कृष्ण-धवल + एक प्राथमिक रंग असलेली चित्रे रंगाच्या दृष्टीने मोठीच दृष्टिवेधक असतात.

इथे "रूल ऑफ थर्ड्स" वापरायला हवा होता, असे राहून-राहून वाटते.

पुढच्या भूमीवरती काळे खडक आहेत, त्यांची एक आडवी "क्षितिजरेषा" तयार होते. ती रेषा खालून तृतीयांशावर असायला हवी होती असे वाटते. शिखराच्या डोक्यावरही चांगला एक तृतीयांश कोरा निळेपणा आहे, तो नको होता. शिखर जवळजवळ फोटोची वरची सीमा भेदणार असे वाटले असते तर ते अधिक "उत्तुंग" भासले असते.

(उभ्यातल्या एक-तृतीयांशात डोंगर घेऊन, क्रॉप करून, हा फोटो माझ्या कल्पनेत जमत नाही. जर तसा घ्यायचा असता, तर एकीकडे भले मोठे कोरे आकाश येते. त्यात एकतरी ढग असता तर ठीक... पण आकाश निरभ्र दिसत आहे...)

आणखी एक कल्पना - जर डोंगराला कंटाळवाण्या मध्यातून बाजूला ढकलायचे असेल तर रिकाम्या बाजूला (फोरग्राउंडमध्ये) काहीतरी विशेष टाकावे (फोटो काढतानाच). जवळचा एखादा मोठा ओबडधोबड खडक, वगैरे. जमिनीवर खाली बसून जवळचा छोटा खडकही फोटोमध्ये "मोठा" दिसू शकतो.

छान चित्र !

पोलरायजर वापरला का? आकाश छान दिसत आहे. प्रकाश छान आहे.

चित्रा मध्ये पर्वाताच्यावरचे आकाश जास्त सुटले आहे असे वाटते. धनंजयांनी सुचवल्याप्रमाणे एखादी मोठी शिळा मध्ये घेतली असती तर तीनमितींचा भास तयार झाला असता.. तसेच शिळेच्या तुलनेत पर्वत खूप मोठा भासून त्याचे सत्य रूद्र स्वरुप समोर आले असते. हिमालयातल्या या मोठमोठ्या शिखरांच्या बाबतीत अनेकदा समोर एखादे तुलनेसाठी प्रमाण नसल्याने उंची-खोली-अजस्रता यांचा अंदाज येत नाही.

शिवलिंगासारखा पर्वत सपाट भागातून अचानक वर आल्यासारखा दिसत असल्याने तो चित्रात फार छान दिसतो आणि त्याचमुळे शिवलिंगासाठी आडवे चित्रच मला चांगले वाटते..

-- लिखाळ.

सर्वांना सल्ल्यांबद्दल धन्यवाद.

लिखाळ, पोलरायजर वपरला नाही. ऊन जास्त असल्याने, एक्सपोजर २ स्टॉप कमी ठेवले त्यामुळे बर्फाचा रंग व मागचे आभाळ व्यवस्थीत टिपता आले.
-
ध्रुव

मला यातले फारसे काही कळत नाही त्यामुळे मी आपला
ते तुम्ही दिलेले कॉपीराईटचे मार्क शोधत बसलो...
तीनच आहेत ना?
की दगडात पण आहे एखादा?

आपला
गुंडोपंत