्ष करीत आहेत.

५. प्रेत पुरण्यासाठी जागा मिळणार नाही असे कसे म्हणता. विशिष्ट कालावधीनंतर तीच जागा दुसऱ्या प्रेतासाठी वापरता येते.

६. सामान्य माणसाच्या रोजच्या संघर्षातही मागे लावलेले कर्मकांडाचे पिशाच्च सुटत नाही. म्हणून तर देवस्थानांच्या ठिकाणची गर्दी वाढत आहे. (त्यामुळे रस्त्यावरच्या अपघातांची संख्याही वाढत आहे.) नारायण नागबळी वगैरेंचे विधींचे प्रमाण वाढत आहे. असले प्रकार सुचवणाऱ्या व करवून घेणाऱ्या वर्गाची चांदी होत आहे.

७. यज्ञाबाबत विसूनाना यांनी मौलिक माहिती पुरवली त्याबद्दल त्यांचे आभार. आर्य चाणक्य यावर काही भाष्य करतील काय?

८. मला याबाबत जाहीर चर्चाच करायची आहे. कारण या महत्त्वाच्या विषयाबद्दल प्रत्येकाची अनुकूल व प्रतिकूल मते असतात. ती प्रकट होऊ देत असे वाटते.

पुन्हा एकदा तात्पर्य, मूळ मुद्दा सोडून चर्चा भलतीकडे भरकटवू नये. ते सर्वांच्या लक्षात येतेच.
म्हणून विश्वशांती यज्ञाचे एकतर समर्थन करा किंवा विरोध करा. बुळबुळीत मुद्दे मांडून गुळमुळीत भूमिका घेऊ नका.

*-*-*-*-*-*-*-*-*-*-*
कोल्हापुरी मसाला = नाद खुळा !
*-*-*-*-*-*-*-*-*-*-*

मी इतकेच म्हणेन की असाच विरोध
या भागात वेगाने वाढत असलेल्या खिश्चन धर्मांतरालाही करा!!

किमान तशी विरोध करण्याची हिम्मत तरी दाखवा...

आपला
गुंडोपंत

यज्ञ ते चर्च व्हाया मशीद....
केव्हा तरी हे वळण येणार हे माहीत होतेच. धार्मिक बाबींशी म्हणून मूळ विषयाशी दूरान्वयाने का होईना संबंध म्हणून (एका मर्यादेपर्यंत) मी याला "विषयांतर" म्हणून विरोध करणार नाही. त्यामुळे काहींची पोटदुखी परस्पर थांबावी. ; )
सक्तीने केलेले धर्मांतर मग ते कोणत्याही धर्मातून कोणत्याही धर्मात असो अत्यंत निंदनीय आहे. पण ज्याला स्वखुशीने ते करायचे असेल तर आडव्या येणाऱ्या धर्म किंवा राजसत्तेला वाकवायलाच हवे. (उदा. शिवरायांनी नेताजी पालकरना हिंदू धर्मात पुनःप्रवेश देऊ केला असताना त्यावेळच्या सनातनी धर्ममार्तंडांनी केलेला थयथयाट शिवरायांनी मोडून काढला होता.) अशी परतीची द्वारे बंद केल्यानेही हिंदू धर्माचे नुकसान झाले आहे. त्याचबरोबर एखादा स्वखुशीने धर्मांतर करतो तेव्हा त्यावर ती वेळ का आली, त्यामागे केवळ पैशाची लालूच की त्याची झालेली सामाजिक कुचंबणा याचाही सनातनी धर्ममार्तंडांनी विचार करायला हवा. दलितांना आजही अनेक मंदिरांत उघड/छुपी प्रवेशबंदी आहे. त्यावरही चर्चा हवी.
देव-धर्म हा आईसारखा हवा. तिच्याजवळ जाताना, आपले सुखदुःख मांडताना मुलांमध्ये भेदभाव नसावा. ज्या धर्मात स्त्री -पुरूष, जात वगैरे अनेक भेदभाव आढळतात, त्यानुसार प्रार्थनास्थळांत प्रवेशबंदी केली जाते व इतर अनेक रूढी परंपरा लादल्या जातात त्याही बंद व्हायला हव्यात.
उदा. शनिशिंगणापूरला स्त्रियांना विशिष्ट ठिकाणी प्रवेश नाही, गोव्यांतील अनेक मंदिरात गाभाऱ्यात ब्राह्मणांशिवाय इतरांना प्रवेश नाही (इतर जातीचा कितीही सत्शील पुरूष असला तरीही त्याला प्रवेश नाही. पण एखादा ब्राह्मण कितीही नीच कृत्ये करणारा दुराचारी असेल तरीही त्याला प्रवेश. वा रे न्याय!), विधुर धार्मिक कृत्ये करू शकतो पण विधवेला ती परवानगी नाही. मासिक धर्म सुरू असताना स्त्रियांना धार्मिक कृत्ये करण्यास व देवदर्शन करण्यास बंदी, वगैरे. असा दुजाभाव इतरही धर्मात असेल. मला माहिती नाही. असल्यास तोही तितकाच निंदनीय आहे.

