काही आठवते का? या मूठभर दहशतवाद्यांचा पत्ता ठाऊक असल्यास सरकारला कळवावा म्हणजे ते त्यांना तेथे जाऊन उडवतील.

-- आजानुकर्ण

श्री. सरबजित सिंग यांनी त्यांच्या जबानीत म्हटले होते, ``१९९० साली दारूच्या नशेत चुकून माझ्याकडून सीमा ओलांडली गेली होती.''
म्हणजे काय?
----
"काय करणार? जुनी खोड. स्वतःलाही सोडलं नाही. नको ते प्रश्न, नको त्या शंका, विचारणारच." -- मास्तर, सामना चित्रपटात.

येथे पाकिस्तानचा निषेध केला पाहिजे, हे खरेच. देहदंड एक रानटी प्रथा आहे.

खरे म्हणजे त्यानंतर तुम्ही म्हटलेले :
"एखाद्या पाकिस्तान्याला फाशी देण्याची भारताने निवळ घोषणा जरी केली असती, तरी पाकने आंतरराष्ट्रीय स्तरावर किती गहजब केला असता, हे सांगायला नको !"
निव्वळ अप्रस्तुत आहे. कारण या वाक्याचे या संदर्भात काही काम असते तर कोणी म्हणू शकेल की कदाचित या पुढील बातमीचे उट्टे काढण्याचा हा पाशवी (पाकिस्तानच्या मते जशास तसा) प्रयत्न असू शकेल काय?

मार्च ११, २००८ :
भारताने तुरुंगात मेलेल्या एका पाकिस्तानी गुप्तहेर असलेला आरोपीचे शव मायदेशी पाठवले...
महमूद (३७) नवी दिल्ली येथील तुरुंगात मेला, आणि मार्च ४ तारखेला त्याच्या कुटुंबाला माहिती मिळाली असे त्याच्या भावाने सांगितले. त्याच दिवशी कश्मीर सिंग, या हेरगिरीच्या आरोपाखाली जेरबंद असलेल्या भारतीय माणसास पाकिस्तानाने माणुसकीचा संकेत म्हणून सोडवले होते.
भारतीय अधिकार्‍यांनी मृत्यूचे कारण पुरवले नाही.
अरिफ अवान, जे मेहमूदच्या कुटुंबाच्या बाजूने वकील आहेत, म्हणाले की मेहमूद २००५ साली मोहाली शहरात भारत-पाकिस्तान क्रिकेट सामना बघायला गेला असताना त्याचे पारपत्र हरवले, आणि त्यास अटक झाली.
मागच्या वर्षी भारताची राजधानी, नवी दिल्ली, येथे मेहमूदला भेटण्यास गेलेल्या नातेवाइकांनी सांगितले की मेहमूदची "नखे ओढून काढलेली होती, त्याच्या अंगावर हाल केल्याच्या खुणा होत्या आणि त्याचे डोळे खोल गेले होते", असे त्याचा भाऊ इनामुल हक म्हणाला.
इस्लामाबाद येथील भारतीय महाआयुक्तांच्या कार्यालयातील एक अधिकारी म्हणाले की याविषयी ते काही वक्तव्य करू शकणार नाहीत, कारण मेहमूदचा मामला आणि त्याच्या कुटुंबाने केलेल्या आरोपांना स्वतंत्रपणे दुजोरा मिळू शकला नव्हता.

असोसिएटेड प्रेसची पूर्ण बातमी इंटर्नॅशनल हेराल्ड ट्रिब्यूनच्या संकेतस्थळावर बघावी. (दुवा)

शिवाय सुटल्यानंतर काश्मिर सिंगच्या "मी गुप्तहेर आहे" वक्तव्यामुळे भारत सरकारचे सरबजित सिंगला वाचवायचे प्रयत्न फोल ठरले असाही एक विचार टाइम्स ऑफ इंडियाने प्रसिद्ध केला आहे. (दुवा)

याबाबत भारत सरकार काही करत आहे असे दिसते. (दुवा)

तरी "काँग्रेसप्रणीत भारत सरकारला त्याचे काहीही सोयरसुतक नसणार व भारत काहीही करणार नाही" व "एखाद्या पाकिस्तान्याला फाशी देण्याची भारताने निवळ घोषणा जरी केली असती" या टिप्पण्या विषयाला बाधक आहेत.

फाशीची घोषणा पाशवी आहे, या पटण्यासारख्या मुद्द्याच्या आड तुमची संदर्भरहित भाषा जाते, तसे होऊ नये.

अरे फाशी वगैरे काही होणार नाही. मुशर्रफ एप्रिल फूल बनवतोय आपल्याला. ;-)

अभिजित...

