तात्या .
आपल्या परिचयात , शेअर मार्केट मधे ज्योतिषाचा आधार घेणारे लोक किती असावेत ? जिथ अनिष्चितता आहे तिथ ज्योतिष आले. मध्यंतरी मी तसा सर्व्हे घेण्याचा प्रयत्न केला. शेअर मार्केट मधिल माझे ग्यान जेमतेम असल्याने फडशा पाडता आला नाही. पण ज्योतिषात सुनंदा राठी यांचे भाग्यसंकेत या दिवाळी अंकाव्यतिरिक्त मला अन्य काहि दिसले नाही. त्या स्वत: ब्रोकर आहेत तशाच अर्थ तद्न्य आहेत. ( डॊक्टरेट तरी अर्थ शास्त्रातील आहे) मध्यंतरी किरण जाधव यांचा प्रिसीजन टेक्निकल्स चा मोठा कार्यक्रम एप्रिल २००७ च्या आसपास पुण्यात भव्यदिव्य अशा गणेश कला क्रीडा मंचावर मोठ्या गर्दीत झाला होता. त्यावेळी त्यांनी गोंधळलेल्या गुंतवणूकदाराची मानसिकता दाखवणारी एक छोटी एकांकिका दाखवली होती. अचुक निरिक्षण होते. पण ज्योतिषी लोक शेअरमार्केटमध्ये सहसा शिरत नाहीत. शिरले तरी त्यात आपले ज्योतिष ग्यान वापरत नाहीत. व्यवहारग्यान व जोखीम याचाच वापर करतात.
प्रकाश घाटपांडे

आजही १६ % वर आहे! :)

आत्ताचा भाव रुपये २१६. आमची सुचवणी ११६!

सबब, आम्ही सुचवलेल्या समभागांची ३ महिन्यांतील सरासरी वाढ = ३५% ! :)

अरे किसिने कमाया की नही? :)

असो,

समभाग बाजारात आमचा व्यायसायिक सल्ला हवा असल्यास आमची फी व कार्यपद्धती जाणून घेण्याकरता आम्हाला व्य नि पाठवा किंवा ९८२०४९४७२० या क्रमांकावर संपर्क साधा! :)

आपला,
(धंद्यात उतरलेला एक मराठी माणूस!) तात्या.

नुसत्या चर्चा झडण्यापेक्षा त्यातून काही साध्य होणे नेहमीच चांगले. माझ्या मते जाहिरात करण्यात गैर नसावे, फक्त फुकटात की विकत हा ठरविण्याचा भाग आहे.
कोणत्याही सभासदाला एखादं सदर लिहून त्याच्या धंद्याची आणि व्यवसायाची जाहीरात करता येईल!
लेखनाच्या बदल्यात जाहिरात ही उत्तम कल्पना आहे. याचा विचार व्हावा.

जयेश

सियाराम सिल्क आजही ८ टक्के वर आहे. चालू भाव रुपये २४०!!
(आमची सुचवणी रुपये ११६!!)

'अरे हा समभाग चांगला आहे, घ्या घ्या' असं कानीकपाळी ओरडून सांगत होतो. कुणी घेतला आहे का हा समभाग? तसे एखाद्या सभासदाने कळवल्यास मला फार आनंद होईल!

अहो, ज्याचे भागभांडवल फक्त ९.४ कोटी आहे, ज्याच्या समभागाची दर्शनी किंमत १० रुपये असून पुस्तकी किंमत १४२ रुपये आहे, ज्याची प्रति समभाग मिळकत २१ रुपये असून (मागील वर्षीपेक्षा ४ रुपये अधिक!), जी कंपनी पाच रुपये प्रति समभाग लाभांश देते व ५.५ इतकेच किंमत/उत्पन्न गुणोत्तर असताना ११६ या बाजार भावाला हा समभाग नाही घ्याचा तर केव्हा घ्यायचा?? अहो ज्या कंपनीच्या समभागाचे बाजारमूल्य (११६) हे त्याच्या पुस्तकी किंमतीपेक्षाही (१४२) कमी असते तेव्हा तो समभाग तिथून कधीही जोरात उसळी मारू शकतो हे लक्षात घेऊनच आम्ही हा समभाग सुचवला होता.

असो, एखाद्या समभागाची निवड करताना वरील सर्व गोष्टी ध्यानात घेतल्यास चांगला परतावा मिळू शकतो हेच आम्हाला यातून सांगायचे आहे.

आपला,
(ए ग्रुपपेक्षा, बी ग्रुप तसेच मिडकॅप व स्मॉल कॅप समभागांवर अधिक श्रद्धा असणारा एक मारवाडी)

तात्या महेश्वरी!

:)

SRF आजचा भाव रुपये १९१.
आमची सुचवणी रुपये १४१. एकूण वाढ ३५ %

Cheviot आजचा भाव २८८.
आमची सुचवणी रुपये २३३. एकूण वाढ २४ %

Seshasayee Paper आजचा भाव रुपये १९६.
आमची सुचवणी रुपये १७७. एकूण वाढ ११ %

Siyaram Silk आजचा भाव रुपये २३५.
आमची सुचवणी रुपये ११६. एकूण वाढ १०३ %

गुंतवणुकीवरील तीन महिन्यातील सरासरी वाढ = ४३ %

:)

समभाग बाजारात आमचा व्यायसायिक सल्ला हवा असल्यास आमची फी व कार्यपद्धती जाणून घेण्याकरता आम्हाला व्य नि पाठवा किंवा ९८२०४९४७२० या क्रमांकावर संपर्क साधा! :)

आम्हाला आमच्या धंद्या-व्यवसायाविषयी इथे जाहिरातवजा माहिती देता आली त्याबद्दल आम्ही उपक्रम प्रशासनाचे अत्यंत ऋणी आहोत.

डिस्क्लेमर -

१) या बाबतीत कुणी आमच्याशी संपर्क साधून काही करार केल्यास तो करार फक्त संबंधित व्यक्ति आणि तात्या अभ्यंकर यांच्यामधलाच करार असेल. उपक्रम प्रशासनाचा त्या कराराशी काहीएक संबंध नसेल.

२) वरील सर्व समभागात आमची वैयक्तिक गुंतवणूक असून अद्याप आम्ही या समभागांची विक्री केलेली नाही. तसेच सदर समभागांच्या बाजारी भाववाढीमध्ये आमचा आर्थिक स्वार्थ गुंतलेला आहे याची कृपया नोंद घ्यावी. मात्र आजच्या किंमतींना हे समभाग नव्याने विकत घेणे योग्य होणार नाही असेही आम्हाला वाटते!

आपला,
तात्या अभ्यंकर,
दलाल स्ट्रीट, मुंबई - २३.