चाणक्य,
१. कोल्हापूरचे प्रश्न तुम्ही मांडलेत मला याचा अजिबात राग नाही. पण चुकीच्या ठिकाणी मांडलेत याचे सखेदाश्चर्य वाटले.
२. कोणत्याही सामाजिक, धार्मिक कारणासाठी केली जाणारी पैशाची नासाडी व अन्नाची नासाडी दोन्हीही चुकीचेच आहे. पण अन्नाला आपण पूर्णब्रह्म मानतो. अशा वेळी ३० लाख रूपयांचे तूप, १६ लाख रूपयांचे तीळ व इतर अनेक खाद्यपदार्थ जाळले जाणार आहेत ही घटना कोणत्याही धर्माच्या नावाखाली केली जाणार असली तरी ती निंदनीयच आहे. इतकी सोपी भूमिका मी पुनः पुनः मांडतो आहे. ती बाकीच्या बहुतेकांना पटत आहे. तुम्हालाही काही अंशी पटत असेल तर मी तुमचा व्यक्तिशः आभारी आहे.
३. माझ्या मुद्याला जे सहमत नाहीत त्यांच्यावर मी मुळीच अरेरावी करत नाही. मला ते आवडतही नाही. पण मूळ मुद्याला कोणी सोयीस्कर बगल देतो हेही मला आवडत नाही.

धन्यवाद. लगे रहो.

*-*-*-*-*-*-*-*-*-*-*
कोल्हापुरी मसाला = नाद खुळा !
*-*-*-*-*-*-*-*-*-*-*

चाणक्य,
मी मूळ लेखात किंवा प्रत्येक प्रतिसादात कोणा एकाच धर्माविरूद्ध लिहीलेले नाही. गैरकृत्ये, मग ती कोणत्या का धर्माचे पांघरूण घालून केली जात असतील तर त्याला स्पष्टपणे विरोध केला आहे व करतच राहणार.

होय, मी कोल्हापुरी आहे. म्हणून कोल्हापूरचे म्हणून जे प्रश्न आहेत ते (आणि जे सामर्थ्य आहे ते देखील) रोज जिथे तिथे चघळत नाही. अर्थात, ते जिथे मांडायला हवेत तिथे परखडपणे मांडतोच. त्याच धर्तीवर तुम्ही कोल्हापूरचे जे प्रश्न मांडलेत त्यांना विरोध केलेला नाही. तथापि, मूळ विषयाशी कोणत्याही प्रकारे त्यांचा संबंध नाही. म्हणून ते इथे मांडू नयेत. तरी ही तुम्ही मांडलेल्या अशाच काही गैरलागू मुद्यांचा थोडक्यात परामर्श यापूर्वीच घेतलेला आहे.

धार्मिक बाबींमध्ये केल्या जाणाऱ्या अन्यायाचे दाखले देताना मी "ब्राह्मण" शब्दाचा अल्प व योग्य वापर केला या व्यतिरिक्त विशिष्ट जाती धर्माचा या संवादात व इतरत्रही उल्लेख केलेला नाही व करत नाही. तुम्हाला तेवढाच शब्द खुपत असेल व त्यावरून तुम्ही आणखी काही फाटे फोडणार असाल तर "ब्राह्मण" शब्दाऐवजी "सनातनी" शब्द वापरेन म्हणजे एका संपूर्ण जातीऐवजी ती विशिष्ट "सनातनी" मनोवृत्ती बाळगणारे (मग ते कोणत्याही जातीतील असोत) त्यांना अधोरेखित केले जाईल. तुम्ही त्या "मूठभर" लोकांचा साधा निषेध तरी कराल?

याव्यतिरिक्त,
विसूनानांनी पुढील प्रमाणे प्रतिसाद दिला होता -

यावर कुणाचीच कशी थेट प्रतिक्रिया नाही?

ताजा कलम, कोल्हापुरातील कडवी हिंदुत्ववादी संघटना - हिंदू एकता - यांनीही या विश्वशांती यज्ञाच्या थोतांडास जाहीर विरोध केला आहे. त्यासाठी त्यांनी स्वा.सावरकरांचे समयोचित दाखले दिले आहेत. हिंदू एकतेच्या या भूमिकेचे कोल्हापुरात उत्साहात स्वागत होत आहे.
हे धाडस बाकीच्या संघटना दाखवतील?

*-*-*-*-*-*-*-*-*-*-*
कोल्हापुरी मसाला = नाद खुळा !
*-*-*-*-*-*-*-*-*-*-*

धन्यवाद राजीव,

कोल्हापुरातील अनेक पक्षविरहीत संघटना व सुजाण नागरीक "आम्ही भारतीय लोक आंदोलन" या नावाने (व स्वतंत्रपणे देखील) या यज्ञाला विरोध करण्यासाठी एकत्र येत आहेत. त्यामध्ये अनेक सामान्य नागरीक आहेत जे "आपण भले की आपले काम भले" या पद्धतीने आजवर जगत होते. परंतु खर्चाचे आकडे पाहिल्यानंतर सात्विक संतापाने काहीतरी केले पाहीजे म्हणून एकत्र येत आहेत.