काय सांगावे, तुम्ही महम्मद अफझल ला सोडा आम्ही सरबजितसिंग ला सोडतो असा प्रस्ताव मुशर्रफ मांडतील. हे अजूनच धोकादायक ठरू शकते.

नितीन

सरबजीतच्या फाशीला स्थगिती
इस्लामाबाद ,
मटा ऑनलाइन वृत्त

पाकिस्तानी जेलमध्ये असलेला भारतीय नागरिक सरबजीत सिंग याची फाशी एक महिन्यासाठी स्थगित करण्याचा निर्णय पाकिस्तानने घेतला आहे. पंजाबमध्ये राहणा-या सरबजीतला पाकिस्तानी सैनिकांनी हेरगिरीचा आरोप ठेऊन अटक केली होती. तसंच पाकिस्तानात २००० साली झालेल्या बॉम्बस्फोटात हात असल्याचाही त्याच्यावर आरोप होता. या आरोपांखाली त्याला एक एप्रिल रोजी फाशी देण्यात येणार होती.

अध्यक्ष परवेझ मुशर्रफ यांच्यावर देशातील सर्व मानवाधिकार संघटनांनी दबाव टाकायला सुरुवात केली. सरबजीतच्या बहिणीने भारतातील पाकिस्तानी दुतावासामार्फत भावाच्या फाशीवर पुनर्विचार करण्याची विनंती केली होती. भारत सरकारनंही ही फाशी रद्द करण्याचं आवाहन पाक सरकारला केलं होतं. या सर्व बाबींचा विचार करून, मुशर्रफ यांनी शिक्षेची अंमलबजावणी एक महिन्यासाठी पुढे ढकलली. पाकिस्तानमध्ये नवे सरकार लवकरच शपथ घेणार असून, त्यांनीच यासंदर्भात निर्णय घेणं योग्य ठरेल, असे ते म्हणाले.

सरबजीतने आपण रात्रीच्या अंधारात दारुच्या नशेत सीमा ओलांडल्याचा दावा केला होता. मात्र त्याचा हा दावा पाकिस्तानने अमान्य केला होता. सखोल चौकशी केल्यानंतर त्याच्यावर १९९० मध्ये लाहोर आणि मुल्तान येथे झालेल्या स्फोटांशी संबंधित असल्याचा आरोप ठेवण्यात आला होता. मात्र भारताने हा बनावट आरोप असल्याचे सांगून सरबजीतच्या सुटकेसाठी प्रयत्न सुरू केले होते.

काही दिवसांपूर्वीच पाकिस्तानने काश्मिर सिंग या भारतीय नागरिकास मायदेशी परत पाठवले होते. त्यामुळे सरकारने सरबजीतच्या सुटकेसाठी जोरदार प्रयत्न सुरू केले. मात्र त्याचसुमारास काश्मिर सिंग यांनी आपण हेरगिरीसाठी पाकिस्तानात गेलो होतो असे जाहीर केल्यामुळे पाकिस्तानने सरबजीतच्या सुटकेला नकार दिला आणि तातडीने त्याच्या फाशीचा दिवस निश्चित केला. फाशी टाळण्यासाठी सरबजीतने केलेला दयेचा अर्ज अध्यक्ष मुशर्रफ यांनी फेटाळला.

पाकिस्तानने घेतलेल्या या पवित्र्यामुळे धक्का बसलेल्या सरबजीतच्या कुटुंबाने फाशीच्या शिक्षेची अंमलबजावणी झाली तर आत्महत्येची धमकी दिली. त्याचवेळी प्रमुख राजकिय पक्षांनीही मनमोहन सिंग सरकारवर सरबजीतला वाचवण्यासाठी प्रयत्न करावा यासाठी दबाव टाकायला सुरुवात केली. अखेर सरकारने पाकिस्तानशी चर्चा करण्याचा निर्णय घेतला.

सरबतजीतच नव्हे तर एकूणच फाशीच्या शिक्षेबाबत द न्यूज ह्या पाकिस्तानी वृत्तपत्रात आज (दि. १९ मार्च) आलेले संपादकीय.

न्यायदानात मानवी चुका होण्याची शक्यता आणि फाशीच्या शिक्षेची अपरिवर्तनीयता लक्षात घेता भारतातही ह्या शिक्षेविरुद्ध लिहिले - बोलले जाते. परंतु सीमेपलीकडूनदेखील असे विचार ऐकू आले याचे अप्रूप!

http://www.thenews.com.pk/daily_detail.asp?id=102018

Doing what you like is freedom. Liking what you do is happiness.