• या आठवड्यात अमेरिकेच्या युद्धनौकेवरून सोडलेल्या क्षेपणास्त्राने अमेरिकेच्याच एका नियंत्रणाबाहेर गेलेल्या उपग्रहाचा वेध घेतला.
• यूएसए १९३ (USA 193) हा उपग्रह हेरगिरीच्या उद्देशाने (Spy satellite ) १४ डिसेंबर २००६ रोजी सोडला होता. याचे नेमके काम काय होते हे मात्र 'क्लासिफाइड' होते.
• जरी याचे प्रक्षेपण व्यवस्थित झाले तरी प्रक्षेपणानंतर थोड्याच वेळात त्यात बिघाड निर्माण झाला.
• जानेवारी २००८ मध्ये हा उपग्रह लवकरच पृथ्वीवर कोसळेल असे जाहीर झाले. उपग्रह पृथ्वीवर कोसळला तर त्यात असणार्‍या हायड्रॅझिन (hydrazine) या विषारी पदार्थामुळे जीवितहानी होण्याची शक्यता होती.
• १२ फेब्रुवारीला राष्ट्राध्यक्ष बुश यांनी क्षेपणास्त्राच्या साहाय्याने उपग्रहाच्या इंधनटाकीचा वेध घेऊन विषारी पदार्थ नष्ट करण्याचा योजनेला मंजूरी दिली.
• १४ फेब्रुवारीला अमेरिकन नौदलाने 'पृथ्वीच्या वातावरणात शिरण्याआधी उपग्रहाला नष्ट करण्याची' योजना जाहीर केली.
• २१ फेब्रुवारी रोजी नौदलाच्या बोटीवरून सोडलेल्या SM-3 क्षेपणास्त्राने 'पृथ्वीच्या वातावरणात शिरण्यापूर्वीच' उपग्रहाचा वेध घेतला.
• उपग्रहाचे अवशेष येत्या काही दिवसांत समुद्रात शेकडो किलोमिटर पर्यंत पडण्याची शक्यता.
• उपग्रह पाडण्याचा एकूण खर्च ४० ते ६० दशलक्ष डॉलर

SM-3 क्षेपणास्त्राचे प्रक्षेपण

वाद-आरोप
विषारी पदार्थामुळे रू शकणारी जीवितहानी रोखणे हाच उद्देश होता असे जरी अमेरिकेने जाहीर केले असले तरी या हल्ल्याची कारणमीमांसा करणारे वेगवेगळे प्रवाद चर्चेत आहेत.

• महत्त्वाची/गुप्त माहिती इतर कोणाच्या हाती लागू नये
• उपग्रह-विरोधी क्षेपणास्त्राची (Anti-satellite (or ASAT) weapon) चाचणी

कसे घडले?

उपग्रहाचा वेध

१ - पॅसिफिक महासागरातून SM-3 क्षेपणास्त्राचे प्रक्षेपण
२ - 'three-stage missile' चा अंदाजे २२,००० मैल/तास वेगाने प्रवास
३ - यूएसए १९३ (USA 193) उपग्रह पृथ्वीच्या वातावरणाच्या जवळ २४७ किमी उंचीवर
४ - उपग्रहाच्या इंधन टाकीवर SM-3 चा आघात, हायड्रॅझिन (hydrazine) अवकाशात सोडले जाण्याची अपेक्षा
५ - बरेचसे अवशेष जळून जाण्याची आणि उरलेले शेकडो किमी समुद्रावर पडण्याची शक्यता

अधिक माहिती - विकिपिडिया, बीबीसी