दि.७ ऑक्टोबर च्या कोल्हापूर सकाळमध्ये माझे पत्र प्रसिद्ध झाल्यापासून असंख्य लोकांनी माझ्याशी संपर्क साधला व एकत्र येण्याचे आवाहन केले. त्याने प्रोत्साहित होऊन समाजातील मान्यवर व्यक्तींना, संशोधकांना भेटून या सर्वांना एकत्र आणण्याची सुरूवात काही प्रमाणात मी केली. एका आठवड्यातच ज्येष्ठ नेते प्रा.एन.डी.पाटील, ज्येष्ठ इतिहाससंशोधक जयसिंगराव पवार, माजी कुलगुरू श्री.कणबरकर, श्री.बाबुराव धारवाडे, श्री.गोविंद पानसरे व इतर अनेक मान्यवर एकत्र आले आहेत. या सर्वांनी कालच जिल्हाधिकारी, पोलिस अधिक्षक, पालिका आयुक्त यांना भेटून वस्तुस्थितीची माहिती दिली-घेतली आहे.

कडवी हिंदुत्ववादी संघटना - हिंदू एकता यांनीही यज्ञाला सक्रीय विरोध सुरू केला आहे. त्यासाठी त्यांनी स्वा.सावरकरांचा वैज्ञानिक दृष्टीकोन योग्य स्वरूपात मांडला आहे.
१२ दिवस दोन कोटी रूपयांचे मौल्यवान पदार्थ जाळले जाणार याच विचाराने सामान्य माणूस अस्वस्थ आहे. व तो जमेल त्या प्रकारे संघटित होऊन विरोध करू पाहत आहे.या सर्वांचा आमच्याकडून समन्वय साधला जात आहे.

धक्कादायक बातमी अशी की, यज्ञ आयोजकांनी गांधी मैदानावर यज्ञकुंडासाठी ८०८ खड्डे पाडणार हे महापालिका प्रशासनाला सांगितलेच नव्हते. तसेच जिल्हा प्रशासन, पोलिस यंत्रणा यांनाही अद्याप कोणतीही कल्पना देण्यात आलेली नाही. या यज्ञासाठी किमान एक लाख लोक बाहेरगावाहून येणे अपेक्षित आहे. त्यामुळे मूलभूत सोयी सुविधा, वाहतूक यांच्यावर काय ताण पडणार आहे याचा संबंधितांनी विचार केलेला नाही. याची गंभीर दखल प्रशासनानेही घेतली आहे.
गांधी मैदान हे जुन्या कोल्हापुरातील मुलांना खेळण्यासाठी उपलब्ध असलेले सर्वात मोठे मैदान आहे. ते आतापासूनच १३ नोव्हेंबर पर्यंत खेळण्यासाठी, फिरण्यासाठी वगैरे पूर्ण बंद राहणार आहे. आत्ताच खड्डे पाडण्याचे काम सुरू झाले आहे. त्यामुळे त्या मैदानाची होणारी दुर्दशा भरून येणारी नाही. त्याविरोधात स्थानिक तरूण मंडळे, तालीम मंडळे हेदेखील एकत्र येत आहेत.
ऐन सणासुदीच्या काळात १५ हजार किलो तूप व इतर मौल्यवान खाद्यपदार्थ या यज्ञासाठी वापरणार म्हणजे ते बाजारातून गायब होणार. महागाई आणखी वाढणार. सामान्य जनता आणखी होरपळणार.
त्या मैदानाच्या भोवती दिवाळीच्या काळात काही गरजू लोक फटाका स्टॉल लावून आपली गुजराण करतात. त्यांनाही आयोजकांकडून बंदी करण्यात आलेली आहे. म्हणजे त्या गरीबांच्या पोटावर पाय.
कोट्यवधी रुपयांच्या खाद्यपदार्थांचा धूर म्हणजे पर्यावरणाचा प्रश्न आहे.

असे अनेक प्रश्न या यज्ञाने उभे राहणार आहेत. विश्वशांती राहोच. पण सामान्य लोकांची मनःशांती व समाजस्वास्थ्य त्यामुळे बिघडणार आहे. या सर्वांना वाचा फोडण्याचे काम वृत्तपत्रे करत आहेत.
दुसरीकडे यज्ञ आयोजकांनी एकदाही यज्ञाचे नेमके फायदे काय हे पुराव्यासह जाहीर केलेले नाही. तसेच या प्रचंड खर्चाचे कोणतेही समर्थन दिलेले नाही. काही वर्षांपूर्वी परभणीच्या जवळपास कुठेतरी असाच यज्ञ केला होता. त्यानंतर विश्वशांती झाली की कुणाची शांती झाली ते संयोजकांनाच माहिती. ; )
यावरून बरेच काही स्पष्ट होते.

*-*-*-*-*-*-*-*-*-*-*
कोल्हापुरी मसाला = नाद खुळा !
*-*-*-*-*-*-*-*-*-*-*